Krystine Belen

Ngayong taon, ipagdiriwang ng Sanrio, isang Japanese entertainment company, ang 50th anniversary ni Hello Kitty!

Kabilang si Hello Kitty sa most iconic cartoon characters na patok hindi lamang sa mga bata, kundi pati sa kids at heart.

Bagama’t limang dekada na sa mundo, hindi pa rin alam ng karamihan na hindi isang pusa si Hello Kitty.

Hindi maikakaila na sa unang tingin, mapagkakamalan talagang pusa si Hello Kitty dahil sa kanyang whiskers at pointed ears.

Ngunit ayon sa Sanrio, isa siyang British schoolgirl na nagngangalang Kitty White.

Isa siyang grade 3 student na nakatira malapit sa London kasama ang kanyang parents at twin sister na si Mimmy.

Ibinahagi ng isang anthropologist mula sa University of Hawaii na si Christine Yano na binigyan siya ng Sanrio ng correction sa kanyang script para sa ginagawang exhibition ng beloved cartoon character.

Sinabihan umano siya ng creators na, “She is a little girl. She is a friend. But she is not a cat.”

Sa katunayan, mayroon siyang sariling pusa na si Charmmy Kitty.

Gayunman, nilinaw ng isang spokesperson ng Sanrio na hindi rin naman nila sinabing tao si Hello Kitty, kundi isang gijinka o personification lamang ng isang Japanese Bobtail cat.

Anuman ang tunay niyang pagkatao, hindi maikakailang malaki ang naging impluwensya ni Hello Kitty sa kultura, lalo na sa Asya.

Likas na mahilig ang mga Pilipino sa beauty pageants. Sa ganitong kompetisyon, mahalaga ang kagandahan, katalinuhan, talento, at confidence ng mga kandidata.

Almost perfect man ang kanilang mga katangian, alam pa rin nating tao lamang ang mga hinahangaan nating beauty queens.

Ngunit posible na itong magbago dahil kamakailan lang, inilunsad ang “Miss AI”, ang pinakaunang beauty pageant para sa artificial intelligence (AI)-generated female models.

Higit sa 1,500 AI-generated women ang isinali sa beauty pageant na inorganisa ng online creator platform na Fanvue. Sampu lamang sa kanila ang nakapasok sa finals.

Kabilang sa mga bansang pasok sa Top 10 ang Morocco, Portugal, France, India, Romania, Turkey, Bangladesh, at Brazil.

Huhusgahan ang bawat kandidata batay sa kagandahan, social media influence, at paggamit ng AI tools ng kanilang creator.

Mananalo ng $5,000 o higit P290,000 cash prize ang creator ng makokoronahan bilang Miss AI.

Hindi lamang isang beauty pageant ang Miss AI, kundi pagpapakita sa AI bilang mahalagang marketing tool, partikular na sa larangan ng influencers.

Ayon sa creator ni Miss Turkey Seren Ay, ginawa nila ang AI model bilang brand ambassador ng kanilang jewelry e-commerce company dahil mahal at demanding umano ang human influencers.

Aniya, mas mura at mas flexible ang AI influencer at hindi pa ito sumasagot-sagot.

Tulad ng inaasahan, inulan ng pambabatikos ang Miss AI dahil inaagawan na nito ng pagkakataon ang mga tunay na babae, itinataguyod pa nito ang unrealistic beauty standards na itinatakda ng lipunan.

Gayunman, isang makabagong hakbang sa teknolohiya ang kakaibang beauty pageant na ito na nagbibigay-daan sa atin na mas maunawaan ang potensyal ng AI sa iba’t ibang industriya.

Nang malaman ni Omar Gabriel Munoz mula sa California, USA na nanakawan siya, galit ang una niyang naging reaksyon. Sino ba namang hindi, ‘di ba?

Ngunit nang mapanood niya muli ang surveillance video ng insidente, natawa na lang siya.

Makikikita kasi rito ang isang itim na plastic trash bag na unti-unting lumalapit sa kanyang bahay. Pagkaakyat nito sa porch, tila hinigop nito ang isang package!

Nakatanggap si Omar ng notification sa isang app na na-deliver na ang kanyang order habang nasa trabaho.

Ngunit pagkauwi niya, hindi niya ito nakita. Dahil maliit lang ang package, naisip niyang tinangay ito ng malakas na hangin.

Nang i-check niya ang kanyang front door security camera, dito na niya natuklasan ang krimen.

Ang ninakaw? Isang package na may dalawang phone chargers na nagkakahalaga ng P570.

Hindi na ini-report ni Omar ang insidente sa mga pulis at tila natuwa siya sa creativity ng kawatan.

Hindi sana dadalo ang noo’y 18-anyos na si Kaylee Suders sa senior prom ng kanyang high school sa Mercersburg, Pennsylvania.

Ilang linggo kasi bago ang okasyon, binawian ng buhay ang kanyang prom date at boyfriend na si Carter Brown dahil sa car crash.

Ngunit nabago ang desisyon ng dalaga nang makatanggap siya ng prom proposal mula mismo sa ama ng kanyang pumanaw na kasintahan.

Isang high school football coach ang noo’y 50-anyos na si Robert nang mawala ang kanyang anak na si Carter. Pitong buwan lamang bago mangyari ang aksidente, nasawi rin ang isa niya pang anak dahil sa drug overdose.

Napakasakit para kay Robert ang pagkawala ng kanyang dalawang anak. Sa kabutihang-palad, nanatili si Kaylee sa buhay nila. Lagi nitong binibisita ang bahay ng kanyang namayapang kasintahan.

Dahil dito, mas naging close ang pamilya kay Kaylee at napalakas nila ang isa’t isa sa kabila ng pinagdadaanang hamon.

At nang dumating na ang araw ng prom, naisip ni Robert na samahan ang girlfriend ng anak dito.

Ayon kay Kaylee, naramdaman niyang isa siyang prinsesa sa kanyang prom night. Higit sa lahat, napasaya nito ang pamilya ng kanyang boyfriend.

2018 pa nang mangyari ang kwentong ito, ngunit patuloy pa rin itong pinag-uusapan online, lalo na sa panahon ng Father’s Day dahil patunay ito sa pagmamahal ng isang ama.

Kahit matinding pagsubok ang hinarap ng mga mahal sa buhay ni Carter, nangibabaw pa rin ang pagmamahal at pagmamalasakit ng kanyang ama, na siyang nagbigay ng liwanag at lakas sa kanila.