Jopel Pelenio

Kabuuang 4,679 new COVID-19 cases ang naitala ng Department of Health (DOH) kahapon dahilan upang pumalo na sa 3, 827, 758 ang bilang ng mga nahawaan sa buong bansa.

Ito na ang ikatlong magkakasunod na araw na nakapagtala ng mahigit 4, 500  new cases ang DOH.

Kaugnay nito, umakyat sa 40, 324 ang aktibong kaso mula sa 40, 315 cases noong nakalipas na Biyernes.

Base sa datos ng ahensya, 16 na magkakasunod na araw nang pumapalo sa mahigit 30, 000 ang naitatala nilang active cases.

Sa National Capital Region (NCR) umabot sa 15, 843 ang new cases sa nakalipas na dalawang linggo, na sinundan ng CALABARZON na mayroong – 10, 052, Central Luzon – 5, 212, Western Visayas – 2, 873, at Cagayan Valley na may naitalang 2, 236 new COVID-19 cases.

Samantala, nadagdagan ng 4, 617 ang mga nakarekober, kayat umakyat na sa 3, 726, 442 ang kabuuang bilang ng mga gumaling mula sa sakit.

Sumipa naman sa 60, 992 ang mga nasawi dahil sa COVID-19 makaraang makapagtala ng 48 new deaths ang DOH.

Nag-alay ng matatamis na awitin sina Zia at Ziggy para sa kanilang inang si Marian Rivera, na nagdiriwang ng kanyang ika-38 kaarawan.

Ginawa ito ng magkapatid upang maipakita ang labis na pagmamahal sa ina.

Nagsilbi namang floral o bulaklak ang tema ng naging birthday celebration ng aktres na isinagawa sa Lunsod ng Parañaque.

Inawit ni Zia ang kantang may pamagat na “Kahit Maputi na ang Buhok Ko,” habang “Can’t Help Falling in Love” naman ang inalay na awitin ni Sixto, na pawang hinangaan ng mga dumalo.

Nakatakdang magpakawala ng tubig ang Magat Dam ngayong araw ng linggo, August 7, upang mapanatili ang ligtas at malinis na water level sa gitna ng mga pag-ulan na dulot ng Low Pressure Area at Hanging Habagat.

Sa inilabas na advisory ng National Irrigation Administration (NIA), ganap na alas-2 ng hapon mamaya inaasahang magre-release ng nasa 200 cubic meters per second na tubig ang Dam.

Maari naman itong madagdagan depende sa lakas ng mga pag-ulan sa Magat Watershed.

Kaugnay nito, nakiusap ang NIA na naiwasan muna ang pagtawid, pamamalagi, at pati pagpapastol ng mga alagang hayop sa mga ilog upang makaiwas sa anumang sakunang maaaring idulot ng pagtaas ng tubig.

Base ng weather forecast ng PAGASA, namataan ang LPA, 320 kilometers west ng Dagupan City kahapon ng hapon.

Magdadala ito ng mga pulo-pulong pag-ulan at pagkidlat sa Metro Manila, Central Luzon, CALABARZON, MIMAROPA, at Visayas.

Pinag-iingat naman ang mga apektadong lugar sa mga posibleng flash floods o landslides dulot ng malakas na mga pagbuhos ng ulan.

Tinaasan pa ng Department of Health (DOH) ang “PINASLAKAS” Campaign target nito kada araw sa 400, 000 COVID-19 administered booster shots.

Ayon kay DOH Officer-In-Charge Maria Rosario Vergeire, na kailangan ng Pamahalaan na makamit ang 443, 892 first booster shots per day at makapagturok ng 20, 774 senior citizens kada araw para makuha ang 23.8 million target hanggang sa Oktubre a-28, ng taong kasalukuyan.

Pahayag ni Vergeire, binuo nila ang “PINASLAKAS” campaign upang makapagturok ng booster shots sa 23.8 million Filipinos sa loob ng 100 araw.

Para ma-achieve ito, Ani Vergiere, dapat na makapagturok sila ng 397, 000 individuals kada araw, ngunit ang nakuha lamang aniya sa ngayon, simula nang mag-umpisa ang kampanya ay nasa 384, 000 at 17, 000 naman para sa senior citizens.