Jopel Pelenio

DOH, pinayuhan ang mga naapektuhan ng magnitude 7 na lindol na patuloy na tumalima sa health protocols

Pinaalalahanan ng Department of Health (DOH) ang mga komunidad na naapektuhan ng magnitude 7 earthquake na patuloy na tumalima sa mga health protocols upang maiwasan ang pagkalat ng Covid-19 at ng iba pang nakahahawang sakit.

Base sa inilabas ng kalatas ng kagawaran ng kalusugan, na nauunawaan nila na sinisikap ng bawat lokal na pamahalaan at mga apektadong pamilya na makabangon mula sa matinding sakuna na tumama sa kanila pero dapat ding isaalang-alang ang ibayong pag-iingat kontra virus.

Hanggat maari, pinapayuhan ng DOH ang publiko na laging sumunod sa mga health protocols gaya ng pagsusuot ng facemask, wastong hygiene and sanitation, at tiyakin ang maayos na bentilasyon upang masiguro na hindi magkakaroon ng hawaan sa mga evacuation center.

Sinabi pa ng DOH na magkatuwang naman ang Center for Health Development (CHD) at ang Local Government Units sa pagbabantay at pagmonitor sa mga area na tinamaan ng malakas na pagyanig.

Sa inilabas na July 30 situational report ng National Disaster Risk Reduction and Management Council (NDRRMC), umaabot na sa kabuuang 228,238 individuals ang naapektuhan ng magnitude 7 na lindol.

Inatasan ni Pangulong Ferdinand Marcos Jr., ang Interior Department na tiyakin ang kapayapaan at kaayusan sa mga lugar na niyanig ng magnitude 7 earthquake, kamakailan.

Ginawa ng Pangulo ang kautusan kasunod ng kanyang naging pagbisita sa mga lugar na matinding naapektuhan ng malakas na lindol.

Ayon naman kay DILG secretary Benhur Abalos, na aabot na sa 656 na mga Police personnel ang kanilang idineploy sa mga apektadong lugar.

Ani Abalos hindi lamang Peace and order situation ang tututukan ng mga ito kundi pati narin ang pagsasagawa ng mga search and rescue operations.

Mayroon din aniyang mahigit 3k standby force na nakahandang maipadala sa mga lugar na tinamaan ng lindol sakaling kailanganin.

Nasa 1,090 PNP personnel ang kanila aniyang itinalaga sa mga evacuation center.

Nakapagtala ang Department of Health (DOH) ng 3,996 na new Covid-19 infections, dahilan upang pumalo na sa 3,772,468 ang kaso sa buong bansa.

Umakyat naman sa 33,509 ang aktibong kaso ng virus mula sa 32,673 nitong Biyernes.

Umabot naman sa 13,837 ang new cases sa NCR sa nakalipas na dalawang linggo, na sinundan ng CALABARZON na mayroong 9,069, Central Luzon – 4,273, Western Visayas –  2,482, at Central Visayas na may naitalang 1,725 cases.

Samantala, tumaas naman sa 3,678,240 ang bilang ng mga gumaling mula sa Covid-19 kung saan nadagdagan ito ng 3,121 recovered patients.

Isa naman ang nadagdag sa mga binawian ng buhay dahil sa virus.

Sa ngayon nasa 60,719 na ang bilang ng mga pumanaw matapos dapuan ng Covid-19.

Nailipat na sa bureau of jail management and penology o bjmp sa payatas, quezon city mula sa camp karingal ang suspek sa nangyaring madugong pamamaril sa loob ng ateneo de manila university campus.

Dinala sa BJMP Quarantine Facility ang suspek na si Dr. Chao Tiao Yumol kasunod ng inilabas na Commitment order ng Branch 98 ng Quezon City Regional Trial Court.

Tatlong bilang ng kasong Murder at Frustrated Murder ang isinampa laban kay Yumul sa Quezon City Prosecutor’s Office.

Mismong ang Quezon City Police District (QCPD) ang naghain ng kaso laban sa suspek na may kaugnayan sa Comprehensive Firearms and Ammunition Regulation Act dahil sa armas na ginamit sa naturang krimen.

Maliban dito, nahaharap din si Yumol sa mga reklamong paglabag sa New Anti-Carnapping Act of 2016 and Malicious Mischief na aabot sa P80,000.

July 24, nang pagbabarilin ni Yumul sa harap ng Arête Building sa Ateno Campus sina former Lamitan,Basilan mayor Rose Furigay, aide nito na si Victor Capistrano, at ang University security guard na si Jeneven Bandiala.

Nag-ugat ang pamamaslang dahil sa personal na galit ng suspek sa dating Alkalde.

Lumalabas sa pagtaya ng pag-asa na mas bumilis pa ang Tropical depression Ester habang patungo sa hilagang bahagi ng bansa at palabas ng Philippine Area of Responsibility.

Base sa datos ng Weather Bureau, namataan ang sentro ng bagyo 675 kilometer east northeast ng Itbayat, Batanes.

Patuloy rin na nasa maximum ang lakas ng hangin ni Bagyong Ester na aabot sa 45 km per hour malapit sa sentro at pagbugsong umaabot sa 55 km/h, habang pumalo naman sa 998hpa ang cetntral pressure nito.

Kumikilos ang bagyo northward na may bilis na 20km/h.

Pahayag ng Pagasa, maaring magdulot ng mga pag-ulan sa loob ng 24-oras sa mga lalawigan ng western section ng Central at Southern Luzon, at Visayas ang Hanging Habagat na pinalalakas ni Bagyong Ester at Tropical storm Songda na nasa labas ng Philippine Area of Responsibility (PAR).

Wala namang namamataan na Tropical cyclone wind signal ang Weather Bureau.

Sa monitoring ng ahensya, hilaga at hilagang-kanluran ang direksyon bagyo na inaasahang lalabas ng bansa ngayong umaga o mamayang hapon.

Pinapayuhan ng Pagasa ang mga sasakyang pandagat na iwasan munang lumaot dahil sa nararanasang sama ng panahon, habang pinapayuhan naman ang mga residente sa mga apektadong lugar na agad tumalima sa mga otoridad sakaling magpatupad ng evacuation para sa kanilang kaligtasan.