Jopel Pelenio

Tanging ang World Health Organization (WHO) guidelines ang pinagbabasehan ng Pilipinas sa mga isinasagawang pag-aaral kaugnay sa mixing and matching ng mga COVID-19 vaccine.

Ayon kay Health Usec. Leopoldo Vega, na very much dependent at pinagtutuunan nila ng pansin ang resulta ng mga isinasagawang clinical trials ng ibang mga bansa partikular na kung manggagaling ito sa WHO.

Sa ngayon ani Vega, inaantabayanan nila ang malinaw na rekomendasyon na ilalabas ng WHO ukol sa mixing and matching ng magkakaibang vaccine.

Kungsaan, malaki aniya ang posibilidad na ito narin ang istratehiyang gagamitin para sa national vaccination implementation ng pamahalaan

Suportado ng Malakanyang ang multa o community service na ipapataw ng MMDA laban sa mga mahuhuling magtatapon ng basura sa estero, ilog at kanal.

Ginawa ni Presidential Spokesperson Sec. Harry Roque ang pahayag matapos na matuklasan ng MMDA na ang mga hindi kanais nais na gawaing ito ang dahilan kung bakit nagbabara ang mga pumping stations sa kalakhang maynila.

Pero ayon kay Roque, base sa kanyang pagkakaalam mayroon ng existing laws ukol dito.

Kung hindi aniya sya nagkakamali, nakasaad sa batas na ito na dapat mapatawan pa ng mabigat na parusa ang mga mahuhulng nagtatapon ng basura sa mga sa mga estero, ilog at karagatan.

Siyamnaput-siyam (99) pa na mga Pilipino ang nahawaan ng COVID-19 sa ibang bansa, dahilan upang umakyat na sa 20,881 ang virus cases sa abroad.

Ayon sa Department of Foreign Affairs (DFA), pumapalo na sa 12,375 ang mga nakarekober mula sa sakit matapos na 88 pa na mga Pilipino ang  gumaling, habang nadagdagan naman ng walo ang binawian.

Samantala, aabot naman sa 7,269 ang active COVID-19 cases sa bansa.cmeanwhile, there were 7,269 active cases.

Halos dalawang buwan nang nagpapatupad ng lingguhang pagtaas ng presyo ng kanilang produktong petrolyo ang mga kumpanya ng langis sa bansa.

Ayon sa oil industry, asahan nang magkakaroon ng panibago na namang oil price hike sa susunod na linggo.

Inaasahang aabot sa P0.10 ang madadagdag sa kada litro ng diesel.

Habang pumapalo naman sa P0.50  hanggang P0.60 ang itataas sa kada litro ng gasoline.

Aabot sa 14,699 tonelada ng volcanic sulfur dioxide o so2 ang ibinuga ng Taal volcano, na siyang pinakamataas na naitala ng bulkan simula nang ito’y mag-alburuto.

Ayon kay Philippine Institute of Volcanology and Seismology (Phivolcs) Director  Renato Solidum na kapag masyadong mataas ang gas sa loob ng bulkan posibleng kasunod na nito ang pagsabog.

Pahayag ni solidum, ang maatas na SO2, makapal na usok at zero meters ng hangin mula sa Taal ay maaring maging senyales ng isang volcanic smog formation sa lalawigan ng Batangas.

Dahil dito, pinayuhan ng Phivolcs ang mga residente sa volcano island  na lumikas na partikular iyong mga naninirahan sa mga barangay ng Bilibinwang  at  Banyaga, Agoncillo at Buso-Buso, gulod, at Eastern Bugaan, Laurel, Batangas province.

Mariin namang ipinagbawal sa ngayon ang pagsasagawa ng anumang aktibidad dahil sa pagaalburuo ng Taal.

Nasa estado parin ng mixing and matching study ng COVID-19 vaccine ang Department Of Health (DOH) sa kabila ng inilabas na resulta ng mga pag-aaral sa ibang bansa na nakitaan ng mas mataas na immune resistance kontra virus ang mga nabakunahan ng AstraZeneca vaccine para sa kanilang first dose at mrna vaccine naman para sa second dose.

 ayon kay Health Undersecretary Maria Rosario Vergeire, nakipagpulong na sila sa mga eksperto ng bansa hinggil sa mga ebidensyang lumalabas ngayon ukol dito, kungsaan hindi naman aniya kabilang dito ang mga bakunang available dito sa Pilipinas.

Base ani Vergeire sa naging rekomendasyon ng mga dalubahasa ng bansa, na kung saka-sakaling magsasagawa sila ng mixing and matching, mas safe umano na gamitin ang kahalintulad na platform.

Ayon sa health official, maglalabas aniya ng resulta hinggil sa kanilang isinasagawang pag-aaral ang mga eksperto, ngayong third quarter ng taon.

Matatandaan na lumabas sa pag-aaral ng Germany, Canada at Oxford University na ang paggamit ng AstraZeneca vaccine para sa first dose at Pfizer o Moderna naman sa second dose ay may mataas na efficacy rate laban sa mas nakahahawang Delta variant.

Isa namang Police officer ang binawian ng buhay matapos tamaan ng COVID-19, dahilan upang umabot na sa 73 ang death toll sa hanay ng Philippine National Police o PNP.

Samantala, umabot na sa kabuuang 27,456 ang COVID-19 cases sa PNP matapos na 184 pa na mga police personnel ang nagpositibo sa virus.

Bunsod nito, pumalo naman sa 25,618 ang mga nakarekober sa loob ng organisasyon makaraang gumaling na mula sa sakit ang nasa isandaang pulis.

Sa kasalukuyan mayroong 1,765 na aktibong kaso ang ahensya.

Nadagdagan ng 85 na mga Filipino abroad ang nagpostibo sa COVID-19, dahilan upang umakyat na sa 20,747 ang kabuuang bilang ng virus cases sa ibayong dagat.

Kaugnay nito, iniyahag ng Department of Foreign Affairs o DFA, na pumapalo naman sa 12,234 ang bilang ng mga gumaling na overseas filipinos, habang nananatili sa 1,227 ang death toll.

Samantala, nasa 7,286 active cases sa labas ng bansa.

Hindi bababa sa 30 kabahayan ang nilamon ng apoy kasunod ng nangyaring sunog sa isang residential area sa Barangay project 6, Quezon City.

Ayon sa ulat ng Bureau of fire Protection o BFP, tinitayang nasa isandaang pamilya ang naapektuhan ng naganap na sunog habang aabot naman sa isandaang libo ang halaga ng mga naabong ari-arian.

Nagtamo naman ng first degree burn sa balikat ang isang singkwentay-otso anyos na biktima kung saan wala namang napaulat na nasawi.

Ayon kay Quezon City Fire Chief Joseph Del Mundo, nagsimula ang sunog sa bodega na nasa second floor na pinaglalagyan ng mga spare parts ng motor.

Pahayag ni Del Mundo, nahirapan silang apulahin ang sunog dahil sa naubusan aniya ng tubig ang kanilang mga fire truck na syang dahilan kung bakit natagalan ang kanilang operasyon.

Malaki ang paninwala ng palasyo na kung mapatunayang epektibo at ligtas ang ini-embentong oral COVID-19 vaccine, tiyak na susuportahan at paglalaanan ito ng pondo ni Pang. Rodrigo Duterte.

Ayon kay Presidential Spokesperson Sec. Harry Roque, nakasisiguro syang kapag naging matagumpay ang vaccine na dine-develop ng ilang eksperto sa bansa, hindi malayong makatanggap ito ng pabuya mula sa pangulo.

Pahayag ni roque, mayroon naman kasi talagang ipinangakong gantimpala si pang.dutertw para doon sa mga Pilipinong makalilikha ng bakuna kontra COVID-19.

Ngunit paglilinaw ng kalihim, sa ngayon, ang maitutulong pa lamang gobyerno, sa pamamagitan ng dost ay ang pondohan mula sa kabang yaman ng bansa, ang clinical trial ng dinidiskubreng oral COVID-19 vaccine.

Dagdag ni roque, pangungunahan ang clinical studies na ito ng mga nangungunang unibersidad sa ating bansa.