Pinaghahanda na ng Philippine Atmospheric, Geophysical and Astronomical Services Administration (PAGASA) ang publiko sa panahon ng tag-ulan.
Ayon sa PAGASA, posibleng ngayong linggo o kalagitnaan ng Hunyo ay maramdaman na ang Southwest Monsoon o wet season.
Kasabay nito, ipinabatid ng PAGASA na wala naman itong namo-monitor na sama ng panahon sa susunod na tatlo hanggang limang araw.
Binalaan ni Metropolitan Manila Development Authority (MMDA) Chairman Benhur Abalos ang mga nagbebenta ng bakuna kontra coronavirus disease 2019 (COVID-19), partikular sa San Juan at Mandaluyong.
Ayon kay Abalos, kulong ang tiyak na kakaharapin ng sinumang mahuhuling nagbebenta ng bakuna matapos nilang makipag ugnayan sa Cyber Crime Division ng National Bureau of Investigation at Philippine National Police, gayundin kay Justice Secretary Menardo Guevarra.
Binigyang diin sa DWIZ ni Abalos na libre ang bakuna kaya’t ilegal ang anumang pagbebenta nito.
Ako’y nagpapaalala sa mga nakikinig ngayon, ito po ay libre at sa mga nagbebenta ng slots ay mananagot sa batas, talagang sasampolan nang husto to… Nagbabala ako na ito talaga, hindi papatawarin ito, talagang diretso sa kulungan ito,” ani Abalos. —sa panayam ng IZ sa Alas Sais
Dalawandaang (200) empleyado ng Alaska Milk Corporation ang mawawalan ng trabaho simula sa unang araw ng Hulyo.
Ipinabatid ng pamunuan ng Alaska Milk na magbabawas sila ng mga manggagawa sa kanilang planta sa San Pedro City sa laguna upang mapanatiling abot kaya ang kanilang mga produkto.
Ibinatay anito ang kanilang desisyon sa mga redundant position.
Ayon kay Maria Angela Esquivel, corporate affairs director ng Alaska Milk masakit sa kanila ang pagtanggal ng mga empleyado lalo nat mahirap din ito para sa mga mawawalan ng trabaho.
Tiniyak ni Esquivel na bibigyan nila ang mga apektadong empleyado ng support package tulad ng monthly grocery allowance, product allowance at dagdag na gratuity pay.
Bukod pa aniya ito sa isasagawa ng Alaska Corporation na job fair at employment seminar para alalayan ang mga empleyado na magkaruon ng bagong trabaho.
Ininspeksyon na ng DOTr at LRTA ang dalawang bagong istasyuon ng LRT 2 East extension project.
Sakay ng LRT 2 train sinimulan ng mga opisyal sa pangunguna nina DOTr Secretary Athur Tugade at LRTA Administrator General Reynaldo Berroya ang inspeksyon sa Santolan patungong Marikina at Antipolo stations.
Ipinabatid ni Tugade na Hunyo 22 ay uubra nang tumakbo ang mgs tren sa Antipolo at Marikina na bahagi ng LRT 2 extension na ang biyahe ay magiging 40 minutes na amang kumpara sa dating tatlong oras na biyahe sakay ng bus o jeep.
Inaasahang papalo sa walumpung libong pasahero ang maseserbisyuhan kada araw ng mga bagong ruta ng LRT 2 east extension na bahagi ng Build, Build, Build infrastructure program ng Duterte administration.
Nakapagtala ng pinakamataas na heat index sa 47 °C ang Dagupan City sa Pangasinan.
Ayon sa PAGASA, ang sangley point sa Cavite ay nakapagtala ng heat index na 46 °C samantalang 44 °C ang heat index sa Clark Airport sa Pampanga.
Kapwa nakapagtala naman ng 43 °C na heat index sa Ambulong, Batangas, Aparri, Cagayan, Iba, Zambales at Tuguegarao 42 °C naman ang heat index sa Casiguran, Aurora, Laoag City, Masbate City, Pasay City, Quezon City at Sinait, Ilocos Sur at 41 °C ang temperatura sa cupi point sa Subic at Davao City.
Ibinabala naman ng PAGASA na ang heat index mula 41 °C hanggang 54 °C ay magdudulot ng heat cramps at exhaustion bukod pa sa heat stroke kung magppatuloy ang physical activity sa sobrang init ng panahon.
Dahil dito pinayuhan ng PAGASA ang publiko na manatiling nasa loob ng bahay, magsuot ng maninipis at light colored na mga damit at regular na uminom ng maraming tubig.
Sisimulan na sa susunod na linggo ng house Committee on Justice ang Pagdinig sa impeachment complaint laban kay Supreme Court Associate Justice Marvic Leonen.
Ang nasabing pagdinig ay itinakda sa Mayo 27, Huwebes matapos una nang i-refer sa justice committee ang reklamong impeachment nitong Martes.
Aalamin ng komite kung sufficient in form and substance ang impeachment complaint na isinampa ni Edwin Cordevilla, secretary general ng Filipino League of advocates for good government nuong Disyembre 7, 2020 dahil sa pagkabigo anito ng mahistrado na desisyunan ang 37 kaso sa loob ng dalawang taon.
Inaprubahan ng House Committee on Human Rights ang substitute bill hinggil sa panukalang nagbabawal sa diskriminasyon base sa ethnicity, race, color sex, gender, sexual orientation, gender identity, gender expression at sex characteristics.
Sa ginawang online meeting inaprubahan ng komite ang pagsusulong ni Bataan Representative Geraldine Roman ng kumprehensibong Anti-discrimination Bill subalit kailangang bukas sa pag amiyenda.
Nakasaad din sa panukala na lahat ng mga ahensya, korporasyon, kumpanya at mga eskuwelahan gayundin ang sinumang tao na nagbibigay ng trabaho, pabahay, edukasyon at delivery ng mga pangunahing bilihin na bumuo ng non-discrimination at equal opportunity committee.
Sa naging pulong nuong isang linggo pinagtalunan ng mga kongresista ang pagsasama ng gender identity sa mga pagbabasehan para sa diskriminasyon.
Nagpaabot naman ng reservation hinggil dito si House Deputy Seaker Bienvenido Abante subalit bumoto naman ang panel para mapanatili ito.
Kinokonsider ng Pangulong Rodrigo Duterte ang pakikipagpulong sa mga dating Pangulo ng bansa para tutukan ang mga usaping bumabalot sa mga claim sa West Philippine Sea.
Ayon ito kay Presidential Spokesman Harry Roque at ang hakbangin aniya ay mas katanggap tanggap sa halip na i-convene ang national security council na panukalang ni dating AFP Chief of Staff at Senador Rodolfo Biazon.
Sinabi ni Roque na nabanggit sa kanya ng pangulo na walang nareresolba sa NSC batay sa naging karanasan nito sa pagdalo sa mga pulong dito kaya’t iniisip ng Pangulo na imbitahan na lamang ang mga dating Presidente gayundin ang ilang personalidad para magpulong sa isyu ng WPS.
Iginiit din ni Roque na walang nakakalito sa posisyon ng Pangulo sa WPS dahil walang teritoryong mawawala sa kanyang administrasyon.
Nagsasagawa na ng clearing operations at rehabilitasyon ang DPWH sa Philippine General Hospital (PGH) operating room supply area.
Ipinabatid ito ni DPWH Secretary Mark Villar matapos sumiklab ang sunog sa PGH nitong madaling araw ng Marso 16.
Sinabi ni Villar na ang OR supply area ang isa sa labis na naapektuhan ng nasabing sunog.
Sa ngayon ay nananatiling suspendido ang surgical procedures at emergency room sa PGH.
Pasok ang apat na Pilipino sa pitong dayuhang estudyante na namayagpag sa pagtatapos ng 240 estudyante ng class of 2021 sa US coast guard academy.
Kabilang sa mga Pilipinong ito sina Eric Joseph Noble, Genison Basilio, Daisy Anne Atayan at Dianne Shaira Basuel pawang mga kadete na inisponsoran ng Philippine Coastguard.
Ipinabatid ng coastguard na kapag bumalik ng Pilipinas kaagad sasalang ang mga nasabing Pinoy sa Coast Guard Officer’s Course (CGOC) para maging ganap na opisyal ng Philippine Coast Guard.
Nagsilbi namang keynote speaker sa nasabing graduation rites si US President Joe Biden.