Author

Gilbert Perdez

DWIZ 882

Time magazine columnist, nanindigan kaugnay sa ‘strongman’ story tungkol kay Duterte

Pinaninindigan ng isang kolumnista ng Time Magazine ang kanyang sinulat na artikulo na naglalarawan kay Pangulong Rodrigo Duterte bilang ‘strongman.’

Maliban kay Duterte, tinawag din nitong ‘strongmen’ sina Russian President Vladimir Putin, Hungarian Prime Minister Viktor Orbán at Turkisht President Recep Tayyip Erdogan.

Ang terminong ‘strongman’ ay tumutukoy sa isang political leader na gumagamit ng pwersa o military method na parang diktador, bagay na mariing pinabulaanan ng pangulo.

Ayon kay Foreign Affairs Columnist at Time Editor-at-Large Ian Bremmer, kilala si Duterte sa mga matatapang nitong pahayag kaya naniniwala siyang gusto rin ng pangulo na tinatawag siyang ‘strongman’ kahit ayaw niya itong aminin.

Una nang iginiit ni Duterte na hindi siya kailanman naghari-harian at naluklok aniya siya sa pwesto dahil sa kanyang pangakong labanan ang korapsiyon, kriminalidad at droga.

May 12, 2018 0 comment

NATIONAL NEWS

MPACs, magagamit na ng Philippine Navy

written by Gilbert Perdez

Magagamit na sa darating na dalawa hanggang tatlong buwan ang unang tatlong spike-er armed Multi-Purpose Attack Crafts o MPACS ng Philippine Navy.

Ayon kay Flag-Officer-In-Command Vice Admiral Robert Empedrad, nagpapatuloy ang kanilang integration o installation habang inaaral pa kung paano gagamitin at ide-deploy ang mga sasakyang pandagat na may nakakabit na missile.

Ang mga nabanggit na attack crafts ay gawa ng Propmech Corp. na nakabase sa Subic at binili ng pamahalaan sa halagang 270 milyong piso.

May 12, 2018 0 comment

HEADLINES NATIONAL NEWS

Binatilyo, kalaboso sa isang buy bust operation sa QC

written by Gilbert Perdez

Kalaboso ang isang 18-anyos na binatilyo kasunod ng ikinasang buy-bust operation ng mga awtoridad sa Cubao, Quezon City.

Ayon sa Quezon City Police Station 7, aminado naman ang hindi pinangalanang binata na nagbebenta at gumagamit siya ng marijuana.

Lubos namang ikinalungkot ng kanyang ina ang nangyari sa binata dahil magtatapos na sana ito ng grade 12 sa susunod na linggo.

Nasabat mula sa suspek ang kalahating kilo ng marijuana na nagkakahalaga ng P10,000 kaya’t sasampahan siya ng kasong paglabag sa Comprehensive Dangerous Drugs Act of 2002.

May 12, 2018 0 comment

INTERNATIONAL NEWS

Twitter nanawagan sa mga user nito na magpalit ng password matapos ang ‘software bug’

written by Gilbert Perdez

Nanawagan sa mga user ang Twitter na palitan ang kanilang password matapos madiskubre ang ‘error’ na naka-store sa log-in information sa kanilang sistema.

Sa ipinalabas na advisory ng Twitter, humingi ito ng paumanhin sa publiko dahil sa natukoy na “bug” na nag-iipon ng mga password sa isang internal log.

Nilinaw naman ng social media giant na walang indikasyon na nagkaroon ng “breach” kung saan agad din naman nilang naayos ang problema at natanggal ang ‘stored passwords’ na nakaapekto umano sa “encrypting process”.

We recently found a bug that stored passwords unmasked in an internal log. We fixed the bug and have no indication of a breach or misuse by anyone. As a precaution, consider changing your password on all services where you’ve used this password. https://t.co/RyEDvQOTaZ

— Twitter Support (@TwitterSupport) May 3, 2018

May 5, 2018 0 comment

NATIONAL NEWS

4 pang van para sa ‘Passport on Wheels’ dumating na sa tanggapan ng DFA

written by Gilbert Perdez

Dumating na sa tanggapan ng Department of Foreign Affairs ang apat pang van para sa Passport on Wheels na naglalayong mapabilis ang pagkuha ng pasaporte.

Ayon kay DFA secretary Alan Peter Cayetano, binuo ang programa upang mailapit sa mga malalayong lungsod o bayan ang serbisyo ng ahensya.

Maliban sa planong gawing walo ang kanilang van, isinusulong din ang pagtatayo ng mga karagdagang Consular offices sa buong bansa.

Matatandaang sinimulang ilunsad ang Passport on Wheels noong Enero 15 at nadala na ito sa tinatayang 82 lungsod, munisipalidad, ahensya at organisasyon.

May 5, 2018 0 comment

NATIONAL NEWS

2 pulis na nahuling nagmamaneho ng kolorum na sasakyan sinibak sa puwesto

written by Gilbert Perdez

PULIS NA NAGMAMANEHO NG KOLORUM NA SASAKYAN

Sinibak ni PNP Chief Director-General Oscar Albayalde ang dalawang pulis na nahuling nagmamaneho ng kolorum o walang rehistrong sasakyan sa ikinasang operasyon ng Inter-Agency Council for traffic o I-ACT sa Parañaque at Pasay.

Sina Chief Insp. Juan Saldua Cipriano Jr. ng Southern Police District at SPO4 Ronnie Arimbuyutan Druja ng PNP-Aviation Security Group ay nasita dahil sa pagmamaneho ng ‘unmarked vehicles’ na bumibiyahe katulad ng UV express vans at nami-mik-ap ng mga pasahero.

Sinasabing ang dalawang van ay may mga sticker din mula sa Office of the President.

Dahil dito, agad na inilagay sina Cipriano at Arimbuyutan sa ilalim ng personnel holding and accounting unit ng PNP habang iniimbestigahan ng Counter Intelligence Task Force.

Ikinatuwa naman ni Albayalde ang hindi pagkunsinti ng Department of Transportation sa ginawa ng dalawang pulis.

May 5, 2018 0 comment

HEADLINES

P1.5-M halaga ng ari-arian nasunog sa isang residential area sa Sta. Cruz, Maynila

written by Gilbert Perdez

Nilamon ng apoy ang 1.5 milyong pisong halaga ng mga ari-arian sa naganap na sunog sa isang residential area sa Oroquieta St. at Lope de Vega St. sa Sta. Cruz, Maynila.

Ayon sa Manila-Bureau of Fire Protection, nagsimula ang sunog sa ika-anim na palapag ng bahay ng isang Josie Gerodiaz.

Pasado alas-7:00 ng kagabi nang magsimula ang sunog at idineklara itong fire out kaninang alas-3:01 ng madaling araw.

Tinatayang 200 bahay at 500 pamilya ang apektado ng sunog habang anim katao rin ang naitalang sugatan.

Inaalam pa ng Manila-BFP kung ano ang naging sanhi ng pagsiklab ng apoy.

April 28, 2018 0 comment

NATIONAL NEWS RONDA PROBINSYA

Mga panganib ng droga sisimulan ng ituro sa mga estudyante sa Davao City

written by Gilbert Perdez

Simula sa Hunyo ay pag-aaralan na ng mga estudyante sa Davao City mula grades 4 hanggang 12 ang tungkol sa drug education.

Saklaw nito ang lahat ng mga pampubliko at pribadong eskwelahan sa lungsod, kasama na ang alternative learning system o ALS at aprubado ni Education Secretary Leonor Briones.

Sinasabing bahagi pa rin ito ng kampanya ng lokal na pamahalaan laban sa illegal drugs.

Ayon kay City Anti-Drug Abuse Council Action Officer Michael Denton Aportadera, layon ng programa na protektahan ang mga bata laban sa droga.

Pinuri naman ni City Mayor Sara Duterte-Carpio ang City Anti-Drug Abuse Council modules dahil ito ang kauna-unahang proyekto na nabuo sa bansa.

April 28, 2018 0 comment

NATIONAL NEWS RONDA PROBINSYA

Isang alkalde sa Zamboanga del Sur nahaharap sa kasong katiwalian

written by Gilbert Perdez

Nahaharap sa kasong katiwalian ang isang alkalde sa Zamboanga del Sur dahil sa umano’y maanomalyang pagbili ng mga agricultural supplies na nagkakahalaga ng mahigit 4.1 milyong piso noong 2014.

Batay sa resolusyon ng Office of the Ombudsman, nakakita ito ng sapat na basehan laban kay Mayor Roy Encallado para maisampa sa Sandiganbayan ang kasong paglabag sa Republic Act no. 3019 o Anti-Graft and Corrupt Practices Act.

Kinasuhan din ng Ombudsman sina Bids and Awards Committee chairman Arwin Alpha; BAC members Alex Villarin, Elvira Emia, Andres Limatoc, at Merlinda Ambaic; Municipal Accountant Eien Maning; National Resource Management Focal Person & Municipal Planning Officer Ludivina Salazar; at Inspection Officer Pilar Locop.

Sa imbestigasyon ng Anti-Graft Office, natuklasan na nakakuha ng limang milyong pisong pondo ang lokal na pamahalaan mula sa Department of Agriculture at ibinili ito ng fish cages, fingerlings at fish feeds pero hindi umano ito dumaan sa public bidding.

April 14, 2018 0 comment

HEADLINES NATIONAL NEWS RONDA PROBINSYA

2 katao patay sa forest fire sa Bukidnon

written by Gilbert Perdez

Patay ang dalawa katao, kabilang ang isang fire volunteer, makaraang ma-trap sa sumiklab na forest fire sa Barangay Nuebe, Malaybalay, Bukidnon.

Ayon sa pulisya, nakilala ang mga biktima na sina Wilfredo Batico, emergency laborer ng Bukidnon Environment and Natural Resources Office, at Alex Baneliar, fire volunteer, na parehong sunog ang katawan nang marekober.

Nagsagawa ng fire line sa isang bahagi ng bundok at hindi na nakalabas ang dalawa, kasama si Baneliar na sa susunod na linggo pa sana magsisimulang magtrabaho bilang emergency laborer pero nag-volunteer dahil sa sunog.

Iniimbestigahan pa rin kung ano ang pinagmulan ng naturang sunog.

—-

April 7, 2018 0 comment

Newer Posts

Older Posts