Gilbert Perdez

Pumalo na sa 232,906 ang bilang ng mga gumaling mula sa oronavirus disease 2019 (COVID-19) sa Pilipinas matapos makapagtala ng 787 na bagong recoveries ang Department of Health (DOH).

Ayon sa DOH, 301,256 na ang kabuuang bilang ng COVID-19 cases sa bansa dahil sa 2,727 na bagong impeksiyon na nadagdag sa naturang listahan.

Sa bilang na ito, napag-alaman na nasa 63,066 ang aktibong kaso.

Pinakamarami pa rin dito ay mula sa Metro Manila na 1,115, sinundan ng Negros Occidental (196), Cavite (153), Laguna (112) at Cebu (107).

Samantala, umakyat na sa 5,284 ang death toll sa buong bansa kasunod ng pagpanaw ng 88 pasyente.

JUST IN: Kaso ng COVID-19 sa bansa, nadagdagan pa ng 2,747 ngayong Sabado, Setyembre 26.

Pumalo na sa kabuuang 301,256 ang bilang ng kumpirmadong kaso ng COVID-19 sa bansa. Mayroon namang 63,066 naitalang active cases. | https://t.co/HHOy7zaafm pic.twitter.com/6Q2bAaKDb9

— DWIZ Newscenter (@dwiz882) September 26, 2020

Nasa Pilipinas na ang mahigit 300 Pilipino mula sa Lebanon na napilitang umuwi dahil sa coronavirus disease 2019 (COVID-19) pandemic.

Ayon sa Office of the President (OP), ang mga Pinoy ay dumating sa Maynila sakay ng isang special chartered flight na bahagi ng repatriation at goodwill missions ng gobyerno.

Kasama sa dalawang araw na misyon sa nabanggit na bansa ang pamamahagi ng pagkain sa Filipino community at pag-turnover ng medical supplies sa ilang grupo at ospital.

Matatandaang ipinag-utos ni Pangulong Rodrigo Duterte sa mga kinauukulang ahensya na sunduin ang mga kababayan nating apektado ng krisis sa naturang bansa.

Iuuwi na sa Linggo sa Pilipinas ang ikalimang batch ng mga labi ng mga Overseas Filipino Workers (OFW)’s na nasawi sa Saudi Arabia (KSA).

Ayon kay OWWA Administrator Hans Leo Cacdac, inaasikaso na ang mga dokumento para sa mass repatriation ng mga labi na kauna-unahan sa kasaysayan ng bansa.

Bagama’t walang ibinigay na eksaktong bilang ang OWWA, binanggit ni Cacdac na mahigit 200 labi na ng mga kababayan natin na pumanaw sa Saudi ang napauwi nila sa Pilipinas.

Hindi titigil ang gobyerno hangga’t hindi nalilinis ang Philippine Health Insurance Corp. (PhilHealth).

Ito ang tiniyak ni Presidential Spokesperson Harry Roque matapos mag-viral sa social media ang hashtag “#wag_kalimutan_yung_binulsang_15billion_sa_philhealth_challenge.”

Katunayan, ayon kay Roque, isinasapinal na ng Department of Justice, sa pamamagitan ng binuong Task Force PhilHealth, ang mga reklamo laban sa mga opisyal ng ahensya.

Matatandaang ibinunyag ni anti-fraud legal officer Thorsson Montes Keith na nasa P15-B pondo ang di-umano’y ibinulsa ng mga PhilHealth officials.

Makikipagpulong si Interior Secretary Eduardo Año sa mga alkalde sa Metro Manila sa Linggo, Setyembre 27.

Ito’y upang talakayin ang kanilang magiging rekomendasyon kung pananatilihin o paluluwagin ang community quarantine status sa National Capital Region (NCR) sa gitna ng coronavirus disease 2019 (COVID-19) pandemic.

Nilinaw naman ni Año na karamihan sa mga alkalde ay gustong manatili ang Metro Manila sa ilalim ng General Community Quarantine (GCQ).

Kasalukuyang nasa GCQ ang NCR tulad ng Bulacan, Batangas at Tacloban City habang karamihan sa mga lugar sa bansa ay nasa modified GCQ na siyang pinakamaluwag na quarantine classification.

Hanggang sa katapusan naman ng Setyembre mapapaso ang MECQ status sa Lanao del Sur, Bacolod City at Iligan City.

Hindi maaaring balewalain ang Data Privacy Act (DPA) at isapubliko ang mga pangalan ng mga taong tinamaan ng coronavirus disease 2019 (COVID-19).

Ito ang binigyang diin ng National Privacy Commission (NPC) sa gitna ng panawagan ng Philippine Chamber of Commerce and Industry (PCCI) at iba pang business groups na suspendihin muna ang DPA upang mapabilis ang contact tracing.

Ayon sa NPC, lalabagin ng hakbang na ito ang mga opinyon ng mga eksperto sa epidemya at mga siyentipiko sa mundo.
Ipinaliwanag pa ng komisyon na maaari namang magtagumpay ang gobyerno sa ginagawa nitong contact tracing nang hindi na kailangan pang suspendihin ang pangunahing karapatang pantao tulad ng nangyari sa Singapore at Thailand.

Batay sa Data Privacy Act of 2012, gagawaran ng hanggang limang taong pagkakakulong ang sinumang lalabag dito at papatawan ng multa na hindi bababa sa kalahating milyon at hindi hihigit sa 1milyon.

Mas paiigtingin pa ng pamahalaan ang mga programa na nakatuon sa pagbabago ng klima at disaster risk reduction sa susunod na taon.

Katunayan, ayon sa Cabinet Cluster on Climate Change Adaptation, Mitigation and Disaster Risk Reduction  o CCAM-DRR na pinamumunuan ng DENR, maglalaan ng mas malaking pondo ang gobyerno para rito.

Ayon sa Cabinet cluster, tinatayang 152.35 billion pesos ang ibubuhos na pondo ng administrasyon para sa Risk Resiliency Program (RRP)  batay na rin sa isinumite nitong 2021 National Expenditure Program sa Kongreso.