Judith Estrada-Larino

Halos 100,000  jeepney drivers sa Metro Manila ang nabigyan ng ayuda habang naka-quarantine dahil sa coronavirus disease 2019 (COVID-19)  pandemic.

Ito ayon kay Department of Social Welfare and Development (DSWD) Undersecretary Rene Glen Paje ay kasunod na rin nang pakikipag ugnayan nila sa LTFRB at land bank of the philippines kaugnay sa pagbibigay ng ayuda sa jeepney drivers.

Sinabi ni Paje na mayruong mga driver na beneficiary na ng ibang programa ng gobyerno ang hindi na binigyan ng ayuda mula sa DSWD.

Nag-aalok ng libreng training programs ang Technical Education and Skills Development Authority (TESDA) para sa mga bumabalik na Overseas Filipino Workers (OFW)’s.

Ayon kay TESDA-NCR Director Florencio Sunico, Jr. Maaaring magpatala online ang mga interesadong ofws.

Sinabi ni Sunico na ang na fill up-an na form online ay idi-diretso sa mga lalawigan kung saan uuwi ang mga OFW’s na tatawagan ng opisina nila  para masali sa training program na tinukoy ng mga OFW sa kanilang application.

Isa aniya sa maituturing na in demand training ngayon ay sa agrikultura para matiyak ang seguridad ng pagkain sa bansa sa gitna na rin ng coronavirus disease 2019 (COVID-19)  pandemic.

Una nang inihayag ni IATRF Deputy Chief Implementer Vince Dizon na tinatayang tatlong daang libong OFW’s at seafarer ang inaasahang uuwi pa sa bansa.

Tuluy-tuloy ang pinalawig na pagbabakuna ng gobyerno sa gitna na rin ng coronavirus disease 2019 (COVID-19) pandemic.

Ipinagmalaki ni Department of Health (DOH) Undersecretary Maria Rosario Vergeire na na kahit naka-lockdown nakakahanap ng paraan ang kanilang mga tauhan para makapagsagawa ng pagbabakuna sa mga beneficiary nito.

Ipinabatid ni Vergeire na mayruong mga pagkakataong hindi nakakalusot sa checkpoint ang mga ina subalit mayruong mga health workers na nagbabahay bahay para sa immunization program at mayruon ding health centers na nag i- schedule ng pag bakuna para hindi masyadong marami ang tao sa mga health center sa itinakdang oras.

Ayon kay Vergeire mayruon nang nabiling bakuna ang gobyerno para sa expanded immunization program bago pa ang COVID-19 pandemic at tutulong naman ang UNICEF sakaling magkaruon ng kakulangan ng supply sa susunod na tatlong buwan para makabilis ng murang bakuna.

Sadya aniyang mahalaga ang pag bakuna sa mga bata mayruon man o walang pandemya.

Magbubukas pa ng dagdag na dalawang ruta ng bus sa pagitan ng Metro Manila at kalapit na mga lalawigan ang Department of Transportation (DOTr) habang unti unting ibinabalik ang operasyon ng mga pampublikong sasakyan.

Ayon sa LTFRB inaasahang ngayong araw na ito ay bubuksan ang Route 2 o Monumento patungong PITX at Route 29 o PITX patungong General Mariano Alvarez.

Una nang nakapagbukas ng 15 ruta ng bus ang DOTr matapos isailalim na sa general community quarantine (GCQ) ang Metro Manila simula nuong Hunyo 1.

Una nang itinakda ng DOTr ang phase 1 mula Hunyo 1 hanggang 21 kung saan tanging tren, augmentation buses, taxis, TNVS, shuttle services, P2P buses at bisikleta ang pinapayagnag maka biyahe sa limitadong kapasidad.

Nakasaad naman sa phase 2 mula Hunyo 22 hanggang 30 kung kailna ang public utility buses, modern PUV o jeepney at UV express ang binigyan ng go signal na makapag operate sa limitadong kapasidad.