Author

DWIZ 882

Panukalang batas para hatiin sa 4 ang 1 barangay sa SJDM, Bulacan inihain sa Kamara

Isinusulong ngayon sa Kamara De Representantes ang isang panukala na naglalayong hatiin sa apat ang barangay Muzon sa San Jose Del Monte City sa Bulacan.

Ayon kay San Jose Del Monte City Lone Rep. Florida “Rida” Robes na siyang may-akda ng panukala, layunin aniya nito na palawakin pa ang serbisyo at good governance sa kanilang nasasakupan.

Sa ilalim ng house bill 2379 ni Robes, hahatiin sa apat ang barangay Muzon at papangalanang Muzon Proper, Muzon, South, Muzon East at Muzon West.

Kasunod nito, magsasagawa naman ng survey ang grupong Pinoy Aksyon PH para makuha ang pulso ng mga residente ng barangay Muzon hinggil sa nasabing panukala.

March 8, 2020 0 comment

RONDA PROBINSYA

Pulis sa Bulacan arestado matapos gawing driver ng police mobile ang isang preso

written by DWIZ 882

Arestado ng mga tauhan ng PNP Integrity Monitoring and Enforcement Group (IMEG) ang isang pulis sa Norzagaray sa Bulacan kahapon.

Ito’y makaraang mabisto ng IMEG na ginagawang driver ng police mobile ang isa sa mga detainee nito.

Kinilala ni PNP IMEG Chief P/Col. Ronald Lee ang pulis na si P/Capt. Wilfredo Dizon Jr, Deputy Chief of Police ng Norzagaray Municipal Police Station.

Ayon kay Lee, naaresto nila si Dizon habang sakay ng police mobile sa harap mismo ng presinto kasama ang detainee na kinilalang si Resty Cabacang.

Nabatid na kabilang din si Dizon sa 10 tauhan ng San Rafael Municipal Police Station na kinasuhan ng kidnapping at robbery sa Department of Justice noong 2018.

Dahil dito, inirekumenda ng IMEG kay Police Regional Office 3 Director P/Bgen. Rhodel Sermonia ang pagsasampa ng kasong grave misconduct laban kay Dizon.

March 8, 2020 0 comment

NATIONAL NEWS RONDA PROBINSYA

Panukalang hatiin sa 4 ang Barangay Muzon, San Jose del Monte City sa Bulacan, isinusulong sa Kamara – Rep. Rida Robes

written by DWIZ 882

Inihain na sa Kamara de Representantes ang panukalang batas na nagsusulong na hatiin sa apat na distrito ang Barangay Muzon sa San Jose del Monte City, lalawigan ng Bulacan.

Sa ilalim ng House Bill No. 2379 ni San Jose del Monte City lone District Rep. Florida “Rida” Robes, layon nitong mapalawak ang ibinibigay na serbisyo ng lokal na pamahalaan gayundin ang good governance sa kanilang nasasakupan

Ang hakbang na ito ay magbibigay daan sa mas mabuting pamamahala at mas marami pang benepisyo sa ekonomiya ng SJDM,” sabi ni Congresswoman Robes. “Mas mapapadali ang pangangasiwa ng kada barangay sa paghahati na ito. Madadagdagan din ang mga local leaders na mabibigyan ng pagkakataon na magsilbi sa SJDM,” ani Robes.

Sakaling maging ganap na batas, hahatiin ang Barangay Muzon sa apat at papangalanang Barangay Muzon Proper, Barangay Muzon East, Barangay Muzon West, at Barangay Muzon South.

Kaugnay nito, ikinatuwa naman ng grupong Pinoy Aksyon PH ang inihaing panukala ni Rep. Robes.

Ayon kay Em Ross Guangco, makatitiyak aniya ang mga residente ng SJDM sa maayos na pamamahala sa Pamahalaan.

Bilang mga mamamayan, may tungkulin tayo na ipaalam sa mga opisyal ng gobyerno kung ano ang ating mga saloobin. Masuwerte kami sa pagkakataong ito dahil pinakinggan kami ni Congresswoman Robes at sang-ayon s’ya sa paghahati sa Barangay Muzon. Iisa ang layunin natin — ang kabuuang pag-alagwa ng ekonomiya ng San Jose del Monte,” ani Guangco.

Sagot naman ni Rep. Robes:

Kinagagalak ko na may mga grupo ng mga mamamayan sa SJDM na handang makipagtulungan sa LGUs para sa ikauunlad ng lahat. Ito ang kultura ng pagmamalasakit na gusto kong magpatuloy sa SJDM. Mas mapapadali ang misyon namin na gawing isang world-class na siyudad ang SJDM kung saan pinapalakas ang karapatan ng mga mamamayan na magkaroon ng boses sa pamamahala ng lungsod. Walang impossible kung sama-sama kaming iaaangat ang SJDM,” ani Robes.

Magsasagawa din ng survey ang grupong Pinoy Aksyon PH para makuha ang ang pulso ng mga residente ng Barangay Muzon.

March 8, 2020 0 comment

RONDA PROBINSYA

Isang pulis arestado matapos maaktuhang tumataya sa sabong

written by DWIZ 882

Isa na namang pulis ang nakalaboso matapos mahuli sa akto na tumataya sa sabong sa bayan ng Tayug, lalawigan ng Pangasinan kahapon ng umaga.

Kinilala ni PNP Integrity Monitoring And Enforcement Group (IMEG) Chief Col. Ronald Lee ang pulis na si Staff Sgt. Sherwin Salazar na nakatalaga sa Pangasinan Provincial Police Office.

Maliban kay Salazar, arestado rin ang dalawang sibilyang kasama nito na kinilalang sina Fiddie Rosario na tumatayong sentinsyador at Florendo Mando na siya namang casador ng sabungan.

Paglilinaw ni Lee, pinapayagan lamang ang paglalaro ng mga lehitimong sabong tuwing araw ng linggo, legal holidays at mga fiesta sa kabayanan na hindi lalagpas sa tatlong araw batay sa itinatakda ng presidential decree 499.

Gayunman, ibang usapan din aniya kung mismong pulis na ang tumataya sa sabong dahil mahigpit ang atas ni PNP Chief P/Gen. Archie Gamboa na bawal sa anumang uri ng sugalan ang mga pulis maging ito man ay ligal at lalo na sa mga iligal.

Kasunod nito, iniimbestigahan ng IMEG kung may iba pang mga pulis na sangkot din sa operasyon ng iligal na sugal sa Tayug at mga karatig bayan nito sa Pangasinan.

March 8, 2020 0 comment

HEADLINES NATIONAL NEWS

Ilang Senador hindi na dadalo sa IPU sa Switzerland

written by DWIZ 882

Hindi na dadalo ang ilang mga Senador sa Inter-Parliamentary Union (IPU) assembly sa Switzerland na nakatakda sa susunod na buwan.

Kabilang sa mga nagpahayag na ng hindi pagdalo sina Senate President Vicente ‘Tito’ Sotto III, Sen. Franklin Drilon, Panfilo Lacson at Joel Villanueva.

Nagkaisa ang mga senador na huwag nang tumuloy bilang bahagi na rin ng pag-iingat lalo’t mabilis kumalat ang 2019 coronavirus disease (COVID-19) sa Europa.

Tinataya kasing libu-libong parliamentarians kasama ang kanilang mga staff ang dadalo sa pagtitipon kung walang banta ng coronavirus.

Nangangamba kasi si Sotto kung dadalo siya sa pagpupulong gayung mabilis ang pagkalat ng virus sa nasabing kontinente.

Ako’y nagpasabi na ‘wag na muna, meron na din sa Europe ang dami pa nga, ang bumilis kumalat sa Europe atleast ang mga Pilipino alam mo na, kahit saang lugar sa Pilipinas araw-araw ang Pilipino naliligo. Yung iba kasi medyo ayaw na baka okay na din yun sapagkat kahit dito sa atin din medyo nag-iiwas bumiyahe yung mga tao, mabuti na din yun para hindi na masyadong nag-aalala tayo na baka kumalat,” ani Sotto.

March 8, 2020 0 comment

NATIONAL NEWS

MRT may libreng sakay sa kababaihan ngayong Women’s Month

written by DWIZ 882

Hinikayat ng pamunuan ng Metro Rail Transit (MRT) line 3 ang lahat ng mga babae na samantalahin ang kanilang libreng sakay ngayong araw.

Ito’y bilang pagpupugay sa lahat ng mga babae kaalinsabay ng pagdiriwang ngayong International Women’s Day at National Women’s Month.

Nagsimula kaninang 7:00 hanggang 9:00 ng umaga ang unang balsada ng libreng sakay at mauulit naman ito dakong 5:00 mamayang hapon hanggang 7:00 ng gabi.

March 8, 2020 0 comment

HEADLINES NATIONAL NEWS

‘Public advisory’ ng Cardinal Santos Medical Center hinggil sa COVID-19 positive patient ‘unprofessional’ —Duque

written by DWIZ 882

Tinawag na ‘unprofessional’ ni Health Secretary Francisco Duque III ang ginawang hakbang ng Cardinal Santos Medical Center (CSMC) matapos magpalabas ng pahayag kaugnay sa pagkaka-admit sa kanilang pasilidad ng isang pasyenteng may coronavirus disease 2019 (COVID-19).

Ayon sa Department of Health (DOH), maaari kasi itong magresulta sa pagka-panic ng mga mamamayan, lalo na sa mga residente na malapit sa nasabing ospital.

Ayon pa kay Duque, unang nag request sakanila ang pamunuan ng ospital na huwag banggitin ang Cardinal Santos Medical Center sa mga impormasyon na ilalabas ng DOH na may kaugnayan sa COVID-19.

Labis itong ikinairita ni Duque matapos nilang i-respeto ang kahilingan ng nasabing ospital.

Pinayuhan naman ni Duque ang mga private firms na mauugnay sa kaso ng COVID-19 na mas mabuting makipag-ugnayan sakanilang ahensya bago gumawa ng kaparehong hakbang.

Huwebes ng magpalabas ang CSMC ng isang public advisory sa kanilang Facebook account na nagsasabing isang lalaking pasyente na may COVID-19 ang naka confine sa kanilang ospital bago pa ito nailipat sa Research Institute for Tropical Medicine (RITM).

March 7, 2020 0 comment

HEADLINES

#WalangPasok: Navotas at Cainta nagkansela ng klase dahil sa banta ng COVID-19

written by DWIZ 882

Kinansela na ng Navotas City ang klase sa lahat ng antas, public at private, sa Lunes, Marso 9, 2020, dahil sa banta ng coronavirus disease 2019 (COVID-19).

Sa isang Facebook post ni Navotas City Mayor Toby Tiangco, ipinanawagan pa nito sa Department of Education (DepEd) na isagawa ang ‘automatic passing’ sa lahat ng estudyante ngayong school year para makaiwas sa pagkalat ng COVID-19.

Samantala, nag anunsyo din ng #WalangPasok si Cainta Mayor Kit Nieto sa lahat ng antas sa Cainta mula ngayong Sabado, Marso 7, hanggang sa Martes, Marso 10.

Ayon kay Nieto, ito’y para magbigay daan sa pagbibigay ng karagadang face mask, vitamin C, at sanitizers sa lahat ng estudyante sa Cainta upang makaiwas sa COVID-19.

Nirekomenda din ng alkalde ang pagsusuot ng mask sa lahat ng mga public utility vehicles (PUVs) sa lugar kabilang ang mga jeepney at tricycle drivers.

Una nang nakapagtala ang Department of Health (DOH) ng unang kaso ng local trasmission ng COVID-19 sa Pilipinas matapos magpositbo ang mag-asawang Pilipino sa naturang virus kahit pa wala itong travel history abroad.

Sa ngayon, pumalo na sa 6 ang kumpirmadong kaso ng COVID-19 at nananatili sa isa ang bilang ng namatay dito.

March 7, 2020 0 comment

HEADLINES NATIONAL NEWS

NTC walang obligasyong magbigay ng provisional authority sa ABS-CBN — Guevarra

written by DWIZ 882

Walang obligasyon ang National Telecommunications Commission (NTC) sa ilalim ng batas para magbigay ng provisional authority sa TV network giant na ABS-CBN.

Ito’y ayon kay Justice Secretary Menardo Guevarra matapos padalhan ng resolusyon ng dalawang kapulungan ng Kongreso ang NTC para bigyan ng provisional authority ang ABS-CBN sa harap na rin ng pagtatapos ng prangkisa nito.

Ayon kay Guevarra, hindi maituturing na kautusan ang ipinadalang resolusyon ng kongreso para sundin ng NTC bilang isang regulating body dahil ang mananaig pa rin sa huli ay ang prangkisang ipinasa nito.

Ginawa ng kalihim ang pahayag bilang matapos maghain ng petisyon si Atty. Larry Gadon sa Korte Suprema na kumukuwesyon sa ibinigay na privisional authority sa ABS-CBN habang nakabinbin pa ang pagdinig sa prangkisa nito.

March 7, 2020 0 comment

HEADLINES NATIONAL NEWS

Ika-6 na kaso ng COVID-19 sa bansa naitala ng DOH

written by DWIZ 882

Naitala na ng Department of Health (DOH) ngayong Sabado ang ika-6 na kumpirmadong kaso ng coronavirus disease 2019 (COVID-19) sa bansa.

Ito’y matapos mag positibo sa naturang virus ang asawa ng 62-anyos na lalaking ika-5 na kaso ng COVID-19 sa Pilipinas.

Ayon kay Health Secretary Francisco Duque III, maituturing na ang mga ito na kaso ng local transmission.

Dahil dito, idineklara na ng DOH ngayong Sabado ang Code Red alert sa buong bansa.

Samantala, nananatili naman sa Research Institute for Tropical Medicine (RITM) ang mag-asawang nagpositibo sa COVID-19.

Patuloy naman na isinasagawa ng DOH ang contact-tracing sa mga nakasalamuha at mga lugar na napuntahan ng mag-asawa para maiwasan ang pagkalat ng virus.

March 7, 2020 0 comment

Newer Posts

Older Posts