DWIZ 882

Aminado ang Philippine Navy na kulang ang kakayahan nilang protektahan ang mga teritoryo ng Pilipinas sa karagatan.

Inihalimbawa ni Philippine Navy Chief, Vice Admiral Robert Empedrad, ang anya’y namomonitor nilang poachers na galing ng Vietnam at iba pang mga bansa sa Southeast Asia.

Ayon kay Empedrad, bilyon-bilyong pisong halaga ng isda ang nawawala sa mga mangingisdang Pilipino dahil hindi nila kayang itaboy ang napakaraming poachers.

Subalit kung sapat lamang sana anya ang barko ng Philippine Navy ay kaya nilang habulin at pananagutin ang mga nangunguha ng isda sa teritoryo ng Pilipinas.

Empedrad wala pang alok na gov’t position

Wala pang alok na puwesto sa gobyerno kay Flag officer-in-command Vice Admiral Robert Empedrad pagkatapos nitong magretiro sa February 3.

Ayon ito kay Empedrad bagamat handa pa rin siyang maglingkod sa ilalim ng Duterte administration sakaling alukin ng puwesto.

Sinabi ni Empedrad na handa siyang tulungan ang Pangulong Rodrigo Duterte dahil naniniwala siya sa tamang direksyon ng pamamahala na tinatahak nito. —sa panulat ni Judith Estrada-Larino

Nanindigan si dating senador Antonio Trillanes na hindi nya naging abogado si Atty. Jude Sabio –ang umurong na complainant sa kaso laban kay Pangulong Rodrigo Duterte sa International Criminal Court (ICC).

Aminado si Trillanes na nagkaroon ng pagkakataon na binigyan nya ng allowance si Sabio na mula P75,000 hanggang P100,000 subalit hindi na nya ito kinayang i-maintain matapos ang termino nya bilang senador.

Ito anya ay bilang tulong lamang nya kay Sabio subalit hindi bilang bayad sa pagiging abogado nito.

Malabo rin anya ang sinisingil sa kanya ni Sabio na legal fees para sa pag-aabogado kay Edgar Matobato, isa sa mga nangumpisal na miyembro ng Davao Death Squad dahil hindi naman sya ang kumuha sa serbisyo nito.

Binalaan ni Trillanes si Sabio na hindi sya mangingiming kasuhan ito kung magpapatuloy ito sa pagpapakalat ng mga kasiraan laban sa kanya.

Kumbinsido si Trillanes na ang mga problema ni Sabio sa pera ang dahilan kaya’t nakuha sya ng administrasyon at binawi ang reklamo nya sa ICC laban sa pangulo.

Malinaw naman anya na si Atty. Larry Gadon, na kilalang supporter ng administrasyon, ang kasama ni Sabio nang iurong nya ang kaso sa ICC.

Patay ang anim katao matapos sumiklab ang sunog sa Yuseco Street, Tondo, Maynila.

Kabilang sa mga nasawi ang dalawang bata kasama ang kanilang nanay na nakulong sa kanilang tahanan.

Ayon sa Bureau of Fire Protection (BFP), may anim katao rin silang naitalang sugatan samantalang 40 pamilya ang nawalan ng tirahan.

Dakong alas-3 ng madaling araw nang sumiklab ang sunog sa bahay ng isang kinilalang si Evangeline Lutero at nadamay ang kahilera nitong mga bahay.

Inabot ng ikatlong alarma ang sunog at nakontrol lamang ito makalipas ang isang oras.

Hindi na sisingilin pa ng overstaying fees ng Bureau of Immigration ang mga dayuhang apektado ng mga kanseladong flight dahil sa pag-aalburoto ng bulkang Taal.

Ayon kay Immigration commissioner Jaime Morente, isang natural calamity aniya ang dahilan kung bakit maraming flight ang nakansela kung saan apektado ang maraming dayuhan na nasa bansa.

Ani Morente, hindi inaasahan ang mga ganitong pangyayari at wala rin naman umanong may gustong maranasan ito.

Kasabay nito nilinaw ni Port Operations Division chief Grifton Medina, na tanging ang mga pasaherong apektado ng kanselasyon ng flight dahil sa bulkang Taal ang exempted sa pagbabayad ng multa.

Mangyari lang aniyang iprisinta ang boarding pass, outbound ticket na may petsang January 12 o 13, at canceled immigration departure stamp na may kaparehas na nabanggit na petsa.

Pinaghahanda ng Department of Interior and Local Government (DILG) ang National Capital Region (NCR) sa posibleng pagdagsa ng mga evacuees mula sa Region 4-A.

Ito’y sa gitna ng patuloy na pag-aalburoto ng bulkang Taal.

Ayon kay DILG Secretary Eduardo Año, dapat ay magpulong na ang mga barangay officials para mapaghandaan ang pagtanggap sa mga lilikas mula sa mga apektadong lugar ng pagputok ng bulkang Taal.

Nakipag ugnayan na rin aniya ang DILG sa mga Metro Manila LGUs para sa gagamiting sasakyan, breathing apparatus, at water purifiers para sa gagawing paglikas.

Sa ngayon umano ay mahigpit niyang tinututukan ang presensya ng mga lokal na opisyal partikular ng mga alkalde at gobernador sa mga apektadong lugar.

Inilabas na ng Phivolcs ang listahan ng mga barangay na nanganganib oras na magsagawa ng magmatic eruption ang bulkang Taal.

Posibleng maapektuhan ang mga ito ng ‘base surge’ o ang mabilis na daloy ng mga debris mula sa bulkan na may kasamang mainit na steam.

Isa itong uri ng pyroclastic surge na madalas nabubuo mula sa interaksyon ng magma at tubig.

Ilan sa mga lugar na ito ay mula sa mga bayan sa Batangas at Cavite: