Author

Krystine Belen

DWIZ 882

PBBM, pinahahalagahan ang hakbang ng dating administrasyon sa kapayapaan – Speaker Romualdez

Pinahahalagahan ni Pangulong Ferdinand Marcos Jr. ang mga ginawang hakbang ng dating administrasyon upang makamit ang kapayapaan at pag-unlad ng bansa ayon kay House Speaker Martin Romualdez.

Aniya, patunay dito ang Amnesty Program na inilabas ni Pangulong Marcos kamakailan.

Sa bisa ng amnesty proclamations, mabibigyan ng pardon ang mga dating miyembro ng mga rebeldeng grupo, katulad ng Communist Party of the Philippines (CPP), New People’s Army (NPA), National Democratic Front of the Philippines (NDFP), Alex Boncayao Brigade (ABB), Moro Islamic Liberation Front (MILF), at Moro National Liberation Front (MNLF).

Pagpapatuloy ito sa amnesty program noon ni dating Pangulong Rodrigo Duterte.

Para sa House Speaker, hindi lang ito simpleng hakbang sa pagkakasundo. Mahalaga rin umano ito sa pag-unlad ng kapayapaan at ekonomiya.

Samantala, handa naman ang Kamara na makipagtulungan sa Executive Department para sa mga kinakailangan pang programa upang masigurong magiging produktibo ang pagbabalik-loob ng mga dating rebelde.

November 29, 2023 0 comment

EXPLAINERS HEADLINES

MILF at MNLF, suportado ang amnesty proclamations ni PBBM

written by Krystine Belen

Umani ng overwhelming support ang pag-isyu ni Pangulong Ferdinand Marcos Jr. ng mga proklamasyon na nagkakaloob ng amnestiya sa mga dating miyembro ng mga rebeldeng grupo.

Mismong Moro Islamic Liberation Front (MILF) at Moro National Liberation Front (MNLF), pinuri ang naging hakbang ni Pangulong Marcos.

Para kay MILF Chairman Al Haj Murad Ebrahim, nagpapakita ng strong signal sa commitment ng pamahalaan na ipagpatuloy ang peace process kasama ang MILF ang paglabas ni Pangulong Marcos ng Proclamation No. 405. Sa bisa ng Proclamation No. 405, pagkakalooban ng amnestiya ang mga kwalipikadong miyembro ng MILF.

Sabi ni Ebrahim, prayoridad nilang tiyakin na mutually honored, substantially implemented, at timely completed ang mga kasunduan sa Comprehensive Agreement on the Bangsamoro (CAB). Tumutukoy ang CAB sa final peace agreement na nilagdaan ng pamahalaan ng Pilipinas at MILF noong March 27, 2014.

Pinasalamatan naman ni Ebrahim si Pangulong Marcos at ang administrasyon nito sa walang sawang pagsusulong ng peace, reconciliation, at unity policies.

Ganito rin ang naging pahayag ng MNLF. Ayon kay Office of Deputy Speaker Ustadz Abdulkarim Tan Misuari, naipakita ni Pangulong Marcos na seryoso ito sa pagkakaroon ng diyalogo at negosasyon upang maresolba ang mga gusot sa mga dating kumalaban sa gobyerno sa pamamagitan ng paglabas ng Proclamation No. 406.

Sa bisa naman ng Proclamation No. 406, bibigyan ng amnestiya ang mga kwalipikadong miyembro ng MNLF.

Dagdag pa ni Misuari, hindi lang susuporta ang desisyong ito ng Pangulo sa pagbabalik-loob ng mga miyembro ng MNLF sa lipunan. Aniya, makakaambag din ito sa pag-unlad ng bansa.

Tumutukoy ang amnesty sa pagbibigay ng awtoridad ng official pardon o pagpapatawad sa mga nahatulan ng political offenses. Hindi naman sakop ng amnestiya ang mga rebeldeng nakagawa ng terrorism, rape, kidnap for ransom, massacre, at iba pang mga mahahalay na paglabag sa karapatang pantao.

Para sa Armed Forces of the Philippines (AFP), makatutulong sa kapayapaan ng bansa ang pagbibigay ng amnestiya ni Pangulong Marcos, ngunit siniguro naman ni Department of National Defense (DND) Secretary Gilberto Teodoro na nananatili pa ring alerto ang pamahalaan laban sa extremism at terorismo.

November 29, 2023 0 comment

EXPLAINERS

Pagpapatayo ng virology institute sa bansa, priority ni PBBM

written by Krystine Belen

Courtesy: Bases Conversion and Development Authority

Kapansin-pansin ngayon ang pagtaas sa presyo ng itlog. Ayon sa mga ulat, nagkakaroon ng dayaan sa presyo nito. Kamakailan nga lang, iminungkahi ng isang mambabatas na gawing per kilo na lang ang bentahan ng itlog, na siya namang binasag ni House Speaker Martin Romualdez.

Dahil sa avian influenza o mas kilala natin bilang bird flu, naitalang bumaba ng 20% ang produksyon ng itlog sa bansa. Isa ito sa mga dahilan kung bakit may kakulangan ng supply sa itlog.

Naniniwala naman si Romualdez na bababa ang presyo ng manok at itlog sa oras na matupad ang plano ni Pangulong Ferdinand Marcos Jr. na makakuha ng avian flu vaccines. Umaasa rin ang House Speaker na maisasabatas na ang panukalang magpapatayo sa Virology and Vaccine Institute of the Philippines (VIP) upang maiwasan ang ganitong insidente.

Matatandaang legislative priority ni Pangulong Marcos ang pagtatatag ng virology and vaccine research institute sa bansa.

Dahil sa COVID-19 pandemic, maraming bansa ang nahikayat na magkaroon ng high-level biosafety laboratories. Kabilang na dito ang Pilipinas.

Kaya naman noong December 5, 2022, inapruba ng 216 na mambabatas sa third and final reading ang House Bill No. 6452 o ang panukalang pagpapatayo ng virology institute sa bansa.

Sa kasalukuyan, mayroong Research Institute for Tropical Medicine sa Muntinlupa na nag-aaral infectious at tropical diseases.

Sa VIP naman, dito pag-aaralan at gagawa ng mga gamot at bakuna laban sa virus at viral diseases na nakaapekto sa mga tao, hayop, at pati na rin sa mga halaman.

Ayon sa Department of Science and Technology (DOST), target na maipatayo ang virology institute sa New Clark City sa Capas, Tarlac sa katapusan ng 2023 o sa 2024. Ang nasabing institusyon ay magkakaroon ng lecture halls, greenhouses, at laboratories, kabilang na ang Biosafety level 4 (BSL-4) lab, ang highest level ng biosafety precautions.

Nakikita ng DOST ang VIP bilang premier research and development institute sa field ng virology na tutulong sa bansang maghanda kung sakaling magkaroon ulit ng pandemya.

Para naman kay Pangulong Marcos, malaking tulong sa kaligtasan ng mga Pilipino ang pagkakaroon ng sariling virology institute. Pangako niya, “We will continue to work so that our people are safer, so that our citizens have better access to health care and so that the quality of our health care will improve.”

November 29, 2023 0 comment

EXPLAINERS

Pinakaunang cancer hospital sa Pilipinas, bukas na

written by Krystine Belen

Pinangunahan ni Pangulong Ferdinand Marcos Jr. ang inagurasyon ng Healthway Cancer Care Hospital (HCCH) sa Taguig nitong November 24, 2023. Ito ang pinakaunang cancer hospital sa Pilipinas.

Bunga ang paglulunsad ng ospital na ito sa US trip ni Pangulong Marcos. Matatandaang isa ang pagpapatayo ng HCCH sa mga kasunduang nasaksihan ng Pangulo sa sidelines ng 2023 Asia-Pacific Economic Cooperation (APEC) Summit na ginanap kamaikalan lang.

Isang premier healthcare institution ang HCCH na nag-aalok ng wide and comprehensive range of cancer services, mula screening, diagnosis, treatment, at post-cancer care. Pangako ni Pangulong Marcos, makapagbibigay ito ng accessible cancer care para sa mga Pilipino. Kabilang sa cancer care services ang radiation oncology, surgery, chemotherapy, at palliative care.

Mapahuhusay ng HCCH ang cancer care services ng bansa, dahil na rin sa leading medical professionals and oncologists nito na sinamahan pa ng modern and state-of-the-art equipment.

Bukod sa newly-inaugurated cancer hospital, mayroon ding primary care services ang pamahalaan kung saan maaaring magpakonsulta para sa early cancer detection. Samantala, nagbibigay naman ang Philippine Health Insurance Corporation (PhilHealth) Konsulta Primary Care Team ng libreng diagnostic examinations at laboratory tests.

Para naman sa cancer treatment, sinabi ni Pangulong Marcos na nagtalaga na rin ang pamahalaan ng 25 specialty centers for cancer care sa mga piling ospital ng Department of Health (DOH) sa buong bansa.

Ikatlo ang cancer sa leading cause of death sa bansa. Kaya naman hinihikayat ni Pangulong Marcos ang publiko na i-maximize ang mga programa, pasilidad, at serbisyo ng pamahalaan upang maiwasan at malabanan ang nakamamatay na sakit na ito, para na rin sa kapakanan at kalusugan ng bawat Pilipino.

November 28, 2023 0 comment

EXPLAINERS HEADLINES

PBBM, pinangunahan ang nationwide gift-giving event para sa mga bata ngayong Kapaskuhan

written by Krystine Belen

Sabi nga nila, “Christmas is for children.” Kaya naman ngayong panahon ng Kapasukuhan, libo-libong bata ang pinasaya ni Pangulong Ferdinand Marcos Jr. sa pamamagitan ng “Balik Sigla, Bigay Saya” program.

Nitong November 26, 2023, pinangunahan ni Pangulong Marcos Jr. ang ikalawang taon ng Balik Sigla, Bigay Saya program, isang nationwide gift-giving event ng Office of the President, katulong ang Social Secretary’s Office.

Sa Kalayaan grounds sa Malacañang, masayang tinanggap nina Pangulong Marcos Jr. at First Lady Liza Araneta-Marcos ang higit sa 1,700 bata mula sa mga piling shelters at orphan care centers. Kasabay nito, nagsagawa rin ng gift-giving activities ang 300 satellite centers sa buong bansa.

Naitalang 1,120 na mga bata sa National Capital Region (NCR) ang nakatanggap ng maagang pamasko; 449 sa Cebu; 600 naman sa Davao; at higit 14,867 sa iba pang satellite centers sa Pilipinas.

Sa kabuuan, higit 17,000 na bata ang napasaya ng pamahalaan ngayong Kapaskuhan.

Nagtulungan ang Department of Social Welfare and Development (DSWD) at private partners, kabilang na ang Jollibee at San Miguel Corporation, upang maayos na maidaos ang simultaneous gift-giving event sa mahigit 250 na lugar sa buong bansa.

Sa kanyang talumpati, sinabi ng Pangulo na gawain ng ama niyang si dating Pangulong Ferdinand E. Marcos Sr. ang pagpapasaya sa mga bata sa Malacañang tuwing Kapaskuhan, kaya naman itinuloy niya ito.

Para kay Pangulong Marcos Jr., nagiging masaya ang Pasko kapag masaya ang mga bata. Kaya naman aniya, sa ngiti ng mga bata, nagkakaroon ng kabuluhan ang Kapasukuhan.

November 28, 2023 0 comment

NATIONAL NEWS

Pagbili ni PBBM ng bird flu vaccine, magpapababa sa presyo ng manok at itlog – Speaker Romualdez

written by Krystine Belen

Naniniwala si House Speaker Martin Romualdez na bababa ang presyo ng manok at itlog sa oras na matupad ang plano ni Pangulong Ferdinand Marcos Jr. na bumili ng avian flu vaccines.

Ayon kay Romualdez, tiyak na magpapasigla ng poultry industry ang planong ito ng Pangulo.

Aniya, sa pagpatay sa humigit-kumulang 10 milyong manok dahil sa bird flu, bumaba ng 20% ang produksyon ng itlog sa bansa.

Umaasa rin ang House Speaker na maisasabatas sa lalong madaling panahon ang panukalang pagpapatayo sa Virology and Vaccine Institute of the Philippines, isang research facility na may layong pag-aralan at makagawa ng mga gamot at bakuna laban sa mga virus na nakakaapekto sa mga tao, hayop, at halaman.

Matatandaang unang naiulat ang bird flu sa bansa noong 2017.

November 28, 2023 0 comment

HEADLINES

MNLF, pinuri ang amnesty proclamation ni PBBM

written by Krystine Belen

Pinuri ng Moro National Liberation Front (MNLF) ang pagbibigay ni Pangulong Ferdinand Marcos Jr. ng amnesty sa kanilang mga miyembro.

Ito ay sa bisa ng Proclamation No. 406 na inilabas ni Pangulong Marcos kamakailan.

Sa opisyal na pahayag ni Office of Deputy Speaker Ustadz Abdulkarim Tan Misuari, sinabi nitong patunay ang naturang proklamasyon sa commitment ng pamahalaan tungo sa pagkakaisa, kapayapaan, at pagkakasundo.

Sa pag-apruba ng amnestiya, naipapakita umano ni Pangulong Marcos na seryoso ito sa pagkakaroon ng diyalogo at negosasyon upang maresolba ang mga gusot sa mga dating kumalaban sa gobyerno.

Dagdag pa ni Misuari, hindi lang susuporta ang desisyong ito ng Pangulo sa pagbabalik-loob ng mga miyembro ng MNLF sa lipunan, kundi makakaambag din sa pag-unlad ng bansa.

November 28, 2023 0 comment

HEADLINES

Amnesty proclamations ni PBBM, makatutulong sa kapayapaan – AFP

written by Krystine Belen

Naniniwala ang Armed Forces of the Philippines (AFP) na makatutulong sa kapayapaan ng bansa ang pagbibigay ng amnestiya ni Pangulong Ferdinand Marcos Jr. sa mga dating miyembro ng mga rebeldeng grupo.

Ayon kay AFP spokesperson Colonel Medel Aguilar, mayroon na lamang mahigit 1,000 miyembro ang Communist Party of the Philippines-New People’s Army-National Democratic Front (CPP-NPA-NDF). 400 dito ang nahaharap sa mga kaso.

Aniya, ang paggawad ni Pangulong Marcos ng amnestiya ay nasa tamang panahon dahil kasabay nito, nakikita umano ang paghina ng CPP-NPA.

Bukod sa CPP-NPA-NDF, matatandaang ginawaran din ng Pangulo ng amnestiya ang mga dating miyembro ng Moro Islamic Liberation Front (MILF), Moro National Liberation Front (MNLF), at Rebolusyonaryong Partido ng Manggagawa ng Pilipinas/Revolutionary Proletarian Army/Alex Boncayao Brigade (RPMP-RPA-ABB).

Samantala, nilinaw naman ni Department of National Defense (DND) Secretary Gilberto Teodoro na nananatiling alerto ang pamahalaan laban sa terorismo at extremism sa kabila ng amnestiya.

November 27, 2023 0 comment

EXPLAINERS

Bakit binibigyan ng amnestiya ang mga rebeldeng grupo?

written by Krystine Belen

Pinagkalooban na ni Pangulong Ferdinand Marcos Jr. ng amnesty ang mga dating miyembro ng ilang rebeldeng grupo.

Matatandaang sa ikalawang State of the Nation Address (SONA) na ginanap noong July 24, 2023, nangako si Pangulong Marcos na maglalabas siya ng proklamasyon upang mabigyan ng amnestiya ang mga rebeldeng susuko sa gobyerno.

Tumutukoy ang amnesty sa pagbibigay ng awtoridad ng official pardon o pagpapatawad sa mga nahatulan ng political offenses, kabilang na ang rebellion.

Sa ilalim ng Article VII, Section 19 ng 1987 Constitution, mayroong kapangyarihan ang Pangulo ng Pilipinas na magbigay ng amnesty kung majority ng mga miyembro ng Kongreso ang sang-ayon dito.

Ibinibigay ang amnesty sa sumukong miyembro ng mga rebeldeng grupo upang mahikayat silang magbalik-loob sa pamahalaan at sumunod sa batas.

Nabigyan ng amnesty ang mga sumusunod na grupo sa bisa ng Proclamation Nos. 403, 404, 405 at 406:

Rebolusyonaryong Partido ng Manggagawa ng Pilipinas/Revolutionary Proletarian Army/Alex Boncayao Brigade (RPMP-RPA-ABB)
Communist Party of the Philippines-New People’s Army-National Democratic Front (CPP-NPA-NDF)
Moro Islamic Liberation Front (MILF)
Moro National Liberation Front (MNLF)

Hindi naman sakop ng amnestiya sa ilalim ng mga bagong proklamasyon ang paglabag sa mga sumusunod:

kidnap for ransom
massacre
rape
terrorism
crimes committed against chastity
illegal drugs
genocide
crimes against humanity
war crimes
torture
enforced disappearances
Geneva Convention of 1949 violations
iba pang mahalay na paglabag sa karapatang-pantao

Alinsunod dito, nilagdaan ni Executive Secretary Lucas Bersamin ang Executive Order (EO) No. 47 na nag-aamyenda sa EO No. 125, series of 2021 na lumikha sa National Amnesty Commission (NAC).

Sa bisa ng EO No. 47, i-uupdate ang mga tungkulin ng NAC upang maisali ang processing ng applications para sa amnesty ng mga rebeldeng grupo.

Ang pagbibigay ng amnestiya ay mahalagang parte ng comprehensive peace initiatives ng administrasyong Marcos upang magkaroon ng pangmatagalang kapayapaan sa Pilipinas.

Ayon nga sa Amnesty: A Blessing in Disguise? ni Pierre Hazan mula sa Center for Humanitarian Dialogue (HD), makatutulong ang amnestiya dahil mapabibilis nito ang pagkakaroon ng kapayapaan at mahihikayat ang mga rebelde na huwag nang makipaglaban sa sarili nitong bansa.

November 27, 2023 0 comment

EXPLAINERS

Paano makatutulong ang AI technology sa ekonomiya ng Pilipinas?

written by Krystine Belen

Handa na ang Pilipinas sa paggamit ng artificial intelligence (AI).

Ito ang binigyang-diin ni Pangulong Ferdinand ‘Bongbong’ Marcos Jr. sa pakikipagpulong niya sa technology investors sa sidelines ng ginanap na 30th Asia-Pacific Economic Cooperation (APEC) Summit sa San Francisco, California kamakailan.

Maaaring pataasin ng AI ang productivity ng mga negosyo at pahusayin ang competitiveness ng ekonomiya ayon kay Pangulong Marcos.

Naniniwala rin si Cisco Philippines managing director Zaza Soriano-Nicart na napalalakas ng paggamit ng AI ang economic potential ng mga kumpanya. Sa pag-aaral ng Cisco, isa sa pinakamalaking technology companies sa buong mundo, 98% ng mga kumpanya sa Pilipinas ang gustong i-utilize ang AI technology para mapataas ang efficiency ng kanilang trabaho.

Sa ulat ng PwC, isang accounting and auditing firm, naipakitang posibleng makaambag ng $15.7 trillion ang AI sa pandaigdigang ekonomiya sa 2030. Maaari ring mapataas ng AI technology ang gross domestic product (GDP) ng Southeast Asia ng $1 trillion ayon naman sa report ng EDBI and Kearney.

Hindi na bago sa Pilipinas ang pagyakap sa teknolohiyang ito. Sa katunayan, noong May 5, 2021, inilunsad ng Department of Trade and Industry (DTI) ang National Artificial Intelligence Roadmap. Hangad nitong gawin ang bansa bilang regional hub for AI-based solutions and data analytics.

Sa ilalim ng National AI Roadmap, pabibilisin ang pag-adapt sa AI technology. Layon din nitong gamitin ang AI technology sa iba’t ibang sektor, gaya ng education, banking and finance, retail and e-commerce, agribusiness, healthcare, logistics and transportation, at iba pa.

Naniniwala si Pangulong Marcos na maaaring maiangat ng AI technology ang buhay ng mga Pilipino. Dahil dito, nananawagan siya sa financial technology companies at startups na maging katuwang ng bansa patungo sa pag-usbong sa digital transformation ng Pilipinas.

November 27, 2023 0 comment

Newer Posts

Older Posts