Author

Gilbert Perdez

DWIZ 882

Lola ni Jusuf Nurkic nasawi dahil sa COVID-19

Inamin ni Portland big man Jusuf Nurkic na alay niya sa kanyang yumaong lola na tinamaan ng coronavirus disease 2019 (COVID-19) ang pagkapanalo ng Trail Blazers laban sa Memphis Grizzlies sa score na 126-122.

Ayon kay Nurkic, bago pa lamang siya sumalang sa laro ay nagluluksa na siya matapos pumanaw ang kanyang Lola Hana nang dapuan ito ng coronavirus.

Sa isang post, binanggit ng binansagang “Bosnian Beast” ang mga katagang “We did it, Grandma”, kasabay ng pangakong lalaban siya sa mga hamon ng buhay para sa kanyang lola.

Kahit namatayan, naglaro pa rin si Nurkic laban sa Grizzlies kung saan kumamada pa siya ng 22 points at 21 rebounds at naging dahilan din ito upang makapasok sila sa playoffs.

August 16, 2020 0 comment

RONDA PROBINSYA

Sultan Kudarat niyanig ng magnitude 5.1 na lindol

written by Gilbert Perdez

Niyanig ng magnitude 5.1 na lindol ang Sultan Kudarat.

Ayon sa Philippine Institute of Volcanology and Seismology (Phivolcs), natukoy ang sentro nito sa layong 66 kilometro timog kanluran ng bayan ng Kalamansig.

Sinasabing tectonic ang pinagmulan ng lindol na may lalim na 586 kilometro.

Wala namang inaasahang pinsala at aftershocks sa naturang pagyanig.

August 16, 2020 0 comment

RONDA PROBINSYA

Northern Mindanao naghahanda na para sa pagbubukas muli ng turismo sa kanilang rehiyon

written by Gilbert Perdez

Naghahanda na ang Northern Mindanao para sa pagbubukas muli ng turismo sa rehiyon sa gitna ng coronavirus disease 2019 (COVID-19) pandemic.

Gayunman, ibinabala ni Department of Tourism (DOT) Northern Mindanao Director May Salvaña-Unchuan na mahalagang masunod pa rin ng mga tourism establishments ang minimum health standards bago payagan ang pagbabalik-operasyon ng mga ito.

Ayon kay Salvaña-Unchuan, isa sa mga maipagmamalaki nila ay ang Camiguin na tinaguriang “number one dive tourism site” sa Northern Mindanao na sinundan naman ng Misamis Oriental.

August 16, 2020 0 comment

NATIONAL NEWS

COVID-19 benefits tuloy pa rin — PhilHealth

written by Gilbert Perdez

Tiniyak ng Philippine Health Insurance Corporation (PhilHealth) na maaari pa ring ma-avail ng kanilang mga miyembro ang mga coronavirus disease 2019 (COVID-19) benefits at iba pang mga benepisyo.

Ginawa ng PhilHealth ang paglilinaw matapos suspendihin ang Interim Reimbursement Mechanism (IRM) bunsod ng ginagawang pagdinig ng Kamara at Senado kaugnay ng mga umano’y anomalya sa ahensya.

Maliban dito, pinabulaanan din ng Philhealth ang mga paratang ng ‘favoritism’ sa paglalabas ng IRM funds, kasabay ng pagtitiyak na makikipagtulungan ito sa mga mambabatas ukol sa naturang usapin.

August 16, 2020 0 comment

NATIONAL NEWS

Ulat na umalis ng bansa si Pangulong Duterte hindi totoo —Spox

written by Gilbert Perdez

Pinabulaanan ng Malacañang na umalis ng bansa si Pangulong Rodrigo Duterte nitong weekend.

Ayon kay Presidential Spokesperson Harry Roque, kasalukuyang nasa bansa ang Presidente upang i-monitor ang mga hakbang ng gobyerno laban sa coronavirus disease 2019 (COVID-19).

Hindi naman tinukoy ni Roque kung saan o kanino galing ang report na lumabas ng bansa ang Pangulo.

Matatandaang huling nagkaroon ng foreign trip ang Pangulong Duterte noong November 2019 matapos dumalo sa 35th Summit of the Association of Southeast Asian Nations (ASEAN) sa Thailand.

August 16, 2020 0 comment

HEADLINES

Mga Pinoy abroad na nagpositibo sa COVID-19 umakyat na sa 9,896 —DFA

written by Gilbert Perdez

Tatlo pang Pilipino sa labas ng bansa ang tinamaan ng coronavirus disease 2019 (COVID-19).

Bunsod nito, ayon sa Department of Foreign Affairs (DFA), pumalo na sa 9,896 ang mga kumpirmadong kaso ng coronavirus doon.

Samantala, wala namang naitalang bagong recoveries at wala ring bagong insidente ng pagkamatay dahil sa COVID-19 sa hanay ng mga Pinoy abroad.

August 16, 2020 0 comment

HEADLINES

Kawani ng Kamara na nagpositibo ng COVID-19 sumampa na sa 44

written by Gilbert Perdez

Isa na namang empleyado ng House of Representatives ang tinamaan ng coronavirus disease 2019 (COVID-19).

Ayon kay House Secretary General Jose Luis Montales, ito na ang ika-44 na kaso ng COVID-19 sa Kamara.

Aniya, huling pumasok sa Plenary Support Service ang kawani noong Agosto 3 hanggang 5 at nakasalamuha nito ang isa pang COVID positive mula sa Committee on Rules.

Nagpapatuloy ang contact tracing upang matukoy ang iba pang mga nakasalamuha ng naturang empleyado.

August 16, 2020 0 comment

NATIONAL NEWS

Total coronavirus recoveries sa bansa pumalo na sa 112,586 —DOH

written by Gilbert Perdez

Nadagdagan ng 40,397 ang bilang ng mga gumaling mula sa coronavirus disease (COVID-19) sa Pilipinas.

Dahil dito, ayon sa Department of Health (DOH), sumipa na sa 112,586 ang total recoveries sa bansa.

Kinumpirma naman ng DOH ang pag-akyat sa 161,253 ng COVID cases nang makapagtala ng karagdagang 3,420 na bagong impeksiyon sa buong kapuluan.

Samantala, sumampa na sa 2,665 ang death toll kasunod ng pagpanaw ng 65 pang pasyente.

JUST IN: Kaso ng COVID-19 sa bansa, nadagdagan pa ng 3,420 ngayong Linggo, Agosto 16.

Dahil dito, pumalo na sa 161,253 ang kabuuang bilang ng kumpirmadong kaso ng COVID-19 sa bansa | https://t.co/HHOy7zaafm pic.twitter.com/P69q543aNL

— DWIZ Newscenter (@dwiz882) August 16, 2020

August 16, 2020 0 comment

HEADLINES RONDA PROBINSYA

Batanes niyanig ng magnitude 5 na lindol

written by Gilbert Perdez

Niyanig ng magnitude 5 na lindol ang Batanes kaninang umaga.

Ayon sa Phivolcs, natunton ang sentro ng pagyanig 57 kilometro sa bayan ng Sabtang.

Sinasabing tectonic in origin ang lindol at may lalim na dalawang kilometro.

Naramdaman din ang pagyanig sa mga bayan ng Uyugan, Ivana, Mahatao at Basco, at maging sa bayan ng Itbayat.

Wala pang naitatalang danyos o pinsala pero asahan na umano ang pagkakaroon ng aftershocks sa naturang lindol.

August 16, 2020 0 comment

SPORTS

Trailblazers wagi kontra Grizzlies

written by Gilbert Perdez

Inilampaso ng Portland Trailblazers ang Memphis Grizzlies sa score na 126-122 dahilan upang makapasok ito sa NBA playoffs ngayong taon.

Kumamada si Damian Lillard ng 31 points para sa Blazers habang nagdagdag naman si CJ McCollum ng 29 points.

Dahil sa panalong ito, makakaharap ng Blazers ang Los Angeles Lakers sa unang round ng West playoffs.

August 16, 2020 0 comment

Newer Posts

Older Posts