Author

Gilbert Perdez

DWIZ 882

Desisyon sa pagtestigo ni Mary Jane Veloso vs recruiters pinagtibay ng Korte Suprema

Pinagtibay ng Korte Suprema ang naunang desisyon nito na payagang tumestigo ang Filipina death row prisoner na si Mary Jane Veloso laban sa kanyang mga recruiters sa isang hiwalay na kaso sa Pilipinas.

Sa isang resolusyon, tuluyan nang ibinasura ng Special Third Division ng mataas na hukuman ang inihaing motion for reconsideration ng Public Attorney’s Office (PAO) bilang tagapagtanggol nina Cristina Sergio at Julius Lacanilao.

Kasalukuyang nakakulong sa Indonesia si Veloso matapos mahulihan ng dalawa’t kalahating kilo ng heroin sa loob ng kanyang luggage kaya’t pinatawan siya ng bitay ng korte sa nabanggit na bansa.

Naniniwala naman ang mga abogado ni Veloso na mako-convict ng korte sa Nueva Ecija ang mga nag-recruit sa kanya at maaaring makatulong ito upang maalis ito sa death row.

August 15, 2020 0 comment

SPORTS

Antigong sapatos ni Michael Jordan nabili sa auction sa halagang $615K

written by Gilbert Perdez

Nabili sa halagang $615,000 o katumbas ng mahigit P29 million ang Air Jordan 1 Highs na sapatos ni Michael Jordan sa Christie’s auction house sa Amerika.

Dahil dito, nabasag nito ang all-time record para sa basketball shoes na naitala ilang buwan na ang nakalipas kung saan nabili naman ang isa pang sapatos ni Jordan sa halagang $560,000 o halos P28 million.

Sinasabing isinuot ng basketball legend ang nabanggit na sneakers sa kontrobersiyal na exhibition match sa Italy noong 1985 matapos i-dunk ni Jordan ang bola na naging dahilan upang mabasag ang glass backboard.

August 15, 2020 0 comment

INTERNATIONAL NEWS

11 katao nasawin, 27 nawawala sa nangyaring landslide sa Nepal

written by Gilbert Perdez

Patay ang 11 katao habang 27 iba pa ang nawawala sa naganap na landslide sa isang village sa north-central Nepal.

Ayon kay local police official Madhav Kafle, tinatayang tatlumpu’t pitong bahay sa gilid ng burol ang natabunan ng rumagasang putik at tubig-baha dahil sa halos walang tigil na pagbuhos ng ulan.

Nagpapatuloy ang search and rescue ng mga awtoridad para sa mga nawawalang residente.

August 15, 2020 0 comment

NATIONAL NEWS

Libreng COVID-19 tests para sa mga Pasigueño inilunsad

written by Gilbert Perdez

Nag-alok ang lokal na pamahalaan ng Pasig ng libreng COVID-19 tests para sa mga residente.

Pero nilinaw ni City Mayor Vico Sotto na ito’y handog nila para lamang sa mga lehitimong Pasigueño.

Ayon kay Sotto, para ma-avail ang libreng test, maaaring magpa-reserve muna sa pamamagitan ng official social media accounts ng LGU at magdala ng identification card na magpapatunay na ito’y residente ng lungsod.

August 15, 2020 0 comment

INTERNATIONAL NEWS NATIONAL NEWS

5 pang Pinoy sa ibayong dagat tinamaan ng COVID-19

written by Gilbert Perdez

5 pang Pilipino sa labas ng bansa ang tinamaan ng COVID-19.

Bunsod nito, ayon sa Department of Foreign Affairs (DFA), sumirit na sa 9,878 ang mga nagpositibong Pinoy sa abroad.

Nananatili naman sa 722 ang death toll habang umakyat na sa 5,823 ang total recoveries kasunod ng paggaling ng dalawa pang kababayan natin sa ibayong dagat.

August 15, 2020 0 comment

HEADLINES

RTVM nananatiling sarado hanggang Agosto 18

written by Gilbert Perdez

Nananatiling sarado ang tanggapan ng Radio Television Malacañang (RTVM) sa Malacañang complex hanggang Agosto 18.

Sa advisory ng RTVM, tanging ang mga personnel na obligadong pumasok ang maaaring pumasok habang nagtatrabaho naman ang ilan sa kanila sa pamamagitan ng “work from home” arrangement bilang pag-iingat laban sa COVID-19.

Una nang isinailalim sa lockdown ang RTVM mula July 28 hanggang Aug. 11 upang bigyang daan ang decontamination efforts makaraang magpositibo sa COVID-19 ang isa sa mga empleyado nito.

August 14, 2020 0 comment

RONDA PROBINSYA

Magkapatid na pulis sa Bacolod City nagpositibo sa COVID-19

written by Gilbert Perdez

Nagpositibo sa coronavirus disease 2019 (COVID-19) ang magkapatid na pulis sa Bacolod City.

Ayon kay Bacolod City Police Office (BCPO) Spokesperson Police Lt. Col. Ariel Pico, nakatalaga sa pulisya sa lungsod ang isa sa mga pasyente na isang babae habang tinamaan din ng coronavirus ang kapatid nitong lalaki na naka-assign naman sa Police Station 9.

Kasalukuyan nang naka-quarantine ang magkapatid at walang anumang nararamdamang sintomas ng COVID-19.

August 14, 2020 0 comment

NATIONAL NEWS

COVID-19 cases sa bansa umakyat na sa 153,660 —DOH

written by Gilbert Perdez

Sumipa na sa 153,660 ang kabuuang bilang ng mga kumpirmadong kaso ng COVID-19 sa Pilipinas.

Ito’y makaraang makapagtala ng 6,216 na bagong impeksiyon ang Department of Health (DOH) na pangalawang pinakamataas na naitala sa isang araw kasunod ng 6,901 confirmed cases noong Agosto 10.

Umakyat naman sa 71,405 ang bilang ng mga gumaling kasunod ng 1,038 na recoveries na naitala kahapon.

Samantala, sumampa na sa 2,442 ang death toll sa bansa kasunod ng pagpanaw ng labing-anim pang pasyente.

JUST IN: Kaso ng COVID-19 sa bansa, nadagdagan pa ng 6,216 ngayong Biyernes, Agosto 14.

Dahil dito, pumalo na sa 153,660 ang kabuuang bilang ng kumpirmadong kaso ng COVID-19 sa bansa | https://t.co/HHOy7zaafm pic.twitter.com/kWH21wdoEo

— DWIZ Newscenter (@dwiz882) August 14, 2020

August 14, 2020 0 comment

HEADLINES

2 BI officers nais kasuhan ng NBI dahil sa umano’y pamemeke ng travel records ng ex-Wirecard exec

written by Gilbert Perdez

Inirekomenda ng National Bureau of Investigation (NBI) ang pagsasampa ng kaso sa Department of Justice (DOJ) laban sa dalawang Bureau of Immigration (BI) dahil sa umano’y pamemeke ng travel records ni dating Wirecard Chief Operating Officer Jan Marsalek.

Kinilala ni NBI officer-in-charge director Eric Distor ang mga immigration officers na sina Perry Michael Pancho ng Mactan Cebu International Airport (MCIA) at Marcus Nicodemus ng Ninoy Aquino International Airport (NAIA) Terminal 1 sa Pasay City.

Kasama sa mga inirekomendang kaso laban kina Pancho at Nicodemus ay falsification of public documents, paglabag sa code of conduct and ethical standards for public officials and employees at anti-graft and corrupt practices act.

Giit ni Distor, pinalabas nina Pancho at Nicodemus na nagkaroon ng arrival at departure records si Marsalek sa Pilipinas mula Hunyo 23 hanggang 24 sa kabila ng travel restrictions upang iligaw ang mga imbestigador na humahabol sa suspek sa Europa.

August 13, 2020 0 comment

HEADLINES

Total coronavirus recoveries sa Muntinlupa pumalo na sa 1,382

written by Gilbert Perdez

Nadagdagan ng 64 ang bilang ng mga tinamaan ng coronavirus disease 2019 (COVID-19) sa Muntinlupa City.

Dahil dito, ayon kay Public Information Office Chief Tez Valencia-Navarro, umakyat na sa 2,165 ang mga nagpositibo sa coronavirus sa lungsod.

Sumampa na rin sa 1,382 ang total recoveries sa Muntinlupa habang 95 naman ang bilang ng mga nasawi.

Samantala, namahagi naman ang Muntinlupa LGU ng food packs sa Muslim communities sa Balbanero Compound sa Brgy. Alabang na pawang apektado ng pandemya.

Matatandaang namigay din ng food packs ang lokal na pamahalaan sa mga nawalan ng trabaho sa lungsod, kabilang na ang mga jeepney at pedicab drivers.

August 13, 2020 0 comment

Newer Posts

Older Posts