Judith Estrada-Larino

Asahan na ang mga bagong pagbubunyag at mga ebidensyang ilalabas ng mga testigo sa patuloy na pagdinig ng senado bukas, ika-11 ng Agosto, hinggil sa mga anomalya sa PhilHealth.

Ayon ito kay Senador Panfilo Lacson, sa gitna na rin nang ipinadalang medical advisory nina PhilHealth President at CEO Ricardo Morales at Executive Vice President Arnel De Jesus kaya’t hindi makakadalo sa pagdinig.

Sinabi ni Lacson na malaking kawalan sa mga nasabing opisyal ang hindi pagdalo sa pagdinig ng senado bukas dahil hindi nila masasagot ang mga bagong alegasyong ilalantad ng mga testigo.

Kaugnay nito, tikom pa ang bibig ni Lacson kung lalantad sa pagdinig si resigned PhilHealth Executive Estrobal Laborte gayundin si dating Senior Vice President August De Villa na nagbitiw nito lamang Huwebes, bagamat mayroon naman aniyang imbitasyon ang mga ito para humarap sa nasabing pagdinig.

Hindi man muling lumutang sa senado, inihayag ni Lacson na mahalagang maisumite ni De Villa ang mga dokumento kaugnay sa nabunyag na overpriced na 15 network switches na una na nitong ikinumit at pinanumpaan.

Ibinabala ng Department of Health (DOH) ang malaking panganib na dulot ng pagbebenta ng convalescent plasma ng mga gumaling na pasyente ng coronavirus disease 2019 (COVID-19).

Sa gitna na rin ito ng mga report ng patuloy na bentahan ng convalescent plasma mula sa mismong recovered patients, hospital staff at fixers.

Nakatanggap din ng report ang DOH hinggil sa ilang indibidwal na sinasadyang magpahawa sa COVID-19 para maibenta ang kanilang convalescent plasma kapag gumaling.

Ayon sa DOH, mapanganib ang ilegal na pagbebenta ng convalescent plasma dahil maaari itong magdulot ng transfusion transmissible infections tulad ng HIV, hepatitis at malaria.

Mahaharap sa kaso sa ilalim ng Republic Act 7719 o national blood service act ang sinumang mahuhuling sangkot sa hindi otorisadong pagbebenta ng convalescent plasma.

Bibiyahe na simula bukas, Sabado, ang 1,000 rider ng ride hailing app na Angkas.

Subalit, ayon kay Joint Task Force COVID-19 shield Chief Police Lt. General Guillermo Eleazar, libreng seserbisyuhan ng mga naturang Angkas riders ang medical frontliners.

Ang mga nasabing Angkas rider aniya ay ipapakalat sa ilang ospital tulad ng Philippine General Hospital, San Lazaro Hospital, East Avenue Medical Center, Ospital ng Sampaloc, Jose Rodriguez Memorial Hospital, Quezon City General Hispital, National Kidney and Transplant Institute (NKTI), Ospital ng Maynila, Quirino Memorial Medical Center at Jose Fabella Memorial Center.

Samantala, nagdonate din ang Angkas ng 1,000 motorcycle barriers sa Philippine National Police (PNP) para magamit ng mga pulis na mayroong motorsiklo na nagsasakay din ng frontliners. —ulat mula kay Jaymark Dagala (Patrol 9)

IN PHOTOS: 1K Motorcycle Barriers para sa mga Frontliner at PNP, tinanggap nila DILG Sec. Eduardo Año at JTF COVID 19 Shield Commander P/LtG. Guillermo Eleazar sa Kampo Crame | via @jaymarkdagala pic.twitter.com/7dX9LzmiZe

— DWIZ Newscenter (@dwiz882) August 7, 2020

Kinumpirma ng US State Department ang pag-uusap sa telepono nina US Secretary of State Michael Pompeo at Foreign Affairs Secretary Teodoro Locsin, Jr.

Tinalakay sa naturang pag-uusap ang pagbabago sa US policy hinggil sa maritime claims sa South China Sea.

Tiniyak ng US State Department na buo ang suporta ng Amerika sa Southeast Asian Coastal States sa pag-gigiit ng kanilang karapatan at interest na salig sa international law.

Tinalakay din ang posibleng mga oportunidad para sa US-Philippine maritime cooperation.

Napag-usapan din nina Locsin at Pompeo ang usapin hinggil sa strong economic, security at people to people ties ng dalawang bansa.

Sisimulan na sa Linggo, ika-10 ng Agosto, ang clinical trials sa Pilipinas sa Japanese anti-viral flu drug na Avigan.

Ipinabatid ito ni Health Undersecretary Maria Rosario Vergeire sa gitna na rin ng patuloy na paghahanap ng gamot kontra coronavirus disease 2019 (COVID-19).

Sinabi ni Vergeire na handa na sila sa pagsisimula ng trial matapos matanggap ng Pilipinas ang halos 200,000 Avigan tables mula sa Japan.

Sa katunayan, inihayag ni Vergeire na natukoy na nila ang mga ospital kung saan magagamit ang Avigan na hindi na aniya kailangan pang aprubahan ng Food and Drug Administration (FDA) dahil may go-signal na ito mula sa Japanese health authorities.