DWIZ 882

Nais ipa-review ni Sen. Nancy Binay ang mga polisiyang ipinatutupad sa pagbibigay ng visa sa mga Chinese national na nais pumasok sa Pilipinas.

Ayon kay Binay, chair ng senate tourism committee, dapat itong mapag-aralan muli dahil sa tila aniya dumaraming prostitution den kung saan sangkot ang mga Chinese national na babae gayundin ang mga parokyano nito.

Naging banta rin aniya ang pagpasok ng maraming Chinese sa Pilipinas sa pagpasok din ng novel coronavirus acute respiratory disease (2019-nCoV ARD) sa bansa.

Layon ng resolution no. 309 na inihain ni Binay na tingnan kung ang polisiyang ipinatutupad sa pagbibigay ng visa sa mga Chinese national ay hindi makakaapekto o makakasama sa kalusugan ng sinomang mamamayan ng bansa.

Kailangan din aniyang matiyak na hindi magiging daan ang pagpasok nila sa bansa para mas lalo pang lumaganap ang sex trafficking at prostitusyon sa Pilipinas.

Inirekomenda ng 17 senador na palitan ang burukrasya ng Bureau of Corrections (BuCor).

Sa report ng senate blue ribbon committee, inilarawan ang BuCor na tinatauhan ng mga bulok at tiwaling opisyal at mga tauhan mula sa itaas hanggang sa pinakababa.

Hindi umano sapat na kasuhan lamang ang mga nakitaan ng ebidensya tulad ng naging rekomendasyon nila kay dating BuCor Chief Nicanor Faeldon para malinis ang BuCor.

Maliban kay Faeldon, inirekomenda rin ng panel ang pagsasampa ng direct bribery at kasong administratibo laban sa tatlong opisyal ng BuCor at tatlong opisyal ng New Bilibid Prison.

Ang mga ito ay sina BuCor chief of documents and record section Ramoncito Roque, BuCor Senior Inspector Mabel Bansil, BuCor Corrections Officer Veronica Buno, Director Ernesto Tamayo ng New Bilibid Prison Hospital Directorate for Health Services, Dr. Ursicio Cenas , medical officer ng NBP hospital at nursing attendant Meryl Benitez.

Ibinasura ng Pangulong Rodrigo Duterte ang panukala payagan nang makabalik sa kanilang trabaho ang mga OFW’s na pabalik na sana sa China, Hong Kong at Macau.

Ayon kay Cabinet Secretary Karlo Nograles, binanggit ni Foreign Affairs Secretary Teddy Boy Locsin sa Pangulo ang pagbibigay katiyakan ng Chinese government na bibigyan nila ng proteksyon ang mga dayuhan nilang manggagawa.

Safety and health was the primary consideration but it hasn’t been stated publicly yet, it was just a private exchange kasi when you say you guarantee it, what does that mean? How can you guarantee it?,” ani Nograles.

Inilalatag na ang daraanang proseso ng mga Pilipinong magmumula sa Wuhan China, ang pinakasentro ng outbreak ng novel coronavirus acute respiratory disease (2019-nCoV ARD).

Ayon kay Health Undersecretary Eric Domingo, spokesman ng DOH, magkakaroon ng special arrangements kung saan hindi daraan sa regular na quarantine at immigration areas ng airport ang mga magbabalik na Pilipino upang hindi mahalo sa ibang pasahero.

Sinabi ni Domingo na sa ngayon ay nakikipag-ugnayan na ang Department of Foreign Affairs (DFA) sa pamahalaan ng China para sa landing at take-off permission dahil sa umiiral na lockdown.

Kasama sa eroplano na susundo sa mga Pilipino ang mga tauhan ng DOH para magsagawa ng pagsusuri bago lumipad pabalik ng bansa.

Pagdating sa Pilipinas, magsasagawa rin ng sariling pagsusuri ang Bureau of Quarantine.

Ang mga Pilipinong walang sintomas ay dadalhin sa isang isolated building sa Fort Magsaysay sa Nueva Ecija para sa 14 na araw na quarantine.

Samantala, ididiretso naman sa ospital ang mga makikitaan ng sintomas ng 2019-nCoV ARD.

Lumakas pa ang puwersa ng National Unity Party (NUP) sa mababang kapulungan ng kongreso.

Umabot na sa 61 ang miyembro ng NUP sa Kamara matapos na lumipat sa kanila ang apat na miyembro ng ruling party na PDP-Laban na ngayon ay may 66 na miyembro na lamang sa Kamara.

Ang mga lumipat sa NUP ay sina Deputy Speakers Neptali Gonzales ll at Dan Fernandez, La Union second district Cong. Sandra Eriguel at Cagayan De Oro first district Cong. Rolando Uy.

Dahil dito, muling lumutang ang mga ispekulasyon sa impact ng lumalakas na puwersa ng NUP sa house speakership.

Itintuturing kasi ng NUP si Davao City first district representative Paolo Duterte bilang honorary member.