Dalawa pang Pilipino abroad ang tinamaan ng coronavirus disease 2019 (COVID-19)
Dahil dito, ayon sa Department of Foreign Affairs (DFA), pumalo na sa 9,975 ang kabuuang impeksiyon sa hanay ng mga Pinoy sa labas ng bansa.
Nananatili naman sa 733 ang death toll habang 5,869 pa rin ang total recoveries dahil parehong walang nadagdag sa mga nasabing bilang.
Umakyat na sa 182,365 ang coronavirus disease 2019 (COVID-19) cases sa Pilipinas.
Ito’y makaraang makapagtala ang Department of Health (DOH) ng 4,786 na bagong impeksiyon.
Sinasabing mahigit kalahati o 2,716 sa bagong kaso ay mula sa National Capital Region (NCR).
Kasabay nito, pumalo na sa 114,519 ang total recoveries kasunod ng paggaling ng 616 pang pasyente.
Samantala, sumampa na sa 2,940 ang mga nasawi dahil sa 59 na nadagdag sa naturang bilang.
JUST IN: Kaso ng COVID-19 sa bansa, nadagdagan pa ng 4,786 ngayong Biyernes, Agosto 21.
Pumalo na sa kabuuang 182,365 ang bilang ng kumpirmadong kaso ng COVID-19 sa bansa. Mayroon namang 64,906 naitalang active cases. | https://t.co/HHOy7zaafm pic.twitter.com/tlR9gVBMVg
— DWIZ Newscenter (@dwiz882) August 21, 2020
Ipinagmalaki ng Philippine Drug Enforcement Agency (PDEA) na nalansag na nila ang mga malalaking shabu laboratories sa bansa.
Ginawa ni PDEA Director General Wilkins Villanueva ang pahayag matapos pangunahan ang pagwasak sa P13 bilyong halaga ng iba’t ibang uri ng bawal na droga sa Trece Martires City, Cavite.
Ayon kay Villanueva, patuloy nilang binabantayan ang galaw ng mga sindikato ng droga dahil batay sa nakakalap nilang impormasyon ay galing pa sa ibayong dagat ang mga nakakapasok na illegal drugs sa bansa.
Walong komunidad sa Tanauan, Leyte ang isinailalim sa lockdown upang maiwasan ang paglaganap ng coronavirus disease 2019 (COVID-19).
Sa isang executive order na nilagdaan ni Mayor Pelagio Tecson Jr., inilagay sa mahigpit na “movement restrictions” ang mga barangay ng Licod, Camire, Zone 1 sa San Roque, Zones 5 at 6 sa Sta. Elena, GK Peninsula relocation site sa Maribi, at Zone 4 sa Cahumayhumayan.
Ayon kay Tecson, natukoy na nila ang mga nakasalamuha ng ilang mga COVID-19 positives at naka-quarantine na ang mga ito.
Paliwanag ng alkalde, kailangang ikasa ang lockdown sa mga naturang lugar upang mapabilis ang isasagawang testing at contact tracing activities.
Rumesbak ang Los Angeles Lakers sa Portland Trailblazers matapos sungkitin ang 111-88 victory sa Game 2 ng kanilang best-of-7 Western Conference first-round series.
Kumamada si Anthony Davis ng 31 points at 11 rebounds habang nagdagdag naman si LeBron James ng 10 points at 7 assists.
Samantala, si Damian Lillard naman ang nanguna sa Blazers sa pamamagitan ng ka nyang 18 points.
Sinasabing nagkaroon ng injury sa daliri si Lillard pero nangako itong lalaro sa Game 3 ng kanilang serye laban sa Lakers.
Kasado na ang localized lockdown sa Barangay San Isidro, Parañaque City upang mapigilan ang paglaganap ng nakamamatay na coronavirus disease 2019 (COVID-19).
Layunin ng kautusan na maisagawa ng mga health workers ang malawakang swab tests sa mga residente ng barangay.
Matatandaang ipinag-utos ng pamahalaang lungsod ng Parañaque ang pagpapatupad ng localized lockdown upang matutukan ang pagsasagawa ng COVID-19 tests at disinfection sa naturang lugar.
Naglabas ng bagong guidelines ang lokal na pamahalaan ng Makati ukol sa dine-in services na ipapatupad sa tuwing isasailalim sa state of calamity, public health emergency o katulad na emergency declarations ang lungsod.
Ayon kay Mayor Abby Binay, sisimulang ipatupad sa August 31, 2020 ang City Ordinance No. 2020-165 na ipinasa ng Sangguniang Panlungsod noong Miyerkules kaugnay ng layuning maagap na pigilan ang pagkalat ng mga nakakahawang sakit, pandemya, epidemya, at iba pang uri ng outbreak.
Inatasan naman ang mga may-ari ng mga food business na may dine-in services na mahigpit na sumunod sa mga itinakdang alituntunin ng ordinansa.
Ipinaliwanag ni Binay na bagama’t nauunawaan ng pamahalaang lungsod na kailangan nilang kumita upang malagpasan ang krisis, mangingibabaw pa rin ang kahalagahan ng kalusugan at kaligtasan ng kustomer.
Hindi sakop ng uniform curfew ang food deliveries.
Ginawa ni Metropolitan Manila Development Authority (MMDA) General Manager Jojo Garcia ang paglilinaw kasunod ng pagbabalik sa general community quarantine (GCQ) ng Metro Manila.
Paliwanag ni Garcia, nagkasundo ang mga alkalde sa National Capital Region (NCR) na i-exempt ang mga fast-food chains at restaurants sa curfew mula alas-8:00 ng gabi hanggang alas-5:00 ng umaga.
Maliban dito, sinabi ni Garcia na pinapayagan din ang 24/7 na food deliveries ng mga restoran o fast-food chains.
Sumipa na sa 178,022 ang COVID-19 cases sa Pilipinas makaraang makapagtala ang Department of Health (DOH) ng 4,339 na bagong impeksiyon.
Ayon sa DOH, nasa 61,025 ang aktibong kaso sa kasalukuyan habang pumalo na sa 114,114 ang total recoveries kasunod ng paggaling ng 727 na pasyente.
Samantala, umakyat na sa 2,883 ang kabuuang death toll sa buong bansa matapos masawi ang 88 pang COVID-19 positives.
JUST IN: Kaso ng COVID-19 sa bansa, nadagdagan pa ng 4,339 ngayong Huwebes, Agosto 20.
Pumalo na sa kabuuang 178,022 ang bilang ng kumpirmadong kaso ng COVID-19 sa bansa. Mayroon namang 61,025 naitalang active cases. | https://t.co/HHOy7zaafm pic.twitter.com/KLH2WCbQl0
— DWIZ Newscenter (@dwiz882) August 20, 2020
Isasailalim sa state of calamity ang isang sityo sa Cebu City dahil sa malakas na ulan, hangin at baha dahilan upang mapinsala ang maraming bahay sa lugar.
Ayon kay Brgy. Captain Eduardo Gabriano, gagawin ang deklarasyon upang mapabilis ang paglalabas ng pondo at matugunan ang pangangailangan ng mga apektadong residente.
Nasa 18 bahay ang nasira sa Sitio Manugoksok, Barangay Bonbon na dulot ng pag-apaw ng ilog.
Wala namang naitalang casualties sa kalamidad.