Sinimulan na ang pagtatayo ng bagong gusali ng Senado sa Fort Bonifacio sa Taguig City.
Pinangunahan ni Senate President Vicente Sotto III ang concrete pouring ceremony para sa P8.9-bilyong halagang proyekto.
Ang nasabing seremonya ay tanda bilang pagsisimula ng konstruksyon ng bagong gusali ng Senado na inaasahang matatapos sa ika-21 ng Hulyo, taong 2021.
Sa kasalukuyan ay nangungupahan ang Senado sa government service insurance system headquarters sa Pasay City.
Pumanaw na ang Chinese doctor na unang nagsiwalat tungkol sa bagong ‘SARS-like’ disease na ngayo’y tinawag na 2019 novel coronavirus acute respiratory disease (2019 nCoV-ARD).
Namatay si Dr. Li Wenliang matapos dapuan rin ng coronavirus.
Ika-12 ng Enero nang itakbo sa pagamutan si Wenliang nang mahawaan ito ng kaniyang pasyenteng positibo sa nasabing sakit.
Kinumpirma naman ng World Health Organization ang pagkasawi ng doktor.
Itinanggi ng pamahalaan ng Dubai na isang Filipina domestic helper sa kanilang bansa ang nasawi sa 2019 novel coronavirus acute respiratory disease (2019 nCoV-ARD).
Ayon sa Facebook post ng Dubai government media office, lumabas sa pagsusuri na mayroong respiratory infection ang OFW, subalit wala itong coronavirus.
Una rito, mismong si Labor Secretary Silvestre Bello III ang nagpahayag na isang OFW sa Dubai ang nasawi sa coronavirus noong February 2.
Gayunman, hindi naging malinaw kung ang tinutukoy na coronavirus ni Bello ay ang Middle East respiratory syndrome coronavirus (MERS-CoV) na galing Middle East o 2019 nCoV-ARD na galing ng China.
Nakatakdang serbisyuhan ng Philippine Airlines (PAL) ang mga na-stranded na pasahero sa Mainland, China dahil sa 2019 novel coronavirus acute respiratory disease (2019 nCoV-ARD).
Ayon sa PAL, magtutungo sa Xiamen, China ang kanilang Airbus A321 sa Lunes, February 10 ng alas-7 ng umaga, para maghatid ng pasahero at babalik rin agad ng Pilipinas –pasado alas-11 ng umaga.
Tiniyak ng PAL na pawang mga dayuhan ang sakay nila sa biyaheng Manila-Xiamen, samantalang pawang mga Pinoy naman ang sakay nila sa kanilang Xiamen-Manila flight.
Ipinaalala ng PAL na ang kailangang mayroong cancelled PAL ticket patungo ng China, Macau o Hong Kong ang sinumang nais na sumakay sa kanilang flight patungo ng Xiamen.
Ipinapa-patay na ang lahat ng baboy sa Davao Occidental.
Ipinag utos ito ni Governor Claude Bautista matapos magdeklara ng State of Calamity dahil sa pagkalat ng African Swine Flu (ASF).
Layon nito na hindi na kumalat pa at makalabas pa ng Davao Occidental ang ASF.
Tinatayang nasa 1,000 baboy sa buong lalawigan ang nakatakdang isalang sa de-population.
Sa tulong ng militar, inaasahang matatapos ang de-population ng mga baboy sa susunod na dalawang linggo.
Ang mga baboy ay ibabaon sa lupa na malayo sa komunidad, sapa, at ilog.
Makakatanggap naman ng P5,000 ayuda ang mga hog raisers sa kada baboy.
Niyanig ng magnitude 6.4 na lindol ang Jose Abad Santos sa Davao Occidental ngayong Huwebes ng gabi, Pebrero 6, dakong 9:40 p.m.
Naitala ang epicenter ng lindol sa layong 85 kilometers timog silangan ng Jose Abad Santos at may lalim itong 47 kilometers.
Ayon sa Phivolcs, tectonic ang origin ng lindol.
Naramdaman ang pagyanig sa mga sumusunod:
Instrumental Intensities
Inaasahan ng Phivolcs ang aftershocks kasunod ng nangyaring pagyanig.
Naghigpit na rin ang Malakanyang sa mga pumapasok na bisita sa Malakanyang dahil sa 2019 novel coronavirus (nCoV).
Ayon sa Presidential Security Group, kailangan nang mag fill-up ng health declaration form ang lahat ng pumapasok sa Malakanyang.
Sakop ng kautusan ang mga miyembro ng Malacañang Press Corps, cabinet secretaries, security detail ni Pangulong Rodrigo Duterte, at iba pang bisita.
Maliban sa mga personal na impormasyon, tinatanong rin sa form kung bumisita, nagtrabaho o nag transit sa ibang bansa sa nakalipas na 14 na araw at kung nagkaruon ito ng ubo, sipon , lagnat, o sore throat.
Nangangamba ang mga negosyanteng Chinese sa bansa na maka apekto sa ekonomiya ang 2019 novel coronavirus (nCoV) kapag nagtagal pa ang krisis na ito.
Ayon kay Dr. Henry Lim Bon Leong, pangulo ng Federation of Filipino Chinese Chamber of Commerce and Industry Incorporated, tiyak na magdudulot ng negatibong epekto sa ekonomiya ng bansa ang nCoV kapag nagtagal ito ng higit sa apat na buwan.
Umaasa si Leong na makokontrol at mawawala ang krisis sa nCoV sa susunod na dalawang buwan upang hindi aniya maapektuhan ang ekonomiya lalo na ang sektor ng turismo.
Kumpiyansa si Leong na basta’t hindi magtatagal ang nCoV, mananatiling matatag ang economic growth ng Pilipinas mula sa 6.5% hanggang 7.5% ngayong 2020.
Umabot na sa 178 ang patients under investigation (PUI) para sa 2019 novel coronavirus.
Ayon kay Health Secretary Francisco Duque III, tatlo sa mga ito ang nag positibo tulad ng naunang napaulat, 48 ang nag negatibo, samantalang hindi pa lumalabas ang resulta para sa 127 na iba pa.
Sa naturang bilang nasa 147 anya ang naka isolate sa mga ospital, pinalabas naman ang 16 subalit mahigpit pa rin ang monitoring, samantalang ayaw naman magpa confine ng 10 iba pa.
Dahil dito, sinabi ni Duque na nakikipag ugnayan na sila sa Philippine National Police (PNP) upang pilitin ang 10 PUI’s na magpa admit sa ospital.
45 OFW’s na mula sa Wuhan, Hubei, China ang gusto nang umuwi ng bansa.
Ayon kay Foreign Affairs Undersecretary Dodo Dulay, mayroon na silang team sa Wuhan na naghahanda para sa repatriation ng mga OFW’s.
Sinabi ni Dulay na sasailalim muna sa pagsusuri ang mga OFW’s at kung sino man ang makitaan ng sintomas ay hindi isasama sa repatriation bagkus ay ididiretso sa isang ospital sa China.
Posible anyang sa February 9, araw ng Linggo, dumating sa bansa ang mga OFW’s.