Posibleng sa susunod na Linggo pa masimulan ang pamamahagi ng cash assistance sa mga apektado ng ECQ sa Metro Manila.
Ayon kay DILG Spokesperson At Undersecretary Jonathan Malaya, anumang oras ngayong araw na ito ipapalabas ng DBM ang notice of cash allocation para sa pondo sa ayuda.
Bukas aniya ay makikipag pulong sila sa mga alkalde sa Metro Manila para sa pagtatakda ng team ng mga ito at kung paano ipapamahagi ang nasabing cash assistance.
Plano ni dating Senador Ferdinand Bong Bong Marcos, Jr. na tumakbo sa 2022 National Elections.
Gayunman, hindi tinukoy ni Marcos kung anong puwesto ang tatakbuhan subalit inamin nitong bukas siyang makipag tandem kay Davao City Mayor Sara Duterte-Carpio na umanoy target pumalaot sa Presidential Elections.
Magugunitang nakipag kita at nakipag pulong si Marcos kay Mayor Sara nuong buwan ng Mayo, dahilan para lumutang ang anggulong posibleng tambalan ng mga ito sa 2022 National Elections.
Walong lungsod sa Metro Manla at mahigit 20 pang lugar ang isinailalim ng DOH sa alert level 4 dahil sa mataas na kaso ng COVID-19.
Ayon kay Health Undersecretary Maria Rosario Vergeire, ang alert level 4 ay nangangahulugan na ang isang lugar ay pasok sa moderate to critical risk at nasa 70% pataas ang healthcare utilization rate.
Sinabi ni Vergeire na kabilang sa alert level 4 ang Las Pinias, Muntinlupa, Pateros, Quezon City, Taguig, Malabon, Makati at San Juan.
Kasama rin sa alert level 4 ang ilang lugar sa Cordillera Region at Regions 1, 2, 3, 4A, 6, 7, 8, 10, 11 at 12.
Tuloy ang mga serbisyo ng mga bangko kahit nasa ECQ ang Metro Manila simula ngayong araw na ito.
Tiniyak ito ng Bangko Sentral ng Pilipinas bagamat dapat magpatupad ng health and safety protocols ang mga bangko para hindi kumalat ang COVID-19.
Kasabay nito, ipinabatid ng BSP na operations ang head office nito sa Maynila at maging ang security plant complex nito sa Quezon City, bagamat skeleton workforce lamang para sa mission critical departments at support units mula alas-9 ng umaga hanggang ala-3 ng hapon.
Ngayong weekend o araw ng Sabado o Linggo sisimulang ipamahagi ng Valenzuela City Government ang cash assistance nito para sa mga apektado ng ECQ sa lungsod.
Ito ayon kay Valenzuela City Mayor Rex Gatchalian ay dahil inaasahan nilang makukuha ang pondo nitong Huwebes.
Ipinabatid ni Gatchalian na nagtalaga na rin ang City government ng payout centers kung saan maaring kunin ng mga residente ang kanilang cash assistance kada oras.
Pinaplantsa na aniya nila ang schedule at masterlist para sa pamamahagi ng ayuda.
Ikinatuwa ng ilang senador ang pag kambyo ng PNP sa naunang desisyon na ipagbawal ang paghatid at pagsundo ng non apor sa mga apor habang naka lockdown ang Metro Manila simula ngayong araw na ito.
Tinawag na win win solution ni Senador Panfilo Lacson ang pagbabago ng isip ng PNP sa polisiya hinggil sa paghahatid at pag sundo sa APOR.
Ayon naman kay Senador Koko Pimentel, ang bagong pasya ng PNP ay magandang development at dapat na gumana sa loob ng dalawang linggong naka ECQ ang Metro Manila.
Una nang kapwa nanawagan sina Lacson at Pimentel sa PNP na repasuhin ang naunang patakaran na ipagbawal ang paghatid sundo sa mga apor dahil maaari anitong maabuso.
Palalakasin ng gobyerno ang risk based approach nito sa pag-detect ng COVID-19 case sa gitna na rin ng banta ng Delta variant ng Coronavirus.
Ayon ito kay Testing Czar Vince Dizon dahil limitado ang resources ng bansa na kailangan ding gamitin sa iba pang paraan para hindi kumalat ang virus tulad ng isolation, treatment at vaccination.
Sinabi ni Dizon na ang Delta variant ay hindi maaaring resolbahin sa pamamagitan ng isang strategy lamang.
Hindi aniya nangangahulugang naresolba ang problema sa Delta variant nang pagtataas ng test sa 1,000 kada araw kaya’t kailangan ang iba pang paraan at ikakasang strategy bunsod ng limitadong resources.
Pumapalo na sa 1,627, 816 ang kabuuang kumpirmadong kaso ng COVID-19 sa bansa matapos maitala sa 8,127 ang mga bagong kaso nito.
Ayon sa DOH, tumaas din ang active cases ng COVID-19 na nasa 66, 895 na itinuturing na pinakamataas na naitala simula nuong Mayo 3.
Kabilang sa active cases ang 94.6% na mild, 1% na asymptomatic, 1.9% na severe at 1.1% ang critical condition.
Umakyat naman sa 1, 532,494 ang total recoveries kasama na ang 4,343 na mga bagong naka recover sa nasabing sakit.
Samantala, naitala ang 196 na bagong nasawi sa virus, dahilan kayat sumirit na sa 28,427 ang death toll ng COVID-19 sa bansa.
Ipinabatid ng DOH na nasa 60% ng ICU beds at 41% ng mechanical ventilators ang kasalukuyang nagagamit sa buong bansa.
Mapipilitang lumabas at makipagsapalaran para kumita ang ilang Pilipino kahit may banta ng Delta variant kapag wala na silang makain.
Binigyang diin ito ni Senador Francis Kiko Pangilinan matapos igiit ang pagbibigay ng ayuda bago pa man sana magsimula ang ECQ ngayong araw na ito.
Ito aniya ay para makapaghanda at makapag imbak ng pagkain ang mga nangangailangan.
Sinabi ni Pangilinan na mas malaki ang takot ng marami sa gutom kaysa sa Coronavirus.
Una nang nangako ang malakaniyang na magbibigay ng P1,000 ayuda para sa bawat kuwalipikadong indibidwal at hanggang P4,000 para sa isang pamilya.
Dapat tulungan ang publiko na mapababa ang gastusin habang naka- lockdown.
Ayon ito kay Senate Committee on Economic Affairs Chair Imee Marcos matapos manawagan sa dti na pigilan muna ang pag apruba sa hirit ng manufacturers na pagtaas sa presyo ng mga pangunahing bilihin.
Sinabi ni marcos na ang tinatayang nasa 3 hanggang 5 percent na pagtaas sa presyo ng bilihin ay malaking bagay para sa mga manggagawang arawan at maliit ang sahod at walang kikitain sa dalawang linggong lockdown.
Sa isinagawang price survey ng tanggapan ni marcos sa mga sari sari store at mga supermarket sa metro manila ..lumitaw na ang tipikal na food products na binibili ng mga ordinaryong pinoy ay sardinas, canned meat, instnt noodles, kape at gatas na tumaas ng kinse sentimos hanggang piso.
Premature pa aniya ang pagtaas ng presyo ng mga bilihin dahil hindi pa naman naisasapubliko ng dti ang pinakahuling srp o suggested retail price para sa mga pangunahing pangangailangan at bilihin kasabay ang babala ni marcos sa mga manufacturers hinggil sa batas sa profiteering kapag may emergency situation.