Author

Gilbert Perdez

DWIZ 882

SC naglabas ng kautusan upang maprotektahan ang mga bahura sa West PH Sea

Nagpalabas ang Korte Suprema ng Writ of Amparo at Writ of Kalikasan na sumasaklaw sa West Philippine Sea o WPS.

Ayon sa mataas na hukuman, layunin nitong protektahan, i-preserba, i-rehabilitate, at ibalik sa dati ang marine environment sa Panatag Shoal, Ayungin Shoal, at Panganiban Reef sa nabanggit na teritoryo.

Magugunitang umakyat sa pinaka-mataas na korte ang isang grupo ng mga mangingisda at magsasaka mula sa Palawan dahil sa umano’y pagbabalewala ng gobyerno sa obligasyon nitong ipatupad ang mga batas pang-kalikasan sa rehiyon.

Ang Writ of Kalikasan ay isang kautusan na nagbibigay-proteksyon sa karapatan ng mamamayan para sa isang malinis, malusog, at kapaki-pakinabang na kapaligiran.

May 4, 2019 0 comment

HEADLINES NATIONAL NEWS

Mga mamamahayag sa bansa nasa mapanganib na sitwasyon pa rin ayon sa NUJP

written by Gilbert Perdez

Nasa mapanganib na sitwasyon pa rin ang mga mamamahayag sa bansa.

Ito ang isiniwalat ni Nonoy Espina, Chairperson ng National Union of Journalists of the Philippines o NUJP kasabay ng paggunita ng World Press Freedom Day.

Pinaratangan din ni Espina si Pangulong Rodrigo Duterte na siya umanong nangunguna sa pag-atake sa media.

Giit ni Espina, patuloy pa ring dumaranas ng pangha-harass at pagbabanta sa buhay ang mga peryodista habang nangangalap ng balita.

Magugunitang binigyang diin ni Presidential Communications Secretary Martin Andanar na iginagalang ng palasyo ang kalayaan sa pamamahayag at patunay dito ang paglikha mismo ng pamahalaan ng Presidential Task Force on Media Security o PTFOMS upang mabigyan ng proteksyon ang mga mamamahayag.

May 4, 2019 0 comment

HEADLINES NATIONAL NEWS RONDA PROBINSYA

Mahigit 2-M pisong halaga ng hinihinalang shabu nasabat sa Cebu City

written by Gilbert Perdez

Nasabat ng mga awtoridad ang 2.7 million pesos na halaga ng hinihinalang shabu mula sa isang tulak ng droga sa ikinasang buy-bust operation sa Barangay Hipodromo, Cebu City.

Ayon kay Drug Enforcement Group Deputy Chief Police Lt. Col. Glenn Gonzales, ang hindi pinangalanang suspek ay sinasabing miyembro ng isang malaking drug group na kumikilos sa lungsod.

Tumitimbang ng 400 gramo ang umano’y shabu na nakumpiska mula sa suspek na ngayo’y nahaharap sa kasong paglabag sa Comprehensive Dangerous Drugs Act of 2002.

May 4, 2019 0 comment

HEADLINES NATIONAL NEWS RONDA PROBINSYA

Dalawang supporter ng mga kandidato patay sa pananambang

written by Gilbert Perdez

Patay ang dalawang lalaki na taga-suporta umano ng mga pulitiko makaraang pagbabarilin sa magkahiwalay na insidente sa Antique.

Unang itinumba sa Sitio Huna, Barangay Buluangan Uno ang 26-anyos na si Angelito Roquero Jr. na kilalang supporter ni Vice Mayor Josefino Castillon ng bayan ng Valderrama.

Agad namang nahuli ang suspek na si Mark Francisco at nabawi rito ang baril na umano’y ginamit sa krimen.

Samantala, tinambangan naman ng hindi pa kilalang mga salarin si Crispolo Jereza habang sakay ng motorsiklo sa Barangay Bagongbayan sa bayan naman ng Laua-an.

Si Jereza ay sinasabing dating driver at bodyguard ni Laua-an Mayor Francisco “Bebong” Baladjay Jr.

May 4, 2019 0 comment

INTERNATIONAL NEWS

16 patay mahigit 20 sugatan sa protesta sa Sudan

written by Gilbert Perdez

16 ang naitalang nasawi habang 20 iba pa ang sugatan makaraang tamaan ng mga ligaw na bala sa madugong protesta sa Sudan.

Ayon kay government spokesman Hashem Ali, nilusob ng mga nagpoprotesta ang mga tanggapan ng gobyerno at mga pribadong gusali.

Sinasabing nag-resign na rin ang pinuno ng National Intelligence and Security Service (NISS) na si Salih Ghosh.

Magugunitang pinatalsik sa puwesto si Sudanese President Omar Al-Bashir sa pamamagitan ng military junta.

April 14, 2019 0 comment

HEADLINES RONDA PROBINSYA

2 hinihinalang miyembro ng NPA patay sa sagupaan sa Davao Del Sur

written by Gilbert Perdez

Patay ang dalawang hinihinalang miyembro ng New People’s Army matapos makasagupa ang mga sundalo sa Digos City, Davao Del Sur.

Kinilala ang mga nasawi na sina Lesly Pulido, kalihim ng Guerilla Front 51, at Roberto Castellote, sinasabing kumander ng naturang yunit.

Ayon kay Capt. Jerry Lamosao, tagapagsalita ng 10th infantry division, tumugon ang mga tropa mula sa 39th infantry battalion ng Philippine Army sa sumbong na may mga rebelde na nangingikil sa mga magsasaka sa Sitio Lanan, Barangay Goma.

Doon na napatay ang dalawang lider ng NPA sa bakbakan na tumagal ng 45 minuto..

Narekober naman sa pinangyarihan ng insidente ang isang M4 rifle.

April 7, 2019 0 comment

RONDA PROBINSYA

Isang lalaki patay matapos pagbabarilin sa Iloilo

written by Gilbert Perdez

Patay ang isang lalaki habang sugatan naman ang dalawang iba pa makaraang pagbabarilin ng hindi pa nakikilalang salarin sa Passi City, Iloilo.

Ayon sa pulisya, dead on the spot si Afrantes Alarilla at dinala naman sa ospital sina Lodovico Claridad at Joebert Mandate.

Sa imbestigasyon, lulan ng isang traysikel ang tatlong biktima nang pagbabarilin sa barangay Dalicanan.

Sinubukan umanong mag-overtake ng motorsiklo na sakay ang tatlong lalaki at pagewang-gewang ang takbo hanggang sa bigla na lang pinagbabaril ang mga sakay ng traysikel.

Sinasabing traffic altercation ang tinitingnang motibo ng mga awtoridad sa naturang pamamaril.

March 9, 2019 0 comment

INTERNATIONAL NEWS

Ex-US Army intelligence analyst muling ipinabilanggo ng US court

written by Gilbert Perdez

Muling ipinabilanggo ng korte sa Estados Unidos si dating Army Intelligence Analyst Chelsea Manning matapos tumangging humarap muli sa grand jury na siyang nag-iimbestiga sa WikiLeaks.

Makaraan ang brief hearing, ipinag-utos ni US District Judge Claude Hilton ang pagpataw ng ‘contempt’ kay manning nang sabihin nitong wala na siyang intensiyong tumestigo pa sa korte.

Ayon kay Manning, naibunyag na niya ang lahat ng kanyang mga nalalaman hinggil WikiLeaks.

Magugunitang noong July 2013 ay napatunayan ng court martial na ‘guilty’ si Manning sa kasong paglabag sa Espionage Act at iba pang kaso makaraang ibunyag nito ang daan-daang libong military at diplomatic documents.

March 9, 2019 0 comment

SPORTS

Hotshots pinadapa ang Aces sa score na 103-86

written by Gilbert Perdez

Walang awang pinadapa ng Magnolia ang Alaska sa score na 103-86 sa kanilang bakbakan sa PBA Philippine Cup na ginanap sa Ynares Center sa Antipolo.

Dahil dito, naitala ng Hotshots ang kanilang ikalawang panalo at lumalakas din ang kanilang pag-asang makakuha ng puwesto sa playoffs.

Kumamada si Ian Sangalang ng 24 points, kasama ang 14 rebounds at tatlong assists habang nagdagdag si Paul Lee ng 20 points at 19 points naman ang nasungkit ni Mark Barroca.

Sa isa pang laro, inilampaso naman ng TNT Katropa ang Blackwater Elite sa score na 127-89.

March 9, 2019 0 comment

NATIONAL NEWS

4 na hinihinalang karnaper patay sa Muntinlupa

written by Gilbert Perdez

Patay ang apat na hinihinalang karnaper na pawang nakasuot umano ng police uniform makaraang makipagbarilan sa mga awtoridad sa Biazon Road, Southville 3, Brgy. Poblacion, Muntinlupa City.

Wala pang pagkakakilanlan ang mga napatay na lalaki na ang tatlo ay dead on the spot habang hindi na umabot sa ospital ang isa pang carnapping suspect.

Ayon kay PNP-Highway Patrol Group Chief, police brigadier general Roberto Fajardo, isang lalaki ang tinangkang agawan ng kotse ng mga armadong lalaki na sakay ng isang itim na sasakyan sa Taguig.

Agad na nakipag-ugnayan ang HPG sa mga elemento ng Muntinlupa Police dahilan upang magsagawa ito ng Anti-Carnapping and Anti-Criminality Operations sa lugar.

Napadaan naman ang itim na Hyundai Accent sa Biazon Road na tumugma sa description ng naka-flash alarm na sasakyan kaya’t pinara ito ng mga pulis bandang alas-5:25 ng umaga.

Subalit sa halip na huminto ay bigla na lang nagpaputok ang mga ito hanggang sa maganap ang engkwentro na nagresulta sa kamatayan ng mga lalaki.

Tatlong short firearms, isang shotgun at isang bulto ng umano’y shabu ang narekober sa pinangyarihan ng insidente.

Natuklasan din sa pamamagitan ng LTO Mobile Query Tool na ang nakakabit na Conduction Sticker No. MP 0669 sa sasakyan ay para sa isang Hyundai Eon at hindi sa isang Accent.

Inaalam pa kung mga miyembro ng isang malaking sindikato ng karnaping ang mga napatay na suspek.

4 na hinihinalang karnaper na pawang nakasuot ng police uniform, patay makaraang makipagbarilan sa mga awtoridad sa Daang Reyna, Southville 3, Brgy. Poblacion, Muntinlupa City | via @gilbertperdez pic.twitter.com/JjsoXcXaW4

— DWIZ Newscenter (@dwiz882) March 8, 2019

March 8, 2019 0 comment

Newer Posts

Older Posts