Author

Judith Estrada-Larino

DWIZ 882

Mahinang cybersecurity, nananatiling banta sa mga BPO company

Mahinang cybersecurity ang nananatiling banta sa BPO o Business Process Outsourcing.

Ito ang ibinunyag ng USAID o United States Agency for International Development, batay sa kanilang National Cybersecurity Plan 2022 assessment survey.

Nangangamba ang BEACON o Better Access and Connectivity ng USAID na maglaho ang halos 23 billion US dollar investment ng mga BPO kapag hinayaang humina ang cybersecurity ng bansa.

Pinayuhan ng BEACON ang DICT na mag invest sa mga gamit at gumawa ng mga hakbangin para mapaigting pa ang pagbabantay sa cybersecurity ng mga BPO.

Lumalabas din sa global security company na Kaspersky Lab na nangunguna ang Pilipinas na tina-target ng banking malwares sa Asia Pacific Region kung saan nakapagtala ang bansa ng maraming bilang ng users na inatake ng banking trojans malware.

December 13, 2022 0 comment

HEADLINES HOT STORIES OF THE WEEK NATIONAL NEWS

Maharlika Wealth Fund suportado ng ilang kongresista

written by Judith Estrada-Larino

Suportado ng ilang kongresista ang panukalang MIF o Maharlika Investment Fund.

Naniniwala ang mga kongresista na malaki ang maitutulong ng MIF para madagdagan ang kita ng gobyerno na magagamit sa serbisyo publiko.

Sinabi ni House Deputy speaker Aurelio Dong Gonzales, Jr. na suportado niya ang nasabing panukala ni House Speaker Martin Romualdez para kumita ng mas malaki ang mga nakatabing pondo.

Ayon naman kay San Jose Del Monte City Representative Florida “Rida” Robes, walang dapat ikatakot sa nasabing pondo dahil may iniligay na safeguards upang masigurong hindi ito maaabuso at magagamit sa korupsyon.

Inihayag din ni Quezon Representative Mark Enverga na kailangan ng bansa ang MIF para mapondohan ang pangangailangan ng bansa.

Kapwa suportado rin nina congressmen Eleandro Jesus Madrona at Marvin Rillo ang MIF dahil maraming magagandang bagay anila ang makukuha ng Pilipinas sa Sovereign Wealth Fund na ginagamit sa halos 50 bansa.

December 13, 2022 0 comment

NATIONAL NEWS

Ecowaste coalition isinusulong ang eco-friendly celebration ngayong holiday season

written by Judith Estrada-Larino

Isinusulong ng ecowaste coalition ang eco-friendly celebration ng pasko at bagong taon.

Sinabi ni Jove Benosa, zero waste campaigner ng ecowaste coalition na normal na ang pag o-order online o online shopping simula nang magsimula ang pandemya.

Isa aniya ang delivery items na nakakadagdag ng basura lalo na ngayong holiday season lalo na’t ilang layers ang balot ng mga items.

Ayon pa kay Benosa, dapat na maging eco-friendly ang mga pambalot ng christmas gift.

December 12, 2022 0 comment

HEADLINES METRO PATROL

Malaking sawa, bumulaga sa isang barangay sa QC

written by Judith Estrada-Larino

Binulabog ng isang malaking sawa ang mga residente ng Barangay Talipapa sa Quezon City.

Ayon sa barangay tanod na si Oton Ortiguerra, patulog na ang kanyang mag iina nang makarinig ng kaluskos sa kisame ang mga ito at laking gulat nang tumambad ang sawa na paggapang na sa kanilang higaan.

Kaagad namang rumesponde ang mga barangay tanod para mahuli ang burmese phython na halos 10 talampakan ang haba na kaagad inilagay sa sako at nai turn over na sa mga kinauukulan.

Sinabi naman ng isang opisyal ng barangay na ikatlong ahas na itong natagpuan sa kanilang lugar at posibleng nanggaling sa Tullahan River o sa bakanteng lote.

December 12, 2022 0 comment

HEADLINES NATIONAL NEWS

Disinfection sa mga paaralan sa darating na Christmas break, inihirit ng NPTA

written by Judith Estrada-Larino

Hinihiling ng National Parent Teachers Association (NPTA) ang disinfection sa mga paaralan sa Christmas break ng mga estudyante.

Ito ayon kay NPTA Vice President Lito Sinieto ay dahil bibihira o halos wala nang ginagawang disinfection sa mga paaralan simula nang magbukas ang klase nuong Agosto at tuluyang ipinatupad ang full face to face classes.

Sinabi ni Sinieto na mahalagang magkaruon ng disinfection laban sa mga sakit tulad ng hand foot and mouth disease maliban pa sa COVID-19.

December 19 itinakda ang Christmas break at January 4, 2023 ang balik ng mga estudyante.

December 12, 2022 0 comment

NATIONAL NEWS

LPA sa loob ng Pilipinas, posibleng maging bagyo ngayong weekend

written by Judith Estrada-Larino

Posibleng maging bagyo ngayong weekend at papangalanang Rosal ang low Pressure Area (LPA) na namataan ng PAGASA.

Ayon sa PAGASA, ang nasabing sama ng panahon ay magdadala ng matinding pag ulan sa Cagayan, Isabela, Aurora, Quezon, Mimaropa, Bicol region, Visayas, Caraga at Davao region sa susunod na 24 oras.

Dahil dito, nagbabala ang PAGASA ng pagbaha at landslides.

Ang sentro ng LPA ay pinakahuling namataan sa layong 415 kilometers silangan hilagang silangan ng Hinatuan, Surigao del Sur.

Ang napipintong bagyo ay kikilos papalapit sa Caraga at Eastern Visayas ngayong araw na ito, Northern Samar at Bicol bukas at silangan ng Quezon at Aurora sa araw ng linggo.

December 9, 2022 0 comment

NATIONAL NEWS

PBBM, buo ang suporta sa modernisasyon ng Phil Air Force

written by Judith Estrada-Larino

Pinangunahan ng Pangulong Ferdinand Marcos, Jr. ang ceremonial blessing ng dalawang ATAK helicopters ng Philippine Airforce (PAF).

Ayon sa Office of the Press Secretary (OPS) ang dalawang dagdag na air assets ay binili ng bansa sa turkey bilang bahagi ng modernization ng Armed Forces of the Philippines (AFP).

Nagpasalamat ang Pangulong Marcos Jr. sa Turkish Aerospace Industries at sa gobyerno ng Turkey sa tulong na mapalakas ang Philippine military.

Kinilala rin ng pangulo ang efforts ng airforce sa ibat ibang aspeto kabilang ang external defense, internal security operations, disaster response gayundin ang relief operations.

December 9, 2022 0 comment

NATIONAL NEWS

ECOP, ‘umaasa’ na pakikialaman ni PBBM ang pagtaas ng kontribusyon sa SSS at PhilHealth

written by Judith Estrada-Larino

Tiwala ang Employers Confederation of the Philippines (ECOP) na ipagpapaliban ng Panguong Ferdinand Marcos, Jr. ang pagtataas ng kontribusyon ng SSS at PhilHealth sa susunod na taon.

Sinabi ni ECOP President Sergio Ortiz Luis na naiintindihan nilang nakasaad sa batas ang nasabing pagtataas subalit hiniling na nila sa kongreso ang pag amiyenda rito na hindi naman naaksyunan aniya ng nakalipas na administrasyon.

Ayon kay Luis, ang mga manggagawa at maliliit na negosyo ang maapektuhan ng dagdag singil sa SS at PhilHealth contributions sa gitna ng mataas na inflation rate.

December 9, 2022 0 comment

FEATURES

South Koreans nabawasan ang edad sa aprubadong panukalang batas sa SoKor

written by Judith Estrada-Larino

Gusto niyo bang magpabata? As in mabawasan ang tunay nyong edad?

Aba yan po ay posible na sa South Korea matapos ipasa rito ang mga panukalang abandonahin ang tradisyunal na sistema nang pagbibilang ng edad ng kanilang nationals.

Batay sa kasalukuyang sistema o the Korean age, kinikilala ang tao na isang taong mas matanda kapag naipanganak na at dadagdagan ang edad ng isang taon kada January 1 kaysa sa mismong birth date nila.

Subalit ipinasa ng National Assembly ng Seoul ang mga panukalang nag-o-obliga sa paggamit ng International Age Counting System para sa official documents at ito ay ipapatupad sa June 2023.

Sinabi ng National Assembly na ang hakbang ay para maresolba ang anito’y social confusion na dulot nang pinaghalo- halong paggamit ng age calcucations at resulta nitong side effects.

Bukod sa Korean Age System, ang bansa ay mayruon ding isa pang method na kadalasang ginagamit para tukuyin ang legal drinking at smoking age o binibilang ang edad mula zero pagkapanganak pa lamang at isang taon ang idadagdag kada January 1.

Ginagamit din ang worldwide standard para sa ilang medical at legal records simula pa nuong 1960’s.

Ikinagulat naman ng ilang South Koreans ang balita at natuwa ang iba pa dahil lalabas na dalawang taon silang bumata!

December 9, 2022 0 comment

ENTERTAINMENT

Eraserhead team, pinag-uusapan ang world tour concert sa susunod na taon

written by Judith Estrada-Larino

Tila hindi pa final reunion ang nakakasa nang Eraserheads reunion concert sa December 22 sa Paranaque City.

Ito’y matapos ibunyag ni Concert Producer Francis Lumen, Pangulo ng Weu Events Management Services ang mga planong dalhin sa labas ng bansa ang reunion ng Eraserheads.

Sinabi ni Lumen na nag-uusap na sila para sa posibleng world tour ng Eraserheads sa susunod na taon.

Masaya aniya sila na maipakita ang galing ng Pinoy sa international stage kaya’t excited sila pare-pareho sa posileng reunion concert ng Eraserheads sa ibang bansa.

Kasabay nito, ipinabatid ni Lumen na gumagawa na sila ng documentary ng Huling El Bimbo reunion concert at planong ipalabas sa SM Cinemas, Cignal, Smart Gigaplay, Amazon at Netflix.

December 9, 2022 0 comment

Newer Posts

Older Posts