Gilbert Perdez

Pumalo na sa 10,117 ang bilang ng mga Pilipinong tinamaan ng coronavirus disease 2019 (COVID-19) sa labas ng bansa matapos makapagtala ang Department of Foreign Affairs (DFA) ng isang bagong impeksiyon.

Gayunman, ayon sa DFA, nasa 3,075 lamang ang kasalukuyang nagpapagaling dahil nakarekober na ang 6,284 sa mga ito.

Mas marami namang Pinoy ang dinapuan ng COVID-19 sa Gitnang Silangan at Africa na sinundan ng Asia Pacific, Europa at Estados Unidos.

Samantala, nananatili naman sa 758 ang death toll sa hanay ng mga Pinoy abroad dahil walang fatality na naitala sa nakalipas na 24 oras.

Sumirit na sa 234,570 ang bilang ng mga nagpositibo sa COVID-19 sa buong bansa.

Ito’y makaraang makapagtala ang Department of Health (DOH) ng 2,529 na bagong kumpirmadong kaso.

Kaugnay nito, umakyat na sa 161,668 ang total recoveries kasunod ng paggaling ng 1,136 na COVID-19 positives.

Samantala, sumampa na sa 3,790 ang death toll sa bansa matapos pumanaw ang 53 pang pasyente.

JUST IN: Kaso ng COVID-19 sa bansa, nadagdagan pa ng 2,529 ngayong Sabado, Setyembre 5.

Pumalo na sa kabuuang 234, 570 ang bilang ng kumpirmadong kaso ng COVID-19 sa bansa. Mayroon namang 69,112 naitalang active cases. | https://t.co/HHOy7zaafm pic.twitter.com/CdFTDnuRe7

— DWIZ Newscenter (@dwiz882) September 5, 2020

Inatasan ng Joint Task Force COVID Shield ang lahat ng mga hepe ng pulisya na i-monitor ang social media kaugnay ng mga posibleng paglabag sa quarantine protocols.

Ayon kay Police Lt. Gen. Guillermo Eleazar, commander ng task force, kasama sa mga puwedeng tingnan ay ang mga ipino-post ng mga netizens tulad ng mga larawan ng mga nag-iinuman at iba pang ng selebrasyon.

Paliwanag ni Eleazar, maaaring gamitin ang mga ito bilang ebidensya laban sa mga pasaway na mamamayan kung saan maaari ring ipatawag o pagmultahin ang mga violators sa tulong ng mga opisyal ng barangay

Umabot na sa 10,116 ang mga Pilipinong dinapuan ng coronavirus disease 2019 (COVID-19) sa ibang bansa matapos makapagtala ng tatlong bagong kaso ang Department of Foreign Affairs (DFA).

Sa nabanggit na bilang, sumampa na sa 6,284  ang total recoveries kasunod ng paggaling ng siyam pang pasyente

Samantala, umakyat na sa 758 ang death toll matapos pumanaw ang isa pang kababayan natin sa ibayong dagat.