Judith Estrada-Larino

Pipigain ni Senador Panfilo Lacson si Health Secretary Francisco Duque III sa susunod na pagdinig ng Senado hinggil sa mga umanoy bagong katiwalian sa PhilHealth.

Sinabi ni Laccson na wala ang “big elephant” sa dalawang pagdinig ng Senate Committee of the Whole hinggil sa korupsyon sa PhilHealth kung saan si Duque ang tumatayong ex officio chair.

Ayon kay Lacson nais niyang malaman kay Duque kung magpapakita ito sa susunod na Senate hearing kung bakit ito nananahimik sa isyu gayung nasaksihan nito ang sigawan sa kanilang pinakahuling board meeting na nagpalala pa sa mga bagong kontrobersyang ito.

Ang tinutukoy ni Lacson ay ang pagpupulong kung saan nag ugat ang pagtatalo hinggil sa umano’y overpriced I.T system at nag resulta rin sa pagbibitiw ng ilang opisyal ng Philhealth.

Itinakda sa August 18 ang susunod na pagdinig ng senador sa mga kontrobersya sa PhilHealth.

Pansamantalang isasara Bukas, August 14 ang head office ng PhilHealth sa Pasig City.

Kasunod ito nang itinakdang paglilinis at disinfection sa tanggapan ng PhilHealth sa Citystate Centre Building sa Shaw Boulevard, Pasig City.

Ang hakbang ay bahagi na rin nang pag iingat kontra coronavirus disease 2019 (COVID-19)  matapos kumpirmahin mismo ng PhilHealth na ilang empleyado nito ang una nang nag positibo sa nasabing virus nuong mga nakalipas na araw.

Hindi nakaligtas sa matatalim na mata ng maraming netizens ang anila’y mali at malalalim na salita sa pa sample na English TV lesson na ginawa ng Department of Education (DepEd).

Ayon sa netizens maraming gramattical error na hindi maintindihan ng mga mag aaral sa test run sa broadcast modality ng DepEd.

Sa kaniyang post sa Facebook sinabi ni Citas Aquino, isang communication skills trainer  mali ang grammar sa isang salita sa ginawang English TV lessons ng DepEd para sa grade 8 na halimbawa ay “Tagaytay City is known for wonderful picturesque of the majestic Mount Taal. What does picturesque mean?”.

Ayon kay Aquino grammatically incorrect ito at ang mga salita ay walang kinalaman o kaugnayan sa isat isa.

Nagpasalamat naman ang DepEd sa napansing mali sa grammar subalit binigyang diin na maliit na bagay lamang ito kumapara sa anila’y ginagawa nila para mas mapaayos ang online learning.

Nangako si Education Undersecretary Alain Pascua na aayusin nila ang pagkakamali bago ang official broadcast sa August 24.

Nagkasa nang tinaguriang collective prayer for healing ang Simbahang Katoliko.

Ito ayon sa Catholic Bishops’ Conference of the Philippines  (CBCP) ay para matapos na ang coronavirus disease 2019 (COVID-19) pandemic.

Hinimok ng CBCP ang mga katoliko na makiisa sa pagdarasal ng Solemnity of the Assumption tuwing alas-12 ng tanghali mula August 15 hanggang September 15 sa kapistahan ng Our Lady of Sorrows.

Bahala na ang Department of Trade and Industry (DTI) na kastiguhin ang mga employer na hindi susunod sa kautusan ng DOLE hinggil sa obligadong pagsusuot ng face shield sa workplace simula sa August 15.

Sinabi ito sa DWIZ ni Labor Secretary Silvestre Bello III bagama’t kakausapin muna nila ang employers hinggil sa nasabing hakbang.

Una syempre kakausapin namin at paliwanaga sakanila na para kabutihan ng manggagawa at ‘pag maganda ang kalagayan ng manggagawa gaganda ang trabaho, ‘pag maganda ang trabaho gaganda ang negosyo diba. Pero kapag matigas [matigas ang ulo] nandiyan naman si Sec. Mon Lopez para pwede mag-suspende ng operasyon ganun. ani Bello sa panayam ng DWIZ

Kukuha ng tips si Labor Secretary Silvestre Bello III  kay DENR Secretary Roy Cimatu para maging matagumpay ang pagtutok niya sa kaso ng coronavirus disease 2019 (COVID-19) sa Marikina at Malabon.

Kasunod na rin ito nang paghahati hati sa mga cabinet secretary sa pagtutok sa mga lugar sa Metro Manila upang mapababa ang kaso ng COVID-19.

Sinabi sa DWIZ ni Bello na magsisilbi silang overseer tulad nang naging trabaho ni cimatu na tumutok sa mga kaso ng COVID-19sa Cebu.

Ang hakbang aniya ay bilang tulong na rin kay national task force on COVID-19 Response Chief Implementer Carlito Galvez.

Kailangan tutokan o focus ‘yan so para matiyak na maalagaan ang lahat ng lungsod atchaka bayan dito sa NCR. Binigyan nalang kami ng kanyang-kanyang assignments talagang mababantayan namin ‘yung sa pagsusunod sa protocols, pagsusunod sa quarantine rules. Para sa ganun maiwasan natin ang pag-transmit ng COVID-19 sdito sa NCR. Ako magco-compare ako kay Sec. Cimatu para alamin paano ang ginawa niya from ECQ naging MGCQ na sila. ani Bello sa panayam ng DWIZ