Author

Gilbert Perdez

DWIZ 882

Ilang Kapamilya stars nakisaya sa “Doble Dekada Concert” ng bandang Aegis

Bumuhos ang libu-libong fans sa idinaos na “Doble Dekada Concert” ng bandang Aegis sa Araneta Coliseum kung saan namataang nakikisaya ang ilang Kapamilya stars.

Game na nakipag-showdown sa biritan sina Vice Ganda at Tawag ng Tanghalan o TNT Boys na kapwa kabilang sa line-up ng konsyerto.

Maliban sa kanila, kasama rin mga dumalo sina Karla Estrada, Anne Curtis, at Jericho Rosales na bibida sa teleseryeng “Halik” na hango sa kanta ng naturang banda.

Naghiyawan ang fans nang bumirit ang Aegis ng modern songs, bukod sa hits nila na pumatok sa loob ng dalawang dekada.

1/3: WE LOVE YOU ARANETAAAA! Grabe… parang panaginip lang ang nangyari kagabi. Maraming maraming salamat po sa lahat ng mga nag punta sa concert namin kagabi. Nasa backstage pa lang kami kinakabahan na kami kasi hindi namin inakalang mapupuno namin ang Araneta. Nung naka standby na kami sa stage, sumasabay yung kabog ng dibdib namin sa sa bawat pulso ng countdown. Hanggang sa narinig na namin ang sigaw ninyong lahat, lumakas ang loob namin. MARAMING MARAMING SALAMAT PO TALAGA Una po sa lahat, maraming maraming salamat sa ABS-CBN at Live Artists Production dahil nagtiwala kayo sa kakayanan namin. Sa ABS-CBN, kay Ma’am Cory Vidanes, sir Mickey Munoz, Ms. Jinky Fabelico, Igi Bumagat, Ever Espanol, Duchess, Camille and Shaun. Sa Live Artists shempre si Maribeth Diaz , Jom, Mads Isang malaking pasalamat din kay Direk Frank Lloyd Mamaril. Salamat dahil tinanggap ninyo ang project na ito. Sobrang good vibes lang simula day 1 hanggang natapos… Sana hindi ito ang huling pagsasama natin direk. Please extend our pasasalamat to your team #dobledekada #AngSoundtrackNgBuhayMo #aegis #aegisbandph #AegisDobleDekada

A post shared by Aegis Band (@aegisband.ph) on Jul 14, 2018 at 2:16am PDT

2/3: To Forscink especially sir Philip Santos! Isang karangalan po’ng makagamit ang napakaganda’t world class equipment ninyo. Talagang best lights and sounds sa industriya! Shakira Villa Symes, para sa napakagaling na lighting design, Jethro, sir mike, sa stage team at sa lahat na bumubuo ng technical team. To our pampabeauty team rodel brinas at sa kanyang styling team… and our hair and makeup artists. To our friends at Cowboy Grill para sa napakasarap na dinner and of course Ms. Pinky Fernando of Fernando’s Bakery para sa sobrang sarap at napaka gandang cake display! and isang malaking THANK YOU sa lahat ng sponsors po ng concert namin. Araneta maraming maraming salamat sa napaka warm na pa welcome ninyo sa amin… isang karangalan po ang maging isa sa mga artist na makapag perform sa Big Dome! Thank you po sa flowers #dobledekada #AngSoundtrackNgBuhayMo #AegisDobleDekada #aegis #aegisbandph #aegisband #AEGIS20bleDekada

A post shared by Aegis Band (@aegisband.ph) on Jul 14, 2018 at 2:17am PDT

3/3: Sa mga guests na alam naming sobrang busy pero nag bigay sila ng oras nila para maki celebrate sa anniversary namin Queen Mother Momshie Karla Estrada, Mr. Jericho Rosales, Ms. Anne Curtis, Vice Ganda, Jett Pangan, TNT BOYS and the asia’s songbird Ms. Regine Velasquez-Alcasid! Sa mga dancers na nag share ng talents nila sa stage para mas lalong mapaganda ang presentation ng mga awitin namin. ALPHA records, lalo na kay sir alvin de vera, dahil kung di kayo nagtiwala sa amin 20 years ago, walang doble dekada sana ngayon. Bukod sa mga families at mga kaibigan namin … ang pinaka gusto namin talagang pasalamatan ay kayong mga fans namin. Dahil sa loob ng 20 years, andiyan pa din kayo sumu-suporta sa amin… Marami sa inyong mga bata pa lang hanggang sa nakapag trabaho na, andiyan pa din…Dati rati’y mga estudyante pa lang pero ngayon mga professional na, andiyan pa din. Grabeh mukhang ipinamana pa ninyo sa mga anak ninyo yung pag suporta ninyo dahil kahit mga kabataan talaga naging fans pa namin hahaha. MARAMING MARAMING SALAMAT talaga. Ang dami po’ng mga tao na nais namin pasalamatan… kung may na miss po kami pasensha na po pero lubos po kaming nagpapasalamat talaga sa oras na ibinigay nyo para lang maging successful ang aming concert. hindi pa din kami makapaniwala sa lahat ng mga nangyari kagabi…. nawala lahat ang puyat at pagod na ibinuhos namin para sa concert na ito dahil sobrang overwhelmed lang talaga kami sa love and support na ipinakita ninyong lahat. Mula sa puso namin… MARAMING MARAMING SALAMAT PO Juliet, Mercy, Kris, Stella, Wheng, Vi and Rey AEGIS Photo by: jean centeno #aegis #dobledekada #AngSoundtrackNgBuhayMo #aegis20bledekada #AEGIS20bleDekada #aegisband #aegisbandph

A post shared by Aegis Band (@aegisband.ph) on Jul 14, 2018 at 2:19am PDT

July 15, 2018 0 comment

NATIONAL NEWS

Pagpapalabas ng P29.9-M pondo para sa pagkain ng mga preso pinayagan na ng QC Council

written by Gilbert Perdez

Pinayagan na ng Quezon City Council si Mayor Herbert Bautista na maglabas ng P29.9 million pesos na pondo para sa pagkain ng mga preso sa city jail.

Batay sa city resolution 7163-2017, inatasan ng konseho si Bautista na maglaan ng sapat na badyet upang makakain nang maayos ang mga nakakulong sa detention center ng lungsod.

Ang Quezon City jail ay pinamamahalaan ng Bureau of Jail Management and Penology o BJMP at tinatayang P13,000 detainees ang nakakulong dito.

Sakaling maisakatuparan ito, magkakaroon din ng masarap na almusal ang mga preso katulad ng pandesal, pan de coco, monay at spanish bread.

June 30, 2018 0 comment

HEADLINES NATIONAL NEWS

Japan nakahandang maglaan 42.48-B yen loan sa Pilipinas

written by Gilbert Perdez

Nakahandang maglaan ang Japan ng official development assistance o ODA loans para sa Pilipinas na aabot ng hanggang 42.48-billion-yen o 20.6 billion pesos.

Ginawa ni Japanese Foreign Minister Taro Kono ang pahayag tungkol sa oda loan financing sa idinaos na Japan-Philippines Foreign Ministers’ meeting sa Tokyo na dinaluhan ni Foreign Affairs secretary Alan Peter Cayetano.

Ito’y sinasabing ibubuhos sa dalawang infrastructure projects ng pamahalaan kabilang na ang ‘upgrading’ ng Metro Rail Transit o MRT-3 railway bilang suporta na rin sa pagpapalago ng ekonomiya ng bansa.

Maliban dito, nag-alok din ng karagdagang pondo ang Japan para sa pagpapatayo ng bagong paliparan sa Bohol upang matugunan nito ang tumataas na bilang ng mga pasahero sa naturang lalawigan.

June 23, 2018 0 comment

NATIONAL NEWS

‘Horizon 2′ modernization program ng AFP nakatakdang busisiin

written by Gilbert Perdez

Nakatakdang busisiin ng Department of Budget and Management o DBM ang ‘Horizon 2’ ng modernization program ng Armed Forces of the Philippines.

Ayon kay Department of National Defense o DND spokesperson Arsenio Andolong, sa ganitong paraan ay malalaman kung anong ‘platform’ ang ipaprayoridad o unang bibilhin.

Kung kakailanganin, sinabi ni Andolong na babawasan ng DND ang bilang ng mga equipment para sa programa upang maging akma sa 300 bilyong pisong pondo na nakasaad sa procurement plan ng militar para sa taong 2018 hanggang 2022.

Magugunitang sa ‘Horizon 1’ na unang ipinatupad mula 2013 hanggang 2017 ay nakabili ang AFP ng tatlong del pilar-class frigates, labing-dalawang light-lift interim fighters, dalawang strategic sealift vessels at iba pa.

Sinasabing magkakaroon din ng ‘Horizon 3’ ang modernisasyon ng AFP at ipatutupad ito mula 2023 hanggang 2028.

June 23, 2018 0 comment

NATIONAL NEWS

QC gov’t tutol sa ideyang pag-ban ng mga traysikel na ginagamit bilang school service

written by Gilbert Perdez

Walang nakikitang dahilan ang Quezon City Government para pagbawalang bumiyahe ang mga traysikel na ginagamit bilang school service.

Bilang reaksiyon sa pahayag ng Land Transportation Franchising and Regulatory Board, binigyang diin ni QC Vice Mayor Joy Belmonte na tutol sila sa ideyang i-ban ang mga traysikel na naghahatid-sundo ng mga bata sa mga paaralan.

Giit ni Belmonte, sila ang nag-iisyu ng prangkisa sa mga traysikel at wala naman silang nakikitang problema hinggil sa ‘overloading’.

Mahalaga aniyang magkaroon ng mahigpit na regulasyon na susundin ng tricycle operators katulad na lamang ng pagiging hindi kolorum o walang rehistro at hindi overloaded.

Maliban dito, sinabi ni Belmonte na kumpara sa nakasanayang school bus service, mas mura ang pasahero sa traysikel at mas praktikal aniya itong gamitin.

June 23, 2018 0 comment

NATIONAL NEWS

POEA inatasan na bumuo ng guidelines sa pagpapadala ng household workers sa Kuwait

written by Gilbert Perdez

Inatasan ng Department of Labor and Employment ang Philippine Overseas Employment Administration o POEA na bumuo ng ‘guidelines’ sa pagpapadala ng household service workers sa Kuwait.

Ginawa ni Labor Secretary Silvestre Bello III ang hakbang sa pamamagitan ng administrative order makaraang tanggalin ni Pangulong Rodrigo Duterte ang total deployment ban sa overseas Filipino Workers o OFWs sa Arab state.

Dahil sa direktiba ni Bello na epektibo sa lalong madaling panahon, nangangahulugan din na puwede nang ikasa ang deployment sa Kuwait ng mga newly-hired professionals, skilled at semi-skilled workers.

Magugunitang inalis ng Pangulo ang deployment ban kasunod ng nilagdaang Memorandum of Agreement sa pagitan ng dalawang bansa para sa kaligtasan at interes ng mga manggagawang Pinoy.

May 19, 2018 0 comment

NATIONAL NEWS RONDA PROBINSYA

Nasa P2.75-M halaga ng iligal na droga nasamsam sa Cainta, Rizal

written by Gilbert Perdez

Tinatayang 2.75 milyong pisong halaga ng hinihinalang iligal na droga ang nasamsam ng mga awtoridad mula sa dalawang babaeng umano’y tulak sa ikinasang drug bust operation sa Brgy. San Isidro, Cainta, Rizal.

Ayon kay CALABARZON Police Regional Director, Chief Supt. Guillermo Lorenzo Eleazar, sina Laika Camille San Pedro at Maria Cecilia Baylon, ay natimbog ng pinagsanib na puwersa ng Regional Drug Enforcement Unit, Cainta Police-Special Drug Enforcement Team at Philippine Drug Enforcement Agency-Region 4A.

Nasabat sa operasyon ang 250 gramo ng hinihinalang shabu na may street value na 1.25 million pesos, marked money at isang kilo ng imported marijuana na mas kilala bilang ‘kush’ na nagkakahalaga ng 1.5 million pesos.

Nagpanggap na buyer ang isang pulis at nang magkaabutan na ng pera at droga, doon na hinuli sina San Pedro at Baylon at nakuha ang droga na nakasilid sa isang ecobag.

Sasampahan ang mga suspek ng kasong paglabag sa Dangerous Drugs Act.

May 19, 2018 0 comment

SPORTS

Worlds number 1 tennis player Rafael Nadal, sibak na sa 2018 Madrid Open

written by Gilbert Perdez

Nakalasap ng kanyang kauna-unahang clay-court defeat si Rafael Nadal sa loob ng halos isang taon.

Ito’y makaraang ilampaso siya ni Dominic Thiem ng Austria kaya tuluyan siyang nasibak sa Madrid Masters quarterfinals.

Dahil dito, natapos ang 50-set winning streak ni Nadal nang padapain ng fifth-seeded na si Thiem.

Nangangahulugan din na makukuha muli ni Roger Federer ang world no. 1 ranking.

May 12, 2018 0 comment

HEADLINES NATIONAL NEWS

VP Robredo, hindi dapat mangamba matapos ang pagpapatalsik kay Sereno—law expert

written by Gilbert Perdez

Hindi dapat mangamba si Vice President Leni Robredo sa posibleng kahinatnan ng kanyang posisyon kasunod ng pagkakasibak kay Chief Justice Maria Lourdes Sereno.

Ang pahayag ay ginawa ni San Beda Graduate School of Law Dean Fr. Ranhilio Aquino matapos tanggalin ng mataas na hukuman si Sereno bunga ng ‘quo warranto petition’ ni Solicitor General Jose Calida.

Subalit sa panayam ng DWIZ, sinabi ni Aquino na kung wala namang maling ginawa o nilabag na batas si Robredo ay wala itong dapat ipangamba.

Una nang iginiit ni Robredo na baka siya na ang susunod, kasabay ng pahayag na nangangamba ito para sa hudikatura at sistema ng katarungan sa bansa.

Nilinaw naman ni Aquino na ang legal action na inihain ni dating Sen. Bongbong Marcos laban kay Robredo ay isang uri ng ‘quo warranto case’.

“She just have to see to it that when she was elected, she fulfilled all the requirements of a vice president and I don’t think Leni failed to meet any of the requirements. Actually, the action brought by Bongbong (Marcos) against her is a quo warranto case.”

(From Sapol Interview)

May 12, 2018 0 comment

HEADLINES NATIONAL NEWS

JBC, dapat na papanagutin sa naging resulta ng quo warranto case vs. Sereno—law expert

written by Gilbert Perdez

Binigyang diin ng isang law expert na dapat managot ang Judicial and Bar Council kung bakit nakalusot ang kuwestiyunableng appointment ni Chief Justice Maria Lourdes Sereno.

Ginawa ni San Beda Graduate School of Law Dean Fr. Ranhilio Aquino ang pahayag makaraang paboran ng mataas na hukuman ang Quo Warranto Petition na isinampa ni Solicitor General Jose Calida laban sa punong mahistrado.

Sa panayam ng DWIZ, iginiit ni Aquino na hindi lamang si Sereno ang dapat sisihin kundi maging ang kalihim ng JBC sa maluwag na alituntunin kaya nakapasok sa shortlist si Sereno.

“She was not informed that candidate Sereno at that time, have not complied to the SALN requirements and the clerical functions like this are usually not taken care of directly by the chairman of the JBC … on the chief justice or an associate justice.”

(From Sapol interview)

May 12, 2018 0 comment

Newer Posts

Older Posts