DWIZ 882

Hiniling ng pamahalaan ng Hong Kong sa Pilipinas na payagan nang makabalik ang doon ang mga nakabakasyong OFW’s dito sa Pilipinas.

Ayon kay Philippine Consul General Raly Tejada, mismong si Labor Minister Law Chi-Kwong ang nagpaabot sa kanya ng naturang kahilingan.

Tiniyak aniya ni Law na ginagawa nila ang lahat upang mapigilan ang pagkalat ng novel coronavirus sa Hong Kong.

Batay sa datos, nasa 300 OFW’s ang dapat sanay pabalik na ng Hong Kong subalit inabutan ng travel ban sa China, Hong Kong at Macau.

Puspusan na ang pagtunton ng PNP CIDG sa mga nakasakay sa eroplano ng magkasintahang nagpositibo sa novel coronavirus acute respiratory disease (2019-nCoV ARD) kung saan isa dito ang nasawi.

Ayon kay Brigadier General Joel Coronel, hepe ng PNP CIDG hawak na nila ang manipesto ng mga eroplanong nasakyan ng magkasintahang Chinese national.

Sinabi ni Coronel na susubukan nilang tuntunin ang mga pasahero sa loob ng dalawang araw.

Mahigit sa 200 katao na ang nasuri ng Department of Health (DOH) sa contact tracing na isinagawa matapos magkaroon ng positibong kaso ng novel coronavirus acute respiratory disease (2019-nCoV ARD) sa bansa.

Ayon kay Health Usec. Eric Domingo, spokesman ng DOH, 180 rito ang walang naramdamang sintomas subalit naka-home quarantine na.

15 naman anya ang nakitaan ng sintomas at 14 dito ang na isolate o nahiwalay na sa karamihan.

Humingi ng tulong si Domingo sa mga local government units upang matunton ang isa pa na nakitaan ng sintomas.

Nanawagan si Domingo sa mga sakay ng Cebu Pacific flight 5J241 mula Hong Kong hanggang Cebu noong January 20 at 21 Cebu Pacific DG6519 mula Cebu hanggang Dumaguete noong January 21 at pal flight PR 2542 mula Dumaguete hanggang Manila noong January 25 na ibigay ang kanilang kooperasyon sa mga tiga DOH na makikipag-ugnayan sa kanila para sa kaukulang pagsusuri.

Ang mga nasabing flights ang sinakyan ng mag kasintahang nagpositibo sa 2019-nCoV ARD kung saan isa sa kanila ang namatay.

The DOH is currently working with other concerned agencies to expedite the contact tracing process, we are now working with PNP and other government agencies inclding the LGU’s to help expedite our contact tracing,” ani Domingo.

Aprubado na ni Pangulong Rodrigo Duterte na ilipat sa mga biktima ng pagsabog ng Taal Volcano ang pabahay na para sana sa mga pulis.

Ayon kay Presidential Spokesman Salvador Panelo, batay ito sa kahilingan ng department of human settlements and urban development.

Ang mga housing units na nasa Batangas, Laguna, Cavite at Quezon ay ilalaan sa may 5,000 pamilya na naninirahan sa may 7-kilometer radius ng Taal Volcano.

Matatandaan na batay sa anunsyo ng PHIVOLCS, tiyak na napakaliit ng tyansa na may makaligtas sa mga naninirahan sa Volcano Island sakaling pumutok muli ang Bulkang Taal. — ulat mula kay Jopel Pelenio (Patrol 17)

Umaabot na sa 133 ang patients under investigation (PUI) dahil sa novel coronavirus acute respiratory disease (2019-nCoV ARD).

Ayon kay Health Undersecretary Eric Domingo, 113 dito ang naka confine ngayon sa ospital samantalang 16 na ang pinauwi.

Sa hanay ng mga PUI’s, 63 ang Pilipino samantalang 54 ang Chinese nationals.

Tiniyak ng Department of Health (DOH) na wala pang human to human transmission ng novel coronavirus acute respiratory disease (2019-nCoV ARD) sa bansa.

Ayon kay Health Undersecretary Eric Domingo, spokesman ng DOH, dala-dala na ng mga pasyente ang virus pagpasok nila sa Pilipinas.

Matatandaan na pawang Chinese nationals ang tatlong nagpositibo sa 2019-nCoV ARD sa bansa kabilang ang isa na sumakabilang buhay na.

In the Philippines, all the cases for now are still imported, wala pa tayong human to human transmission here and we are very happy and the declaration of the President right now to ban temporarily all flights coming from China kasi atleast ang binabantayan natin lahat ngayon ay yung mga dumating before Sunday at walang nadadagdag previously,” ani Domingo.

Kinumpirma na ng Department of Health (DOH) ang ikatlong positibong kaso ng novel coronavirus acute respiratory disease (2019-nCoV ARD) sa bansa.

Ayon kay Health Undersecretary Eric Domingo, spokesman ng DOH, ang pasyente ay isang 60 taong gulang na Chinese national na dumating sa Cebu via Hong Kong.

Mula sa airport ay dumiretso agad ang Chinese sa Bohol at na-ospital noong January 22 dahil sa ubo at sipon.

Sinabi ni Domingo na dalawang beses kinunan ng sample ang pasyente para sa confirmatory test isa noong January 23 at isa pa noong January 24.

Ipinadala aniya sa Australia ang sample na kinuha ng January 24 samantalang sa RITM naman napunta ang sample noong January 23.

Nagnegatibo ang sample na ipinadala sa Australia kaya’t nakauwi na ng China ang pasyente noong January 31.

Gayunman, sinabi ni Domingo na nito lamang February 3, lumabas ang pagsusuri ng RITM sa unang sample at lumabas na positibo ang Chinese sa 2019-nCoV ARD

After na matapos na nila kasi lahat ng test dito they decided also to run all of the old samples that they have and one of her samples from January 23, this is an earlier sample so, apparently ito yung naging positive but the picture is the patient was infected but was getting better and nag-negative na siya on the 24 and the week later siya na-discharge, negative,” ani Domingo. — ulat mula kay Aya Yupangco (Patrol 5)