Author

Gilbert Perdez

DWIZ 882

DOLE may babala tungkol sa mga pekeng certificates

Nagbabala sa publiko ang Department of Labor and Employment o DOLE laban sa mga pekeng “certificate of no pending appealed case” na ginagamit umanong modus sa pag-withdraw ng escrow deposits ng recruitment agencies.

Ginawa ni DOLE Secretary Silvestre Bello III ang pahayag makaraang makatanggap ito ng liham mula sa dalawang recruitment agencies na nagtatanong tungkol sa certification na sinasabing inisyu ng DOLE Legal Service at ginamit sa pag-withdraw ng isang escrow deposit.

Subalit lumalabas sa imbestigasyon na bogus ang certification at hindi ito nagmula sa DOLE Legal Service lalo pa’t natuklasan na ang nakasaad na ‘signatory’ ng dokumento ay hindi na konektado sa labor department.

Pinagbubukas ng escrow account ang isang recruitment agency upang dito ikaltas ang claims ng overseas contract workers sakaling magkaroon ng contract violations.

August 11, 2018 0 comment

RONDA PROBINSYA

Mahigit 200 kawani ng DepEd-Zamboanga sumalang sa drug testing

written by Gilbert Perdez

Sumalang sa drug testing ang mahigit 200 personnel at teaching staff ng Department of Education o DepEd City Schools Division Office sa Zamboanga City.

Ayon kay Dr. Rosalio Conturno Jr., Education Supervisor, ang drug testing ay isinagawa alinsunod sa kautusan ng DepEd Central Office.

Hindi naman nakasalang sa test ang isang empleyado makaraang ma-ospital habang nasawi naman ang isa pang personnel.

Babala naman ni Dr. Felix Romy Triambulo, City Schools Division Officer-in-Charge, ang magpopositibo sa paggamit ng illegal drugs ay isasailalim sa confirmatory test at parurusahan naman ang sinumang mapatutunayang gumagamit ng droga.

August 4, 2018 0 comment

HEADLINES RONDA PROBINSYA

Anim sa 22 inmates na pumuga sa Bacoor muling nadakip ng awtoridad

written by Gilbert Perdez

Muling nadakip ng mga awtoridad ang anim sa 22 inmates na pumuga mula sa custodial center ng Bacoor City, Cavite sa Talaba 4.

Ayon kay Police Sr. Insp. Aldrin Cabatan, City Police Operations Chief, ibabalik na sana sa selda ang isang preso matapos isalang sa ‘mugshot session’ nang biglang magsitakas ang iba pang inmates patungo sa direksiyon ng Emilio Aguinaldo Highway.

Kabilang naman sa mga naibalik na muli sa kustodiya ng pulisya sina Junjie Moog, Tristan Lance Ocupe at Gerald Lintan.

Sinasabing 12 sa mga pumuga ay may kaso na may kinalaman sa droga, tatlo ang may kasong robbery, isa ang may kasong frustrated murder, gayundin ang forcible abduction with rape at illegal discharge of firearm.

July 28, 2018 0 comment

HEADLINES NATIONAL NEWS

Bahay ng aktor na si Gerald Anderson nilooban

written by Gilbert Perdez

Kalaboso ang lalaking anak ng dating kasambahay ng aktor na si Gerald Anderson matapos pasukin ang bahay nito at tangkang pagnakawan sa Quezon City.

Construction worker, arestado matapos looban ang bahay ng aktor na si Gerald Anderson sa QC | via @gilbertperdez pic.twitter.com/cKWQfkOCBO

— DWIZ Newscenter (@dwiz882) July 25, 2018

Kinilala ang suspek na si Mark Joseph Capalla, 20-taong gulang at nakatira sa lugar.

Nabatid na tinanggal sa trabaho si Capalla noong Sabado bilang stay-in helper habang inalis naman bilang kasambahay ang ina ng suspek tatlong buwan na ang nakararaan.

Sa inisyal na imbestigasyon, bigla na lang pumasok sa bahay ng aktor si Capalla sa Vista Real Classica Subdivision barangay Batasan kaya’t sinita ito ng mga guwardiya at personal assistant nito.

Mabilis namang sumaklolo ang taumbayan at pinagtulungang bugbugin ang suspek hanggang sa halos magsara na ang kanang mata nito at nagkulay-talong ang mukha.

Nakuha mula kay Capalla ang dalawang t-shirt, isang polo at isang sapatos na nagkakahalaga ng mahigit 5,000 pesos.

Nabatid na ilang beses nang nawalan ng mga gamit si Anderson, kabilang na ang mga damit ng aktor na nakikita pa umanong ipino-post ng suspek sa Facebook.

Halos hindi naman matanggap ni Anderson na pagnanakawan siya ni Capalla dahil may tiwala ito sa kanilang pamilya habang 6 na taon ding naglingkod sa kanila ang nanay ng suspek.

Inihahanda na ang kaukulang kasong isasampa laban sa suspek.

—-

July 26, 2018 0 comment

HEADLINES

Mahigit P7-M halaga ng shabu nakuha sa buy bust operation sa QC

written by Gilbert Perdez

Mahigit pitong (7) milyong pisong halaga ng hinihinalang shabu ang nasabat ng mga awtoridad sa ikinasang buy-bust operation sa University St. Cor. Commonwealth Avenue, barangay San Vicente, Quezon City.

Kinilala ang suspek na si Bryan Dudley alyas Bryan Taba na sinasabing nahuli sa akto habang binebentahan ng limang daang (500) gramo ng umano’y shabu ang isang pulis na nagpanggap na buyer.

Ayon sa mga awtoridad, mahigit isang kilo ng droga ang nasabat mula sa suspek na nagkakahalaga ng higit 7.4 million pesos.

Nabatid na noong April 8, 2016 ay nakulong din sa Pasay City si Dudley dahil din sa kasong may kaugnayan sa iligal na droga pero inabswelto ito ng korte at nakalaya nitong nakaraang buwan.

Patuloy na minonitor ng mga awtoridad ang galaw ni alyas Bryan Taba at nang magpositibo ang tip na nagtutulak pa rin ito ng droga, agad na nagkasa ng operasyon laban sa kanya.

Sasampahan ang suspek ng kasong paglabag sa Dangerous Drugs Act.

(Photo Credit: NCRPO)

July 24, 2018 0 comment

INTERNATIONAL NEWS

17 patay matapos lumubog ang isang tourist boat sa USA

written by Gilbert Perdez

Patay ang 17 katao matapos lumubog ang isang tourist boat sa Missouri, USA.

Ayon sa mga awtoridad, ang edad ng mga biktima ay nasa pagitan ng 17 at 76 at nagmula sa apat na estado ng Amerika.

Sinasabing lulan ng bangka ang 31 katao nang bigla itong tumaob sa Table Rock Lake malapit sa bayan ng Branson dahil sa masamang panahon.

Isa sa mga survivor si Tia Coleman na nawalan ng siyam na miyembro ng pamilya kabilang ang kanyang mga anak.

Nakaligtas naman ang kapitan ng bangka kasama ang 14 na iba pang pasahero.

July 22, 2018 0 comment

INTERNATIONAL NEWS

Rebeldeng grupong Hamas at gobyerno ng Israel nagdeklara ng ceasefire

written by Gilbert Perdez

Nagpatupad ng pansamantalang tigil-putukan ang Hamas at Israel ayon sa tagapagsalita ng Palestinian organization.

Sinasabing ikinasa ang kasunduan makaraang sumiklab ang panibagong karahasan sa isang demonstrasyon sa gaza na ikinasawi ng apat katao.

Una nang ini-ulat ang pagkakapatay ng Israeli forces sa isa pang palestinian na kasama sa mga nagpoprotesta sa gaza strip kahapon.

Magugunitang nagsimula ang kaliwa’t kanang protesta noon pang Marso 30 kung saan pumalo na sa mahigit 100 palestinians ang namatay habang mahigit 16,000 rin ang mga nasugatan.

July 22, 2018 0 comment

HEADLINES NATIONAL NEWS RONDA PROBINSYA

Ilang probinsya nagdeklara na ng state of calamity dulot ng matinding pag-ulan

written by Gilbert Perdez

Nagdeklara na ng state of emergency ang ilang Local Government Units o LGUs dahil sa hindi paghupa ng baha na dulot ng matinding ulan.

Ayon kay Mayor Femy Domingo ng Licab, Nueva Ecija, 2,632 families na ang apektado ng tatlong araw na pagbaha sa kanyang bayan.

Nanawagan din si Domingo sa national government na tulungan sila lalo na ang mga magsasaka na nangangailangan ng medical aid, relief goods, at livelihood assistance.

Samantala, inilagay na rin sa state of calamity ang lungsod ng Dagupan at mga bayan ng Santa Barbara, Bugallon, Lingayen, at Mangatarem sa Pangasinan.

Pahayag ni Rondale Castillo, information officer ng Pangasinan-Provincial Risk Reduction Disaster Management Office, 15 lugar sa kanilang probinsya ang lubog pa rin sa baha.

Kabilang dito ang Agno, Alaminos, Bautista, Bayambang, Bugallon, Calasiao, Dagupan, Dasol, Lingayen, Malasiqui, Mangaterem, Natividad, Urdaneta, San Carlos at Santa Barbara.

Samantala, isinailalim narin sa state of calamity ang Balanga City sa lalawigan ng Bataan kasunod ng mga nararanasang pagbaha sa ilang barangay doon.

Ayon sa lokal na pamahalaan ng Bataan, ilang barangay officials na ang nagtutulong-tulong upang maglunsad ng operasyon para sa posibleng paglikas ng mga residenteng kailangang dalhin sa mga evacuation center.

Base sa ulat, pansamantalang mananatili ang mga evacuee sa Bataan National High School at Bataan People Center.

Pinayuhan naman ng Bataan LGU ang mga residenteng nasa mga low-lying areas na magtungo sa mga bahay o mga gusaling may dalawang palapag para sa kanilang kaligtasan habang naghihintay ng rescue.

Sa ngayon patuloy na nakararanas ng mga pagbaha ang ilang lugar sa Bataan dahil sa hanging habagat na pinalakas ni Bagyong Josie.

Pinaalalahanan naman ng Bataan LGU ang mga residente sa kanilang lugar na agad makipag-ugnayan sa kanilang tanggapan sakaling mangailangan ng agarang tulong.

(Jopel Pelenio)

July 22, 2018 0 comment

NATIONAL NEWS RONDA PROBINSYA

500 mag-aaral apektado sa nangyaring sunog sa Davao City

written by Gilbert Perdez

Tinatayang limang daang mag-aaral ang pansamantalang mawawalan ng silid-aralan makaraang lamunin ng apoy ang heritage building ng Francisco Bustamante Central Elementary School sa Brgy. Tibungco, Davao City.

Ayon kay Fire Officer 3 Aries Ballarta, natupok ang 13 silid-aralan ng grade 1, grade 2 at grade 3, principal’s office, guidance office, at pati ang kuwarto kung saan nakatago ang mga dokumento ng eskwelahan.

Sa inisyal na imbestigasyon ng Panacan Fire Station, nagsimula ang sunog sa classroom ng alternative learning system pero hindi pa tukoy kung ano ang naging sanhi nito.

Pahayag ni School Principal Janice Ilaguison, balak nilang ihalo muna sa ibang klase ang mga batang nawalan ng silid-aralan habang hindi pa nagagawa ang mga nasunog na gusali.

Tinatayang aabot sa 7 milyong piso ang kabuuang halaga ng mga napinsalang ari-arian sa naturang insidente.

July 22, 2018 0 comment

HEADLINES RONDA PROBINSYA

1 patay 4 sugatan sa isang pagsabog sa Agusan del Sur

written by Gilbert Perdez

Isang sundalo ang nasawi habang sugatan naman ang apat na iba pa makaraang sumabog ang isang landmine sa Bayugan City, Agusan Del Sur.

Ayon sa ulat ng 402nd brigade, kinilala ang mga namatay na sundalo na sina Lt. Rod Michael Aspiras at Sgt. Ruben Canoy habang sugatan naman sina Cpl. Rhuel Apura, Cpl. Rociller Guirero, Pfc Christian Lebu Penus at Pfc Jaime Seblian.

Batay sa imbestigasyon, nagsasagawa ng clearing operation ang tropa ng 402nd brigade sa Sitio Bungkuan, Barangay San Juan na sinasabing lungga ng New People’s Army nang biglang sumabog ang bomba.

Dahil labag ito sa Comprehensive Agreement on Respect for Human Rights at International Humanitarian Law, agad na kinondena ng AFP ang paggamit ng landmine ng mga rebelde.

July 22, 2018 0 comment

Newer Posts

Older Posts