Author

DWIZ 882

Judith Estrada-Larino

Billy Crawford namamayagpag sa Dancing with the Stars sa France

Nagpatuloy ang winning streak ni Billy Crawford sa Season 12 ng Dancing with the Stars ng France.

Si Billy at dancing partner nito na si Fauve Hautot ang nakakuha ng pinaka-mataas na score sa “battle of the judges” episode noong Biyernes.

Pinuri naman ng French citizens ang performance ni Billy dahil para sa kanila, ito ang may pinakamahusay na sayaw.

Kung magpapatuloy naman ang pagkapanalo ni Billy at Fauve sa dancing with the stars, matatagalan pa ang balik nito sa Pilipinas dahil sa November 2022 pa ang grand finals ng sikat na dance competition sa France.—mula sa panulat ni Hannah Oledan

October 9, 2022 0 comment

HEADLINES NATIONAL NEWS

P6.7-B na halaga ng shabu nasabat sa buy bust operations

written by DWIZ 882

Nasabat ng awtoridad ang 990 kilogram o nasa 6.7 billion pesos na halaga ng shabu sa isinagawang buy-bust operation sa Metro Manila kahapon.

Ayon kay Interior Secretary Benjamin Abalos, ito ang pinaka-malaking drug haul sa bansa.

Sinabi naman ni Brig. Gen. Narciso Domingo, director ng Philippine National Police Drug Enforcement Group, isinagawa ang naunang buy-bust operation dakong alas-4:45 ng hapon na nagresulta sa pagkakahuli sa isang Ney Saligumba Atadero at pagkakadiskubre ng 690 kilo at 102 grams ng shabu.

Sa isang follow up operation, nadakip ang isang M/Sgt. Rodolfo Mayo Jr. ng PDEG, na nahulihan umano ng dalawang kilo ng hinihinalang shabu na nagkakahalaga ng 13.6 million pesos.

Isinagawa naman ang kasunod na operasyon dakong alas-2:30 ng madaling araw sa paligid ng Quezon bridge sa Quiapo Area.–-mula sa panulat ni Hannah Oledan

October 9, 2022 0 comment

NATIONAL NEWS

Approval ratings ng PNP mataas—Pulse Asia survey

written by DWIZ 882

Mas determinadong magtrabaho ngayon ang Philippine National Police (PNP) matapos magkaroon ng mataas na approval ratings mula sa publiko sa Pulse Asia survey noong Setyembre.

Nagpaabot naman ng pagbati si PNP chief police General Rodolfo Azurin Jr. sa buong puwersa ng PNP dahil sa pagsisikap ng hanay sa pagtitiyak ng kapayapaan at seguridad ng bawat mamamayang Pilipino.

Matatandaang ipinabatid noon ni Azurin na magiging iba ang kaniyang istratehiya sa pagpapatupad ng kapayapaan at seguridad sa bansa.—mula sa panulat ni Hannah Oledan

October 9, 2022 0 comment

HEADLINES NATIONAL NEWS

Indigent Senior Citizens, nakatanggap na ng cash allowance mula sa DSWD

written by DWIZ 882

Nasa 290,000 indigent Senior Citizens ang nakatanggap na ng P1,500 cash allowance para sa ikatlong quarter ng 2022 sa ilalim ng social pension program ng DSWD.

Ayon sa DSWD, 284,700 indigent seniors mula sa Davao Region ang nakatanggap na ng cash assistance sa pamamagitan ng DSWD field office XI habang 4,999 na seniors naman mula DSWD field office 1 ang nakatanggap na ng kanilang cash aid.

Ito ay dahil sa ilalim ng Social Pension Program for Indigent Senior Citizens, ang mga may edad na, may sakit o may kapansanan ay makatatanggap ng cash assistance na P500 kada buwan upang matulungan sila sa kanilang gastusing medikal at iba pa.—mula sa panulat ni Hannah Oledan

October 9, 2022 0 comment

FEATURES

Mga paniniwala sa nangangating mga palad

written by DWIZ 882

Kapag sinabing nangangati ang mga palad, unang kahulugang pumapasok sa ating mga isipan ay may paparating na pera o salapi sa atin.

Walang siyentipikong basehan ang paniniwalang ito ngunit marami pa rin sa ating mga kababayan ang naniniwala na magkakapera ang isang tao tuwing nangangati ang mga palad.

Mayroong mga nagsasabi na kapag kaliwang palad ang nangati, nangangahulugan itong may paparating na malaking halaga ng pera at kung paligid naman ng mga daliri, ibig sabihin maliit lang ang halagang salapi na aasahan.

Salungat naman ang ibig sabihin sa tuwing kanan na kamay ang makararanas ng pangangati. Ibig sabihin ay may paparating na gastusin o papalabas ang pera.

Pero muli, lahat ng paniniwalang ito ay walang siyentipikong basehan at magpasahanggang ngayon ay isa lamang itong supertitious beliefs o pamahiin.

Magpakonsulta sa doktor sakaling walang tigil ang pangangati ng mga palad dahil maaring sanhi lamang ito ng mikrobyo o sakit sa balat na kailangan lunasan ng isang dermatologist.—mula sa panulat ni Angelo Baiño

October 9, 2022 0 comment

HEADLINES INTERNATIONAL NEWS

Dinukot na mag-anak natagpuang patay sa isang rural area sa USA

written by DWIZ 882

Wala ng buhay nang matagpuan ang apat na miyembro ng pamilya kabilang ang isang walong buwang gulang na sanggol matapos dukutin ng armadong lalaki sa Merced, California sa USA.

Sa isang ulat, dinukot sa tanggapan ng kanilang trucking business ang mag-asawang sina Jasleen Kaur at Jasdeep Singh, maging ang kanilang anak na babae at ang kapatid ni Jesdeep na si Amandeep.

Nahagid sa CCTV footages ang pagdating ng suspek subalit nakatakip ng face mask ang mukha nito.

Sa isa pang video, unang inilabas ng salarin ang magkapatid na Singh na may tali ang mga kamay at saka isinakay sa pick-up truck saka isinunod ang pagkuha sa mag-ina.

Natunton ang mga labi ng biktima sa isang rural area.

Samantala, nasa kostudiya na ng pulisya ang suspek na kinilalang Jesus Manuel Salgado na ngayon ay nasa ospital matapos magtangkang magpakamatay.

Patuloy pang inaalam ng mga awtoridad kung may kasama si Salgado at ang motibo nito sa krimen. —sa panulat ni Maze Aliño – Dayundayon

October 9, 2022 0 comment

NATIONAL NEWS

Lalaki puwersahang isinakay sa SUV, napagkamalang wanted ng mga nakasibilyang Pulis

written by DWIZ 882

Napagkamalan ang isang lalaki na wanted at puwersahang isinakay sa SUV ng mga nakasibilyang Pulis sa Magdalena, Laguna.

Kinilala ang biktima na si Crisanto Catandijan.

Sa isang video, makikitang nagpupumiglas si Catandijan ngunit tuluyan siyang nadala sa estasyon ng Pulis.

Ayon kay Police Major Melencio Arcita ng Magdalena Police, nagpakilala ang tauhan ng Magdalena Pulis at nagtanong kung siya nga ba ang kanilang target sumagot naman aniya ito ng oo kung kaya’t agad sinabihan siya ng mga tauhan na may warrant.

Giit ni Catandijan, walang hininging ID, at agad na lamang siyang dinampot, pinagbubugbog at agad na pinosasan ng mga hindi nagpakilalang Pulis.

Sa presinto na nagpresenta ng ID ang biktima, matapos maberipika nakumpirma ng mga Pulis na mali ang kanilang nahuli.

Planong kasuhan ng biktima ang mga nasangkot na Pulis subalit ayon sa mga otoridad, dahil sa mapanirang post ni Catandijan sa social media kakasuhan din nila ang biktima. —sa panulat ni Maze Aliño – Dayundayon

October 9, 2022 0 comment

INTERNATIONAL NEWS

15 indibidwal nailigtas, nasa 70 patuloy na pinaghahanap matapos tumaob ang sinasakyang bangka

written by DWIZ 882

Nailigtas ang 15 katao habang patuloy pang pinaghahanap ang iba pa matapos tumaob ang sinasakyang bangka sa southeast Nigeria kahapon, Sabado.

Ayon sa local media, tinatayang nasa 85 na indibidwal ang sumakay sa bangka sa Onukwu Bridge patungo sa Nkwo Market sa Ogbakuba bago naganap ang aksidente.

Ayon sa otoridad posibleng dahil na-overload ang Bangka kaya’t naganap ang aksidente sa Niger River malapit sa Umunnankwo sa Anambra State.

Over-loading, speeding, poor maintenance at hindi pagsunod sa traffic rules ang karaniwang pinag-uugatan ng mga aksidente sa nasabing bansa.

Wala namang naitalang namatay habang nagpapatuloy ang imbestigasyon. —sa panulat ni Maze Aliño – Dayundayon

October 9, 2022 0 comment

HEADLINES NATIONAL NEWS

Nanay na nagbebenta ng katawan ng anak online, arestado

written by DWIZ 882

Nahuli ang 28 taong gulang na babae at apat na iba pa matapos isalang sa online kalaswaan ang ilang menor de edad kabilang ang kaniyang sariling anak.

Sa isang ulat, agad na kumilos ang tauhan ng National Bureau of Investigation-Violence Against Women and Children Desk (NBI-VAWCD) at NBI Forensic Laboratory Division (FLD) nang ipakita ng suspek sa undercover agent ang mga batang isasalang sa Cybersex.

Sinabi ni Atty. Gisele Garcia-Dumlao, tagapagsalita ng NBI, matapos salakayin ng NBI-VAWCD at FLD. naaktuhan nila ang suspek na ino-offer ang dalawang menor de edad habang nasagip naman ang pitong menor de edad.

Sinampahan sa paglabag sa Child Abuse Law, Child Trafficking at paglabag sa Cybercrime Prevention Act ang limang suspek. —sa panulat ni Maze Aliño – Dayundayon

October 9, 2022 0 comment

NATIONAL NEWS

Paramihin ang nagtatrabaho sa POGO, ayon sa isang senador

written by DWIZ 882

Iminungkahi ng isang senador sa gobyerno na paramihin pa ang bilang ng mga Pilipinong nagtatrabaho sa Philippine Offshore Gaming Operators (POGO) sa Pilipinas.

Ito ay matapos lumabas ang ulat na nasa 30% hanggang 40% ng mga Filipino workers ang nagtatrabaho sa POGO.

Sa panayam ng DWIZ kay Senador Jinggoy Estrada, isinulong nitong itaas sa 70% hanggang 80% ang bilang ng mga Pilipinong makapagtrabaho sa POGO.

Kung hindi ito magagawa, mas mabuti aniyang tuluyang ipatigil ang operasyon ng POGO dahil mga Chinese lang ang nakikinabang dito.

“That was my campaign promise para magkaroon ng trabaho ang mga kababayan nating nawalan ng trabaho dahil sa pandemya. Puwede naman natin turuan ang ating mga kababayan ng language nila dapat sila ang mag-adjust”

Ang pahayag ni Senador Jinggoy Estrada, sa panayam ng DWIZ. - sa panunulat ni Jenn Patrolla

October 9, 2022 0 comment

Newer Posts

Older Posts