Nakapagtala ng 22 bagong kaso ng coronavirus disease 2019 (COVID-19) ang China.
Ayon sa mga health authorities, sa bilang na ito ay 14 ang imported o mga dayuhan habang locally transmitted naman ang iba pang kaso mula sa rehiyon ng Xinjiang at isa naman mula sa Guangdong province.
Samantala, ipinasara naman ang isang shopping center sa lungsod ng Shenzhen dahil sa naitalang kaso ng COVID-19 sa nabanggit na mall.
Nag-resign bilang general manager ng Sacramento Kings si Vlade Divac.
Ayon kay Kings owner Vivek Ranadive, pansamantalang hahalili kay Divac si Joe Dumars na dati ring manlalaro ng koponan.
Bagama’t mahirap para sa team na tanggapin ang naging desisyon ni Divac, ipinaliwanag ni Ranadive na naniniwala siyang ito ay bahagi ng magandang landas na tatahakin nila para sa binubuo nilang winning team na gusto ng kanilang mga tagahanga.
Magpupulong ang Metro Manila Council (MMC) bukas ng gabi upang pag-usapan ang magiging rekomendasyon nito ukol sa lockdown status sa National Capital Region (NCR).
Ginawa ni Parañaque City Mayor Edwin Olivares ang pahayag ilang araw bago mapaso ang Modified Enhanced Community Quarantine (MECQ) sa Metro Manila at iba pang mga karatig-lalawigan sa Agosto 18.
Pagkatapos naman ng pagpupulong ng mga Metro mayors, magbibigay ng final recommendation ang Inter-Agency Task Force (IATF) kay Pangulong Rodrigo Duterte.
Inihayag ng isang eksperto na posibleng ma-flatten ang curve ng coronavirus disease 201(COVID-19) bago matapos ang Agosto kung palalawigin pa ang Modified Enhanced Community Quarantine (MECQ) sa Metro Manila.
Ayon kay Dr. Guido David ng UP Institute of Mathematics, pababa na ang trend ng mga bagong test results habang nakatutulong ang MECQ sa pangyayaring ito.
Gayunman, sinabi ni David na malaki pa rin ang posibilidad na pumalo sa 200,000 ang mga kaso ng COVID-19 sa bansa sa katapusan ng kasalukuyang buwan
Kinumpirma ng Department of Social Welfare and Development (DSWD) na tinamaan ng COVID-19 ang 150 sa mga empleyado nito.
Ayon kay DSWD Director at Spokesperson Irene Dumlao, ilan sa mga kawaning nito ay mula sa iba’t ibang tanggapan ng ahensya at maging sa kanilang central office.
Aniya, ang nakakalungkot ay nahawahan ang mga nabanggit na empleyado habang namamahagi ng ayuda sa mga barangay na apektado ng COVID-19.
Maliban dito, nakasalamuha rin ng mga ito ang ilang locally stranded individuals (LSI)’s.
Sa kabila, tiniyak naman ni Dumlao na hindi makakaapekto sa kanilang mga operasyon ang naturang pangyayari.
Nilinaw ni Cabinet Secretary Karlo Nograles na bahagi pa rin siya ng Inter-Agency Task Force on COVID-19 (IATF) ng gobyerno kahit hindi na siya ang tagapagsalita ng nabanggit na ahensya.
Sa isang Facebook live video, binanggit ni Nograles na nagbigay-daan lamang siya kay Atty. Harry Roque nang muli itong italaga bilang presidential spokesperson.
Maliban dito, sinabi rin ni Nograles na bagama’t isa na lang ang napiling tagapagsalita para sa lahat ay tuloy-tuloy pa rin naman ang kanyang trabaho sa IATF.
Sumirit na sa 157,918 ang bilang ng mga dinapuan ng coronavirus disease 2019 (COVID-19) sa Pilipinas matapos makapagtala ng 4,351 na bagong kaso ang Department of Health (DOH).
Tulad ng inaasahan, nangunguna pa rin sa listahan ng may pinakaraming kaso sa loob lamang ng dalawampu’t apat na oras ang Metro Manila na mayroong 1,952 cases, sinundan ng Region 4A o Calabarzon na mayroong 566 cases, at Region 7 o Central Visayas na nakapagtala ng 181 confirmed cases.
Kasabay nito, pumalo na sa 72,209 ang total recoveries kasunod ng paggaling ng 885 na mga pasyente habang umakyat naman sa 2,600 ang death toll kasunod ng pagpanaw ng 156 na COVID positives.
JUST IN: Kaso ng COVID-19 sa bansa, nadagdagan pa ng 4,351 ngayong Sabado, Agosto 15.
Dahil dito, pumalo na sa 157,918 ang kabuuang bilang ng kumpirmadong kaso ng COVID-19 sa bansa | https://t.co/HHOy7zaafm pic.twitter.com/uXuOPC6ZqT
— DWIZ Newscenter (@dwiz882) August 15, 2020
Nadagdagan ng 15 ang mga Pilipino na nagpositibo sa coronavirus disease 2019 (COVID-19) sa labas ng bansa dahilan upang umakyat na sa 9,893 ang bilang ng mga ito.
Ayon sa Department of Foreign Affairs (DFA), umakyat na sa 725 ang bilang ng mga nasawi kasunod ng pagpanaw ng tatlo pang kababayan natin sa ibayong dagat.
Samantala, pumalo na sa 5,842 ang total recoveries matapos gumaling ang 19 pang Pinoy abroad.
Umakyat na sa 2.5 milyon ang bilang ng mga tinamaan ng coronavirus sa India.
Ito’y makaraang makapagtala ng 65,002 confirmed cases sa loob lamang ng isang araw.
Ayon sa Health Ministry, nadagdagan ng 996 ang bilang ng mga nasawi dahilan upang umakyat na sa 49,036 ang death toll sa nabanggit na bansa.
Dahil dito, kahanay na ngayon ng India ang Amerika at Brazil sa listahan ng may pinakamaraming kumpirmasyong kaso ng coronavirus disease 2019 (COVID-19) sa buong mundo.
Pinadapa ng Indiana Pacers ang Miami Heat sa score na 109-92 sa bakbakan nila sa NBA.
Si Doug McDermott ang nanguna sa Pacers sa pamamagitan ng kanyang 23 points.
Nagkaproblema sa laro ang Heat matapos magka-injury si forward Derrick Jones Jr.
Dahil sa panalo, ang indiana na ngayon ang fourth seed sa Eastern Conference.
Samantala, panalo rin ang Toronto Raptors laban sa Denver Nuggets sa score na 117-109 sa hiwalay nilang laro.