Judith Estrada-Larino

Obligado na ang lahat ng public utility vehicles (PUV) na magkaruon ng manifesto kapag nagbukas muli ang operasyon ng mga ito sa mga lugar na nasa ilalim ng general community quarantine (GCQ).

Sinabi ni Land Transportation Franchising and Regulatory Board (LTFRB) chairman Martin Delgra III, na lahat ng PUVs tulad ng bus, jeep, tricycle, taxi, at Transportation Network Vehicle Service (TNVS), ay dapat mgkaruon ng record ng kanilang mga pasahero para sa contract tracing habang nananatili ang banta ng coronavirus disease 2019 (COVID-19).

Kasabay nito ay umapela rin si Delgra sa publiko na magkaruon ng sariling record ng mga detalye ng mga sinakyan nilang PUV.

Ayon pa kay Delgra, isinulong nila sa PUV operators ang posibleng cashless payment systems na ipinatutupad na ng TNVS.

Dumagsa ang mga motorista na papasok ng Metro Manila sa unang araw nang pagbabalik sa trabaho sa mga lugar na nasa general community quarantine (GCQ) at modified enhanced community quarantine (MECQ).

Sa boundary ng San Pedro City sa Laguna at Muntinlupa City, umabot sa tatlong kilometro hanggang apat na kilometro ang pila ng mga sasakyan dahil isa isang tinitingnan ang laman ng mga sasakyan.

Ang mga lalabas naman patungong Metro Manila ay dapat na mayruong maipakitang certification mula sa kanilang pinagta trabahuhang kumpanya na magpapatunay na sila ay papasok na sa trabaho.

Mahigpit ding binubusisi kung nasuusnod ang social distancing sa mga sasakyan.

Ganito rin ang naging sitwasyon sa boundary ng Cainta at Marikina sa Marcos highway at maging sa bounday ng San Mateo, Rizal at Quezon City.

Nagdagsaan din ang mga sasakyan galing sa North Luzon Expressway patungong Metro Manila.

Nagpalabas ng guidelines ang Catholic Bishops’ Conference of the Philippines (CBCP) hinggil sa mga seremonya sa simbahan sa gitna nang unti unting pagbabalik sa tinaguriang the new normal.

Ayon sa CBCP, inalis na ang mga abay sa kasal at tanging ang papayagan lamang sa seremonya ay ang bride at groom, mga magulang nila, at ilang sponsors lang.

Nakasaad din sa mga bagong panuntunan na gagawin na sa labas ang confessions o pangungumpisal dahil ipinagbawal na rin na gamitin ang confessionals sa loob ng mga simbahan.

Kapag sa binyagan naman, tanging ang immediate family members lamang at isang pares lamang ng mga ninong at ninang ang papayagan sa seremonya.

Hinimok din ng CBCP ang mga tao na iwasang maghawakan ng kamay sa pag-awit at pagdarasal ng Our Father, gayundin sa pag-aantanda ng krus.

Para ma-obserba ang social distancing, maglalagay ng markers sa mga bench para mabatid kung kailangang pumasok na ng simbahan ang faithfuls.

Sa komunyon naman, nanindigan ang CBCP na ilagay na lamang sa kamay ang ostia at sinabihan ang mga pari at lay ministers na mag sanitize ng kanilang mga kamay bago at matapos ang pamamahagi ng ostia.

Inilabas na ng Sub Task Group for The Repatriation of OFW’s ang listahan ng mga Overseas Filipino Workers (OFW)’s  na nag negatibo sa sa coronavirus disease 2019 (COVID-19).

Ipinabatid ng Philippine Coastguard na aabot sa halos 6,500 OFW’S ang nag negatibo sa RT-PCR testing para sa COVID-19.

Ang mga ofw na nag negatibo sa COVID-19  test ay inisyuhan na ng Philippine Red Cross Certificate at Bureau of Quarantine Clearance.

Ang nasabing certificate at clearance ay magagamit para makauwi na ang mga nasabing OFW’s sa kani-kanilang pamilya.

Nadagdagan pa ng 15 ang bilang ng mga Pilipinong nasa ibang bansa na gumaling na sa coronavirus disease 2019 (COVID-19).

Ayon sa Department of Foreign Affairs (DFA) hanggang Kahapon, Mayo  15 nasa 789 na Overseas Pinoys na ang naka recover sa nakakahawang sakit o na discharge na sa ospital.

Pumapalo na sa 2,331 ang mga Pilipinong kumpirmadong positibo sa COVID-19 mula sa 46 na bansa at rehiyon.

Sa naturang bilang  1,273 ang patuloy na nagpapagamot sa ibat ibang ospital at nasa 269 pa rin ang death toll sa magkasunod na araw.

Pinakamaraming naitalang confirmed COVID-19 positive na Pinoy sa Europa na nasa 687, Middle East/Africa – 684 cases, Americas – 535 cases at Asia Pacific Region – 425.