Author

Gilbert Perdez

DWIZ 882

Matatag na ekonomiya sa Southeast Asia tiniyak na mananatili

Mananatili ang matatag na ekonomiya sa Timog Silangang Asya sa kabila ng tensiyon sa pagitan ng Estados Unidos at China na dulot ng pinangangambahang trade war.

Ginawa ni Singapore Finance Minister Heng Swee Keat ang pahayag matapos ang pagpupulong na dinaluhan niya kasama ang ilang ASEAN Finance Chiefs.

Ayon kay Keat, nakatuon lamang sa pagpapalago ng ekonomiya sa rehiyon ang naganap na briefings ng mga ekonomista mula sa world bank, international monetary fund at pribadong sektor.

Katunayan, ipinalagay ni Keat na nakapagtala ang 10-member ASEAN Bloc ng 5.1 porsiyentong paglago noong isang taon at inaaasahang mahihigitan pa nito ang ibang rehiyon ngayong taon.

—-

April 7, 2018 0 comment

INTERNATIONAL NEWS

14 patay, 20 sugatan sa panibagong pag-atake sa Afghanistan

written by Gilbert Perdez

14 ang nasawi habang 20 iba pa ang sugatan sa panibagong pag-atake sa Southern Afghanistan.

Ayon kay Omar Zwak, tagapagsalita ng gobernador ng Helmand province, naganap ang pagsabog malapit sa Ghazi Muhammad Ayoub Khan Stadium sa lungsod ng Lashkar Gah kung saan may nagaganap na wrestling match.

Bigla na lang umanong sumabog ang isang kotse sa lugar na may kargang bomba.

Pahayag ni Aminuallah Abed, chief ng provincial public health department, agad na isinugod sa lokal na pagamutan ang mga nasugatan habang inaasahang madaragdagan ang bilang ng mga nasawi.

Wala pang umaakong grupo sa naturang pag-atake.

March 25, 2018 0 comment

RONDA PROBINSYA

Pulis at 2 sibilyan sugatan sa pagsabog sa Maguindanao

written by Gilbert Perdez

Sugatan ang isang pulis at dalawang sibilyan sa kambal na pagsabog sa Upi, Maguindanao.

Ayon kay Police Chief Senior Insp. Merle Glemao, nanonood lang ng larong basketbol sina Jonathan Lingatong at Allan De Guzman nang maganap ang pagsabog sa labas ng elementary school sa Barangay Borongotan.

Makalipas ang ilang minuto, isa namang pagsabog ang naganap sa National Highway kung saan tinamaan ang isang patrol car na sinasakyan ng mga rumerespondeng pulis.

Nasugatan sa insidente si PO1 Marjun Lahaylahay kung saan agad itong dinala sa Regional and Medical Center sa Cotabato City.

Nagpapatuloy ang imbestigasyon sa mga naturang insidente.

March 25, 2018 0 comment

RONDA PROBINSYA

Surigao Del Norte niyanig ng magnitude 5.2 na lindol

written by Gilbert Perdez

Niyanig ng magnitude 5.2 na lindol ang Surigao Del Norte province.

Ayon sa PHIVOLCS o Philippine Institute of Volcanology and Seismology, natunton ang ‘epicenter’ ng pagyanig sa layong 13 kilometro sa hilagang silangan ng bayan ng Burgos.

Naramdaman ang intensity 2 sa Surigao City at intensity 3 naman sa ilang bahagi ng lungsod.

Sinasabing ‘tectonic in origin’ ang lindol at may lalim itong 21 kilometro.

Wala namang naitalang malaking pinsala at inaasahang aftershocks sa naturang pagyanig.

March 25, 2018 0 comment

HEADLINES NATIONAL NEWS

Panukalang batas ukol sa pagpaparusa ng mga namamato ng sasakyan, lusot na sa ikalawang pagbasa sa Kamara

written by Gilbert Perdez

Lusot na sa ikalawang pagbasa sa kamara ang panukalang batas na naglalayong patawan ng parusa ang pamamato ng sasakyan.

Batay sa House Bill 7163 ni Ilocos Norte First District Rep. Rodolfo Fariñas, magiging krimen na ang paghahagis ng bato, bakal, bote o anumang matitigas na maaaring ikasira ng sasakyan o magdulot pinsala at pagkamatay ng sinumang sakay nito.

Sakaling lumusot ito, mapapatawan ng 25 taong pagkakakulong ang lalabag at multa na aabot sa 100,000 pesos, maliban sa pananagutang sibil, lalo na kung may namatay na tao.

March 25, 2018 0 comment

NATIONAL NEWS

Brgy at SK elections, tuloy na sa mayo — Alvarez

written by Gilbert Perdez

Sa kabila ng mga panukalang ipagpaliban ang barangay at sangguniang kabataan elections, binigyang diin ni House Speaker Pantaleon Alvarez na tuloy ang halalan sa mayo.

Sa kanyang pahayag sa oath-taking ng mga bagong kasapi ng PDP-LABAN sa Sultan Kudarat, sinabi ni Alvarez na malabo nang ma-postpone ang eleksyon dahil wala itong suporta sa senado.

Magugunitang lumusot na sa huling pagbasa sa kamara ang isinusulong na panukala na naglalayong ilipat ang halalan sa oktubre 2018.

March 25, 2018 0 comment

HEADLINES

Paglalatag ng mobile checkpoints para maiwasan ang pag-atake ng sniper iminungkahi ng Pangulo

written by Gilbert Perdez

Pinayuhan ni Pangulong Rodrigo Duterte ang mga tropa ng pamahalaan na maglatag ng mobile checkpoints upang maiwasan ang pag-atake ng mga sniper.

Sa isang event na kanyang dinaluhan sa Davao City, binigyang diin ng Pangulo na madalas ay nagiging target ng mga kalaban ang mga sundalong nagbabantay sa mga detachment.

Mahalaga aniya ang pagkakaroon ng checkpoint na may kasamang tangke o kaya’y may bitbit na machine gun ang mga sundalo o pulis upang hindi mabiktima ng mga sniper na nagtatago lamang sa mga malalayong gusali.

Magugunitang tumagal ng ilang buwan ang bakbakan sa Marawi City noong isang taon dahil sa dami ng mga sniper ng mga terorista na nakakalat sa lungsod.

March 3, 2018 0 comment

NATIONAL NEWS

POEA may babala laban sa pekeng online registration system

written by Gilbert Perdez

Nagbabala ang Philippine Overseas Employment Administration o POEA sa mga lisensiyadong recruitment agencies at medical clinics laban sa pekeng online registration system.

Batay sa advisory ng POEA, hindi aprubado ng Department of Health ang sistema na nag-oobliga sa mga aplikante na magbayad ng registration fee na nagkakahalaga ng 10 US dollars para sa pre-employment medical examination ng mga Overseas Filipinos Workers o OFWs.

Sinasabing ang online system ay pinatatakbo ng Gulf Cooperation Council Ministry of Health.

Subalit binigyang diin ng DOH na hindi pinapayagan ng medical facilities for overseas workers and seafarers ang nabanggit na online scheme.

March 3, 2018 0 comment

NATIONAL NEWS

Cayetano inimbita ang Foreign Minister ng Iceland para personal na makita ang human rights situation sa bansa

written by Gilbert Perdez

Inimbitahan ni Foreign Affairs Secretary Alan Peter Cayetano si Iceland Foreign Minister Gudlaugur Thor Thordarson na bumisita sa Pilipinas upang personal nitong makita ang human rights situation sa bansa.

Ginawa ni Cayetano ang hakbang matapos manawagan si Thordarson sa United Nations na siyasatin ang aniya’y talamak na human rights abuses at extrajudicial killings sa bansa dahil sa pinaigting na laban kontra droga ng administrasyong Duterte.

Tiniyak naman ni Cayetano na magbabago ang pananaw ni Thordarson kapag nakabisita na ito sa Pilipinas.

Magugunitang nanawagan si Thordarson sa pamahalaan na payagan si UN special rapporteur Agnes Callamard na dumalaw sa bansa nang walang limitasyon.

March 3, 2018 0 comment

NATIONAL NEWS RONDA PROBINSYA

3 katao nadakip ng NBI dahil sa pagkakasangkot sa illegal logging sa Agusan del Norte

written by Gilbert Perdez

Nadakip ng mga tauhan ng National Bureau of Investigation ang tatlong indibidwal dahil sa pagkakasangkot sa illegal logging kung saan nasabat sa operasyon ang mga troso at equipment na nagkakahalaga ng sampung milyong piso sa Las Nieves, Agusan del Norte.

Kinilala ni Eric Nuque, hepe ng environmental crime division ng NBI, ang mga suspek na sina Joel Socobos, Wenifredo Brenbuela at Reynaldo Monforte, kapwa residente sa lugar.

Natuklasan naman na ang pinapasukang sawmill ng mga naaresto ay pag-aari umano ni Dapa, Surigao del Norte Mayor Peter Ruaya.

Ibinunyag ng NBI na anim na taon nang nag-ooperate ang sawmill nang walang permit mula sa pamahalaan.

Inihahanda na ang mga kaukulang kasong isasampa laban sa mga suspek.

March 3, 2018 0 comment

Newer Posts

Older Posts