Author

Gilbert Perdez

DWIZ 882

Mahigit P2-M halaga ng shabu nasabat sa BARMM

Mahigit P2 milyong halaga ng hinihinalang shabu ang nasabat ng mga awtoridad mula sa dalawang drug suspects sa ikinasang buy-bust operation sa Bangsamoro Autonomous Region in Muslim Mindanao (BARMM).

Kinilala ang mga suspek na sina Kokodao Marangit Bobo, alyas Faisal Cader Lomna; at Musa Manding Sarom, kapwa nakatira sa Tamparan, Lanao del Sur.

Ayon sa PDEA, nadakip ang dalawa suspek sa Brgy. Lalabuan, Balindong kung saan nakuha mula sa kanila ang tinatayang tatlong daang gramo ng umano’y shabu, isang libong pisong cash, buy-bust money, dalawang cellphone, isang sasakyan, apat na pirasong identification cards o IDs, at iba pang gamit ng mga ito.

Kasong paglabag sa Comprehensive Dangerous Drugs Act of 2002 ang isasampa laban sa mga suspek.

August 20, 2020 0 comment

SPORTS

Boston Celtics nasungkit ang 2-0 lead kontra Sixers

written by Gilbert Perdez

Nasungkit ng Boston Celtics ang 128-101 victory laban sa Philadelphia 76ers dahilan upang makuha ang 2-0 lead sa kanilang Eastern Conference first-round series.

Tumipa si Jayson Tatum ng 33 points habang umiskor si Kemba Walker chipped ng 22 points para sa Boston.

Samantala, si Joel Embiid ang nanguna sa 76ers sa pamamagitan ng kanyang 34 points.

Naghabol ng labing-apat na puntos ang Celtics sa unang quarter pero nakabawi ito sa dulo ng laro at nasikwat ang panalo.

August 20, 2020 0 comment

RONDA PROBINSYA

Dating rebelde, drug surrenders sa Agusan del Norte binigyan ng tulong pangkabuhayan

written by Gilbert Perdez

Binigyan ng tulong pangkabuhayan ang mga dating rebelde at drug surrenders sa Agusan del Norte sa gitna ng coronavirus disease 2019 (COVID-19) crisis.

Ayon kay Department of Agriculture Caraga (DA-13) Executive Director Abel James Monteagudo, ito ay bahagi ng People Empowerment in Agriculture for Community Enhancement o Project PEACE sa pakikipagtulungan ng lokal na pamahalaan, Technical Education Skills Development Authority (TESDA), Agricultural Training Institute (ATI), Philippine Army, at Philippine National Police (PNP).

Sa ilalim ng programa, tinuturuan ang mga benepisyaryo na maging produktibo sa pagsasaka gamit ang makabagong teknolohiya.

Layon din nitong matiyak ang food security sa lalawigan pamamagitan ng food production ngayong panahon ng pandemya.

August 20, 2020 0 comment

HEADLINES

Libreng swab testing sa San Juan City umarangkada na

written by Gilbert Perdez

Umarangkada na ang libreng swab testing na handog ng lokal na pamahalaan para sa mga residente ng San Juan City.

Ayon kay City Mayor Francis Zamora, ginawang testing center ang San Juan Gymnasium upang matukoy ang mga health workers at iba pang frontliners na positibo sa coronavirus disease 2019 (COVID-19).

Ang nabanggit na testing facility ay may kapasidad na 500 hanggang 700 tests kada araw.

August 20, 2020 0 comment

RONDA PROBINSYA

Isang pulis pinatay umano ng mga NPA sa Surigao Del Norte

written by Gilbert Perdez

Pinatay umano ng New People’s Army (NPA) ang isang pulis na dinukot ng mga ito noong Hulyo 31 sa Barangay San Isidro, Sison, Surigao del Norte.

Ayon sa 901st Infantry Brigade ng Philippine Army, si Police Staff Sergeant Restie Dandan ay sinasabing binihag ng mga kasapi ng Guerrilla Front 16 ng NPA na pinamumunuan ng isang Rolando Leyson Jr.

Si Dandan ay natagpuang patay at may tama ng bala sa iba’t-ibang bahagi ng katawan sa Barangay Matin-ao sa bayan ng Mainit makaraan ang 18 araw na pagkakabihag.

Tinawag naman ni Brigade Commander Col. George Banzon na walang puso ang mga rebeldeng pumaslang kay Dandan.

August 19, 2020 0 comment

HEADLINES NATIONAL NEWS

Pagtaas ng bilang ng mga kabataang nagkakaroon ng COVID-19 sa Muntinlupa ikinabahala

written by Gilbert Perdez

Nagpahayag ng pagkabahala ang Muntinlupa Council for the Protection of Children (MCCPC) sa tumataas na bilang ng kaso ng COVID-19 sa hanay ng mga kabataan.

Dahil dito, nanawagan si MCCPC Chair at Mayor Jaime Fresnedi sa mga magulang na gabayan at bantayang mabuti ang kanilang mga anak.

Nagpatawag din ng emergency meeting si Fresnedi sa mga miyembro ng konseho at mga kinatawan ng mga barangay kung saan tinalakay nito kung paano matutugunan ang health crisis na kinasasangkutan ng mga kabataan.

Ayon kay City Health Officer Dra. Teresa Tuliao, tumataas ang bilang ng mga nagpopositibo sa COVID-19 sa hanay ng 0-19 age group at hinihinalang nangyayari ang transmission sa tuwing lumalabas o naglalaro ang mga ito sa labas ng kanilang bahay.

Maliban dito, tinalakay din sa pagpupulong ang lumalalang teenage pregnancy o maagang pagbubuntis ng mga teenager ngayong patuloy na umiiral ang community quarantine.

August 19, 2020 0 comment

HEADLINES RONDA PROBINSYA

Mahigit 200 aftershocks naitala kasunod ng malakas na paglindol sa Masbate — PHIVOLCS

written by Gilbert Perdez

Nakapagtala ng mahigit 200 aftershocks ang Philippine Institute of Volcanology and Seismology (PHIVOLCS) kasunod ng magnitude 6.6 na lindol sa Masbate.

Ayon kay PHIVOLCS Director Renato Solidum Jr., ang mga pagyanig ay may lakas na magnitude 1.6 hanggang magnitude 5.2.

Ipinaliwanag naman ni Solidum na umuga ang lupa sa Masbate matapos gumalaw ang parte nito na karugtong ng Philippine Fault Zone.

Ibinabala rin ng opisyal na dapat maghanda sa mas malakas pang pagyanig ang mga tao dahil walang pinipiling panahon ang lindol kahit pa sa gitna ng pandemya.

August 19, 2020 0 comment

SPORTS

Portland Trail Blazers wagi kontra Los Angeles Lakers sa score na 100-93

written by Gilbert Perdez

Pinadapa ng Portland Trail Blazers ang Los Angeles Lakers sa score na 100-93 sa kanilang laro sa round 1 ng NBA playoffs.

Si Damian Lillard ang bumuhat sa Portland nang kumana ito ng 34 points habang si Lebron James naman ang nanguna sa Lakers na kumamada ng 23 points pero hindi ito sapat para maipanalo nila ang nabanggit na laro.

Nangako ang Lakers na babawi sa kanilang fans sa game 2 ng kanilang serye laban sa Blazers.

August 19, 2020 0 comment

HEADLINES RONDA PROBINSYA

Local gov’t employee kalaboso sa panggagahasa ng LSI sa Leyte

written by Gilbert Perdez

Kalaboso ang isang local government employee sa Villaba, Leyte matapos umanong gahasain ang isang locally-stranded individual (LSI) sa loob ng binabantayan nitong quarantine facility.

Kinilala ni Villaba Mayor Jorge Veloso ang suspek na si Ronnie Condes, 49-anyos, at residente ng Barangay Tinghub sa nasabing bayan.

Sa salaysay ng biktima, kauuwi lang niya galing Cebu at bilang pagtalima sa health protocols ay sumalang siya sa 14-day quarantine period sa loob ng municipal quarantine facility.

Ngunit ginahasa umano siya ng dalawang beses ng suspek habang tinututukan ng baril sa loob ng nabanggit na pasilidad.

August 19, 2020 0 comment

INTERNATIONAL NEWS

SoKor isinisisi sa lider ng isang religious sector ang pagtaas ng COVID-19 cases sa kanilang bansa

written by Gilbert Perdez

Isinisisi ng South Korea sa lider ng isang religious sector ang pagtaas ng kaso ng coronavirus disease 20-19 (COVID-19) sa kanilang bansa.

Giit ng Health Ministry, nilabag ni Rev. Jun Kwang-hoon ng Sarang Jeil Church ang self-isolation rules at ginulo ang imbestigasyon ng gobyerno kaugnay ng outbreak.

Sinasabing nakapagtala ng mahigit isang daang kaso ng COVID-19 ang South Korea dahil sa ginawang rally ng grupo habang hindi rin umano ito nakikipagtulungan sa mga awtoridad nang tumangging magsumite ng pangalan ng kanilang mga miyembro para sa testing at contact tracing ng pamahalaan.

August 16, 2020 0 comment

Newer Posts

Older Posts