Author

Gilbert Perdez

DWIZ 882

Kumpirmadong kaso ng COVID-19 sa Cainta, Rizal nasa may 559 na

Pumalo na sa 356 ang bilang ng mga pasyenteng gumaling o nakarekober mula sa COVID-19 sa Cainta, Rizal.

Ayon kay Mayor Keith Nieto, 13 naman ang mga bagong nagpositibo sa kanyang nasasakupan, 8 ang bagong gumaling, habang walang naitalang casualty o nasawi sa loob ng 8 araw kaya’t nananatili sa 28 ang bilang ng mga namatay sa nabanggit na bayan.

Nasa 559 na ang kumpirmadong kaso sa Cainta habang umakyat sa 175 ang active cases kung saan 22 ang nakaratay o ginagamot sa ospital habang 153 ang naka-home quarantine.

Ayon kay Nieto, ang pinakamaraming nagpositibo sa COVID-19 ay ang Barangay San Andres na umaabot sa 192, sinundan ng Barangay San Isidro na 140 habang pinakakonti naman sa Barangay Sta. Rosa na umabot lamang sa 7 kaso.

Samantala, muli namang nagpaalala ang Alkalde sa mga residente na sumunod sa health protocols tulad ng pagsusuot ng face mask at face shields at pagsunod sa social distancing tuwing lalabas ng bahay upang maiwasan ang posibleng local transmission.

August 12, 2020 0 comment

NATIONAL NEWS

COVID-19 cases sa Muntinlupa umabot na sa 2,102

written by Gilbert Perdez

Umakyat na sa 2,102 ang mga kumpirmadong kaso ng COVID-19 sa Muntinlupa City.

Ayon kay Public Information Office Chief Tez Navarro, bukod dito’y mayroon nang 1,277 na total recoveries sa lungsod habang nasa 735 ang active cases.

90 naman ang mga nasawi habang mahigit 1,000 na ang suspect at probable cases sa Muntinlupa.

Samantala, mamamahagi naman ng 90,000 piraso ng face masks ang local na pamahalaan sa mga susunod na araw para sa mga health workers at mga residente.

August 12, 2020 0 comment

INTERNATIONAL NEWS

Mexico lalahok sa clinical trials sa posibleng COVID-19 vaccine

written by Gilbert Perdez

Lalahok ang Mexico sa mga gagawing clinical trials ng mga kompanya mula sa United States at China para sa mga posibleng bakuna laban sa coronavirus disease 2019 (COVID-19).

Ito’y makaraang lumagda ang Latin American nation sa Janssen Pharmaceuticals ng Johnson & Johnson, Cansino Biologics at Walvax Biotechnology para sa phase 3 trials na aarangkada sa susunod na buwan.

Sinasabing makakasama ng mga nabanggit na kompanya ang Sanofi na siya namang magsasagawa ng final stage trials.

August 12, 2020 0 comment

HEADLINES NATIONAL NEWS

PhilHealth officials mag-leave of absence muna —Drilon

written by Gilbert Perdez

Hinikayat ni Senate Minority Leader Franklin Drilon ang mga PhilHealth officials na mag-leave of absence muna habang sinisiyasat ng mga mambabatas at mga anti-corruption bodies ang hinihinalang korapsiyon sa state insurance firm.

Ayon kay Drilon, mahalagang magkaroon ng “reorganization” sa ahensya dahil sa pagkakasangkot nito sa mga anomalya.

Para kay Drilon, hindi maaaring ang paulit-ulit na lamang na gagawin dito ay pagpapalit ng mga opisyal lalo pa’t tila nagiging sistematiko na umano ang katiwalian dito.

Giit ng senador, kung hindi magle-leave ang mga nasasangkot na opisyal, maaaring palitan o galawin nila ang mga dokumento habang binubusisi ang mga alegasyon laban sa kanila.

August 12, 2020 0 comment

NATIONAL NEWS

QC gov’t nagtalaga ng karagdagang contact tracing teams

written by Gilbert Perdez

Mas pinaigting pa ng Quezon City government ang isinasagawa nitong contact tracing matapos magbukas ng mga satellite offices at magtalaga ng maraming tracing teams upang mapabilis ang pagsugpo sa coronavirus disease 2019 (COVID-19) sa mga komunidad.

Ayon kay Mayor Joy Belmonte, layon ng pagtatayo ng mga dagdag na contact tracing offices sa District 3 at District 6 na mapabilis ang pag-monitor sa mga posible at kumpirmadong kaso ng COVID-19 sa mga barangay.

Magtatayo rin ng mga katulad na satellite offices sa iba pang mga distrito sa mga susunod na araw.

August 12, 2020 0 comment

RONDA PROBINSYA

5 ruta ng bus sa Mindanao balik-operasyon na

written by Gilbert Perdez

Balik-operasyon na ang mga bus sa limang ruta sa Mindanao.

Ayon sa Yanson Group of Bus Companies (YGBC), binuksan na muli ng Inter-Agency Task Force (IATF) at Land Transportation Franchising and Regulatory Board (LTFRB) ang bus operations na una nang sinuspinde ng pamahalaan dahil sa coronavirus disease 2019 (COVID-19) pandemic.

Nangako naman si YGBC Spokesperson Celer Estologa na tatalima sila sa mga alituntuning ipinatutupad ng LTFRB office sa Caraga Region partikular ang mahigpit na health protocols sa loob ng mga bus at mga terminal.

Sinasabing naka-schedule ang mga inter-regional trips tuwing Martes, Huwebes, at Sabado.

August 12, 2020 0 comment

RONDA PROBINSYA

Death toll ng COVID-19 sa Western Visayas umakyat na sa 31

written by Gilbert Perdez

Sumirit na sa 31 ang bilang ng mga nasawi dahil sa coronavirus disease 2019 (COVID-19) sa Western Visayas kasunod ng pagpapanaw ng lima pang pasyente.

Ayon sa Department of Health-Western Visayas Center for Health

Development (DOH-CHD 6), naitala ang pinakamataas na bilang ng mga nasawi nitong Agosto 8.

Samantala, nabatid na mayroon nang 92 bagong coronavirus cases sa rehiyon kung saan 16 sa mga ito ay locally stranded individuals (LSIs) habang ang sampung iba pa ay pawang mga returning overseas Filipinos (ROFs).

August 9, 2020 0 comment

RONDA PROBINSYA

Aktibong kaso ng COVID-19 sa Cotabato City bumaba sa dalawa

written by Gilbert Perdez

Bumaba na sa dalawa ang bilang ng aktibong kaso ng coronavirus disease 2019 (COVID-19) sa Cotabato City.

Ito ang inanunsiyo ni Mayor Frances Cynthia Guiani-Sayadi matapos gumaling ang 26 sa 28 confirmed cases sa lungsod habang wala ring nasawi dahil sa virus.

Ayon sa alkalde, kasalukuyan pang ginagamot sa COVID-19 facility ang mga pasyente at umaasang makakarekober na ang mga ito sa lalong madaling panahon.

August 9, 2020 0 comment

HEADLINES NATIONAL NEWS

Philhealth chief nais dumalo sa Senate hearing via online

written by Gilbert Perdez

Inihirit ni PhilHealth President at Chief Executive Officer Ricardo Morales sa Senado na payagan siyang dumalo via online sa pagdinig kaugnay ng umano’y korapsiyon sa ahensya.

Sa pahayag na inilabas ng PhilHealth, binanggit na bagama’t nagsumite na ng kanyang medical certificate si Morales bunsod ng kanyang sitwasyong pangkalusugan, nais pa rin ng opisyal na um-attend online.

Matatandaang inihayag ni Sen. Panfilo Lacson ngayong weekend na katanggap-tanggap naman ang rason ni Morales kung bakit hindi ito makadadalo sa hearing.

Sinasabing may sakit kanser si Morales at kasalukuyang sumasailalim sa chemotherapy.

August 9, 2020 0 comment

HEADLINES

23 Pinoy abroad nakarekober sa COVID-19 —DFA

written by Gilbert Perdez

Umabot na sa 9,754 ang bilang ng mga Pilipino sa labas ng bansa na tinamaan ng coronavirus disease 2019 (Covid-19) matapos makapagtala ng 39 na bagong kumpirmadong impeksiyon ang Department of Foreign Affairs (DFA).

Wala namang nadagdag sa bilang ng mga nasawi kaya’t nananatili sa 708 ang death toll sa hanay ng mga Pinoy abroad.

Samantala, umakyat na 5,783 ang mga gumaling sa sakit kasama ang 23 na bagong recoveries na kasama ay mula sa Amerika, Gitnang Silangan at Africa.

August 9, 2020 0 comment

Newer Posts

Older Posts