Krystine Belen

Hinangaan ng dating senador na si Panfilo Lacson ang agenda ni Pangulong Ferdinand Marcos Jr. na iahon ang mga mahihirap na Pilipino mula sa kahirapan, imbes na hayaan silang umasa sa ayuda.

Ito ay matapos linawin ni Pangulong Marcos na inihahanda lang ng assistance programs ng pamahalaan na makabangon sa kanilang buhay ang mga nangangailangan.

Sabi ni Pangulong Marcos, bukod sa pagiging welfare armor ng social programs ng pamahalaan, nagbibigay ang mga ito ng paraan upang makaalis ang mga Pilipino sa kahirapan.

Sinang-ayunan ito ni Lacson na sinabing matagal na dapat itong naging polisiya sa pagbibigay ng ayuda. Ayon sa dating senador, ang mga inisyatibong ito ay dapat ituring lang na sustainable livelihood o job opportunities. Kaya naman aniya, ang layunin dapat sa pamimigay ng ayuda ay ang hikayatin ang mga tao na bumalik sa trabaho at hindi umasa sa bigay.

Isa sa mga inisyatibo ng pamahalaan na makatutulong sa pagpapaunlad ng mga mahihirap na pamilya ang free college program at iba pang scholarship projects para sa mga mag-aaral. Ayon kay Pangulong Marcos, inihahanda nito ang mga kabataan sa kanilang kinabukasan.

Bukod sa pagpapababa sa kaso ng involuntary hunger, layon ng Food Stamp Program na priority project ng Department of Social Welfare and Development (DSWD) na hikayatin ang mga Pilipino na maghanap ng trabaho. Matatandaang upang manatili sa Food Stamp Program, kinakailangang mag-enroll ang mga benepisyaryo nito sa job-generating programs ng DOLE at Technical Education and Skills Development Authority (TESDA) at magbigay ng certificate bilang patunay na naghahanap sila ng trabaho.

Nangako rin si Pangulong Marcos na ipagpapatuloy ng pamahalaan ang suporta sa mga magsasaka, gaya na lang ng pamimigay ng mga libreng binhi at pataba.

Ayon sa Pangulo, magsisilbing equity ang livelihood grants at product incubation assistance ng pamahalaan upang matulungan ang skilled at talented Filipinos na matupad ang kanilang mga pangarap.

Hindi permanente ang assistance programs ng pamahalaan dahil hinihikayat nito ang mga benepisyaryo na maghanap ng trabaho. Sa ganitong paraan, magkakaroon sila ng sariling kakayahan na iangat ang buhay ng kanilang pamilya. Ayon nga sa kasabihan, “Helping someone in need is temporary support; teaching them to help themselves is a lasting investment.”

Layon ni Pangulong Ferdinand Marcos Jr. na maka-graduate o makabangon na mula sa kahirapan ang mga Pilipinong tumatanggap ng ayuda mula sa pamahalaan.

Sa kanyang mensahe para sa pagsalubong ng 2024, sinabi ni Pangulong Marcos na hindi binuburo ng epektibong ayuda ang mga tao sa kahirapan.

Noong December 22, 2023, iniulat ng Philippine Statistics Authority (PSA) na bumaba ang poverty rate sa bansa ng 22.4% para sa first half ng 2023, mula 23.7% para sa kaparehong panahon noong 2021.

Mayroong iba’t ibang programa ang pamahalaan na tumutulong sa mga mahihirap na kababayan natin. Kabilang sa mga ito ang Tulong Panghanapbuhay sa Ating Disadvantaged/Displaced Workers (TUPAD) program ng Department of Labor and Employment (DOLE). Ang TUPAD program ay isang community-based package of assistance na nagbibigay ng emergency employment para displaced workers o mga nawalan ng trabaho. Kasama rin sa beneficiaries ang underemployed at seasonal workers.

Tinukoy rin ng Pangulo ang programang Assistance to Individuals in Crisis Situation (AICS). Isa itong serbisyo mula sa Department of Social Welfare and Development (DSWD) na nagbibigay ng tulong medikal, edukasyon, pagkain, transportasyon, o pinansyal para sa nangangailangan.

Target naman ng Medical Assistance for Indigent Patients (MAIP) program ng Department of Health (DOH) na makapagbigay ng medical at financial assistance para sa mga pasyenteng nais magpa-consult, rehabilitate, exam, o confine sa government hospitals.

Mayroon ding free education at scholarship programs ang pamahalaan. Inihahanda nito ang mga mag-aaral para sa kanilang kinabukasan at makapag-aahon sa kanilang pamilya mula sa kahirapan.

Bukod sa mga ito, ipinatupad din ng administrasyon ang Food Stamp Program. Upang manatili sa Food Stamp Program, kinakailangang mag-enroll ang beneficiaries nito sa job-generating programs ng DOLE at Technical Education and Skills Development Authority (TESDA) at magbigay ng certificate bilang patunay na naghahanap sila ng trabaho.

Ayon sa Pangulo, ang tamang konsepto ng ayuda ay pantawid lamang, hindi permanente at palagian. Ika nga niya, “we do not promote a life of dependency.”

Sa kabila nito, tiniyak pa rin ni Pangulong Marcos na patuloy ang pamahalaan sa pagbibigay ng dekalidad na serbisyo upang umunlad ang buhay ng bawat Pilipino sa bagong taon.

Siniguro ni Pangulong Ferdinand Marcos Jr. ang pagprotekta sa remittances ng Overseas Filipino Workers (OFWs). Ito ay sa kabila ng pagkakasama ng Pilipinas sa “grey list” ng global money laundering and terrorist financing watchdog na Financial Action Task Force (FATF) simula June 2021.

Tumutukoy ang grey list sa jurisdictions na may increased monitoring. Ang mga bansang kabilang dito ay may commitment na tugunan ang kakulangan sa pagsugpo ng money laundering, proliferation financing, at terrorist financing.

Maraming dahilan kung bakit napasama ang Pilipinas sa grey list, kabilang na ang risk ng money laundering mula sa casino junkets at sa kawalan ng prosecution sa terrorism funding cases.

Ayon sa dating Executive Director ng Anti-Money Laundering Council (AMLC) na si Atty. Mel Georgie Racela, itinuturing ang Pilipinas at ang mga nakatira rito na threat sa international financial system dahil sa grey list.

Kung tuluyan namang makasama sa black list ang bansa, lubos na maaapektuhan ang OFWs. Mahihirapan silang makapagpadala ng pera para sa kanilang pamilya dahil posibleng mas tumaas ang service fee. Mas marami ring dokumento ang kailangang ipasa bago maaprubahan ang remittance.

Para hindi na lumala pa ang sitwasyon, target ni Pangulong Marcos na matanggal na sa grey list ang Pilipinas pagsapit ng October 2024. Upang maisakatuparan ito, inatasan niya ang AMLC na bilisan ang pagpapatupad ng action plans kontra money laundering at counter-terrorist financing. Inutusan din niya ang konseho na magsampa ng kaso laban sa violators.

Ayon kay Atty. Matthew David, kasalukuyang Executive Director ng AMLC, naniniwala ang lahat na nasa right track na sila sa pagtugon sa strategic deficiencies. Nagpahayag na rin aniya ng commitment ang concerned government agencies na magpapatupad ng mga hakbang upang palakasin ang pakikipaglaban ng bansa kontra money laundering.

Para kay Pangulong Marcos, OFWs ang tunay na halimbawa ng makabagong manggagawang Pilipino na maipagmamalaki natin sa buong mundo. Nararapat lang ang aksyon ng pamahalaan na protektahan sila, pati na rin ang perang pinaghihirapan nila para sa kanilang pamilya sa Pilipinas.

Itinulak ng administrasyon ni Pangulong Ferdinand Marcos Jr. ang ekonomiya ng Pilipinas bilang fastest-growing sa major Asian countries sa taong 2023.

Ito ay ayon sa inilabas na statement ng Department of Finance (DOF) noong December 28, 2023.

Ayon kay Finance Secretary Benjamin Diokno, sa kabila ng iba’t ibang hamon gaya ng mataas na inflation, mabagal na paglago ng pandaigdigang ekonomiya, trade restrictions, at geopolitical tensions, nananatili ang bansa bilang isa sa brightest spots sa rehiyon.

Sa unang tatlong quarter ng taon, lumago ang ekonomiya ng Pilipinas ng 5.5%.

Pinakamataas ito kumpara sa major economies sa Asya, kabilang ang China na may 5.2% growth, Indonesia na 5.1%, Vietnam na 4.2%, Malaysia na 3.9%, Thailand na 2%, at Singapore na 0.5%.

Samantala, mayroon ding positive year-on-year (YoY) growths sa first three quarters ng 2023 ang lahat ng major production sectors. Pinangunahan ito ng services sector na may 7% growth, industry na 3.7%, at agriculture na 1.1%.

Kinilala naman ng multilateral organizations ang strong economic performance ng Pilipinas na inaasahang magkakaroon ng pinakamabilis na expansion. Ayon sa Asian Development Bank (ADB), magiging 5.7% ang growth ng bansa. Para sa ASEAN+3 Macroeconomic Research Office (AMRO) at World Bank (WB), lalago ito ng 5.6%; samantalang para sa International Monetary Fund (IMF), 5.3% ito.

Bukod rito, naging matatag din ang external performance ng Pilipinas kung saan naitalang $102.7 billion ang gross international reserves (GIR) ng bansa para sa November 2023, mula $101 billion noong October.

Matatandaang sinabi ni Japanese Chamber of Commerce and Industry (JCCI) chair Ken Kobayashi na naaakit ang investors sa pag-develop ng negosyo nila sa Pilipinas dahil sa stable at high-level economic growth nito.

Sa patuloy na paglago ng ekonomiya sa ilalim ng administrasyon ni Pangulong Marcos, mas maraming foreign investments ang papasok sa bansa. Inaasahang makapagbibigay ito ng mas maraming trabaho para sa bawat Pilipino at magpapanatili sa katatatagan ng ekonomiya ng Pilipinas.

Bilang pagkilala sa mga natatangi at magigiting na pulis, pinangalanan ni Pangulong Ferdinand Marcos Jr. ang ilang kampo at ari-arian ng Philippine National Police (PNP) bilang parangal sa kanila. Ito ay sa bisa ng Proclamation Nos. 429 at 430 na nilagdaan nooong December 20, 2023.

Batay sa Proclamation No. 429, fitting o naaangkop lang na parangalan ang dating police officers na nagpakita ng patriotism, courage, at dedication sa kanilang tungkulin sa pamamagitan ng pagpapangalan o pagpapalit ng pangalan sa ilang pasilidad ng PNP.

Kabilang dito ang pagpapalit ng pangalan ng 50th Maneuver Company Regional Mobile Force Battalion 5 sa Camp Police Max Jim Ramirez Tria at ang Police Regional Office (PRO) MIMAROPA Headquarters sa Camp Brigadier General Efigenio C. Navarro.

Ipinangalan din ng Pangulo ang mga ibinigay na lote sa PNP at Police Regional Office 5 bilang Camp Brigadier General Ludovico Padilla Arejola at Camp Captain Salvador Jaucian del Rosario, Sr. Kikilalanin naman na bilang Camp Colonel Juan Querubin Miranda ang Camarines Sur Police Provincial Office.

Sa bisa naman ng Proclamation No. 430, tatawaging Camp General Paulino T. Santos, Police Regional Office 12 ang Police Regional Office 12 of General Santos City; samantalang magiging Camp Private Andres P. Dadizon, Police Regional Office 8 na ang Biliran Police Provincial Office.

Dagdag pa rito, pinangalanan na rin ang Camarines Sur 1st Provincial Mobile Force Company Headquarters bilang Camp 2LT Carlos Rafael Paz Imperial, Police Regional Office 5.

Base ang pagpapangalan ng PNP camps at properties sa Section 2 ng Republic Act No. 10086 o Strengthening People’s Nationalism through Philippine History Act na may layong palakasin ang nasyonalismo at pagbibigay ng respeto sa mga bayani at sa mga nagawa nito para sa bayan.

Sa daming kinasasangkutang isyu, hindi maiiwasang mawalan ng tiwala ang ilang Pilipino sa PNP. Ito ang nais baguhin ni Pangulong Marcos na nagpaalala noon sa mga pulis na panatilihin ang integridad at unahin ang serbisyo sa publiko sa lahat ng oras. Hinikayat niya ang pulisya na umiwas sa anumang uri ng korapsyon upang maibalik ang tiwala, kumpiyansa, at paghanga ng publiko sa PNP.