Author

Gilbert Perdez

DWIZ 882

Posibleng pagbalik ng sakit na polio ibinabala ng DOH

Pinangangambahan ng Department of Health o DOH ang posibleng pagbabalik ng sakit na polio kasunod nang pagbaba ng bilang ng mga nabakunahan kontra sa nabanggit na sakit.

Ayon kay Health Sec. Francisco Duque, huling naitala sa Pilipinas noong 2000 ang nakakahawang sakit na polio na dulot ng poliovirus na sinasabing nakakaapekto sa utak at spinal cord ng isang indibidwal.

Kapag nahawakan ang dumi ng isang taong mayroong polio ay naipapasa ito sa iba at kadalasa’y tumatama ito sa mga kabataan.

Bunga nito, sinimulan na ng DOH ang synchronized polio vaccination sa mga batang edad limang taong gulang pababa.

Planong bakunahan ng DOH ang tinatayang nasa 6.8 milyong kabataan sa buong bansa.

September 1, 2019 0 comment

HEADLINES NATIONAL NEWS

2 kongresista nagkagirian sa paglipat sa National Unity Party

written by Gilbert Perdez

Umani ng batikos mula sa mga netizens si House Deputy Speaker Johnny Pimentel matapos umano nitong awayin at intrigahin si San Jose Del Monte (SJDM) Bulacan Rep. Rida Robes.

Una nang pinagalitan ni Pimentel si Robes nang magdesisyon ang kinatawan ng SJDM na lumipat sa National Unity Party (NUP).

Aniya, inabandona ng party leaders ang karamihan sa kanilang partymates sa kasagsagan ng pagtatalaga ng committee chairmanships at membership.

Sinabi din ni Pimentel na ang desisyon ni Robes na tumalon sa NUP ay ginawa nito “in bad faith” dahil ang paglipat umano niya ay nangyari nang siya ay pangalanan bilang chairperson ng Committee on People’s Participation na ipinagkaloob sa kanya ng PDP Congressional Leaders.

Subalit ayon sa ilang mga supporters ni Robes, marahil may dahilan ang paglipat ng kongresista ng SJDM sa NUP.

Gayunman, sinabi ng isang Win Adazul na nagkomento sa isang artikulo sa balita hinggil kay Robes na mas mainam siguro kung deretsahan na kinausap na lamang ng personal ni Pimentel ang kapwa niya mambabatas sa halip na ibulalas ang kanyang galit sa pamamagitan ng media.

Sabi naman ng isang Heather Lombre, hindi nang-iwan ang kanilang kinatawan na si Robes at batid umano ito ni Pimentel bilang deputy dpeaker.

Binatikos din nito si Pimentel sa pagiging “disrespectful” umano sa babae.

Ayon naman kay Don Mogarte, isang taong malapit kay Robes, sa halip na buweltahan ang mga malisyosong paratang ni Pimentel ay mas nanaig sa kongresista ang lubos na pagpapasalamat sa tiwalang ipinagkaloob sa kanya ng mga kapwa mambabatas.

August 10, 2019 0 comment

RONDA PROBINSYA

Hirit na proteksyon ni ex-Ozamis councilor ibinasura ng SC

written by Gilbert Perdez

Ibinasura ng korte suprema ang hirit ni dating Ozamiz City councilor Ricardo “Ardot” Parojinog na bigyan siya ng proteksyon kaugnay ng aniya’y harassment at mga banta sa kanya ng mga awtoridad.

Sa desisyon, binalewala ng mataas na hukuman ang ‘writ of amparo petition’ ni Parojinog at binigyang diin na wala siyang karapatang humingi nito dahil kasalukuyan na siyang nasa police custody.

Maliban dito, ibinasura rin ng korte ang hirit ni Parojinog na mag-isyu ng temporary protection order na pabor sa kanya.

July 12, 2019 0 comment

NATIONAL NEWS

Mga tumututol sa ‘mega franchise bill’ nadagdagan pa

written by Gilbert Perdez

Nadagdagan ang bilang ng mga tumututol sa ‘Mega Franchise Bill’ na ipinagkaloob ng Mababang Kapulungan ng Kongreso sa Solar Para sa Bayan Corporation (SPBC).

Ito’y makaraang lumiham ang Developers of Renewable Energy for Advancement (DREAM), Inc. kay Pangulong Rodrigo Duterte kung saan umapela ito na huwag payagan at ibasura ang ipinasang House Bill No. 8179 o SPBC franchise bill ng kongreso.

Sinasabing kabilang ang dream sa mga asosasyon ng developers ng iba’t ibang renewable energy projects gaya ng Philippine Solar Power Alliance, Biomass Renewable Energy Alliance at iba pa.

Babala ng grupo, sa oras na maalis ang kompetisyon sa merkado ito ay posibleng magresulta ito sa kakulangan ng pagbabago at pagpapabuti sa mga serbisyong enerhiya gayundin ang pagtaas sa singil sa kuryente.

Binigyang diin pa nito na wala namang malinaw na pagkakaiba sa pagitan ng SPBC at iba pang kompanya ng enerhiya na may mga kapasidad, mapagkukunan at malawak na karanasan sa operasyon sa distribusyon ng power technologies at mini-grid systems sa bansa.

July 12, 2019 0 comment

RONDA PROBINSYA

7,618 dengue cases naitala sa Zamboanga Peninsula – DOH

written by Gilbert Perdez

Nakapagtala ng 7,618 dengue cases ang Department of Health (DOH) Region 9 sa buong Zamboanga Peninsula.

Ayon sa DOH, pinakamaraming kaso ang naitala sa Zamboanga City mula Enero hanggang buwang kasalukuyan (2,494).

Sinasabing sumunod naman ang Zamboanga Sibugay (2,314), Zamboanga Del Sur (1,539), Zamboanga Del Norte (1,024) at Isabela City, Basilan (242).

Pahayag ni DOH Regional Coordinator Neo Walter Folgo, labis silang naaalarma dahil 285% ang itinaas ng kaso ngayong taon kumpara noong nakaraang taon.

July 12, 2019 0 comment

NATIONAL NEWS

Pamahalaan hinimok na tumugon sa panawagan ng UNHRC – Pangilinan

written by Gilbert Perdez

Hinimok ni Sen. Francis Pangilinan ang pamahalaan na tumugon sa panawagan ng United Nations Human Rights Council (UNHRC) kaugnay ng drug-related killings sa bansa.

Ayon kay Pangilinan, mahalaga ang kooperasyon ng bansa sa nabanggit na imbestigasyon ng U.N..

Binigyang diin ng senador na dapat bigyang daan ng executive department, Armed Forces of the Philippines at Philippine National Police ang gagawing pagsisiyasat ng U.N. hinggil sa usapin.

Dapat din aniyang pag-isipang muli ng mga mambabatas ang tungkol sa drug war policy ng administrasyon at humanap ng tunay at pangmatagalang solusyon sa problema sa droga sa bansa.

July 12, 2019 0 comment

HEADLINES RONDA PROBINSYA

‘Ang Probinsyano’ rep. na nanuntok ng waiter nag-sorry na

written by Gilbert Perdez

Humingi na ng paumanhin si Ang Probinsyano Rep. Alfred Delos Santos sa isang waiter na tinangka niyang suntukin sa loob ng isang restaurant sa Legazpi City, Albay.

Nabatid na pinuntahan mismo ni Delos Santos sa kanilang bahay ang 20-anyos na si Christian Kent Alejo ilang araw matapos makunan ng CCTV at mag-viral sa social media ang nangyari sa Bigg’s Diner.

Inamin ni Delos Santos na hindi siya dapat nawalan ng kontrol ng kanyang emosyon habang nilinaw niya rin na hindi siya ‘bully’.

Bukod dito, nag-sorry rin sa pamilya ni Alejo ang kongresista, gayundin sa kanyang party-list group.

July 12, 2019 0 comment

RONDA PROBINSYA

Lingig, Surigao Del Sur mayor posibleng makulong ng 16 taon

written by Gilbert Perdez

Posibleng makulong ng hanggang 16 taon si re-elected Mayor Roberto Luna Jr. ng Lingig, Surigao Del Sur.

Ito’y makaraang mapatunayan ng sandiganbayan na guilty si Luna sa mga kasong may kaugnayan sa illegal disbursement ng honoraria ng mga job order employee noong 2000.

Sa desisyon ng ikatlong dibisyon ng anti-graft court, pinatawan ng hanggang anim (6) na taong pagkakabilanggo si Luna para sa kasong falsification of public documents habang hanggang sampung (10) taon naman para sa kasong malversation.

Maliban dito, hindi na rin maaaring humawak ng anumang posisyon sa gobyerno si Luna at ginawaran din ito ng P1.6-million na multa.

Magugunitang kasama si Luna sa drug watchlist ni Pangulong Rodrigo Duterte at inaresto ito bago ang May 13 elections kasunod ng raid sa kanyang bahay kung saan nasabat mula rito ang ilang hindi lisensyadong baril at iligal na droga.

July 12, 2019 0 comment

RONDA PROBINSYA

‘Ang Probinsyano’ rep na nanuntok ng waiter iniimbestigahan ng sariling partido

written by Gilbert Perdez

Nabunyag na iniimbestigahan ngayon ng kanyang sariling party-list group ang isang mambabatas matapos umanong manuntok ng isang waiter sa isang restaurant sa Legazpi City.

Sinasabing sa isang kuha ng closed-circuit television camera (CCTV) sa Bigg’s Diner ay makikita ang panununtok ni Rep. Alfred Delos Santos ng Ang Probinsyano party-list sa 20-anyos na si Christian Kent Alejo.

Sa isang police report, bigla na lamang sinapak ni Delos Santos si Alejo sa hindi malamang dahilan at masuwerteng nakailag ang waiter.

Ayon naman kay Ang Probinsyano spokesman Joco Sabio, hindi sila mangingiming patawan ng suspensiyon o kaya’y sibakin si Delos Santos kapag napatunayang unprovoked attack ang ginawa ng kongresista.

Ang Probinsyano o Alyansa ng Mamamayang Probinsyano ay kabilang sa anim na party-list groups na nakakuha ng tigda-dalawang upuan noong May 13 elections.

July 12, 2019 0 comment

NATIONAL NEWS

Mga sundalong ‘di tapat kay Duterte dapat mag-bitiw – Ph Army spox

written by Gilbert Perdez

Naniniwala si Philippine Army Spokesman Lt. Col. Ramon Zagala na dapat mag-resign ang mga sundalong hindi tapat kay Pangulong Rodrigo Duterte.

Ayon kay zagala, kahit may kanya-kanyang pananaw ang mga kawal, dapat pa ring igalang ng mga ito ang presidente at sumunod sa kanyang utos bilang kanilang commander-in-chief.

Ginawa ni Zagala ang pahayag kasunod ng mga usap-usapan tungkol sa posibilidad na magkaroon ng kudeta sa hanay ng Armed Forces of the Philippines (AFP) at Philippine National Police (PNP).

Magugunitang tiniyak na rin ni AFP Spokesman Brig. Gen. Edgard Arevalo na mananatiling tapat ang mga sundalo sa watawat ng Pilipinas at sa saligang batas.

July 12, 2019 0 comment

Newer Posts

Older Posts