Jopel Pelenio

 Pinirmahan na ni Pangulong Rodrigo Duterte ang Republic Act 11712 o ang batas na naglalayong mabigyan ng regular financial support ang mga medical workers ngayong humaharap ang lahat sa global health crisis dahil sa COVID-19 pandemic.

Alinsunod sa RA 11712, kailangang makatanggap ng buwanang allowance ang lahat ng healthcare workers depende sa sitwasyon ng peligro sa kalusugan ng kanilang binibigyan ng serbisyong medikal.

Nakasaad sa batas na tatlong libo kapag low risk, anim na libo kung medium risk at siyam na libo naman sa mga high risk.

Dapat ding mabigyan ng finacial assistance ang mga medical workers kapag tinamaan ng COVID-19, 15 libo para sa moderate symptoms, 100 libo naman kapag malala o severe at isang milyon naman kapag binawian ng buhay.

Umapela ang Department of Health (DOH) kay Pang. Rodrigo Duterte na i-veto ang proposed bill na naglalayong babaan ang edad ng mga maaring gumamit ng vape at e-cigarette products, na mula sa 21 to 18 year old.

Ayon sa DOH, maituturing na “retrogressive provisions” ang Senate Bill 2239 o ang Proposed Vaporized Nicotine Products Regulation Act contains “retrogressive provisions” dahil pinahihina nito ang kasalukuyang batas, polisiya, regulasyon, distribusyon, at ang paggamit ng mga vapor at heated tobacco products.

Pahayag ng Health department, taliwas ang vape bill sa public health goal ng bansa at sa posisyon ni Pang. Duterte na protektahan ang mga Pilpino, partikular na ang mga kabataan mula sa masamang epekto ng paninigarilyo at usok na mula sa mga produktong ito.

Giit ng DOH, kapag nakapasa ang naturang panukala, tila mawawalan narin ng bisa ang Republic Act no. 11223 o Universal Health Care Act at iba pang-health laws.

Dagdag pa ng ahensya, na mas matatambad o ma-e-exposed ang mga kabataan sa mapanira at addictive substances lalo na’t maari nang ihalo sa paggamit ng vape ang mga alcohol, marijuana, at iligal na droga.

Malaki ang paniniwala ng DOH, na mas mapapalakas ang tobacco control sa Pilipinas kapag vineto ng punong ehekutibo ang vape bill.

Nagsagawa ng lakbay kalikasan: bike and hike for nature ang isang water concessionaire sa bansa bilang bahagi ng Earth Day celebration.

Ayon kay Manila Water Corporate Communications Affairs Head Jeric Sevilla, mahalaga ang mga ganitong aktibidad upang maipakita kung paano mapangangalagaan at maiingatan ang kalikasan, partikular na ang mga water shed gaya na lamang ng lamesa nature reserve sa Lungsod ng Quezon.

Maari din umanong tawagin ang Lamesa nature reserve na forest in the city, dahil sa dami ng mga punong nakapalibot dito na nagsisilbing water shed para magkaroon ng water security ang Metro Manila at matiyak na mabibigyan ng maayos na suplay ng tubig ang bawat tahanan lalo na ngayong panahon ng tag-init o summer.

Kaugnay nito, sinabi pa ni Sevilla na wala silang nakikitang senaryo na magkakaroon ng kakulangan ng suplay ng tubig sa NCR dahil sapat naman aniya ang water level sa mga dam at maging sa kanilang mga water treatment plant gaya na lamang sa Cardona, Rizal.

Samantala, sinabi pa ng Manila Water na asahan na ang pagsasagawa nila ng mga magkakasunod pa na aktibidad gaya nito upang mapaigting ang awareness campaign hinggil sa importansya ng pag iingat sa inang kalikasan.

Kabilang naman sa mga nakiisa sa aktibidad na ito ang ibat ibang grupo ng mga hikers at bikers sa kalakhang maynila.

Una nang inilunsad ng naturang water concessionaire ang annual million tree planting na layong makapagtanim pa ng mga puno sa iba’t-ibang lugar at water sheds sa bansa na makatutulong upang maibsan ang epekto ng climate change.

Nagdeploy ng mga international poll observers at electoral analysts ang Asian Network for Free Elections (ANFREL) para i-monitor ang mga kaganapan sa May 2022 local and national elections sa bansa.

Ayon sa ANFREL, anim na long-term observers at dalawang electoral analysts ang kanilang ipinakalat sa iba’t-ibang rehiyon sa Pilipinas upang makiisa sa mga election stakeholders at bantayan ang mga aktibidad sa darating na halalan.

Pahayag ng ANFREL, maaring magdagdag pa sila ng apat na observers para makatuwang sa kanila umanong gagawing misyon.

Kabilang daw sa kanilang tungkulin ang obserbahan ang election campaign, local absentee voting, kabilang na ang polling and result transmission process sa May 9 elections.

Likewise, it said: “prior to their deployment, they attended a two-day briefing on 21 and 22 April 2022 to familiarize themselves with the national political context, electoral system, election procedures, and observation methodology.”

Dagdag pa ng grupo, dalawampung araw na idedeploy ang mga fully vaccinated poll observers na dumaan din umano sa dalawang araw na briefing.

Binubuo ang Bangkok-based regional network ng 29 election monitoring groups mula sa labingwalong bansa sa Asya.

Nauwi sa postponement ang vice-presidential and presidential debates ngayong weekend dahil sa  misunderstanding o di pagkakunawaan ng Commission on Elections (COMELEC) debate contractor at ng Sofitel Garden Plaza na siyang official venue ng event.

Ayon sa COMELEC Debate Contractor na Impact Hub Manila, pinasok nila ang pribadong kasunduan sa Sofitel upang magbigay ng logistics and technical support sa debateng inorganisa ng komisyon.

Paglilinaw ng Impact Hub, hindi kasama ang poll body sa kontratang napagkasunduan ng IHM at Sofitel na nagkaroon ng mga miscommunication dahil sa mga incomplete report.

Dahil dito, inihayag ng Impact Hub Manila, na hindi muna sila magbibigay ng iba pang impormasyon ukol sa isyu na kasalukuyan na nilang ginagawan ng paraan upang agad nang maresolba.

Matatandaan na nakansela ang vice-presidential and presidential townhall debates kahapon April 23 at ngayong araw, April 24, 2022, matapos pumutok ang balita na nagkaroon ng problema ang cheque na ibinayad sa Sofitel.

Nakatakda namang ituloy ang naudlot na debate sa April 30 at May 1, 2022.