Jopel Pelenio

Dapat na maging prayoridad ng susunod na mga mamumuno sa bansa ang environmental issues.

Ito ang inihayag ni Earth Hour Philippines National Director Angela Ibay sa ginanap na Virtual Roundtable Discussion kaugnay sa World Wide Fund for Nature-Philippines’ Shape Our Future: The Countdown to Earth Hour 2022.

Giit ni Ibay, kailangang tutukan ng susunod na administrasyon ang implementasyon ng green recovery plans, sustainability, at ang pagpapalakas ng local indigenous production.

Samantala sinabi naman ni Green Thumb Coalition Convenor Jaybee Garganera, na mayroon silang inilunsad na scorecard para malaman kung sino sa mga kandidato ang seryoso at tunay na magsusulong ng mga proyekto para sa kalikasan o “green” agenda.

Mahalaga aniyang malaman kung ano ang mga plataporma ng mga kumakandidato pagdating sa mga isyu ng energy, waste management, forestry, sustainable agriculture, water, human rights, at sustainable development.

Walang katotohanan ang umano’y natuklasan ni Senator Imee Marcos na 66.9% ng mga balota ang naimprenta na ng Commission on Election (COMELEC) nang walang testigo o witness.

Ayon kay Pang. Rodrigo Duterte, kilala niya ang mga nakaupong opisyal sa COMELEC partikular na si newly appointed COMELEC Chairman Saidamin Pangarungan, kaya naman mahirap aniyang paniwalaan ang akusasyon ng senadora.

Tiwala ang pangulo na walang nalabag na batas pagdating sa pag-imprenta ng mga balota.

Hindi magagarantiya ni Pang.Rodrigo Duterte ang 100% peaceful election.

Ayon kay Pang. Duterte, posible kasi na maaring magkaroon ng isa, dalawa o tatlong mga election related incidents partikular na sa Mindanao.

Sa katunayan, sa Cotabato, kanya nang binalaan ang armadong grupo doon na hindi niya pahihintulutan ang anumang karahasan o terorismo sa panahon ng eleksyon.

Giit ng punong ehekutibo nais niyang maging mapayapa ang mga gagawing pangangampanya ng bawat kandidato.

Sinuman aniyang maghahasik ng kaguluhan ay kanya umanong personal na pupuntahan.

Aabot sa 309 Filipinos ang inasistehan ng gobyerno ng Pilipinas sa Ukraine kasunod ng patuloy na pag-atake doon ng Russia.

Sa social media post ni Foreign Affairs Undersecretary for Migrant Workers’ Affairs Sarah Lou Arriola, sinabi nito na papalo sa 150 pinoy ang napauwi nila noong Marso a-11, habang 159 ang nailikas palabas ng Ukraine.

Inaasahan naman na 23 Pilipino ang darating sa araw ng Biyernes ng susunod na linggo.

Sa ilalim ng crisis alert level 4, inoobliga ang mga kababayan natin na lisanin na ang Ukraine kasabay ng pagbibigay kasiguruhan na sasagutin ng pamahalaan ang lahat ng kanilang gastusin o repatriation expenses.

Nagbigay ng rekomendasyon si Presidential Adviser for Covid-19 Response Vince Dizon na ipatupad na sa buong bansa ang resolusyon ng Metro Manila Council na ‘’no bakuna, no labas’’ policy.

Sa talk to the people kagabi, sinabi ni Dizon na dapat na rin itong maipatupad kahit sa mga lugar na hindi nakitaan ng pagtaas ng mga kaso ng virus.

Giit ni Dizon, maging ang ilang kalihim gaya nina Health Sec. Francisco Duque III, Vaccine Czar Sec. Galvez at Defense Sec. Lorenzana ay suportado ang naturang hakbang.

Una nang sinabi ni Presidential Adviser for Entrepreneurship Sec. Joey Concepcion na hindi ito diskriminasyon o pagkakait ng karapatan, sa halip ay layon lamang nito na maprotektahan laban sa virus ang mga unvaccinated o mga hindi pa bakunado.

Siniguro ni Pangulong Rodrigo Duterte na nananatiling matatag at buo ang mayorya ng mga miyembro ng PDP-laban.

Sa naging  talumpati ni Pangulong Duterte sa national assembly ng ruling party sa Clark, sinabi nitong walang ibang dapat na sisihin sa nangyayari ngayong kaguluhan sa PDP laban kundi si Executive Vice Chairman Koko Pimentel.

Binanatan ng punong ehekutibo ang batang pimentel dahil sa mali nitong pamamalakad sa partido partikular na ang pag-appoint nito kay Sen. Pacquiao bilang Acting President ng ruling party.

Binigyang diin ni Pangulong Duterte na hindi niya malaman kung bakit naisip ni Sen. Pimentel na italaga ang boxing Senator sa nabanggit na posisyon.

Giit ng Presidente na walang umiiral na batas na nagsasabing may acting president sa partido at ang pagkakamali aniya dito ay na kay Pimentel at hindi kay Pacquiao.

Mensahe pa ni Pangulong Dutere sa mga PDP-laban members na huwag sanang masilaw sa posisyon dahil lamang sa pansariling ambisyon.

Ayon sa industriya ng langis, epektibo ang oil price hike na ito sa Hulyo 20, 2021, araw ng Martes.

Posible umanong umabot sa 20 hanggang 30 sentimo ang itataas sa kada-litro ng diesel habang ganun din ang magiging pagtaas sa kada litro ng kerosene.

Habang papalo naman sa halos 10 sentimo ang itataas sa kada litro ng gasolina.

Ito na ang ikalawang buwan o ika-8 sunod na linggo ng pagpapatupad ng oil price increase ng mga kumpanya ng langis sa bansa.