Author

Gilbert Perdez

DWIZ 882

5 patay sa umano’y alitan sa lupa sa Camarines Sur

Malagim ang sinapit ng limang magkakapitbahay matapos pagbabarilin at hagisan ng granada ang kanilang bahay sa Barangay Tarusanan sa Milaor, Camarines Sur.

Kinilala ni Capt. Rosalinda Moises, hepe ng Milaor Municipal Police Station, ang isa sa mga nasawing biktima na si Romeo de Leon, 72 taong gulang, kasama dalawa nitong apo na edad anim at apat na taong gulang.

Nasawi rin ang kanyang kapitbahay na si Samuel Cobilla, 21 taong gulang, at isang siete-anyos na bata.

Maliban dito, nadamay at sugatan din sa pag-atake ang isa pang menor de edad.

Unang pinasok ng mga salarin ang bahay ni de Leon at pinagbabaril ang mga ito bago hinagisan ng granada ang tahanan ni Cobilla.

Hinihinalang alitan sa lupa ang motibo sa naturang insidente.

November 6, 2021 0 comment

HEADLINES NATIONAL NEWS

3,410 bagong kaso ng COVID-19 sa bansa, naitala ng DOH

written by Gilbert Perdez

Nakapagtala ang Department of Health (DOH) ng 5,825 na bagong COVID-19 recoveries.

Dahil dito, sumirit na sa higit 2.6 milyon ang bilang ng mga Pilipinong gumaling sa nakamamatay na impeksiyon.

Nangangahulugan na nasa 45,233 na ang active cases.

Nagkaroon naman ng 3,410 na bagong kaso kaya’t sumampa na sa higit 2.7 milyon ang bilang ng mga tinamaan ng virus sa bansa.

Maliban dito, pumanaw naman ang 128 na COVID-19 patients dahilan upang pumalo sa 43,172 ang death toll sa buong kapuluan.

October 31, 2021 0 comment

HEADLINES RONDA PROBINSYA

P2-M halaga ng shabu, nasabat sa tsuper

written by Gilbert Perdez

Naghihimas ngayon ng malamig na rehas na bakal ang isang driver matapos umanong mahulihan ng dalawang milyong pisong halaga ng hinihinalang shabu sa buy-bust operation sa Barangay Bunawan, Davao City.

Isang pulis ang nagpanggap na buyer kaya’t naging madali ang pagdakip kay alyas “Brad,” talumpu’t pitong taong gulang, at residente ng nasabing barangay.

Kasong paglabag sa Comprehensive Dangerous Drugs Act of 2002 ang isasampa laban sa suspek.

October 31, 2021 0 comment

HEADLINES NATIONAL NEWS

COMELEC, nakapagtala ng 400K new voters

written by Gilbert Perdez

Muling nanindigan ang Commission on Elections (COMELEC) na hindi na palalawigin pa ang voter registration period para sa mga nais makaboto sa May 9,2022 national & local elections.

Itinuturing din ni Comelec Spokesperson James Jimenez na ‘generally successful’ ang extension period bagama’t dinagsa ng mga tao ang mga tanggapan ng poll body at ilang satellite registration sites.

Tinatayang apat na raang libong indibidwal ang nakahabol sa huling araw ng pagpaparehistro na mas mataas ng isang daang libo kumpara sa target registrants ng ahensya na nasa tatlong daang libo.

Samantala, sa kabila ng extended registration period, nilinaw ni Jimenez na susundin pa rin nila ang ‘schedule of activities’ para sa 2022 elections.

October 31, 2021 0 comment

HEADLINES RONDA PROBINSYA

2 Patay, 3 Sugatan sa salpukan ng 2 motorsiklo

written by Gilbert Perdez

Malagim ang sinapit ng dalawang rider matapos masawi nang magsalpukan ang mga sinasakyan nilang motorsiklo sa Roxas City, Capiz.

Dead on arrival sa ospital sina Mike Anoche at Gesmark Alborte habang sugatan naman ang tatlong angkas ng mga ito.

Lulan ng motorsiklo si Anoche kasama ang dalawang iba pa nang bumangga sa motor na minamaneho naman ni Alborte na may isang angkas.

Ayon sa mga awtoridad, bukod sa nakainom ng alak ang mga biktima at walang suot na helmet, mabilis din umano ang pagpapatakbo ng mga ito ng kanilang mga motorsiklo nang mangyari ang insidente.

October 31, 2021 0 comment

INTERNATIONAL NEWS

3 patay sa madugong kudeta sa Sudan

written by Gilbert Perdez

Nasawi ang 3 indibidwal matapos umanong pagbabarilin ng mga sundalo habang nagsasagawa ng kilos-protesta laban sa kudeta sa Sudan.

Ayon sa Central Doctors Committee, ang 3 raliyista ay napatay ng militar sa lungsod ng Khartoum kasunod ng military coup sa nasabing bansa.

Patuloy na lumalawak ang protesta ng mga mamamayan bilang pagpapakita ng pagtutol sa paghawak ng militar sa pamahalaan.

Samantala, itinanggi naman ng security forces na may kinalaman sila sa pagkamatay ng 3 raliyista.

October 31, 2021 0 comment

SPORTS

Pinoy boxer na si Jonas Sultan, 4 na beses pinabagsak ang kalabang Puerto Rican

written by Gilbert Perdez

Nakalasap na ng unang pagkatalo ang Puerto Rican boxer na si Carlos Caraballo sa kamao ni Filipino bantamweight fighter Jonas Sultan sa kanilang 10-round clash sa Hulu Theater sa New York.

Na-knockdown si Caraballo ng apat na beses bago nasungkit ni Sultan ang unanimous decision victory.

Dahil dito, umakyat ang kartada ni Sultan sa 18 wins, 5 losses at 11 knockouts.

Nalugmok naman sa kanyang unang pagkatalo si Caraballo na sumampa sa ring taglay ang labing-apat na panalo kung saan lahat ng mga nakalaban ng Puerto Rican ay tinalo nito sa pamamagitan ng knockout.

October 31, 2021 0 comment

FEATURES METRO PATROL

Pulis na sangkot sa kasong kidnapping, sinibak

written by Gilbert Perdez

Ipinag-utos ng liderato ng Philippine National Police ang pagsibak sa isang pulis dahil sa pagkakasangkot sa pagdukot sa isang Chinese national.

Nahaharap sa patong-patong na kasong kriminal ang suspek na si Pat. Josen Nino Ramos ng PNP Drug Enforcement Group matapos itong masakote kasama ang umano’y mga kasabwat nito na sina Conrad Hiro Liwanag, Ryan Joshua Turla at Oliver Asentista.

Sinasabing nagbayad ng P3.5 million na ransom ang pamilya ng biktimang si Chen De Jia kapalit ng kanyang kalayaan.

Nakumpiska sa operasyon ang 2 baril, mga bala, ilang patalim, motorsiklo, kotse, plaka ng sasakyan, cellphones, at umano’y shabu na nagkakahalaga ng halos P1 milyon.

October 31, 2021 0 comment

RONDA PROBINSYA

Forest monitoring officer ng DENR, patay matapos malunod sa ilog

written by Gilbert Perdez

Patay ang isang 30 taong gulang na empleyado ng Department of Environment and Natural Resources matapos malunod sa ilog sa bayan ng General Nakar sa Mountain Province.

Inabot ng 3 araw ang search & rescue operations bago natagpuan ang labi ng Forest Monitoring Officer na si Rigor Santos.

Noong October 28, si Santos at 3 iba pa ay nagsagawa ng survey at mapping activities para sa isang proyekto nang tangayin ng malakas na hampas ng tubig sa Kanan River sa Barangay Mahabang Lalim.

Nabatid na si Santos ay residente ng Tanay, Rizal at nagtapos ng kursong Bachelor of Agricultural Technology mula sa University of Rizal System.

October 31, 2021 0 comment

NATIONAL NEWS

Truck ban, suspendido pa rin – MMDA

written by Gilbert Perdez

Suspendido pa rin ang truck ban sa mga pangunahing kalsada sa Metro Manila.

Ito ang ininunsiyo ng Metropolitan Manila Development Authority matapos isailalim sa Alert Level 3 ang buong NCR hanggang Nov. 14.

Paliwanag ng MMDA, ang suspensiyon ng truck ban ay bilang suporta na rin sa unti-unting pagbubukas ng ekonomiya upang hindi mabalam ang delivery ng cargo, partikular ang mga medical supplies at essential goods ngayong panahon ng pandemya.

Nanawagan naman ang ahensya sa mga truck drivers na huwag lumabas sa kanilang linya at sumunod sa traffic regulations upang maiwasan ang pagsisikip ng daloy ng trapiko.

October 31, 2021 0 comment

Newer Posts

Older Posts