Author

Judith Estrada-Larino

DWIZ 882

Hinihinalang mga myembro ng Maute group arestado sa Lanao del Sur

Dinampot ng PNP special action force ang siyam na miyembro umano ng ISIS inspired Dawlah Islamiya Maute Group sa kasagsagan ng engkuwentro sa Batangay Paigoay, Pagayawan sa Lanao Del Sur.

Ayon sa PNP SAF kay PNP Chief Guillermo Eleazar isisilbi lamang sana nila ang arrest warrant sa 43 anyos na lider ng DI – MG na si Faharudin Satar alias Abu Zacaria nang paputukan sila ng mga terorista dahilan kaya’t gumanti sila at pinaulanan din ng bala ang mga ito.

Kinilala ang mga naaresto na sina Camaroden Tindug, Sabdullah Sarip, Oetr Macaungun, Asnare Alisood Dima, Sowaib Abdullah, Saaduden Adapun, Zaenal Abdulatip at Aleem Salih Pitiilan.

Nakatakas naman sa nasabing operasyon ang dalawa pang teroristang sina Abu Dimam at Abu Khalifa.

Nakumpiska sa mga suspek ang isang carbine, dalawang M25 rifles, tatlong magazine, dalawang caliber 45 pistol, dalawang base radios, labing tatlong cellphone, isang laptop at mga subersibong dokumento.

May 30, 2021 0 comment

HEADLINES RONDA PROBINSYA

Operasyon ng mga resort sa Samal Island sa Davao Del Norte suspendido

written by Judith Estrada-Larino

Dalawang linggo munang suspendido ang operasyon ng mga resort sa Samal Island sa Davao Del Norte dahil sa COVID-19.

Ang suspensyon ayon sa lokal na pamahalaan ng Samal Island ay mula June 1 hanggang 14 matapos sumirit ang kaso ng COVID-19 sa lungsod at mga karatig lugar.

Tiniyak naman ng local government na mabibigyan ng ayuda ang mga apektadong manggagawa ng mga resort na dinadagsa ng mga turista para magbakasyon at kung saan nagsasagawa rin ng mass gathering ang mga ito.

Naitala sa 651 ang active COVID-19 cases sa lalawigan.

May 30, 2021 0 comment

RONDA PROBINSYA

Hinihinalang lider ng NPA nasawi sa engkwentro vs militar sa Iloilo

written by Judith Estrada-Larino

Patay ang isang umano’y lider ng NPA matapos maka-engkuwentro ang mga otoridad sa Pavia, Iloilo.

Sa report ng third infantry division ng Philippine Army kinilala ang nasawi na si Reynaldo Bocala, pinuno ng regional finance bureau ng NPA Regional Committee – Panay.

Si Bocala ay napatay noong Biyernes ng gabi matapos manlaban sa mga otoridad na nagsisilbing ng arrest warrant sa kanya.

Kasama ring nasawi ni Bocala ang isang Welly Epago Arguelles at kapwa nakuha sa mga ito ang dalawang pistola, isang laptop at limang cellphone.

1990 nang kasuhan sa korte sa Antique si Bocala dahil sa murder at inireklamo ng robbery in band with frustrated murder ang damage to property bukod pa sa kasong robbery with serious physical injuries noong 2005 kung kailan din ito inakusahan ng destructive arson.

May 30, 2021 0 comment

HEADLINES RONDA PROBINSYA

MECQ sa Zamboanga City hiniling na palawigin pa

written by Judith Estrada-Larino

Hiniling ng local government ng Zamboanga City sa IATF na palawigin pa ang MECQ status sa lungsod hanggang June 15.

Ang MECQ extension ayon kay city health officer Dr. Dulce Miravite ay isang paraan para matulungan ang lungsod na mapababa ang mga naitatalang kaso ng COVID-19 dito.

Kasunod na rin ito aniya ng punuan nang sitwasyon ng karamihan sa mga ospital sa Zamboanga City para sa COVID at non COVID cases.

Nananawagan si Miravite sa publiko na sumunod sa health protocols at seryosohin ang banta ng COVID-19.

Ipinag utos na rin ni Mayor Beng Climco ang pagtataas ng bed capacity sa isolation facilities sa 1,000 mula sa 700.

Batay sa COVID-19 data tracker ng DOH ang Zamboanga City ay nakapagtala ng 2,408 active cases, dagdag na 105 cases at 90 mga bagong nakarekober sa sakit hanggang nitong may 28 samantalang nasa 391 ang death toll.

May 30, 2021 0 comment

HEADLINES NATIONAL NEWS

Robredo pinuri ang mga ginagawa ni Eleazar sa PNP

written by Judith Estrada-Larino

Tila nasa tamang direksyon ang mga ginagawa ni bagong PNP Chief Guillermo Eleazar.

Ayon ito kay Vice President Leni Robredo matapos purihin si Eleazar sa pagbubukas ng isyu ng drug war sa DOJ na aniya’y pagpapakita na may problema talaga at kailangan itong solusyunan.

Taliwas ito aniya sa nakalipas na liderato ng PNP na itinatago ang mga impormasyon sa usapin ng drug war.

Sinabi ni Robredo na malaking bagay ang pagpapakita ng liderato ni Eleazar na desidido itong linisin ang kanilang hanay na nasisira dahil sa extra judicial killings at tiwala aniya siyang tuloy-tuloy itong gagawin ng PNP Chief para mapalakas ang institusyon.

2019 nang magsilbi si Robredo sa loob ng tatlong linggo bilang co-chair ng inter agency committee on anti illegal drugs na puwestong binuo lamang matapos nitong batikusin ang drug war campaign ng gobyerno.

May 30, 2021 0 comment

HEADLINES NATIONAL NEWS

5-M doses na ang naiturok kontra COVID-19 sa bansa — Galvez

written by Judith Estrada-Larino

Mahigit limang milyong doses ng COVID-19 vaccine ang naiturok na sa mga indibidwal sa bansa.

Ayon kay vaccine czar Carlito Galvez, 1, 189, 353 mula sa 5, 120, 023 individuals ang fully vaccinated na o nakatanggap na ng dalawang dose s ng bakuna kontra COVID-19.

Kabilang dito aniya ang halos 1.4 million o 93% ng health workers sa bansa kung saan 664,000 na ang kumpleto nang nakatanggap ng bakuna.

Nasa kabuuang 1,368, 836 o 13. 38% ng 9 million senior citizens at 1. 15 million persons o 22. 7% na mayroong co-morbidities ang nakatanggap na ng bakuna.

Muling binigyang diin ni Galvez na kailangang makapagbakuna ang gobyerno ng 500,000 kada araw sa Metro Manila, Metro Davao, Metro Cebu at anim pang urban areas para maabot ang herd immunity sa November 27.

Kapag nabakunahan na aniya ang 30% ng indibidwal sa bansa ay tiyak nang bababa ang kaso ng COVID-19 lalo na’t kung magkakaroon ng steady supply.

March 1 nang gumulong ang COVID-19 vaccination program ng gobyerno sa pamamagitan ng mga bakunang gawa ng Sinovac, AstraZeneca, Galameya institute at Pfizer.

May 30, 2021 0 comment

NATIONAL NEWS

Pagtaas ng kaso ng mga nasasawi dahil sa COVID-19 hindi dahil sa mga naitalang bagong variants — DOH

written by Judith Estrada-Larino

Walang direktang kinalaman sa mga bagong variant ng coronavirus ang pagtaas ng bilang ng mga nasasawi dahil sa naturang virus.

Ayon ito kay health undersecretary Maria Rosario Vergeire matapos sumirit na sa mahigit 20,000 ang death toll sa COVID-19.

Sinabi ni Vergeire na isang kaso ng B16172 variant na unang na-detect sa India ay nasawi samantalang 12 naman ay naka-recover.

Samantala dalawang porsyento lamang na natukoy na nagtataglay ng B117 variant na unang na-detect sa United Kingdom ang nasawi at nasa halos 2.1% naman ng South African variant cases ay nasawi.

Ang dalawang kaso naman ng P.1 variant na na-detect sa Brazil ay naka-recover at dalawa sa 169 cases ng P.3 o Philippine variant ay nasawi at ang iba ay recovered na.

Bagama’t kakaunti lamang ang mga nasawi may kaugnayan sa mga bagong coronavirus variant inamin ni Vergeire ang limitasyon pa rin sa pagsasagawa ng surveillance.

May 30, 2021 0 comment

SPORTS

Giannis Antetokoumpo, pasok sa kasaysayan ng Milwaukee Bucks

written by Judith Estrada-Larino

Muling nagpakitang gilas si Giannis Antetokounmpo para makumpleto ang panalo sa apat na laro sa first round series ng NBA eastern conference.

Kasunod na rin ito nang naiposteng tatlong triple double ni Antetokounmpo para sa Milwaukee Bucks kontra sa miami heat matapos maitala sa 120-103 ang final score.

Si antetokounmpo ay nagtala ng 20 points, 15 assists at 12 rebounds na naisama sa bucks playoff history na kinabibilangan din nina Kareem Abdul Jabbar noong 1970 at Paul Pressey noong 1986.

Dahil sa nasabing panalo umabante na ang Bucks sa ikalawang round ng play offs at tuluyang winalis ang Miami sa kauna-unahang pagkakataon sa tatlong play off match ups.

Nakapagtala naman ng 25 points si Brook Lopez, Bryn Forbes na nagpasikat sa pitong 3 points nito at Khris Middleton na gumawa ng 20 points at 11 rebounds.

May 30, 2021 0 comment

INTERNATIONAL NEWS

Walo nasawi matapos ang pamamaril sa southeast Niger

written by Judith Estrada-Larino

Patay ang walo katao kabilang ang apat na miyembro ng security forces sa isang Jihadist raid sa isang malaking lungsod sa southeast Niger na malapit sa Nigeria border.

Ayon sa mga otoridad nilusob at pinagbabaril ng mga armadong miyembro ng Islamic State West Africa Province (ISWAP) na breakaway group ng Boko Haram ang 15 sasakyan sa lungsod ng Diffa.

Narekober ng mga otoridad sa lugar ang rocket launchers, mortar at maraming bala gayundin ang mobile phones, droga at mga pang iniksyon.

Dahil sa nangyari nag-panic ang mga residente ng Diffa bagamat bahagyang kumalma na ang mga ito.

Ang Diffa ay itinuturing na tahanan ng 300,000 refugees at displaced people na tumakas sa Jihadist fighters.

May 30, 2021 0 comment

HEADLINES NATIONAL NEWS

FDA muling nagbabala sa mga hindi reshistradong produkto

written by Judith Estrada-Larino

Binalaan ng Food and Drug Administration (FDA) ang publiko kaugnay sa mga produkto sa merkado na hindi rehistrado sa kanilang tanggapan.

Kabilang dito ayon sa FDA ang Elmar’s marshmallows, Korean ginseng with antler extract soft capsule, Bro Joe’s green coffee, red panax ginseng extract 800 mg, red panax ginseng extract 600 mg, JK&E honey, Virgie’s wild honey, big boy special odong Chinese style, Kevin premium quality refined sugar at Che Lanz creamy peanut butter.

Bukod pa ito sa blessed coffee mix 7 active ingredients with Stevia and green coffee, nature vita Paragis capsule food supplement, body shred skinice gluta melony 7 in 1 plus melon, zinc, l – glutathione nurture’s well paragis capsule, 3JM grains and spices raisins, 3JM grains and spices garlic powder, 3JM grains and spices atsuete, WL foods yahoo tosta bread toasted bread garlic at GSJ peanuts greaseless peanuts.

May 30, 2021 0 comment

Newer Posts

Older Posts