Gilbert Perdez

Maaaring gamitin sa contact tracing ng mga lokal na pamahalaan ang Tulong Panghanapbuhay sa Ating Disadvantaged/Displaced  (TUPAD) program ng Department of Labor and Employment.

Ayon kay Labor Secretary Silvestre Bello III, nangangailangan kasi ng mga karagdagang contact tracers ang mga LGU kaya’t makakatulong dito ang kanilang programa.

Ang TUPAD ay isang emergency employment program para sa mga walang trabaho o informal sector workers.

Tinuligsa ni Department of National Defense Secretary Delfin Lorenzana ang ilang online posts na nagsasabing umatras na ng suporta kay Pangulong Rodrigo Duterte ang isang grupo ng mga retirado at aktibong opisyal ng militar.

Ayon kay Lorenzana, fake news ang mga kumalat sa social media dahil kailanman ay hindi sila o siya magiging bahagi ng nasabing grupo.

Matatandaang nanawagan kay Pangulong Duterte ang grupong binansagan bilang “Viber 500″ na tuligsain ang anila’y pang-aangkin ng China sa West Philippine Sea.

Samantala, binigyang diin ni Armed Forces of the Philippines chief-of-staff Gen. Cirilito Sobejana na malinaw na malisyoso ang motibo ng mga post na nais lang aniyang magdulot ng panic at kalituhan sa publiko.

Tinuligsa ni Department of National Defense Secretary Delfin Lorenzana ang ilang online posts na nagsasabing umatras na ng suporta kay Pangulong Rodrigo Duterte ang isang grupo ng mga retirado at aktibong opisyal ng militar.

Ayon kay Lorenzana, fake news ang mga kumalat sa social media dahil kailanman ay hindi sila o siya magiging bahagi ng nasabing grupo.

Matatandaang nanawagan kay Pangulong Duterte ang grupong binansagan bilang “Viber 500″ na tuligsain ang anila’y pang-aangkin ng China sa West Philippine Sea.

Samantala, binigyang diin ni Armed Forces of the Philippines chief-of-staff Gen. Cirilito Sobejana na malinaw na malisyoso ang motibo ng mga post na nais lang aniyang magdulot ng panic at kalituhan sa publiko.

Magtatayo pa ang lokal na pamahalaan ng Taguig City ng mas maraming vaccination hubs sa gitna ng pagtaas ng COVID-19 cases sa bansa.

Katunayan, lumagda na ng kasunduan ang Taguig LGU sa Vista Mall, Megaworld, SM Group, at Ayala Corporation para sa nasabing proyekto.

Nabatid na nasa 20,292 na ang mga nabakunahan sa pitong vaccination sites sa lungsod.

Iniluklok ni PNP Chief Gen. Debold Sinas si Brig. Gen. Ronaldo Olay bilang bagong tagapagsalita ng police force at head ng Public Information Office (PIO).

Si Olay ng Philippine Military Academy Class of 1990 ang papalit kay Brig. Gen. Ildebrandi Usana na magreretiro na sa Abril 20.

Bago naitalaga sa kanyang posisyon, si Olay ay naging PNP deputy director for operations at National Capital Region Police Office deputy director for administration.

Naging direktor din si Olay ng Cagayan Police Provincial Office mula 2014 hanggang 2016.

Tuloy-tuloy ang “Build, Build, Build” program ng gobyerno.

Ito’y ayon kay Department of Transportation (DOTr) Secretary Arthur Tugade sa kabila ng banta ng COVID-19.

Sa Talk to the People ni Pangulong Rodrigo Duterte, ipinagmalaki ni Tugade ang mga nagpapatuloy at natapos nang infrastructure projects tulad ng bagong passenger terminal building sa Calbayog Airport kung saan mula sa 176  ay nasa 450 na ang kapasidad nito.

Aniya, inaasahan ding makukumpleto na sa Hunyo o Hulyo ngayong taon ang Clark International Airport Terminal habang inaasahan namang aarangkada na ang operasyon ng Bicol International Airport bago matapos ang taong kasalukuyan.

Ipinagmalaki rin ni Tugade ang ipinatatayo nitong bagong pantalan sa Port of Tagbilaran na pinasinayaan na noong Miyerkules.