Author

DWIZ 882

Mahigit P200-M pondo inilaan ng Kongreso para sa kailangang equipments ng PHIVOLCS

Naglaan na ang Kongreso ng pondo para makabili ng kailangang equipment ang PHIVOLCS para sa monitoring at warning program sa pagputok ng bulkan.

Ayon kay House Majority Leader Martin Romualdez, dinagdagan nila ng mahigit sa P200-M ang mahigit sa kalahating bilyong pisong budget ng PHIVOLCS upang mai-upgrade ang kanilang warning program para sa pagputok ng bulkan, lindol at tsunami.

Sa harap aniya ng biglaang pagputok ng taal, dapat ay agad nang gamitin ng PHIVOLCS ang inilaan nilang pondo.

Una nang nagreklamo ang mga residente ng CALABARZON na biglaan at wala man lang naibigay na warning ang PHIVOLCS hinggil sa pagputok ng Taal Volcano.

January 13, 2020 0 comment

NATIONAL NEWS

Water concessionaires bibigyan ng panahon para magkomento sa bagong kontrata ng pamahalaan — Guevarra

written by DWIZ 882

Tiniyak ng Department of Justice (DOJ) na magiging last option lamang ng Duterte Administration ang pag-take over sa distribusyon ng tubig sa National Capital Region (NCR) at ilang karatig lugar.

Iginiit ito ni Justice Secretary Menardo Guevarra sa harap ng banta ng Pangulong Rodrigo Duterte sa Manila Water at Maynilad Water Services na nationalization ng water distribution tulad ng nasasaad sa konstitusyon.

Sinabi ni Guevarra na bibigyan nila ng sapat na panahon ang water concessionaires para magbigay ng komento sa bagong kontrata na alok ng pamahalaan.

Hindi rin aniya ipagpipilitan ng pamahalaan sa Manila Water at Maynilad na tanggapin ang bagong kontrata.

Ayon kay Guevarra, tinanggal nila sa bagong kontrata ang mga probisyon na talong talo ang pamahalaan at ang consumers.

January 13, 2020 0 comment

HEADLINES INTERNATIONAL NEWS

Retired Pope Benedict XVI nagsalita na ukol sa priestly celibacy

written by DWIZ 882

Binasag na ni retired Pope Benedict XVI ang kanyang pananahimik mula nang magretiro noong 2013 at iginiit ang kahalagahan ng priestly celibacy sa Simbahang Katolika.

Sa pamamagitan ito ng sinulat n’yang libro na may pamagat na “from the depths of our hearts: priesthood, celibacy and the crisis of the catholic church” kung saan kasama n’yang sumulat si Cardinal Robert Sarah na isa sa mga tahimik na kritiko ni Pope Francis.

Nataon rin ang paglabas ng ilang bahagi ng libro sa panahong pinag-iisipan ni Pope Francis na payagang maging pari ang mga may asawa upang matugunan ang kakulangan ng pari sa Simbahang Katolika.

Posibleng ang timing ‘di umano ng paglabas ng libro ni Pope Benedict ay isang pagtatangka na impluwensyahan ang pag-iisip ni Pope Francis.

Inaasahan rin umanong mabubuhay ang mga usap-usapan kung tama ang desisyon ni Pope Benedict na manatiling Emeritus Pope sa halip na retired Bishop.

Sa kauna-unahang pagkakataon, nagkaroon ng dalawang Santo Papa isang retirado at isang kasalukuyang nanunungkulan.

January 13, 2020 0 comment

HEADLINES NATIONAL NEWS

Ilang opisyal ng Maynila nag-ikot ukol sa mga report na pagtaas ng halaga ng N95 masks

written by DWIZ 882

Nag-ikot sa mga pharmaceutical stores at iba pang tindahan sa Maynila ang mga opisyal ng permits and licenses bureau ng Manila City Hall.

Ipinag-utos ito ni Manila Vice Mayor Honey Lacuna-Pangan sa harap ng report na tumaas sa P200 ang halaga ng N95 masks mula sa dating P25 hanggan P30 ang isang piraso.

Binalaan ni Vice Mayor Pangan ang mga negosyante na may nakalaang parusa laban sa kanila sakaling mapatunayang nagsasamantala sa gitna ng kalamidad.

January 13, 2020 0 comment

HEADLINES NATIONAL NEWS

Unang batch ng mga OFW mula Middle East na uuwi sa bansa naka-stand by na — Lorenzana

written by DWIZ 882

Nakaantabay na ang unang batch ng OFW’s mula sa Middle East na nagkusang umuwi sa bansa sa harap ng nakaambang giyera sa pagitan ng Estados Unidos at Iran-Iraq.

Ayon kay Defense Secretary Delfin Lorenzana, inaantay na lamang ng mga repatriation team ang abiso kung makakalapag na sa NAIA ang sasakyan nilang eroplano.

Ngayong araw sana nakatakdang dumating ang unang batch ng OFW’s subalit naunsyami ito dahil sa pagsasara ng NAIA makaraang abutin ito ng abo na galing sa pagputok ng Bulkang Taal.

Samantala, naka-standby sa Malta ang BRP Gabriela Silang at handang maglayag sa kahit anong bansa sa Middle East sakaling may mga manganib na Pilipino.

January 13, 2020 0 comment

HEADLINES NATIONAL NEWS

WALANG PASOK I JANUARY 14, 2020

written by DWIZ 882

Kanselado na ang klase bukas Martes, January 14, 2020 matapos ang pag-aalburuto ng Bulkang Taal sa mga sumusunod na lugar:

National Capital Region

Pasay City- All levels (public at private)
Parañaque City- All levels (public at private)
Marikina City- All levels (public at private)
Muntinlupa City- All levels (public at private)
Las Piñas City- All levels (public at private)
Manila City- All levels (public at private)
Malabon- All levels (public at private)
San Juan- All levels (public at private)
Pateros- All levels (public at private)
Taguig- All levels (public at private)
Caloocan City- All levels (public at private)
Quezon City- All levels (public at private)
Valenzuela City- All levels (public at private)
Pasig City- All levels (public at private)
Mandaluyong- All levels (public at private)

CALABARZON

Cavite – All levels (public at private)

Laguna

Santa Rosa City- All levels (public at private)
Cabuyao City- All levels (public at private)
Biñan City- All levels (public at private)
Calamba City- All levels (public at private)

Batangas province- All levels (public at private)

Rizal Province

Antipolo City- All levels (public at private)
San Mateo- All levels (public at private)
Morong- All levels (public at private)
Pililla- All levels (public at private)
Montalban- All levels (public at private)
Tanay- All levels (public at private)
Taytay- All levels (public at private)
Jalajala- All levels (public at private)
Binangonan- All levels (public at private)
Baras- All levels (public at private)
Cardona- All levels (public at private)
Angono- All levels (public at private)
Teresa- All levels (public at private)

Central Luzon

Bulacan

Meycauayan City- All levels (public at private)

Pampanga- All levels (public at private)

(Please refresh page for updates)

January 13, 2020 0 comment

INTERNATIONAL NEWS

Ekonomiya ng Iraq nanganganib bumagsak

written by DWIZ 882

Nanganganib bumagsak ang ekonomiya ng Iraq sakaling ituloy ni U.S. President Donald Trump ang banta nitong harangan ang access ng Iraq sa federal reserve bank sa New York City.

Ang banta ni Trump ay bunga ng boto ng Iraqi parliament na palayasin na sa kanilang bansa ang lahat ng dayuhang puwersa kabilang ang mahigit sa 5,000 sundalong Amerikano na tumulong mapalaya sa mga Jihadists noong 2014.

Ayon sa Iraq, nakasalalay sa kanilang pondo sa federal reserve bank ang pang araw-araw na aktibidad ng kanilang bansa.

Matatandaan na noong tanggalin ng UN security council ang lahat ng global sanctions na ipinataw sa Iraq nang giyerahin ni Saddam Hussein ang Kuwait lahat ng kita sa langis ng naturang bansa ay idinidiretso sa federal reserve bank.

90% ng budget ng Iraq ay galing sa kita nila sa langis.

January 13, 2020 0 comment

SPORTS

New York Knicks wagi kontra Miami Heat sa score na 124-121

written by DWIZ 882

Bumangon mula sa 14 point deficit ang New York Knicks upang padapain ang Miami Heat, 124-121 sa pagpapatuloy ng 74th season ng NBA.

94-84 ang score pabor sa Heat nang pumasok ang 4th quarter at nagsimulang bumawi ang Knicks nang maka iskor sila ng sunod-sunod na anim na puntos sa unang 34 na segundo ng 4th quarter.

Sinelyuhan ng free throw ni Taj Gibson ang panalo ng Knicks sa huling 1:38 ng laro.

January 13, 2020 0 comment

NATIONAL NEWS

Kumakalat na mensahe hinggil sa umano’y pagguho ng MOA pinabulaanan

written by DWIZ 882

Mariing pinabulaanan ng pamunuuan ng isang mall sa Pasay City ang kumakalat na message hinggil sa napipintong pagguho umano nito kasunod pagputok ng Bulkang Taal.

Sa ipinalabas na pahayag ng SM Mall of Asia, kanilang iginiit na suportado ng tambak na kongkreto ang gusali ng mall na umaabot hanggang bedrock o solidong deposito ng lupa sa ilalim ng katubigan.

Kanila ring tiniyak na mahigpit nilang ipinatutupad ang regular na pagsusuri sa gusali ng Mall of Asia para sa kaligtasan ng kanilang mga customers, empleyado at mga tenants.

Una rito, kumalat ang mensahe kung saan ipinaiiwas ang publiko sa pagtungo sa Mall of Asia bunsod umano ng nasirang pundasyon nito na sinasabing dahilan ng pagpasok ng tubig dagat sa ilalim ng gusali.

Nakatayo ang Mall of Asia na itinuturing bilang isa sa pinakamalaking mall sa bansa sa Macapagal, Pasay City na bahagi ng reclaimed area ng Manila Bay.

January 13, 2020 0 comment

NATIONAL NEWS

Mga pulis hinimok na makibahagi sa pagbibigay tulong sa mga apektado ng Bulkang Taal

written by DWIZ 882

Hinimok ni Philippine National Police (PNP) Officer In Charge Lt. General Archie Gamboa ang lahat ng mga pulis na makibahagi sa pagbibigay ng tulong sa mga apektado ng pag-aalburuto ng bulkang Taal.

Ayon kay Gamboa, kanyang pinaki-usapan ang mga pulis na magbigay ng tig sampung boluntaryong kontribusyon para makakalap ng pondo na ipagkakaloob bilang tulong sa mga evacuees.

Hinikayat naman ni Gamboa ang mga matataas na opisyal ng PNP na magdonate ng mas malaking halaga.

Sinabi ni Gamboa, oras makumpleto na nila ang kontribusyon ng bawat pulis, agad silang makikipag-ugnayan sa mga pamahalaang lokal sa Calabarzon para madala ang mga kinakailangang tulong ng mga residente doon. — ulat mula kay Jaymark Dagala (Patrol 9)

January 13, 2020 0 comment

Newer Posts

Older Posts