Lima pa ang nadagdag sa bilang ng mga nasugatang Pilipino sa pagsabog sa Beirut, Lebanon.
Ayon kay Department of Foreign Aff(DFA) Undersecretary Sarah Lou Arriola hindi naman malubha ang kondisyon ng mga nasugatang Pilipino na nasa 47 na.
Inaasahang ngayong linggong ito ay maiuuwi na ang mga labi ng apat na Pinoy na nasawi sa naturang pagsabog.
Kasama ring babalik ng Pilipinas ang halos 400 OFW’s na nag avail ng repatriation ng pamahalaan.
Mahigit 11.2 milyong pamilya ang nakinabang na sa ikalawang bahagi ng social amelioration program (SAP).
Batay ito sa datos ng DSWD na una nang nagpalabas ng P73-billion para sa second tranche ng SAP.
Tiniyak ng SAP na tuloy ang pamamahagi ng emergency subsidy sa mga beneficiary ng SAP kabilang ang waitlisted o karagdagang pamilya.
Napasakamay ng Amerikanong si Collin Morikawa ang PGA championship sa TPC Harding Park.
Nagpakitang gilas si Morikawa sa pamamagitan ng six under par 64 para makaabot sa 13 under on sa linggong ito o dalawang strokes na mas magaling kaysa Kina Dustin Johnson at English Ryder Cup veteran Paul Casey.
Pasok naman si dating world number one Jason Day sa grupo ng limang golfers na bahagyang nakapuntos.
Ang PGA championship title ay kauna-unahang career major title ni Morikawa.
Bababa ang singil sa kuryente ngayong buwan.
Ito na ang ika-apat na sunod na nagkaruon ng adjustment para mapababa ang singil sa kuryente sa nakalipas na tatlong taon.
Ayon sa Meralco magkakaruon ng P0.55 na bawas sa kada kilowatt hour o nasa mahigit P8.00 kada kilowatt hour ngayong buwan na maituturing anitong pinakamababa simula nuong September 2017.
Ang nasabing halaga ay katumbas ng nasa P41.00 kaltas sa kabuuang konsumo ng mga customers na gumagamit ng 200 kilowatt hour.
Sinabi ng meralco na bumaba ang singil sa kuryente dahil din sa pagbaba ng singil ng WESM o wholesale electricity spot market at IPP o independent power producers.
Hindi ipagbabawal ng Department of Health (DOH) ang paggamit ng rapid antibody test para sa coronavirus disease 2019 (COVID-19).
Ito ayon kay Health Undersecretary Maria Rosario Vergerie ay dahil epektibo ang rapid anti body test para sa mga nakarekober na mula sa naturang sakit.
Tinukoy ni Vergeire ang rapid antibody test na nagte test sa mga indibidwal sa antibodies immunoglobulin (IgM) at imunoglobulin g (IgG).
Ang resultang positive para sa IgM aniya ay senyales ng active COVID-19 infection at ang positive result naman para sa IgG ay indikasyong nakarekober kailan lamang ang pasyente.
Gayunman mahigpit ang paalala ni Vergeire laban sa paggamit ng rapid anti body test para sa COVID-19 screening purposes.
Naglaan ngP2.4-billios ang Department of Health (DOH) para ipambili ng bakuna laban sa coronavirus disease 2019 (COVID-19) sa iallim ng panukalang budget nito para sa susunod na taon.
Ayon kay Health Undersecretary Maria Rosario Vergeire hindi nila alam kung ilan ang mabibiling bakuna sa nasabing halaga bagamat tiyak naman aniyang madadagdagan pa ang naturang pondo.
Sinabi ni Vergeire na maaari pang magbago ang unang alok sa kanila na COVID-19vaccine para sa 20-milyong katao o 20 porsyento ng populasyon.
Una nang inihayag nina Pangulong Rodrigo Duterte at Finance Secretary Carlos Dominguez III na 40-milyong dose ng bakuna kontra COVID-19 na karamihan ay manggagaling sa China ay magiging available na sa Pilipinas sa buwan ng Disyembre.
Isasara muli pansamantala ang pasilidad para sa paanakan ng Justice Jose Abad Santos General Hospital dahil puno na ang kapasidad nito para sa mga manganganak na pasyente.
Ayon sa pamunuan ng nasabing ospital, simula pa noong Sabado ay itinigil na nila ang pagtanggap ng mga bagong buntis na pasyente matapos pumalo sa 233% ang kanilang occupancy rate o mahigit pa sa doble ang bilang ng pasyente kumapara sa kama ng ospital.
Pinayuhan ng pagamutan ang mga manganganak na sa ibang ospital muna magtungo lalo na’t wala pa silang petsa kung kailan tatanggap ng buntis na pasyente. —ulat mula kay Aya Yupangco (Patrol 5)
Natagpuang patay ang aktibistang si Randall “Randy” Echanis sa Quezon City.
Ayon sa Anakpawis, si Echanis, 72 taong gulang, at peace consultant ng National Democratic Front of the Philippines (NDFP) ay pinatay kasama ang hindi nakilalang kapitbahay nito sa inuupahang bahay sa Novaliches.
Sinabi ni dating Anakpawis Representative Ariel Casilao na sumasailalim sa gamutan si Echanis at walang armas nang pasukin ng mga pulis ang kaniyang bahay.
Nagpaabot na ng pakikiramay si Casilao sa pamilya ni Echanis na chairperson ng Anakpawis at deputy secretary general ng Kilusang Magbubukid ng Pilipinas.
Lumalabas sa ibang report na si Echanis ay natagpuang patay matapos makitang limang kalalakihan ang lumabas sa kaniyang bahay.
Tinawag namang ‘cold blooded murder’ ni NDFP negotiating panel legal consultant Edre Olalia ang nangyari kay Echanis na biktima ng pag-atake ng aniya’y ‘dark forces’.
Mahuhuli ng ilang oras ang paglalabas ng coronavirus disease 2019 (COVID-19) case bulletin ng Department of Health (DOH) ngayong araw na ito.
Sa halip na sa nakaugaliang alas-4 ng hapon, sinabi ng DOH na mamayang alas-8 ng gabi nila ipapalabas ang case bulletin sa araw na ito dahil sa hindi inaasahang system error na nagdulot ng hindi pagkakasama ng mga bagong kaso sa COVID-19 kaya extracted database.
Bagamat natugunan na ang problema, inihayag ng DOH na nagdulot ito ng dagdag na oras para mai-proseso ang mga na-extract na datos.
Tuluy-tuloy naman ang imbestigasyon ng DOH sa pinag-ugatan ng naturang problema.
Ipinag-utos ng Malacañang ang paglilinis muna sa legal department ng PhilHealth.
Ito, ayon kay Presidential Spokesman Harry Roque, ay dahil kayang pagtakpan ng legal department ang isang anomalya.
Inihalimbawa ni Roque ang isinampang reklamo noon sa PhilHealth laban sa Wellmed na ibinasura lamang aniya ng legal department nito kung saan ang tumatayong pinuno noon ay si Senior Vice President Jojo Del Rosario.