DWIZ 882

Patuloy pa ring papayagan ang  delivery services sa panahon ng umiiral na enhance community quarantine sa buong luzon dahil sa coronavirus disease 2019 (COVID-19).

Batay ito sa ipinalabas na operational guidelines  ng ito ay batay sa ipinalabas na operational guidelines ng Inter-Agency Task Force for the Management of Emerging Infectious Disease.

Gayunman nilinaw ni IATF Spokesperson at Cabinet Secretary Karlo Nograles, limitado lamang ito sa pagdedeliver ng mga pangunahing pangangailangan tulad ng pagkain at gamot.

Una rito inanunsyo ng food delivery services company na Grab food  at Food Panda ang suspensiyon ng kanilang operasyon simula kahapon, Marso 17.

Alinsunod anila ito sa pagpapatupad ng enhanced community quarantine sa Luzon.

Nag-alok ng libreng shuttle service ang tanggapan ng Pangalawang Pangulo para sa mga manggagawa sa sektor ng pangkalusugan sa buong Metro Manila.

Ito ay sa gitna ng ipinatutupad na enhanced community quarantine sa buong luzon bilang bahagi ng hakbang para mapigilan ang pagkalat ng coronavirus disease 2019 (COVID-19) sa buong bansa.

Sa kanyang Facebook post, sinabi ni Vice President Leni Robredo na magsisimulang mag-pick up ng mga health workers ang libreng shuttle service ngayong araw Marso 18 tuwing 6:00 a.m. hanggang 11:00 a.m. ng umaga.

Ayon kay Robredo, meron itong anim na ruta kabilang ang Alabang-Magallanes patungong tayuman sa Maynila; EDSA Roxas Blvd. Patungong Quezon Avenue; SM Mall of Asia hanggang Sta. Lucia East Cainta; EDSA extension/ Macapagal Avenue hanggang Monumento LRT; SM Fairview patungong Lawton; at Balintawak LRT hanggang Heritage Hotel EDSA extension.

Aniya, kinakailangan lamang magpakita ng valid id makasakay habang ipatutupad ang ilang precautionary measures tulad ng temperature check, disinfection ng kamay, paglista sa logbook at social distancing.

Pinalawig ng 30 araw ng Manila Water ang due date sa pagbabayad ng kanilang mga customers.

Kasunod ito ng ipinatutupad na enhanced community quarantine sa buong luzon dahil sa banta ng coronavirus disease 2019 (COVID-19) sa Pilipinas.

Ayon kay Manila Water President at Chief Executive Officer Rene Almendras, sakop ng pinalawig na due date ang water billing na pasok sa quarantine period.

Tiniyak din ni Almendras na binibigyan nila ng halaga ang kalagayan ng kanilang mga customers kasabay ng paghimok na sundin ang panawagan ng pangulo na manatili lamang sa mga tahanan.

Tuloy-tuloy din aniya ang pagbibigay nila ng suplay ng tubig sa lahat ng kanilang mga customers maliban na lamang kung magkakaroon ng emergency repairs at mahahalagang maintenance activities.

Una nang nagpatupad ng katulad ng extended billing due date ang Maynilad at iba pang mga nagbibigay serbisyo tulad ng Meralco, PLDT, Smart, Globe, Skycable, Eastwest Bank, BPI at iba pa.

Tatlo pang Filipino ang nadagdag sa listahan ng mga nagpositibo sa coronavirus disease 2019 (COVID-19) sa Singapore.

Ayon sa Singapore Ministry of Health, ang isang Filipino na tinawag nilang case 256 ay isang 32 anyos na babae at walang travel history sa anumang bansang apektado ng COVID-19.

Gayunman iniuugnay si case 256 kay case 205 na isa ring pinay na unang nagpositibo sa nabanggit sa COVID-19 matapos magbakasyon sa Pilipinas noong Pebrero 27  hanggang Marso 6.

Kapwa naka-isolate na sina case 256 at 205 sa National Centre for Infectious Diseases.

Habang ang isa pang Filipino na tinawag na case 211 ay isang 35 anyos na babae at holder ng Singapore long term visit pass.

Wala rin itong travel history sa mga bansang apektado ng COVID-19 pero iniuugnay kay case 142 na isang lalaking Singaporean na konektado sa grupo ng mga kaso ng virus sa Singapore matapos dumalo sa isang dinner function.

Sa kabuuang, 11 na ang bilang ng mga Filipino sa Singapore na-nagpositibo sa COVID-19 kung saan sinabi ng Department of Health (DOH) na dalawa pa lamang sa mga ito ang nakarekober.

Hindi na papayagang tumanggap ng mga bagong booking accommodations ang lahat ng mga hotels at katulad na mga etablisyimento sa panahon ng enhanced community quarantine sa buong Luzon.

Ito ay batay sa ipinalabas na operational guidelines ng Inter-Agency Task Force (IATF) kaugnay sa enhanced community quarantine.

Ayon kay IATF Spokeperson at Cabinet Secretary Karlo Nograles, tanging ang mga hotels lamang na may kasalukuyang naka-book na dayuhang bisita ang maaari pang mag-operate.

Gayundin ang mga hotel na mayroong umiiral na long term lease sa kanilang mga bisita at mga naka-book na mga empleyado ng mga industriyang exempted sa ipinatutupad na strict home-quarantine.

Dagdag ni Nograles, hindi na pahihintulan ang patuloy na operasyon ng mga Philippine Offshore Gaming Operators (POGO) sa bansa.

Tinanggal na ng Inter-Agency Task Force (IATF) for the Management of Emerging Infectious Disease ang kanilang itinakdang 72 oras na deadline sa mga lilipad palabas ng Pilipinas.

Sa press briefing ng IATF, sinabi ni Cabinet Secretary Karlo Nograles na papayagan nang makaalis ng bansa ang lahat ng mga Overseas Filipino Workers (OFW)’s, balikbayan at mga dayuhan anumang araw sa panahon ng enhanced community quarantine mula sa anumang international aiport sa Luzon.

Ayon kay Nograles, kinakailangan lamang aniyang ipakita ang patunay ng pagbiyahe sa loob ng 24 oras habang iisang kaanak lamang ang maaaring maghatid sa kanila sa mga paliparan.

Binigyang diin naman kalihim na hindi kasama rito ang pagbiyahe ng mga Filipino patungo sa mga bansang may ipinatutupad na travel restrictions.

Samantala, inatasan naman ng IATF ang owwa na maglaan ng transport service para sa mga magbabalik bansang OFW’s mula sa anumang international aiport sa Luzon patungo sa kanilang destinasyon.

Bubuo ng sistema Department of Transporation (DOTr) para mabigyan ng point to point service ang lahat ng health at emergency frontline workers.

Ito ay batay sa ipinalabas na operational guidelines ng Inter-Agency Task Force (IATF) for the management of emerging infectious disease kaugnay ng ipinatutupad na enhanced community quarantine sa buong Luzon.

Ayon kay IATF Spokesperson at Cabinet secretary Karlo Nograles, katuwang ng DOTr sa pagbuo ng transport system para sa mga health workers ang mga Local Government Units(LGU)’s at Department of Helath (DOH).

Sinabi ni nograles, kabilang sa mga itinuturing na health and emergency frontline workers ang lahat ng mga pubic health workers kabilang ang mga kawani ng DOH, DOH-accredited hospitals at ospital sa ilalim ng mga LGU’s.

Gayundin ang mga private health workers tulad ng mga medical professionals, administrative staff at iba pang empleyado ng mga pribadong ospitals at manggagawa at volunteers ng Philippine Red Cross at World Health Organization (WHO).