Author

Gilbert Perdez

DWIZ 882

Mga pribadong eroplano at yate pinasisilip na rin sa PDEA

Hinimok ng isang kongresista ang Philippine Drug Enforcement Agency o PDEA na siyasatin ang mga pribadong eroplano at yate.

Ayon kay Surigao del Norte Representative Robert ‘Ace’ Barbers, Chairman ng House Committee on Dangerous Drugs, nakatanggap siya ng impormasyon na idine-deliver ang mga drug shipments sa pamamagitan ng private aircraft at sea vessels.

Dahil dito, mahalaga umanong i-monitor ng PDEA, Philippine National Police, Department of Transportation at National Bureau of Investigation ang mga kargamentong ito upang agad na mapigil.

Dapat din aniyang bantayan ang mga pribadong resorts at iba pang tourist spots dahil maaaring gumagamit ng droga ang mga turista, lalo pa’t malayo ito sa istasyon ng pulisya o law enforcement agencies.

—-

February 24, 2018 0 comment

HEADLINES NATIONAL NEWS RONDA PROBINSYA

Inday Sara may dalawang opsyon para sa 2019—kongresista o mayor

written by Gilbert Perdez

Tatakbong kongresista o kaya’y hihirit ng isa pang termino sa pagka-alkalde si Mayor Sara Duterte-Carpio sa 2019 midterm elections.

Sa official launch ng Hugpong ng Pagbabago o HNP, sinabi ni Duterte na pag-uusapan pa lamang ng bagong buong regional political party ang usapin pero dalawa lang aniya ang kanyang opsyon—ang city mayor o solon.

Itinanggi naman ng presidential daughter na tatakbo siyang senador sa susunod na taon.

Maliban dito, wala pa rin umanong pinal na pasya kung susungkitin ni Inday Sara ang posisyon bilang House Speaker sakaling manalo siya.

Magugunitang aabot sa limang daang (500) local officials sa buong Mindanao ang umanib sa bagong partido ni Mayor Duterte.

—-

February 24, 2018 0 comment

HEADLINES NATIONAL NEWS

Dagdag na 200 OFW mula Kuwait balik na sa Pilipinas

written by Gilbert Perdez

Halos dalawang daang (200) Pilipino, karamiha’y undocumented workers at mga bata, ang dumating mula sa bansang Kuwait.

Ayon sa Overseas Workers Welfare Administration o OWWA, bahagi pa rin ito ng nagpapatuloy na repatriation program ng pamahalaan.

Papalo na sa dalawang libo (2,000) ang bilang ng mga na-repatriate na mga Pinoy sa tulong ng Department of Foreign Affairs o DFA simula noong Pebrero 11 makaraang paliwigin ng Kuwaiti government ang kanilang amnesty program ng hanggang Abril 22.

Ang mga tinatawag na ‘returning workers’ ay makatatanggap ng 25,000 pesos na cash at livelihood assistance mula sa OWWA.

—-

February 24, 2018 0 comment

HEADLINES HOT STORIES OF THE WEEK NATIONAL NEWS

Panukalang batas na magbibigay ‘emergency power’ kay PDuterte binuhay

written by Gilbert Perdez

Muling binuhay ng mga senador ang panawagan para sa agarang pagpasa ng panukalang batas na magbibigay ng emergency powers para kay Pangulong Rodrigo Duterte.

Ito’y matapos mapaulat na nalulugi ang Pilipinas ng 3.5 bilyong piso kada araw dahil sa matinding pagsisikip ng daloy ng trapiko, lalo na sa Metro Manila.

Ayon kay Senator Grace Poe, pinuno ng Senate Committee on Public Services, dapat noong isang taon pa naipasa ang emergency powers bill o ang Senate Bill 1284 na ngayo’y nakabinbin pa rin sa plenaryo.

Giit ni Poe, mahalagang magkaroon pa ng reliable at kombinyenteng mass transit system, alternatibong kalsada at tulay, makabagong traffic management solutions at lumikha pa ng economic centers sa labas ng Maynila upang mapaluwag ito.

Magugunitang iniulat ng Japan International Cooperation Agency o JICA na 3.5 billion pesos ang nalulugi sa ekonomiya ng bansa kada araw dahil sa matinding trapiko, mas mataas sa 2.4 billion pesos noong 2014.

—-

February 24, 2018 0 comment

SPORTS

ABAP Chief Ricky Vargas bagong pinuno ng Philippine Olympic Committee

written by Gilbert Perdez

Inaasahang magkakaroon na ng tunay na pagbabago sa Philippine sports.

Ito’y matapos manalo si Amateur Boxing Association of the Philippines o ABAP Chief Ricky Vargas laban kay Peping Cojuangco sa eleksiyon ng Philippine Olympic Committee o POC na idinaos sa Wack Wack Country Club sa San Juan City.

Humakot ng dalawampu’t apat (24) na boto si Vargas habang labing-lima (15) naman ang nasungkit ni Cojuangco kaya’t nagwakas na ang labin-tatlong (13) taon niyang paghahari sa POC.

Nagsilbi si Cojuangco bilang POC Chief simula pa noong 2004 habang si Vargas naman ang itinanghal na ika-siyam na pinuno ng Olympic body.

Samantala, nanalo rin ang kaalyado ni Vargas na si Cycling President Representative Abraham Tolentino laban kay Table Tennis Head Ting Ledesma para sa chairmanship ng POC.

Umaasa naman ang grupo ni Vargas na pagkakataon na ito para makapagsulong ng pagbabago sa kalagayan ng mga manlalaro at sa Philippine sports, sa kabuuan.

—-

February 24, 2018 0 comment

INTERNATIONAL NEWS

18 katao patay sa panibagong pambobomba sa Somalia

written by Gilbert Perdez

Patay ang labing-walo (18) katao sa panibagong pambobomba malapit sa Presidential Palace sa Somalia.

Unang sumabog ang isang car bomb na sinundan ng sunod-sunod na putok ng baril na ikinasawi ng maraming indibiduwal sa Mogadishu.

Maliban sa mga namatay, dalawampung (20) iba pa ang sinasabing nasugatan sa insidente.

Ayon kay Major Mohamed Ahmed, sumabog ang unang bomba sa gilid ng Palasyo habang ang isa naman ay malapit sa isang sikat na hotel.

Inamin ng armadong grupo na Al-Shabab na sila ang responsable sa naturang pag-atake.

Mahigit 500 katao ang nasawi sa truck bombing noong Oktubre at 18 pulis naman ang namatay sa pag-atake noong Disyembre ng nakaraan pa ring taon.

—-

February 24, 2018 0 comment

HEADLINES NATIONAL NEWS RONDA PROBINSYA

Ilang turista nagkansela na ng bookings sa Boracay resorts—DOT

written by Gilbert Perdez

Aminado ang Department of Tourism o DOT na may ilang mga turista na ang nagkansela ng kanilang mga bookings sa mga hotel at resort sa Boracay.

Ito ang isiniwalat ni Tourism Secretary Wanda Teo matapos tawagin ni Pangulong Rodrigo Duterte ang isla bilang poso-negro o ‘cesspool’ kung saan nagbanta pa itong ipasasara sa turismo ang lugar kapag hindi nalinis sa loob ng anim na buwan.

Subalit nilinaw naman ni Teo na “minimal” lamang o kakaunti ang mga nagkansela ng bookings.

Aniya, sa limampu’t pitong (57) malalaking hotels at resorts na tinawagan ng DOT, walong (8) guests lamang ang hindi tumuloy sa Bamboo Beach Resort habang dalawampu’t dalawang (22) rooms naman ang kinansela rin sa Blue Marin Boracay.

Sinabi pa ng Tourism official na may mapagpipilian pa naman ang mga turista, tulad ng Bohol at Cebu.

—-

February 17, 2018 0 comment

INTERNATIONAL NEWS

Ilang Turkey journalists hinatulan ng habambuhay na pagkakabilanggo

written by Gilbert Perdez

Hinatulan ng habambuhay na pagkakabilanggo ng isang korte sa Turkey ang anim na mamamahayag at iba pang media professionals dahil sa pagkakasangkot sa kudeta.

Kabilang sa mga pinatawan ng life sentence sina journalists Ahmet Altan, Mehmet Altan at Nazli Ilicak.

Maliban dito, ginawaran din ng katulad ng sentensiya sina Fevzi Yazici, Yakup Şimşek at Şükrü Tuğrul Özşengül, kapwa nagtatrabaho sa mga pahayagan at telebisyon na may kaugnayan kay US-based Turkish Cleric Fethullah Gullen.

Ayon sa hukuman, konektado sila sa kilusan ni Gullen na sinasabing nasa likod ng bigong pag-aaklas ng mga sundalo noong July 2016.

Ipinalabas ang desisyon ilang oras matapos palayain ng Istanbul si Deniz Yucel, reporter ng Die Welt Newspaper na nakabase sa Germany.

—-

February 17, 2018 0 comment

HEADLINES

PDuterte may babala sa mga opisyal ng gobyerno na sangkot sa ‘illegal recruitment’

written by Gilbert Perdez

Muling ibinabala ni Pangulong Rodrigo Duterte na isusulong niya ang pagpapakulong sa lahat ng mga opisyal ng pamahalaan na sangkot sa ‘illegal recruitment’.

Sa isang pulong balitaan, binigyang diin ng Pangulo na hindi siya mangingiming ipakulong ang mga ito, lalo na ang mga konektado sa Department of Labor and Employment o DOLE, na responsable sa pag-iisyu ng lisensya o permits ng mga recruiter na nanggagantso ng mga Pinoy.

Giit ng Presidente, aatasan niya si Justice Secretary Vitaliano Aguirre na pangunahan ang paghabol sa mga tiwaling labor officials.

Binalaan din ni Pangulong Duterte ang customs at airport officials na masisibak ang mga ito kapag may nabiktima na naman ng tanim-bala at may mga Overseas Filipino Worker o OFW na nabuksan ang bag at nawalan ng gamit sa kanilang nasasakupan.

‘Pag may nagtanim-bala d’yan, I will hold all responsible aviation police, ‘pag may isa pa d’yan alis kayong lahat, papalitan ko kayo.

Not only the specific policeman, all of you there will be relieve. I will place you in Zamboanga, there’s so much entry of terrorist now in the back door, doon kayo ma-immigration. See to it that they do not enter the Philippines, that is your job.

February 10, 2018 0 comment

HEADLINES HOT STORIES OF THE WEEK NATIONAL NEWS RONDA PROBINSYA

“I want them out of the country those who want to go out in 72 hours”

written by Gilbert Perdez

Mananatili ang ‘deployment ban’ ng mga Overseas Filipino Worker o OFW sa bansang Kuwait.

Ito ang binigyang diin ni Pangulong Rodrigo Duterte kasunod ng pagkakadiskubre sa bangkay ng isang Pinay worker sa freezer sa isang apartment sa nabanggit na bansa.

Sa isang pulong balitaan sa lungsod ng Davao, nilinaw ng Pangulo na ayaw niya namang maka-offend ng alin mang pamahalaan ngunit kapakanan aniya ng mga Pinoy ang kanyang iniisip.

Ayon sa Pangulo, inatasan na niya si Labor Secretary Silvestre “Bebot” Bello III na pauwiin ang mga Pinoy na gusto nang umuwi sa bansa sa loob ng pitongpo’t dalawang (72) oras.

Nakalulungkot aniyang isipin na habang inaayudahan natin ang ibang bansa ay masama namang kapalaran ng ating mga kababayan ang nagiging kapalit nito.

Everyone who wants to come home, I said to Secretary Bello, those who want to be repatriated, with or without money, I will ask PAL [Philippine Airlines] and Cebu Pacific to provide the transportation.

I want them out of the country those who want to go out in 72 hours.

I will not… let’s say it’s about one week, no. We will count our lives by hours because apparently, every hour there is a suffering in agony.

February 10, 2018 0 comment

Newer Posts

Older Posts