Author

Gilbert Perdez

DWIZ 882

Higit P200k halaga ng shabu nakumpiska sa Lipa City, Batangas

Tinatayang mahigit P200,000 halaga ng hinihinalang shabu ang narekober habang sugatan naman ang isang drug suspect matapos mauwi sa bakbakan ang ikinasang buy-bust operation sa Purok 1, Brgy. Mataas na Lupa, Lipa City.

Kinilala ang suspek na si Neil Vivencio Katigbak, 39 taong gulang, driver, at residente ng Brgy. Namuco, Rosario, Batangas.

Ayon sa Lipa City Police Station at Regional Drug Enforcement Unit (RDEU), nakahalata si Katigbak na pulis ang kanyang katransaksiyon hanggang sa bumunot ito ng baril at nagpaputok.

Agad na tinamaan ang suspek nang mapilitang gumanti ang mga pulis at kasalukuyan itong nilalapatan ng lunas sa Mary Mediatrix Medical Center.

Maliban sa buy-bust money na isang libong piso, narekober din sa pinangyarihan ng insidente ang isang magnum revolver, isang kotse, at mahigit dalawang daang libong pisong halaga ng umano’y shabu.

January 22, 2021 0 comment

HEADLINES NATIONAL NEWS

LGUs dapat makipag-ugnayan sa national gov’t ukol sa pagbili ng COVID-19 vaccines

written by Gilbert Perdez

Pinayuhan ng isang senador ang mga Local Government Units (LGU) na makipag-ugnayan sa national government kaugnay ng gagawin nitong pagbili ng COVID-19 vaccines.

Ito’y ayon kay Sen. Sherwin Gatchalian upang maiwasan ang posibilidad ng pagkakaroon ng sobra-sobrang suplay ng bakuna.

Sa pagdinig sa Senado, pinuna ni Gatchalian ang tila pagpa-panic buying ng mga lokal na pamahalaan sa bakuna kontra coronavirus.

Dahil dito, iminungkahi ng senador ang agarang pagpaplantasa ng vaccination roadmap ng pamahalaan sa COVAX facility.

January 22, 2021 0 comment

HEADLINES NATIONAL NEWS

Pinas magbibigay ng 100k dolyar sa COVID-19 response fund ng ASEAN

written by Gilbert Perdez

Mag-aambag ng 100,000 dolyar ang Pilipinas para sa COVID-19 response fund ng Association of Southeast Asian Nations (ASEAN).

Ayon kay Foreign Affairs chief Teodoro Locsin Jr., ito ay kukunin ng Department of Foreign Affairs (DFA) mula sa travel funds ng ahensya.

Matatandaang inanunsiyo ng pamahalaan na mag-aambag din ito ng pondo para sa COVAX facility.

January 22, 2021 0 comment

RONDA PROBINSYA

Higit P3-M halaga ng shabu nasabat Oton, Iloilo

written by Gilbert Perdez

Mahigit P3 milyong halaga ng pinaniniwalaang shabu ang nasabat ng mga awtoridad mula sa isang lalaki sa ikinasang buy-bust operation sa Barangay Buray sa Oton, Iloilo.

Kinilala ng Oton Police, ang suspek na si Elmer Niquia, 48 taong gulang, at residente ng Barangay Alalasan sa La Paz, Iloilo City.

Ayon sa pulisya, nabilhan ang suspek ng isang sachet ng hinihinalang shabu sa halagang 20 thousand pesos habang nasa 3.2 million pesos naman ang kabuuang halaga ng droga na nakumpiska mula sa kanya.

Sasampahan ang suspek ng kasong paglabag sa Comprehensive Dangerous Drugs Act of 2002.

January 22, 2021 0 comment

NATIONAL NEWS

4 LTO fixers na umalok ng kanilang serbisyo kay Marikina Mayor Teodoro arestado

written by Gilbert Perdez

Sa kalaboso ang bagsak ng apat na hinihinalang fixers ng mga transaksiyon sa Land Transportation Office (LTO) sa Marikina City.

Ito’y makaraang alukin ng kanilang serbisyo si Mayor Marcelino “Marcy” Teodoro na hinarang pa ng grupo nila malapit sa LTO office sa lungsod.

Pahayag ni Teodoro, inalok siya ng mas mabilis na proseso ng LTO registration at nang hanapan niya ng identification cards ang mga hindi pinangalanang suspek ay walang naipakita ang mga ito.

Dahil dito, agad na tumawag sa tanggapan ng pulisya ang alkalde at ipinadampot ang apat na lalaki.

Naniniwala si Teodoro na may mga kasabwat pa sa loob ng LTO ang mga suspek na ngayo’y nahaharap sa reklamong paglabag sa Anti-Red Tape Act.

January 22, 2021 0 comment

NATIONAL NEWS

Domestic workers na tinamaan ng COVID-19 dapat may financial benefits —DOLE

written by Gilbert Perdez

Dapat pagkalooban ng financial benefits ang mga domestic workers na tinamaan ng COVID-19.

Ayon kay Ma. Karina Perida-Trayvilla, direktor ng Bureau of Workers with Special Concerns ng DOLE, sa ilalim ng compensation program ng Social Security System ay makakatanggap ng P10,000 ang kasambahay.

Dapat din aniyang balikatin ng amo ang gastusin ng kanyang empleyado.

Sa usapin naman ng Philhealth benefits, nilinaw ni Perida-Trayvilla na ito’y depende pa rin kung gaano kalala ang pneumonia na dumapo sa pasyente.

January 22, 2021 0 comment

NATIONAL NEWS

QC LGU kokonsulta sa health professionals bago magdedesisyon kung luluwagan ang age restrictions sa lungsod

written by Gilbert Perdez

Kokonsulta muna sa mga health professionals ang lokal na pamahalaan ng Quezon City bago magdedesisyon kung luluwagan o hindi ang age restrictions sa lungsod na nasa ilalim din ng General Community Quarantine (GCQ).

Ang pahayag ay ginawa ni City Mayor Joy Belmonte matapos i-anunsiyo ni Presidential Spokesperson Harry Roque na papayagan nang lumabas ng bahay ang mga edad sampu hanggang anim napu’t limang taong gulang simula a-uno ng Pebrero.

Halos araw-araw ay naitatala sa QC ang pinakamaraming kaso ng coronavirus habang sa lungsod din natunton ang kauna-unahang kaso ng UK COVID-19 variant.

Sinabi ni Belmonte na magpupulong pa lamang ang mga miyembro ng Metro Manila Council (MMC) habang hindi pa nila nakakausap ang economic sector ng Inter-Agency Task Force (IATF) ukol sa usapin.

Samantala, inamin naman ni Trade Secretary Ramon Lopez na galing sa kanila ang rekomendasyon upang lumakas ang economic activities sa rehiyon sa gitna ng pandemya.

January 22, 2021 0 comment

INTERNATIONAL NEWS

2 patay sa paglubog ng barko sa Turkey

written by Gilbert Perdez

Patay ang dalawang tripulante matapos lumubog ang isang Russian freight ship sa karagatang sakop ng probinsya ng Bartin sa Turkey.

Ayon kay Bartin Governor Sinan Guner, ang dry cargo ship na “Arvin” ay tumaob sa Black Sea na sakop ng Inkumu region dahil sa masamang panahon.

Sa ulat naman ng Anadolu news agency, labintatlo pa lamang sa mga crew members ang nasagip habang dalawa na ang kumpirmadong nasawi.

Patuloy pa rin ang rescue efforts at imbestigasyon sa insidente.

January 17, 2021 0 comment

INTERNATIONAL NEWS

Death toll sa M6.2 na lindol sa Indonesia umakyat na sa 73

written by Gilbert Perdez

Umakyat na sa 73 ang death toll sa pagtama ng magnitude 6.2 na lindol sa West Sulawesi province, Indonesia.

Ayon sa disaster mitigation agency, bukod sa mga nasawi, umabot din sa mahigit 800 ang sugatan at halos 30,000 ang napilitang lumikas dahil sa lindol.

Dahil dito, mistulang sardinas nang nagsisiksikan sa mga evacuation centers ang mga residente.

Nagpapatuloy ang emergency response ng Indonesian government sa mga apektadong lugar.

January 17, 2021 0 comment

INTERNATIONAL NEWS

Dalawang Supreme Court judges sa Afghanistan itinumba

written by Gilbert Perdez

Itinumba ng hindi pa nakikilalang mga salarin ang dalawang hukom ng Korte Suprema sa Afghanistan.

Ayon kay Supreme Court spokesman Ahmad Fahim Qaweem, papasok na sa kanilang trabaho at sakay ng isang court vehicle ang hindi pinangalanang mga hurado nang tambangan ang mga ito.

Bukod sa mga nasawing judges, sugatan naman ang kanilang driver.

Wala pang umaako sa pag-atake ngunit isinisisi naman ito ng mga Afghan officials sa grupong Taliban.

January 17, 2021 0 comment

Newer Posts

Older Posts