Kinumpirma ng National Telecommunications Commission na hindi magagamit ang gcash account kapag na deactivate na ang isang unregistered sim card.
Gayunman, nilinaw sa DWIZ ni NTC Deputy Commissioner John Salvahan na hindi naman mawawala ang laman ng gcash ng isang hindi nairehistrong sim card.
Dahil dito, pinayuhan ni Commissioner Salvahan ang mga may-ari ng unregistered sim cards na makipag-ugnayan sa kanilang telcos para maayos ang Gcash account.
Pinarangalan ng Pag-IBIG Fund ang top employers at developers sa Mindanao.
Ito ayon sa pag-IBIG ay kasunod nang pagsisimula ng serye ng star o stakeholder accomplishment reports ng Pag-IBIG sa Davao City.
Binigyang-diin ni Secretary Jose Rizalino Acuzar ng Department of Human Settlements and Urban Development na itinuturing ng Pag-IBIG ang 2022 bilang best performing year nito dahil sa naitalang record high na net income, membership savings, loan releases at payment collections.
Nagpasalamat si Secretary Acuzar sa partner employers at developers sa patuloy na pagsuporta sa pag ibig kayat tagumpay ang operasyon ng ahensya.
Binuo aniya nila ang Pag-IBIG star para kilalanin ang efforts ng employers and developers at patuloy na pagkakaroon ng good business relationship sa iisang misyon na mapaganda ang buhay ng bawat Pilipinong manggagawa.
Samantala, tinukoy ni Pag-IBIG fund chief executive officer Marilene Acosta ang patuloy na pagganda ng performance ng ahensya para sa unang dalawang buwan ng taon dahil sa maayos na pagpapatayo at delivery ng quality housing projects.
Napasakamay ng PhilHealth o Philippine Health Insurance Corporation ang pinakamataas na net satisfaction rating sa ikinasang nationwide survey ng Novo Trends PH, Inc. noong September 2022.
Lumalabas sa survey na 93.75 o halos 94% ang net satisfaction rating na nakuha ng PhilHealth mula sa 3,000 miyembro na isinailalim sa survey ng Novo trends sa iba’t ibang tanggapan nito.
Kabilang sa mga factors sa mataas na ratings ng PhilHealth mula sa respondents ay: ang kalidad ng PhilHealth staff at serbisyong kanilang natanggap, kasiyahan sa impormasyong ibinigay sa kanila lalo na sa paggamit ng benepisyo gayundin ang mga pasilidad sa mga local health insurance offices at mga benepisyong natanggap ng kanilang pamilya sa pagkaka-ospital.
Samantala, nakasaad din sa survey na tumaas sa 86.79% o halos 87% ang net satisfaction rating na ibinigay ng mga ospital at iba pang pasilidad o halos sampung porsyentong pagtaas mula 77.14% noong 2021. Ayon sa respondents, natutuwa sila sa mabilis na transaksyon, mabait na staff at mas updated na pagbabayad ng PhilHealth.
Pumapalo naman sa halos 87% o 86.31% ang net satisfaction rating na nakuha ng PhilHealth mula sa mga employer na nagsabing madali ang pagbabayad at magagalang ang empleyado samantalang 79.83% naman ang rating mula sa healthcare professionals na tinukoy ang mabilis na aksyon at magalang na mga tao at malaking ibinuti ng serbisyo at pasilidad” sa mga tanggapan ng PhilHealth.
Ang lahat ng net satisfaction rating ng mga miyembro, pasilidad, healthcare professionals at employers ay pawang “excellent” o mahusay.
Binigyang-diin ni PhilHealth President and CEO Emmanuel R. Ledesma, Jr. na ang nasabing survey ay patunay lamang nang patuloy na pagpupursige ng PhilHealth na maibigay sa mga Pilipino ang de-kalidad na serbisyo para lalo nilang maramdaman ang mga benepisyo ng Philhealth at Universal Health Care.
Handa na ba kayo sa isang Safari Eggspedition ngayong easter Sunday?
Tara na sa Winford Resort and Casino Manila para sa tatlong oras na exciting Safari Eggspedition Adventure simula alas-dos ng hapon sa April 9.
Sadyang inilaan ng Winford Resort and Casino Manila ang ballroom A at B nito sa 4th floor para sa Safari themed event na tiyak na mag-e-enjoy ang lahat.
Paalala ng Winford Resort and Casino Manila na dapat isuot ang ika nga’y best park ranger attire at mag-enjoy sa exciting games, yummy snacks, free loot bags at nakakatuwang performance ng isang ventriloquist o entertainer na ginagaya ang tunog ng mga hayop.
Kaya ano pa ang hinihintay niyo? pili na sa easter package 1 at 2
Para sa day trippers, available na ang Easter package 1 sa halagang 1, 500 para sa isang adult at isang bata, upang mag-enjoy sa nasabing activity at ang easter package 2 naman sa halagang 6, 500 ay para sa isang adult at isang bata kung saan kasama ang access sa activity at overnight stay sa isang de luxe room.
Huwag nang lumayo dahil ang WRC ay nasa San Lazaro tourism and business park lamang sa Sta. Cruz, Manila at may contact details na (02) 8528-3600 o mag-message lamang sa guestservices@winfordmanila.com at sales@winfordmanila.com gayundin sa reservations@winfordmanila.com para makapagpa-reserve na sa Safari Eggspedition sa Winford Resort and Casino Manila.
Nakipagsanib-puwersa ang SM Prime Holdings Incorporated sa University of the Philippines-Los Baños para palakasin pa ang kampanya sa sustainable development.
Sa pamamagitan ng scholarship grant, misyon ng SM Prime na pumili ng mga estudyanteng nais magkaroon ng degree sa Bachelor of Science in human ecology at Bachelor of Science in Forestry – mga kursong nakatutok sa sustainability.
Ang nasabing scholarship ay ipagkakaloob sa mga estudyante mula sa mga mahihirap na pamilya sa Pasay City para na rin mapasakamay ang magandang oportunidad sa trabaho at makatulong na maibsan ang kahirapan at hindi pagkakapantay pantay na pawang pangunahing hadlang sa sustainable development.
Natutuwa si UPLB chancellor Dr. Jose Camacho, Jr. sa partnership nila ng SM Prime Holdings Incorporated na patunay ng kahalagahan ng edukasyon lalo na ang sustainability related fields of studies sa social at economic mobility.
Binigyang-diin ni Dr. Camacho na sa pamamagitan ng pag-i-invest sa edukasyon partikular sa mga kursong Environmental Science, Renewable Energy at Sustainable Agriculture ay naihahanda ang mas marami pang estudyante bilang future researchers at innovators na susi sa paglutas sa environmental at social problems.
Itinuturing namang malaking patunay nang iisang commitment ang nasabing partnership ng SM Prime at UPLB para maisulong pa ang sustainability at bumuo ng magandang kinabukasan para sa susunod na henerasyon.
Sinabi ni Castillo na bahagi na ng sustainability pillars ng SM Prime ang pagpapaunlad ng partner communities nito at pag-i-invest sa paglago ng mga tao sa gitna na rin ng business strategies at operations nito.
Kaya naman, tiniyak ni Castillo na hindi bibitiw ang SM Prime sa commitment nitong gumawa ng mga programang magbibigay ng access sa quality education para sa lahat at makagawa ng proactive human resources na siyang magbabalanse sa economic, social at environmental aspects tungo sa inaasam na sustainable development.
Para sa karagdagang impormasyon, tumawag lamang sa UPLB OSG sa +63 49 536 3209 o mag-e-mail sa osg.uplb@up.edu.ph.
Sadyang pagkabuhay nga dahil bubuhayin at kukulayan natin ang darating na araw ng Linggo para sa kakaibang Easter Sunday celebration sa SM Supermalls sa April 9!
Maghanda na para sa hoppy easter costume contest and parade sa SM Supermalls para mapasakay ang mga magagandang papremyo kaya’t magpa-register na sa www.smsupermalls.com/easter-costume-contest/.
Ilabas ang inyong creativity at artist potential sa Easter Artventure area kung saan pupuwede mong paglaruan at ng iyong superkids ang mga bright colors at art.
Hindi naman pahuhuli ang mga pang ika nga’y IG worthy spaces at TikTok spots na siyang isa sa mai-enjoy sa Easter Adventure sa SM Supermalls.
Ang kung nalibot na at na-experience na ang lahat ng ito.
Aba, e, kainan na kasama ang buong pamilya lalo na’t ang Easter ay celebration of life at hindi na kailangang lumabas pa dahil sa dami ng mga restaurant at kainan na pagpipilian sa SM Supermalls.
Ito na nga ang panahon para #expericencefamtimeatsm, I celebrate ang Easter Sunday festivities with extra fun colors at mag-ready na sa #AWorldOfExperienceAtSM!
Para sa mga impormasyon sa operating hours ng SM Supermalls ngayong Semana santa at kaugnay sa Easter Fun activities, I-click ang www.smsupermalls.com o I-follow ang @SMSupermalls sa social media.
Nagpalabas ang DBM Department of Budget and Management ng mga bagong panuntunan kaugnay sa pagpapalabas at paggamit ng LGSF-FA to LGUs o Local Government Support Fund-Financial Assistance to local government units and support for local programs sa ilalim ng 2023 general appropriations act.
Ayon kay budget secretary Amenah Pangandaman, tuluy-tuloy ang pagbuo ng mga hakbangin ng DBM para epektibong maipatupad ang digital transformation at ease of doing business, bilang suporta na rin anya sa 10 point priority agenda ng Marcos administration.
Maging sila anya sa DBM ay nagpapatupad na ng digitalization kabilang ang pagsusumite ng request for financial assistance sa ilalim ng local government support fund.
Sinabi ni Pangandaman na tiwala silang sa pamamagitan ng mga bagong panuntunan ay matutulungan nilang mapadali ang proseso para sa pagre request ng pondo ng LGUs upang maikasa na ang programa ng mga ito.
Batay sa mga bagong guidelines, ang pagsusumite ng request for financial assistance ang chargeable sa LGSF-FA to LGUs ay maaari lamang gawin sa pamamagitan ng DRSL o Digital Requests Submission for Local Government support fund na nasa DBM apps portal.
Lahat ng mga isusumiteng dokumento sa iba pang hindi otorisadong paraan ay otomatikong maibabasura lang.
Ang LGSF-FA to LGUs ay uubra lamang gamitin hanggang December 31, 3024.
Special treat para sa mga kababaihan!
Tuluy-tuloy ang pagdiriwang ng Women’s Month sa SM Megamall.
Kasunod na rin ito nang paglulunsad ng SM Megamall ng “Feast on Beauty”, ang kauna unahang collaboration ng food and beauty brand experience sa Pilipinas kung saan mabibili mula March 6 hanggang 19, ang unique, one of a kind at special edition products mula sa piling iconic at Evergreen brands.
Kabilang dito ang new twist ng Estee Lauder x Salon De The’s Double Wear Macaroons na nagbibigay ng naturale look sa pamamagitan ng nude colors nito at kapag bumili ng isang box, feeling nasa Paris na kayo sa loob lamang ng SM Megamall.
Sanib-puwersa naman ang Origins at Satchmi para sa refreshing drinks na good for the skin sa pamamagitan ng ginzing energizing gel cream with caffeine and niacinamide ng origin at house blend iced tea at coffee latte ng Satchmi.
Mas pinaganda ang brighthening serum ng clinique dahil sa soft serve ice cream in a waffle cone na mabibili sa The Lost Bread.
Cool for summer talaga dahil ang hair, body at skin care brand na Aveda ay may hatid na refreshing project pop shake ice pop na dairy free at vegan friendly.
Para sa yogurt lovers, avail na sa limited edition yogurt mula sa the body shop at Blk 153.
Hindi pupuwedeng palampasin ang orange collagen yogurt ng Koomi at Innisfree’s bukod sa iba pang #guiltlessgoodness treats tulad ng brigthening pore serum, green tea seed serum at retinol cica repair ampoule para sa glowing skin.
Maghanda sa masasarap na vegan treats mula sa Cupcakes by Sonja’s inspired by Lush at I-check ang booth nila for more of their concoctions.
Ito naman ang kakaibang limited edition donuts na inspired by natural skin care and wellness brand sa pamamagitan ng collaboration ng pili ani at sunday bake.
Hindi naman papahuli ang refreshing drinks ng nineteen degrees at inspired sa Italy’s number one make up brand na Kiko Milano.
So ano pa ang hinihintay mo gurl?
Sugod na sa Mega Fashion Hall ng SM Megamall para mapasakamay ang amazing products na ito sa “feast on beauty” booths.
Before heading to Mega, siguraduhin munang mabisita ang kanilang website at i-follow sa social media ang @smsupermalls para updated sa beauty and dining deal, dito lamang sa SM.
Paalala ng SM, gamitin ang hashtag: #MegaFeastOnBeauty
Nag anunsyo na ang ilang kumpanya ng langis kaugnay sa itataas nito sa presyo ng kanilang oil products.
Ipinabatid ng Pilipinas Shell Petroleum Corporation at Seaoil Philippines Corporation ang P1.30 dagdag sa kada litro ng gasolina, P1.00 sa diesel at P1.35 sa kerosene.
Ang mga nasabing price increase ay ipatutupad din ng Clean Fuel maliban sa kerosene na hindi nila produkto.
Ang dagdag presyo ay epektibo alas-6:00 ng umaga bukas, January 31 para sa lahat ng oil companies maliban sa Cleanfuel na alas-4:01 pa ng hapon bukas din magpapatupad ng price adjustment.
Kinuwestyon ni Senador Ronald “Bato” Dela Rosa ang motibo ng International Criminal Court (ICC) sa panggigiit na maimbestigahan ang Anti Drug War Campaign ng bansa.
Ayon kay Dela Rosa, mayroon talagang agenda ang patuloy na pagsusulong ng ICC ng nasabing imbestigasyon at may nagtutulak dito para gawin ang nasabing hakbang.
Pagod na aniya siya sa naturang usapin lalo na’t pinagbawalan na rin ang ICC investigators na pumasok sa bansa.