Author

DWIZ 882

Judith Estrada-Larino

15 indibidwal nailigtas, nasa 70 patuloy na pinaghahanap matapos tumaob ang sinasakyang bangka

Nailigtas ang 15 katao habang patuloy pang pinaghahanap ang iba pa matapos tumaob ang sinasakyang bangka sa southeast Nigeria kahapon, Sabado.

Ayon sa local media, tinatayang nasa 85 na indibidwal ang sumakay sa bangka sa Onukwu Bridge patungo sa Nkwo Market sa Ogbakuba bago naganap ang aksidente.

Ayon sa otoridad posibleng dahil na-overload ang Bangka kaya’t naganap ang aksidente sa Niger River malapit sa Umunnankwo sa Anambra State.

Over-loading, speeding, poor maintenance at hindi pagsunod sa traffic rules ang karaniwang pinag-uugatan ng mga aksidente sa nasabing bansa.

Wala namang naitalang namatay habang nagpapatuloy ang imbestigasyon. —sa panulat ni Maze Aliño – Dayundayon

October 9, 2022 0 comment

HEADLINES NATIONAL NEWS

Nanay na nagbebenta ng katawan ng anak online, arestado

written by DWIZ 882

Nahuli ang 28 taong gulang na babae at apat na iba pa matapos isalang sa online kalaswaan ang ilang menor de edad kabilang ang kaniyang sariling anak.

Sa isang ulat, agad na kumilos ang tauhan ng National Bureau of Investigation-Violence Against Women and Children Desk (NBI-VAWCD) at NBI Forensic Laboratory Division (FLD) nang ipakita ng suspek sa undercover agent ang mga batang isasalang sa Cybersex.

Sinabi ni Atty. Gisele Garcia-Dumlao, tagapagsalita ng NBI, matapos salakayin ng NBI-VAWCD at FLD. naaktuhan nila ang suspek na ino-offer ang dalawang menor de edad habang nasagip naman ang pitong menor de edad.

Sinampahan sa paglabag sa Child Abuse Law, Child Trafficking at paglabag sa Cybercrime Prevention Act ang limang suspek. —sa panulat ni Maze Aliño – Dayundayon

October 9, 2022 0 comment

NATIONAL NEWS

Paramihin ang nagtatrabaho sa POGO, ayon sa isang senador

written by DWIZ 882

Iminungkahi ng isang senador sa gobyerno na paramihin pa ang bilang ng mga Pilipinong nagtatrabaho sa Philippine Offshore Gaming Operators (POGO) sa Pilipinas.

Ito ay matapos lumabas ang ulat na nasa 30% hanggang 40% ng mga Filipino workers ang nagtatrabaho sa POGO.

Sa panayam ng DWIZ kay Senador Jinggoy Estrada, isinulong nitong itaas sa 70% hanggang 80% ang bilang ng mga Pilipinong makapagtrabaho sa POGO.

Kung hindi ito magagawa, mas mabuti aniyang tuluyang ipatigil ang operasyon ng POGO dahil mga Chinese lang ang nakikinabang dito.

“That was my campaign promise para magkaroon ng trabaho ang mga kababayan nating nawalan ng trabaho dahil sa pandemya. Puwede naman natin turuan ang ating mga kababayan ng language nila dapat sila ang mag-adjust”

Ang pahayag ni Senador Jinggoy Estrada, sa panayam ng DWIZ. - sa panunulat ni Jenn Patrolla

October 9, 2022 0 comment

INTERNATIONAL NEWS

Russian president Vladimir Putin pinaiimbestigahan ang pagkasunog ng tulay na nagkokonekta sa Crimean Peninsula at Russia

written by DWIZ 882

Pinaiimbestigahan ni Russian president Vladimir Putin ang nangyaring pagkasunog sa tulay na nagko-konekta sa Crimean Peninsula at Russia.

Sinisi ng Crimean Parliamentary speaker na si Vladimir Kontantinov ang nangyaring pagsabog sa Ukraine.

Binuksan ni Pangulong Vladimir Putin noong 2018 ang 19 na kilometro na tulay sa buong Kerch Strait.

Sinasabing ito’y pangunahing target para sa pwersang Ukrainian na umaatake sa Russia.

Ayon naman sa explosive expert, hindi sanhi ng isang missile ang naganap na pagsabog.

Aniya, posibleng pinagplanuhan ang nasabing pag-atake.

Samantala, nagdulot naman ng pagkasunog ang mga oil tankers sa rail section at gumuho ang kalsada.

Gayunman, hindi pa direktang inaangkin ang pananagutan ng Ukraine sa naganap na pagsabog. —sa panulat ni Jenn Patrolla

October 9, 2022 0 comment

NATIONAL NEWS

Ilang residente nangangamba sa malaking bitak sa Mt.Arayat

written by DWIZ 882

Nababahala ang ilang residente sa Pampanga dahil sa napakalaking bitak sa Mt. Arayat.

Ayon sa Chairman ng Barangay San Juan Baño sa Arayat, Pampanga, matagal na itong may bitak ngunit mas lumaki pa matapos ang pananalasa ng Bagyong Karding.

Nangangamba naman sila na magdudulot ng pangguho ng lupa ang bitak.

Batay sa pag-aaral ng Provincial Disaster Risk Reduction and Management Office (PDRRMO), nagkaroon ng soil erosion sa tuktok ng bundok.

Dahil dito, posible na magkaroon ng malawakang pagguho ng lupa at magdulot pa ng pagkawasak ng ilang komunidad.

Agad namang pinalikas ng PDRRMO ang mga residente kasabay ng maagang pagbibigay ng early warning system

October 9, 2022 0 comment

HEADLINES NATIONAL NEWS

Mga mamimili, dapat maging matalino sa pamimili ng pagkain, regalo ngayong magpa-Pasko

written by DWIZ 882

Pinayuhan ng National Economic and Development Authority (NEDA) ang mga mamimili na kontrolin ang pagbili ng mga pangunahing produkto lalo ngayong nalalapit ang Pasko, para mapigilan ang pagtaas ng presyo ng mga bilihin.

Batay sa ulat, ang inflation rate noong Setyembre ay bumilis sa 6.9% mula sa 6.3% noong Agosto dahil sa bilis ng pagtaas ng presyo ng mga pangunahing produkto at serbisyo.

Ayon kay Deputy Director General of the National Development Office (NDO), Rosemarie Edillon, nang dahil sa inflation tumaas ang demand at kakaunti lang ang mga produktong nabibili.

Pinayuhan nito ang mga mamimili na gawing simple ang pagdiriwang ng Pasko at holiday celebrations.

Samantala, tiniyak ng pamahalaan na mayroong mga nakahandang programa para palakasin ang produksyon. —sa panulat ni Jenn Patrolla

October 9, 2022 0 comment

NATIONAL NEWS

Isang lalaki patay ng bugbugin ang 2 kabataan

written by DWIZ 882

Patay ang isang pinoy sa Los Angeles, California matapos bugbugin ng dalawang kabataan dahil sa isang case na beer.

Kinilala ng mga otoridad ang biktima na si Steven Reyes, 68 taong gulang at nagtatrabaho sa isang tindahan ng alak sa Highland Park area.

Sa imbestigasyon, tinangkang nakawin ng dalawang suspek ang isang case ng beer.

Dahil dito, pinigilan ng biktima ang dalawa kaya ito ang hinampas ng scooter at binugbog.

Kasalukuyan nang iniimbestigahan ng pulisya ang krimen- sa panunulat ni Jenn Patrolla

October 9, 2022 0 comment

HEADLINES HEALTH

Benepisyong taglay ng gulay na Ampalaya, alamin!

written by DWIZ 882

Alam niyo na ba na may magandang benepisyo ang pagkaing Ampalaya?

Marami ang benepisyo na tinataglay ang Ampalaya kaya naman, kilala bilang laman ng kusina ang gulay na ito dahil sa masustansiya at masarap na mapait.

Ayon sa eksperto, ang Ampalaya ay epektibong antiviral dahil mabisa itong panlaban sa impeksyon at nagpapatibay ng immune system para labanan ang mga impeksyon.

Pinaniniwalaan din ang Ampalaya ay nakakatulong para maging malinis ang dugo na dumadaloy sa katawan ng tao.

Bukod pa rito, ang gulay na ito ay nakagagamot sa bulate sa tiyan, diarrhea at iba pang sakit na problema sa tiyan.

Mainam din ito sa mga may sakit na rayuma, gout, sakit ng ulo, ubo, lagnat at hemorroids. —sa panulat ni Jenn Patrolla

October 9, 2022 0 comment

SPORTS

Ancajas babawiin ang korona sa rematch

written by DWIZ 882

Determinado ang Filipino Boxer Challenger Jerwin Ancajas na mababawi ang korona sa rematch nila ni Fernando Martinez ng Argentina sa Dignity Health Sports Park, Carson, California.

Natalo si Ancajas ni Martinez noong February 26 kung saan isinuko niya ang suot na International Boxing Federation (IBF) Super Flyweight Crown.

Tiniyak naman sa ikalawang bakbakan ni Ancajas na bawiin ang korona kay Argentine titlist.

Si Ancajas ay tubong panabo, Davao Del Norte na tumitimbang ng 114.6 pounds, habang 114.8 pounds naman si Martinez

– sa panunulat ni Jenn Patrolla

October 9, 2022 0 comment

SPORTS

UP Fighting Maroons wagi kontra FEU Tamaraws

written by DWIZ 882

Pinabagsak ng University of the Philippines (UP) ang Far Eastern University (FEU) para sa kampeonato.

Humugot si Carl Tamayo sa kanyang 16 points sa final canto upang iligtas ang nagdedepensang University of the Philippines laban sa Far Eastern University sa UAAP season 85 men’s basketball tournament sa Smart Araneta Coliseum.

Nakaipon naman ng career-high na 17 points si Terrence Fortea habang 11 markers at 11 rebounds si Malick Diouf.

Nagbigay sa fighting maroons ng 68 to 64 bentahe sa huling dalawang minuto ng fourth quarter.

Samantala, natalo rin ang University of the East laban sa Adamson. —sa panulat ni Jenn Patrolla

October 9, 2022 0 comment

Newer Posts

Older Posts