Judith Estrada-Larino

Mahigit 700 turista, kabilang ang 10 sanggol, mula sa National Capital Region (NCR) Plus bubble ang agarang lumipad pa-Boracay nitong nakalipas na Sabado.

Ipinabatid ng Civil Aviation Authority of the Philippines (CAAP) na ang 718 tourists ay sakay ng pitong biyahe diretso ng Caticlan Airport at lahat ay Boracay ang destinasyon.

Tiniyak ni Transportation Secretary Arthur Tugade ang mahigpit na pagpapatupad ng health and safety protocols sa lahat ng mga airport para maiwasan ang pagkalat ng coronavirus disease 2019 (COVID-19).

Kaya naman, personal na ininspeksyon ni Tugade ang pinalawak at pinagandang Kalibo International Airport.

Una nang pinayagan ng gobyerno ang leisurely trips mula NCR Plus patungo sa mga lugar na nasa general community quarantine (GCQ) at modified GCQ mula ika-1 hanggang ika-15 ng Hunyo basta’t may negative result ng COVID-19 test at susunod sa mga panuntunan ng local government units.

Tila inunahan na ng Department of Energy (DOE) ang publiko o mga consumer sa Luzon hinggil sa inaasahang mataas na singil sa kuryente.

Kasunod na rin ito nang naranasang manipis na suplay ng kuryente sa Luzon, dahilan kaya’t inilagay ang Luzon grid sa yellow at red alert sa loob ng tatlong magkakasunod na araw.

Sinabi ni Energy Undersecretary Felix Fuentebella na malaki ang tiyansang tumaas ang singil sa kuryente dahil sa mataas na demand nito at mababang supply.

Kinalma ng isang grupo ng mga doktor ang gobyerno sa pagluluwag ng health and safety protocols kaugnay sa coronavirus disease 2019 (COVID-19).

Umapela rin ang Philippine College of Physicians (PCP), maging sa publiko, lalo na sa mga senior citizen, na huwag magmadaling mag-gagala o palagiang lumabas ng kanilang mga bahay lalo na’t hindi naman kinakailangan kahit pa nabakunahan na.

Binigyang diin ni Dr. Maricar Limpin, pangulo ng PCP, na mababa pa rin ang vaccination rate o mga nabakunahan na sa bansa at sa katunayan ay wala pang 10% ng populasyon ang naturukan ng COVID-19 vaccine.

Dahil ditto, iginiit pa rin ni Limpin ang patuloy na pagsusuot ng face mask at face shield para sa dagdag na proteksyon laban sa virus.

Sumirit pa sa 1,269,478 ang kabuuang kumpirmadong kaso ng coronavirus disease 2019 (COVID-19) matapos madagdagan ng 7, 228 na mga bagong kaso ng nasabing virus.

Dahil dito , ipinabatid ng Department of Health (DOH) na umakyat pa sa 59,337 ang kabuuang active cases ng COVID-19 kung saan 93.5% ang mild, 2.4% ang asymptomatic, 1.7% ang severe at 1.3% ang critical condition.

Patuloy din sa pagtaas ang bilang ng mga gumagaling sa COVID-19 na ngayo’y nasa 1, 188, 243 na matapos 7, 372 patients pa ang nakarekober sa naturang sakit.

Pumapalo pa sa 21,898 ang death toll kasama na ang 166 na mga bagong nasawi sa COVID-19

Ayon pa sa DOH, 58% ng ICU beds at 38% ng mechanical ventilators ang ginagamit na sa ngayon.

Bitin pa ang ibinigay ng Palasyo na P5.2 billion na dagdag pondo sa OWWA.

Ito ayon kay Labor Secretary Silvestre Bello III ay kaya hindi pa nababayaran ang mga atraso sa hotel accommodation bilang quarantine area at transportasyon ng mga OFW.

Sinabi ni Bello na mayruon nang 200 cheque si OWWA Administrator Hans Cacdac na hindi pa niya pinipirmahan dahil hinihintay pa nila ang pondong manggagaling sa palasyo.

Sinasabing naka pending pa ang saro special allotment release order kay Budget Secretary Wendel Avisado.

Subalit siniguro ni Bello na ibibigay din ng dbm ang pondo lalo nat batid ng pangulo na nasasaid na ang pondo ng OWWA.

Inaasahang babaha ng supply ng COVID-19 vaccine na gawa ng Russia.

Kasunod ito nang pangako ni Russian President Vladimir Putin sa Pangulong Rodrigo Duterte sa kanilang telesummit na mas maraming Sputnik V ang ilalaan sa Pilipinas.

Nagpasalamat naman ang pangulo sa ipinadalang bakuna at iginiit na mapabilis sana ang delivery nang inorder na dagdag bakuna.

Magugunitang dalawang batch na ng Sputnik V vaccine ang naideliver sa bansa ng Russia.

Walumput siyam  na porsyento (89%) ng mga Pilipino ang nagaalalang madadapuan ng COVID-19 mahigit isang taon matapos ideklara ang pandemya.

Ito ang resulta ng survey ng Social Weather Stations kahit pa tuluy-tuloy ang vaccination rollout ng gobyerno.

Sa isinagawang survey mula Abril 28 hanggang Mayo 2 70% ng mga Pilipino ang matindi ang pag-aalala at 19% naman ang bahagyang nag a alala na makukuha ang nasabing virus.

Labing isang porsyento (11%)  naman may kaunting takot o hindi takot na makukuha ang COVID-19.

Ayon sa report ng SWS kumpara sa mga nakalipas nilang survey matinding ang takot ng mga pilipino na madapuan ng COVID-19.kumpara sa makuha ang virus mula sa ebola, swine flu, bird flu at sars.

Nakasaad pa sa survey na 49% ng mga Pilipino ang naniniwalang hindi pa nararanasan ang worst situation kaugnay sa pandemya samantalang 50% naman ang nagsabing narito na ang pinakamatinding epekto ng global health crisis.

Ang Bagyong Dante ay kumikilos sa direksyong pa-hilaga ng West Philippine Sea kanluran ng Ilocos Norte.

Sa pinakahuling bulletin ang sentro ng Bagyong Dante ay pinakahuling namataan sa layong 260 kilometers kanluran hilagang kanluran ng Sinait, Ilocos Sur o 250 kilometers kanluran hilagang kanluran ng Laoag City, Ilocos Norte.

Taglay ng bagyong dante ang pinakamalakas na hanging umaabot sa 65 kilometers kada oras malapit sa gitna at may pagbugso na umaabot sa 80 kilometers kada oras.

Ang Bagyong Dante ay kumikilos pa hilaga sa bilis na 20 kilometro kada oras.

Ayon pa sa PAGASA ang Bagyong Dante ay dadaan o magla-landfall sa vicinity ng southern Taiwan mamayang gabi at posibleng mapanatili ang lakas nito hanggang makapag landfall ito o lumapit sa southern portion ng Taiwan.

Binalaan ng LTO ang netizen kaugnay sa naglipanang fixer at scammer sa Facebook.

Ibinunyag ng LTO sa publiko ang nagpapanggap na Facebook page ng ahensya na LTO license assistance center na naniningil umano ng 3, 500 hanggang 6, 500 pesos para i-proseso ang driver’s license na non-appearance at non taking.

Ayon sa LTO posibleng magamit ang mga pribadong impormasyon na ibibigay sa mga fixer sa identity theft at counterfeit at invalid ang mga lisensyang makukuha sa labas ng kanilang opisina.

Isang bilanggo ang patay at tatlo ang sugatan sa naganap na riot sa gitna nang isinasagawang oplan galugad operation sa new bilibid prison sa Muntinlupa City.

Ayon kay Bucor Spokesman Assistant Secretary Gabriel Chaclag , isang matandang inmate ang nagsumbong sa mga kaalyadong preso na sinuntok siya ng isa pang bilanggo na ikinagalit ng kaniyang mga kasamahan at nanaksak ang mga ito samantalang ang iba ay nag away away na sa hiwalay na lugar.

Sinabi ni Chaclag na kaagad namang naaresto ang suspek.

Narekober naman sa inspeksyon sa maximum security compound ang mahigit 100 pana, halos 100 bolo at machete at high tech celfons at gadgets at mga nakakamatay na armas naman ang nasabat sa medium security compound.

Ang pagkabagot dahil sa kawalan ng bisita ang nakikitang dahilan ng nbp kayat umiikli ang pasensya ng mga preso.