Judith Estrada-Larino

Binaha ang ilang lugar sa Leyte, Samar at Tacloban matapos bumuhos ang malakas na ulan dulot ng low pressure area.

Partikular na nakaranas ng matinding pagbaha ayon sa Office Of Civil Defense-Region 8 ang Barangay Suhi sa Tacloban, Quinapondan sa Eastern Samar at Palo sa Leyte.

Hindi rin nadaanan ng four wheel vehicles ang Marabong bridge sa Burauen, Leyte matapos gumuho ang gilid na bahagi ng nasabing tulay.

Ang walang humpay na pag ulan ay nagdulot din ng pagka-stranded ng maraming pasahero sa bahagi ng Eastern at Northern Samar.

Pinaiimbestigahan na ni AFP Chief Lt. General Cirilito Sobejana sa provost marshal si Lt General Antonio Parlade Jr.

Kasunod na rin ito nang ginawang red tagging o pag-aakusa ni Parlade sa reporter ng inquirer.net na si Tetch Torres-Tupas na isang propagandista ng mga terorista.

Ayon kay Sobejana inatasan na niya ang provost marshal na makipag-ugnayan sa National Task Force to End Local Communist Armed Conflict (NTF -ELCAC) partikular na sa Strategic Communications Committee.

Dapat aniyang malinaw kung ang naging pahayag ni Parlade ay bilang tagapagsalita at may basbas ng NTF-ELCAC dahil may due process na kailangang sundin.

Sinabi pa ni Sobejana na hihintayin niya muna ang resulta ng imbestigasyon ng provost marshal bago gumawa ng susunod na hakbang laban kay Parlade na una na ring pinaiimbestigahan ni Defense Secretary Delfin Lorenzana.

Magde-deploy pa ang militar ng mas maraming barko sa West Philippine Sea para bantayan ang mga mangingisdang Pilipino.

Sa gitna na rin ito nang bagong batas sa China na nagpapahintulot sa coastguard nitong paputukan ang anumang dayuhang barko na papalaot sa nasabing karagatan.

Tiniyak ni AFP Chief Of Staff Lt. General Cirilito Sobejana ang pagpapaigting sa pagbibigay  proteksyon sa mga mangingisdang Pilipino na bahagi ng kanilang mandato.

Gayunman nilinaw ni Sobejana na walang intensyon ang militar na makipag giyera sa China kundi pangalagaan lamang ang kapakanan ng mga kapwa Pilipino.

Naniniwala si Senate President Protempore Ralph Recto na hindi ipinaalam ng LTO sa Pangulong Rodrigo Duterte ang anito’y sangkaterbang polisiya para sa paniningil ng ahensya sa mga motorista na lalong nagpahirap sa mga tao ngayong may pandemya.

Kinuwestyon ni Recto ang posibleng pang aabuso ng LTO  sa mandato nito dahil sa pagsasapribado ng motor vehicle Inspection Center (MVIC).

Sinabi ni recto sa pagdinig ng Senate Committee on Public Services na wala siyang nakitang batas na nagpapahintulot sa lto para isapribado ang vehicle inspection program.

Ayon kay Recto dapat ay ikinunsulta o isinangguni ng LTO ang usapin sa kongreso para mapondohan at ma sustain ang operasyon ng mga Motor Vehicle Inspection Center.

Sinabi naman ni LTO Chief Edgar Galvante na humiling sila ng pondo sa kongreso at maging sa road board.—ulat ni Cely Ortega-Bueno

Tinawag na careless at insensitive ni Senador Panfilo Lacson si Lt. General Antonio  Parlade, Jr.

Kasunod na rin ito nang ginawang red tagging o pag-aakusa ni Parlade sa reporter ng inquirer.net na si Tetch Torres-Tupas na isang propagandista ng mga terorista.

Binigyang diin ni Lacson na ang naging pahayag ni Parlade ay pagpapakita ng mali o kawalan ng sapat na pag iisip nito.

Sinabi ni Lacson na wala siyang pakialam sa kung anuman ang namamagitan kina Parlade at Tupas subalit pinaghirapan nila ng kanyang staff at mga kapwa Senador ang anti-terrorism act of 2020 para magkaroon ng legal tool laban sa terorismo at matiyak ang proteksyon ng bill of rights lalo pa’t nahaharap sa ilang seryosong hamon ang batas sa korte suprema.

Inihayag ni Lacson na kung nais talaga ni Parlade na makatulong na maliwanagan ang mga mahistrado ng Supreme Court hinggil sa nasabing batas itikom na lamang ng heneral ang kaniyang bibig sa isyu ng terorismo

Kakasuhan ng kriminal ng NBI ang mga bangko at iba pang financial facility na ibinuking ni self confessed drug lord Kerwin Espinosa na dawit sa illegal drug operations sa Bureau Of Corrections.

Sinasabing kasama rin sa kaso ang paglabag sa anti money laundering act of 2021 kung saan milyong piso ang hinihinalang galing sa illegal drug trade ng mga convicted drug lord ang pumasok sa bangko at hindi pinansin ng mga management nito.

Dawit din sa kaso ang ilang indibidwal na ini uugnay ni Espinosa sa drug trade bagamat mayroon pang ibang hindi nakasama sa mga kakasuhan dahil sa kakulangan ng ebidensya.

Magugunitang 2016 nang tumestigo sa senador si Espinosa at pinangalanan ang mga source ng iligal na droga na karamihan ay convicted drug lord at nakakulong sa national penitentiary.

Bumilis sa ika-apat na sunod na buwan ang inflation at umakyat sa pinakamabilis na antas sa nakalipas na dalawang taon sa gitna nang mabilis ding pag-akyat sa presyo ng mga pangunahing bilihin ngayong buwan.

Ayon sa Philippine Statistics Authority (PSA) rumehistro sa 4.2% ang inflation noong isang buwan kumpara sa 3.5% noong December 2020.

Ipinabatid ng PSA na ang January inflation ang pinakamabilis na naitala simula noong February 2019 kung kailan nai-record ito sa 4.4%.

Itinuturing na malaking hamon ni bagong AFP Chief of Staff Lt. Gen. Cirilito Sobejana ang kanyang bagong tungkulin.

Sinabi sa DWIZ ni Sobejana na naglatag na sila kaagad ng mga plano para sa kampanya kontra terorismo at insurgency na itutuloy lamang niya sa kanyang pormal na pag-upo kahapon.

Nagkaroon kami ng first command conference under my assumption, I highlighted in the conference yung mga command guidance ko, there is no big deviation sa guidance ng mga predeccessors ko dahil sinabi ko sa kanila na itong kampanya had started a long time ago, ang sa akin lang ay I want a continuity of that campaign, ika nga we have to put a rapid conclusion yung problema natin sa seguridad kaya sabi ko, we have to come up with the catch up plans so, meron na kaming nakalatag na plano, sad to say I could not share those plans because it is operationally major and I don’t want to make unnecessary compromise with the plan,” ani Sobejana.