Author

Gilbert Perdez

DWIZ 882

ENTERTAINMENT

Bagong teleserye ni Jodi Sta. Maria inaabangan na ng fans

written by Gilbert Perdez

Excited na ang fans ni Jodi Sta. Maria dahil sa nalalapit na kasal ng aktres.

Katuparan na rin daw ito ng pangarap ng International Emmy nominated Filipina actress na makasal muli.

Magaganap kasi ang kasalan kahit na sobrang focus sa kani-kanilang career si Jodi at ang kanyang boyfriend na si Cavite Vice Governor Jolo Revilla.

Masaya na rin daw ang fans para sa kanilang petmalung lodi na aktres.

Nitong mga nakaraang araw kasi, pareho silang hindi makasagot every time natatanong tungkol sa pagpapakasal at pagbuo ng sariling pamilya.

Pero hindi naman pala sa tunay na buhay ikakasal si Jodi kundi sa kanyang katambal na si Richard Yap o Sir Chief.

Ang arranged marriage ng dalawa ay magaganap sa nalalapit na teleserye na pinamagatang “Sana Dalawa ang Puso” sa ABS-CBN.

Dahil dito, excited na ang fans sa pagbabalik-tambalan nina Sta. Maria at Yap na unang pumatok sa tinaguriang ‘phenomenal kilig-serye’ na “Be Careful with My Heart” noong 2013 at bumasag ng maraming TV ratings.

Kasama rin sa cast sina Pinky Amador, Edgar Mortiz, Alma Moreno, Nikki Valdez, at Bayani Agbayani.

—-

January 27, 2018 0 comment

HEADLINES NATIONAL NEWS

Anti-Smuggling Task Force binuo ng Bureau of Customs

written by Gilbert Perdez

Bumuo na ang Bureau of Customs o BOC ng isang anti-smuggling task force upang lalo pang mapaigting ang kampanya nito laban sa iligal na importasyon ng iba’t ibang mga produkto sa bansa.

Ayon kay Customs Commissioner Isidro Lapeña, magsisilbing prosecution arm ng ahensya ang grupo sa hanay ng anti-smuggling activities.

Sinasabing ito rin ang makikipag-ungayan sa mga law enforcement units katulad ng intelligence group at enforcement and security service o ESS para masugpo ang talamak na smuggling.

Magiging investigative arm naman ng BOC ang batas o ang tinatawag na Bureau Action Team Against Smugglers sa lahat ng mga kasong may kaugnayan pa rin sa smuggling na saklaw ng ahensya.

Tiniyak naman ni Lapeña na hindi magkakaroon ng conflict ang mga nabanggit na dibisyon sa pagganap sa kanilang tungkulin.

—-

January 27, 2018 0 comment

HEADLINES

Binata, sugatan matapos kuyugin ng 15 kabataan sa Muntinlupa

written by Gilbert Perdez

Naging madugo ang masaya sanang birthday party ng isang binata matapos kuyugin ng hindi bababa sa labing-limang (15) kabataan at hinataw pa ng bato sa mukha sa Magdaong, Brgy. Poblacion sa Muntinlupa City, pasado 11:00 ng gabi ng Huwebes, Enero 26.

Nakilala ang biktima na si Alfred Real, 18 taong gulang, at nakatira sa nabanggit na lugar.

Ayon kay PO1 Billy Jean Gaerlan ng PCP 6, nagtamo ang biktima ng sugat sa mukha at patuloy itong ginagamot sa Ospital ng Muntinlupa o OsMun.

Nabatid na katatapos lamang ng birthday party ni Real nang bigla na lang itong kuyugin ng mga salarin na nakasama pa nila sa inuman at hinataw ng bato sa mukha.

Sinabi pa ni Gaerlan, maging ang sasakyan ng mga otoridad ay pinagbabato pa ng mga salarin nang rumesponde sila sa insidente, kasama ang mga taga-barangay.

Naaresto naman ang dalawang (2) suspek na pawang menor de edad habang tinutugis ang iba pang may partisipasyon sa krimen, kabilang ang isang alyas ‘Entong’ na sinasabing 18 taong gulang.

Dati na umanong nasangkot sa katulad na gulo si ‘Entong’ ngunit nakalusot ito dahil menor de edad pa noong maganap ang insidente.

Samantala, nagpapatuloy ang follow-up operation sa naturang krimen.

#TINGNAN 2 sa ‘di bababa sa 15 kabataang suspek sa pambubugbog sa isang binata, na pawang mga menor de edad, naaresto ng mga otoridad; Iba pang may partisipasyon sa insidente, tinutugis na ng mga pulis. | via @gilbertperdez pic.twitter.com/yJqJvJKxzc

— DWIZ Newscenter (@dwiz882) January 25, 2018

January 26, 2018 0 comment

NATIONAL NEWS RONDA PROBINSYA

Hiking at trekking activities sa Mt. Pulag pansamantalang sinuspinde

written by Gilbert Perdez

Pansamantalang sinuspinde ang hiking at trekking activities sa Mount Pulag sa benguet kasunod ng naganap na forest fire.

Ayon kay Ivy Carasi ng Office of Civil Defense sa Cordillera, sumabog ang isang butane stove na sinindihan ng isa sa mga nagka-camping dahilan upang rumesponde ang mga bumbero.

Bagama’t nilamon ng apoy ang damuhan malapit sa camp sites, wala namang nasaktang hiker o kaya’y na-stranded sa lugar.

Nilinaw naman ng pamunuan ng parke na ang mga nakapag-book na para sa mga susunod na araw ay papayagang pumasok sa four lakes, isang sikat na destinasyon sa bayan ng Kabayan, Benguet Province.

January 21, 2018 0 comment

RONDA PROBINSYA

7 patay, 4 sugatan matapos maaksidente ang isang van sa Cebu

written by Gilbert Perdez

Patay ang pitong katao habang sugatan naman ang apat na iba pa matapos sumalpok ang sinasakyan nilang van sa isang puno ng mahogany sa Oslob, Cebu.

Ayon sa pulisya, inaalam pa ang pagkakakilanlan ng mga nasawi at gayundin ng mga dinala sa Malabuyoc District Hospital.

Sa inisyal na imbestigasyon, lulan ang mga biktima sa van at binabaybay ang kalsada sa Barangay Legaspi nang makatulog ang drayber dahilan upang sumalpok ito sa puno.

Nagpapatuloy ang imbestigasyon sa naturang aksidente.

January 20, 2018 0 comment

INTERNATIONAL NEWS

US Federal Government nagpatupad ng partial shutdown

written by Gilbert Perdez

Nagpatupad ng partial shutdown ang United States Federal Government dahil sa hindi naipasa ang itinutulak na batas para sa badyet ng bansa.

Ito’y matapos harangin ng mga senador na miyembro ng Democrats ang panukalang batas ng Republicans na may kaugnayan sa immigration at national spending.

Napag-alaman na 50-49 votes lamang ang nakuha mula sa mga senador at bigong maabot ang 60 votes na kinakailangan para makalusot ang spending bill.

Sinasabing hindi nakumbinsi ng Republicans ang Democrats na bumoto pabor sa bill na nagresulta sa pagkaka-shutdown ng pamahalaan ng Amerika.

Nangangahulugan ito na mapipilitang mag-leave ang lahat ng 700,000 government employees ng US hangga’t walang naipapasang badyet.

Dahil dito, binigyang diin ni Senior Economist Beth Ann Bovino na magdudulot ito ng “direct and indirect impact” sa ekonomiya ng Estados Unidos.

Kahit magkaroon pa ng sahod ang mga kawani, iginiit ni Bovino na makakaranas ng “lost productivity” ang pamahalaan mula sa halos isang milyong government employees.

Magugunitang huling nagkaroon ng government shutdown sa US noong 2013 na tumagal ng 16 araw.

—-

January 20, 2018 0 comment

NATIONAL NEWS

Bahay ng isang hukom sa Las Piñas nilooban

written by Gilbert Perdez

Tinatayang mahigit P100,000 halaga ng mga kagamitan at cash ang natangay ng mga hinihinalang miyembro ng kilabot na Akyat-Bahay Gang matapos looban ang bahay ng isang hukom sa BF Resort Village, Brgy. Talon Dos, Las Piñas City.

Para na rin sa seguridad ng kanyang pamilya, hindi muna tinukoy ang pagkakakilanlan ng huwes na nakatalaga sa Municipal Trial Court in Cities o MTCC sa Iloilo City.

Ayon sa hukom, tanghali nitong Enero 2 nang umalis siya ng kanilang bahay kasama ang kanyang pamilya patungong Capiz para makipaglamay dahil sa pumanaw nilang kamag-anak.

Nauna aniyang bumalik ng Maynila ang kanyang bayaw at laking gulat nito nang makitang bukas na bukas na ang back door ng bahay at nabuksan ang mga kabinet sa lahat ng kuwarto.

Nananatili namang blangko ang mga taga-barangay at homeowners’ security sa insidente ng panloloob sa bahay ng hukom.

Kaugnay nito, pinaigting na ng barangay at PCP 7 ang pagbabantay sa lugar habang may sinisilip nang ‘lead’ ang pulisya sa kaso.

Samantala, hinimok naman ng huwes ang Las Piñas PNP, na pinamumunuan ni Police Sr. Supt. Marion Balonglong, na gawin ang lahat ng kanilang makakaya upang agad na maresolba ang naturang krimen.

—-

January 15, 2018 0 comment

HEADLINES

Pederalismo, posibleng ipinoporma para mapako sa puwesto ang Pangulo – Atty. Monsod

written by Gilbert Perdez

Nangangamba si Atty. Christian Monsod, miyembro ng 1986 Constitutional Commission, sa posibleng agenda ng administrasyong Duterte sa isinusulong na pederalismo.

Ayon kay Monsod, tila nag-iba ang ihip ng hangin dahil dati’y panay ang sabi ni Pangulong Rodrigo Duterte na agad siyang bababa sa puwesto oras na mapalitan ang presidential-unitary government patungong pederal.

Giit ng abogado, maaaring ipinoporma ang pederalismo para mapako sa puwesto ang Presidente.

Subalit binigyang-diin ni Senate President Koko Pimentel, hindi puwedeng sabihing “Duterte Version” ang federalism dahil 1982 pa lamang ay ito na ang isinusulong ng PDP-Laban kung saan siya ang Presidente.

Matatandaang sinabi ni Senate President Koko Pimentel na posibleng palawigin ang anim (6) na taong termino ni Pangulong Rodrigo Duterte ‘kung kinakailangan’.

Ayon kay Senate President Koko Pimentel ito ay sa sandaling magkaroon ng ‘transitory period’ sa ilalim ng pagpapalit ng sistema ng gobyerno patungo sa pederalismo.

Gayunman, nakadepende aniya ang term extension sa ‘transitory provisions’ at kung kailan aaprubahan ang bagong konstitusyon.

January 6, 2018 0 comment

HEADLINES HOT STORIES OF THE WEEK NATIONAL NEWS RONDA PROBINSYA

5% VAT sinalubong ngayong bagong taon sa OFW’s sa Saudi

written by Gilbert Perdez

Mabigat na pasanin ang bumungad ngayong bagong taon sa Overseas Filipino Workers o OFW’s sa Saudi Arabia.

Ito’y kasunod ng pagpapatupad ng Saudi Arabia nitong Enero 1 ng 5% value added tax o VAT sa lahat ng kanilang basic goods and services bilang bahagi ng repormang pang-ekonomiya ng bansa.

Maliban sa doble-presyong pagtaas sa gasolina sa pagpasok ng 2018, sumipa din maging ang bayad sa kuryente, service charge sa remittance fee, at iba pang batayang serbisyo.

Tinatayang mahigit walongpung libong (80,000) kumpanya sa Saudi ang nagparehistro sa pagpapatupad ng VAT.

Ito, alinsunod sa kasunduan ng mga bansang miyembro ng Gulf Cooperation Council Countries, kasama na ang United Arab Emirates o UAE.

January 6, 2018 0 comment

HEADLINES RONDA PROBINSYA

Metro Gaisano Ayala Mall sa Cebu City, nasunog

written by Gilbert Perdez

Tinamaan ng sunog ang Metro Gaisano Ayala Mall sa Cebu City.

Ayon sa Bureau of Fire Protection o BFP, nagsimula ang apoy sa ikatlong palapag ng gusali kung saan itinaas ito sa Task Force Alpha dahilan upang rumesponde ang lahat ng firefighting units sa mga kalapit na lungsod at bayan.

Mabilis namang nailikas ang mga empleyado ng mall at walang iniulat na nasugatan sa insidente.

Batay sa inilabas na kalatas ng Ayala Center Cebu, nakapagpakalat agad sila ng emergency response teams upang masiguro ang kaligtasan ng lahat ng customers at personnel na nasa loob ng gusali.

Inaalam pa kung magkano ang kabuuang halaga ng mga napinsalang ari-arian at gayundin ang naging sanhi ng sunog.

January 6, 2018 0 comment

Newer Posts

Older Posts