Nadagdagan pa ng apat ang mga Pilipinong tinamaan ng coronavirus disease 2019 (COVID-19) dahilan upang umakyat sa 10,390 ang bilang ng mga naitalang impeksiyon sa labas ng bansa.
Gayunman, ayon sa Department of Foreign Affairs (DFA), nasa 3,019 na lamang kasalukuyang ginagamot matapos makarekober ang 6,594 na mga pasyente.
Samantala, nakapako naman sa 777 ang bilang ng mga nasawi dahil walang naitalang bagong fatality sa hanay ng mga Pinoy sa ibayong dagat.
Patay ang isang 89-anyos na matandang babae matapos tamaan ng coronavirus disease 2019 (COVID-19) sa bayan ng Concepcion sa Tarlac.
Bunga nito, ayon sa Department of Health (DOH), pumalo na sa 15 ang mga nasawi sa probinsya dahil sa virus.
Nasa 395 na ang kumpirmadong kaso sa lalawigan habang 224 naman ang active cases.
Ayon naman sa Tarlac COVID-19 Task Force, ang pinakahuling iginupo ng COVID-19 sa probinsya ay mula sa Barangay San Nicolas Poblacion na pumanaw sa mismong araw nang lumabas ang resulta ng isinagawang swab test.
Isiniwalat ng Department of Interior and Local Government (DILG) na karamihan sa mga nag-apply bilang contact tracers sa Quezon City ay kulang-kulang ang mga ipinasang requirements.
Katunayan, ayon kay DILG-QC director Emmanuel Borromeo, sa 1,000 aplikante, nasa 364 lamang ang mga nakapagsumite ng kumpletong requirements tulad ng letter of intent, personal data sheet, National Bureau of Investigation clearance, at drug test result.
Nilinaw naman ni Borromeo na hanggang Setyembre 23 lamang ang recruit process na gagawin nila.
Umakyat na sa 229,865 ang kabuuang bilang ng mga nakarekober mula sa coronavirus disease 2019 (COVID-19) sa Pilipinas.
Ayon sa Department of Health (DOH), ito’y kasunod nang paggaling ng 20,021 na pasyente.
Dahil dito, nasa 51,894 na lamang ang active cases.
Nakapagtala naman ng DOH ng 3,311 na bagong impeksiyon dahilan upang sumirit sa 286,743 ang kabuuang bilang ng mga tinamaan ng coronavirus sa bansa.
Samantala, sumampa naman sa 4,984 ang death toll kasunod nang pagpanaw ng 55 pang COVID-19 patients.
JUST IN: Kaso ng COVID-19 sa bansa, nadagdagan pa ng 3,311 ngayong Linggo, Setyembre 20.
Pumalo na sa kabuuang 286,743 ang bilang ng kumpirmadong kaso ng COVID-19 sa bansa. Mayroon namang 51,894 naitalang active cases. | https://t.co/HHOy7zaafm pic.twitter.com/fbQa7DvSWd
— DWIZ Newscenter (@dwiz882) September 20, 2020
Patay ang 11 sibilyan at 40 Taliban fighters habang sugatan ang maraming iba pa sa isinagawang airstrikes ng security forces sa kampo ng mga rebelde sa Afghanistan.
Bagama’t inamin ng defense ministry officials na marami silang napatay na mga rebelde, hindi nito makumpirma kung may mga nadamay na sibilyan sa mga airstrikes.
Kabilang sa mga nilusob ng puwersa ng pamahalaan ay ang mga kuta ng Taliban sa Kabul at Kunduz.
Matatandaang nanawagan ng tigil-putukan si Afghan President Ashraf Ghani pero binalewala ito ng mga rebelde dahilan upang gumanti ang gobyerno.
Buhay pa ang Boston Celtics sa Eastern Conference Finals matapos manalo sa Game 3 ng serye laban sa Miami Heat sa score na 117-106.
Nakakuha si Jaylen Brown ng 26 points habang nag-ambag si Jayson Tatum ng 25 points para sa Celtics.
Sisikapin naman ng Voston na manalo sa susunod na laro upang makatabla sa serye laban sa Miami.
May nakaambang dagdag-presyo sa mga produktong petrolyo sa susunod na linggo makaraan ang big-time na price rollback noong nakaraang Martes.
Ayon sa source ng DWIZ mula sa industriya, tinatayang papalo sa P0.60
hanggang P0.70 bawat litro ang magiging umento sa halaga ng gasoline habang aabot naman sa P0.10 hanggang P0.15 ang price hike sa diesel.
Napag-alaman naman na maglalaro sa P0.50 hanggang P0.60 kada litro ang magiging dagdag-presyo sa kerosene.
Ang panibagong price hikes ay sinasabing dahil sa paggalaw ng halaga ng langis sa pandaigdigang pamilihan.
Nagpalabas ng notice of suspension ang Philippine Overseas Labor Office (POLO) sa Singapore laban sa isang employment agency sa nabanggit bansa.
Ayon sa Department of Labor and Employment (DOLE), ito’y dahil sa kabiguan ng ahensya na aksyunan ang reklamo ng isang Filipino household service worker (HSW).
Batay sa salaysay ng OFW, kinaltasan siya ng Union United Employment Pte Ltd ng unauthorized fees habang wala rin itong maayos na dokumento ukol sa kanyang deployment kahit ito’y accredited agency ng POEA.
Nadagdagan ng 1,128 ang mga nakarekober mula sa coronavirus disease 2019 (COVID-19) sa Pilipinas dahilan upang umakyat na ang kabuuang bilang nito sa 209,885.
Sa pinakahuling case bulletin ng Department of Health (DOH), pumalo na sa 283,460 ang mga nagpositibo sa virus sa buong bansa matapos makapagtala ang ahensya ng 3,962 na bagong impeksiyon.
Pinakamarami pa rin sa Metro Manila na nakapagtala ng 1,440 na bagong confirmed cases.
Samantala, umakyat na sa 4,930 ang death toll kasunod nang pagpanaw ng 200 pang pasyente.
JUST IN: Kaso ng COVID-19 sa bansa, nadagdagan pa ng 3,962 ngayong Sabado, Setyembre 19.
Pumalo na sa kabuuang 283,460 ang bilang ng kumpirmadong kaso ng COVID-19 sa bansa. Mayroon namang 68,645 naitalang active cases. | https://t.co/HHOy7zaafm pic.twitter.com/koOFR8OrAg
— DWIZ Newscenter (@dwiz882) September 19, 2020
Naglaan ng kalahating milyong pisong (P500,000) pabuya ang mga awtoridad para sa agarang ikalulutas sa kasong pagdukot sa isang Filipino-American sa Sirawai, Zamboanga del Norte.
Ayon sa Sirawai government at Philippine National Police, makakatanggap ng 100,000 ang sinumang makatutulong at makapagbibigay ng impormasyon upang madakip sa lalong madaling panahon si Anerson Manambahi Tungayao o mas kilala bilang Ganison.
Kalahating milyong piso (P500,000) naman ang makukuha ng sinumang makapapatay o makahuhuli kay Ganison na sinasabing responsable sa pagkidnap sa biktimang si Rex Triplet.
Sa rekord ng pulisya, lulan ng kanyang motorsiklo si Triplet kasama ang misis niya na si Celsa nang harangin sila ng apat na armadong lalaki at tinangay ang biktima habang nakatakas naman ang kanyang asawa.