Author

Krystine Belen

DWIZ 882

PBBM, naka-secure ng AI-powered weather forecasting system para sa Pilipinas

Nakapag-secure si Pangulong Ferdinand Marcos Jr. ng AI-powered weather forecasting system para sa Pilipinas.

Ito ay matapos lagdaan ng Department of Science and Technology (DOST) at ang nangungunang Artificial Intelligence (AI) Meteorology Company ng Amerika na Atmo Inc. ang memorandum of agreement (MOA) na magpapataas sa kalidad ng weather forecasting system sa bansa.

Sa sidelines ng Asia-Pacific Economic Cooperation (APEC) Summit, sinaksihan ni Pangulong Marcos ang paglagda nina DOST Undersecretary Maridon Sahagun at Atmo Inc. Founder and CEO Alexander Levy sa nasabing kasunduan.

Para sa Pangulo, malaking tulong ang partnership na ito sa climate resilience ng bansa.

Matatandaang nakararanas ang Pilipinas ng humigit-kumulang 20 bagyo kada taon na nagreresulta sa matinding pinsala sa imprastraktura at agrikultura, pati na rin sa pagkawala ng mga ari-arian at buhay.

November 17, 2023 0 comment

FEATURES

Bakit mahalaga pa rin ang pagmamano?

written by Krystine Belen

Panahon na naman ng Kapaskuhan. Marami na namang mga bata ang uutusan ng kanilang mga magulang na mag-bless sa kanilang mga ninong at ninang para mabigyan ng aguinaldo.

Hindi na bago sa kultura nating mga Pilipino ang pagmamano. Ngunit pansin mo rin bang hindi na ito masyadong laganap ngayon, maliban na lang tuwing Kapaskuhan?

Bahagi ng kultura at kaugalian nating mga Pilipino ang pagmamano. Mula ang salitang mano sa Spanish word na kamay. Sa madaling salita, ang literal translation ng mano po ay “kamay mo po.”

Sa pamamagitan ng paghingi ng kamay ng mas nakatatanda at pagdampi nito sa noo natin, naipakikita na ang respeto, paggalang, at pagmamahal natin sa kanila.

Ayon kay Emmanuel Abalos ng Kapisanan ng mga Brodkaster ng Pilipinas, walang ibang kultura sa Asya, Europa, o kahit sa Amerika ang gumagawa ng ganitong klaseng gesture bilang pagbigay ng paggalang sa mga nakatatanda.

Mula pagkabata, tinuturuan na ang mga Pilipino na irespeto ang mga matatanda—kapamilya man o hindi. Unfortunately, hindi na ito common sa panahon ngayon. Isa sa mga dahilan nito ang paglaganap ng teknolohiya at globalisasyon kung saan naiimpluwensyahan ang kaugalian ng mga kabataan. Isa rin sa mga dahilan ay ang pagka-busy ng mga magulang kaya hindi na nila consistent na natuturuang magmano ang kanilang mga anak.

Nagbabago man ang panahon, mahalaga pa ring ituro sa mga kabataan ang pagmamano, hindi lang tuwing Pasko kundi sa pang-araw araw na buhay, upang mapanatili ang tradisyon at kultura natin. Sa pagmamano, matututo ang mga kabataan maging magalang at mapagkumbaba.

Hindi lang isang simpleng tradisyon ang pagmamano, kundi isang paraan upang lumaking mabuti at marespeto ang isang tao. Kaya naman, huwag nating putulin ang kahanga-hangang tradisyong ito. Huwag mag-bless dahil may kapalit. Mag-bless dahil sumasalamin ito sa pagkatao mo.

Kaya ikaw, nagmano ka na ba?

November 16, 2023 0 comment

EXPLAINERS HEADLINES NATIONAL NEWS

Bilang ng mga Pinoy na may trabaho, tumaas

written by Krystine Belen

Nababawasan na ang mga tambay sa Pilipinas.

Ayon sa inilabas na ulat ng Philippine Statistics Authority (PSA) noong November 8, 2023, bumaba ng 4.5% ang unemployment rate ngayong September 2023, mula 5% noong September 2022. Mula sa 2.5 million unemployed Filipinos noong nakaraang taon, bumaba ang bilang nito ngayong 2023 ng 2.26 million ayon kay National Statistician Dennis Mapa.

Malaking bahagi sa pagbaba ng unemployment rate ang mga hakbang ni Pangulong Ferdinand Marcos Jr. na nagpapaunlad sa labor sector ng bansa.

Noong September 27, 2023 pinirmahan ni Pangulong Marcos Jr. bilang batas ang Republic Act No. 11962 o Trabaho Para sa Bayan Act. Layon ng batas na itong malutas ang iba’t ibang hamon sa labor sector ng bansa gaya ng low quality jobs, skills mismatch, unemployment, at underemployment.

Sa ilalim ng Trabaho Para sa Bayan Act, palalakasin ang employability at competitiveness ng mga Pilipino sa pamamagitan ng upskilling at reskilling. Nakasaad sa nasabing batas ang paglikha ng Trabaho Para sa Bayan Inter-Agency Council (TPB-IAC) na gagawa ng master plan para sa employment generation at recovery. Pamumunuan ito ng Director General ng National Economic and Development Authority (NEDA).

Magbibigay ng incentives ang pamahalaan sa employers, industry stakeholders, at private partners na magiging facilitator ng skills development, technology transfer, at knowledge ng mga negosyante at manggagawa.

Bukod dito, inaprubahan din ng Senado ang Public-Private Partnership Act kasabay sa paglulunsad ng National Innovation Agenda and Strategy Document for 2023-2032. Ang mga ito ay inaasahang makapagbibigay ng mas maraming trabaho.

Nariyan din ang Food Stamp Program ng administrasyong Marcos na may layong malabanan hindi lang ang kagutuman, pati na rin ang unemployment sa bansa. Matatandaang para manatili sa Food Stamp Program, kinakailangang mag-enroll ang beneficiaries nito sa job-generating programs ng Department of Labor and Employment (DOLE) at Technical Education and Skills Development Authority (TESDA). Required rin ang beneficiaries na magbigay ng certificate bilang patunay na naghahanap sila ng trabaho.

Tutok din si Pangulong Marcos Jr. na manghikayat ng mas maraming investors para sa bansa sa kanyang ginagawang foreign trips. Matatandaang viral sa social media ang productive trip ng Pangulo sa Saudi Arabia kung saan nakakuha siya ng $120 million worth of Memorandum of Understanding agreement sa pagitan ng EEI Corporation ng Pilipinas at Samsung Engineering NEC Company ng Saudi. Sa kasunduang ito, ipatatayo ang isang 500-person capacity training facility sa bansa para sa upskilling ng mga Pilipino sa construction industry.

Ayon kay NEDA Undersecretary Rosemarie Edillon, unti-unti nang natutupad ang adhikain ng administrasyong Marcos na mapaunlad ang labor force ng bansa. Sa mga pagsisikap ng pamahalaan na mabigyan ng dekalidad trabaho ang mga Pilipino, matutupad ang hangarin ng Pangulo na magkaroon ng mas matatag at masaganang kinabukasan ang bansa.

November 16, 2023 0 comment

EXPLAINERS NATIONAL NEWS

PBBM, target gawing world-class force ang AFP

written by Krystine Belen

Ang Armed Forces of the Philippines (AFP) ang responsable sa pagtatanggol sa teritoryo ng bansa. Dahil importanteng papel ang ginagampanan nila, masasabing isa sa mga magagandang plano ni Pangulong Ferdinand ‘Bongbong’ Marcos Jr. ang gawing world-class ang AFP.

Sa ginanap na annual traditional dinner para sa AFP Council of Sergeants Major sa Malacañang noong October 23, 2023, ipinahayag ni Pangulong Marcos Jr. ang commitment ng kanyang administrasyon na gawing world-class force at national pride ang AFP.

Patuloy ang pagpapatupad ng administrasyong Marcos sa AFP Modernization Program sa pamamagitan ng pagbili at pag-upgrade sa military assets ng bansa. Matatandaang noong May 17, 2023, nilagdaan ng Pangulo ang Republic Act No. 11939 na naglalayong mas mapalakas pa ang professionalization at merit system ng AFP. Dahil sa batas na ito, mas naging effective, modern, at professional ang AFP.

Ipinangako rin niya ang tuloy-tuloy na pagpapatupad ng kanyang administrasyon sa mga programa at polisiyang magsusulong sa welfare ng AFP personnel at ng kanilang mga pamilya.

Bilang sila ang first line of defense ng bansa laban sa security threats, buong suporta ang ibinibigay ni Pangulong Marcos Jr. sa AFP. Aniya, laging nasa likod ng AFP ang Pilipinas habang ginagampanan nila ang kanilang mga tungkulin sa bayan.

Nagpahayag naman ng kumpiyansa si Pangulong Marcos Jr. na ipagpapatuloy ng sergeants major ang pagpapahusay sa kanilang kaalaman at kakayahan upang ganap na maisakatuparan ang mga layunin ng AFP.

Napakahalaga sa pagpapaunlad ng ekonomiya ang pagsiguro sa peace and order at pagproktekta sa mga tao sa bansa laban sa domestic and international threats. Pangako ni Pangulong Marcos Jr., sisikapin ng administrasyon niyang maabot ang target na estado ng AFP na lalong rerespetuhin sa ibang bansa.

November 16, 2023 0 comment

HEADLINES HOT STORIES OF THE WEEK NATIONAL NEWS

PBBM, gumawa ng kasaysayan bilang unang head of state na nagbigay ng speech gamit ang hologram sa SFF 2023

written by Krystine Belen

Nasa Amerika man para sa 2023 APEC Summit, nakadalo pa rin si Pangulong Ferdinand Marcos Jr. sa ginanap na Singapore FinTech Festival (SFF). Ito ay sa pamamagitan ng hologram.

Si Pangulong Marcos ang pinakaunang head of state na nagbigay ng speech gamit ang hologram sa pinakamalaking financial technology event kung saan ipinakita niya ang commitment ng Pilipinas sa digital innovation.

Binigyang-diin din ng Pangulo ang kritikal na papel ng pakikipagtulungan sa domestic at international stakeholders upang maging isang digital innovation and entrepreneurship hub ang bansa.

Nagbibigay ng plataporma ang SFF sa higit na 500 exhibitors mula sa 134 na bansa kung saan pag-uusapan ang pinakabagong trends, opportunities, at challenges sa financial technology.

Nakatuon ang nasabing festival ngayong taon sa pagbuo ng Artifical Intelligence (AI) at ang posibleng paggamit nito sa industriya ng financial services.

November 16, 2023 0 comment

HEADLINES HOT STORIES OF THE WEEK NATIONAL NEWS

Bilateral meeting nina PBBM at Japanese Prime Minister Kishida, inaasahang magpapalakas sa ugnayan ng Pilipinas at Japan

written by Krystine Belen

Inaasahang muling pagtitibayin ng gaganapin na bilateral meeting nina Pangulong Ferdinand Marcos Jr. at Japanese Prime Minister Fumio Kishida ang malalim na ugnayan ng Pilipinas at Japan para sa mas pinaigting na strategic partnership.

Nakatakdang bumisita ang Japanese Prime Minister sa Pilipinas para sa kanyang two-day official visit.

Ayon sa Department of Foreign Affairs, magkikita ang dalawang lider sa Malacañang upang pag-usapan ang pulitika, seguridad, ekonomiya, at ugnayan ng mamamayan ng Pilipinas at Japan.

Kaugnay nito, sinabi ni chief cabinet Secretary Hirokazu Matsuno na nasa final stages na ang negosasyon sa pagitan ng dalawang bansa tungkol sa equipment at iba pang tulong na iaalok ng Japan sa Pilipinas.

Pinagde-desisyunan na rin kung kailan pipirmahan ang kasunduan sa ilalim ng opisyal na security assistance program na may layong tumulong sa pagpapalakas ng kakayahan ng partner countries ng Japan.

November 2, 2023 0 comment

Newer Posts

Older Posts